1523 釗級廚房 (已結業)

咁啱要入元朗做嘢，當然要試吓💛小店la！我地3個人食😊，係網上search到有扒鋸，諗住試一試，點知有驚喜😋。先講下環境，舖頭的確係有d細，位置唔係太闊落，男士落嚟去會有些少逼夾，不過裏面嘅裝修感覺好溫馨，係黃燈既配合下，可以好舒服咁同朋友食嘢同埋傾偈，我自己就覺得氣氛好好👍🏻而食物方面，我地見佢推介$99 - 12oz 肉眼扒 同 $248二人餐，我哋兩男一女，仲擔心唔夠飽😂，仲叫多左個單骨雞翼🤣，落單嘅時候店員問我哋要幾成熟，我哋話要五成熟，其實係呢個時候都冇特別期望，因為喺出面食開通常五成熟嚟到都變七至八成熟，點知上菜果下，我直情嘩咗出嚟👀，冇諗過塊肉眼扒會咁大塊，有我兩隻手掌咁大🤲🏻，仲要2cm左右厚，切開嗰下直情有驚喜，堅係五成熟，食落去仲要好Juice🤤，$99蚊，性價比真係好高！個二人餐樣樣野都好大碟，有沙律，魚柳薯條同埋煙燻豬扒！嗰個魚柳真係炸到好鬆脆，而個豬扒口感適中，火候啱啱好💛。基本上我哋三個食到抱住個肚走😝，埋單都係每人130左右。真心性價比唔錯嘅小店西餐。

慢煮德國咸豬手💰$169😈我成日都記錯呢間餐廳名因為元朗國又係有間數字名既餐廳😂呢到真係超抵食平時同朋友仔一定會食佢個二人餐佢大概都係二百幾蚊就有沙律餐湯主食餐飲😛不過我地每次都一定會叫佢個慢煮德國咸豬手佢個豬生烤到好脆又唔會太濃啤酒味豬手都好Juicy肉質都好嫩而重點係佢個蜜糖芥末醬好好食甜甜地好夾個豬手

平日黃昏 兩人食呢間。第一次黎，環境空間唔算大，但格局幾得意，見到櫈度有各種動物圖案，擺設風格幾特別。而且玻璃外圍透光入黎 幾舒服。更重要呢間 係黃小店。牆上 童真既掛畫幾可愛，忍唔住周圍望欣賞。餐牌既價格 係幾抵食既。不過就係張枱細左少少，上菜有點兒逼。我地點左個肉眼扒同一個意粉都跟餐。餐係包左野飲、餐湯同蒜蓉包。湯上枱時，覺得好有趣、令人會心微笑。然後紅酒牛肋骨意粉黎到，真係好大份。牛肋骨有成8、9件，個味道OK。唔會太鹹，食完好夠飽。有幾粒車厘茄同沙律菜解膩，帶點清新。個扒黎到 哇左聲，咁大塊既！呢薯蓉同菜都OK，個扒就一般般，似唱k個時 k lunch食既質素，不過呢個價錢，「算係咁啦、接受到既、無得要求咁多」，可以話係重量不重質，無乜牛味。最尾無食曬。扒既醬汁同意粉既汁 食落係一樣既。整體來講係OK既，第一次食。每人$120幾左右，又唔係話太貴。

2021年5月21日(五)帶家姐來食西餐1.不可不吃慢煮德國咸豬手$169，可能慢煮得太耐，啲肉又梅又散好彩一個皮仲脆。2.售價$99.99美國12安士特選肉眼扒，仲衰過垃圾茶餐廳嘅扒出品，一送上枱就睇得出鬆肉粉扒，煎唔香，多筋，鬆肉粉味勁到刺喉，垃圾出品。3.炸物小食拼盤，雪藏貨炸熱，正常出品。4.西蘭花湯，似模似樣，不過調味不足。5.全場最好食係跟餐蒜蓉包。家姐話：咁難食點解仲咁多人幫襯我回答：比門口咁多人等位的現像，先至會有第一次光顧再或者咁講啦，每個人啲口味唔同！我哋接受唔到啫大把人鍾意食鬆肉粉醃製及烹調到軟淋淋嘅肉類。雖然天氣熱啫，舖頭內嘅氣溫同出邊街都差唔多，店舖內又熱又焗，隔離枱同職員講，點解冇開冷氣，佢話因為出邊天氣熱所以冷氣唔夠凍...職員話自己都好熱，但係睇唔到職員去解決冇冷氣既問題，又冇同食客講聲冷氣唔夠，如果知道冇冷氣應該唔會食，不斷出汗，唔飲凍飲都唔得今餐食得都好辛苦，又熱，張枱又細，食物碟又大，飲完杯水又唔主動加水，叫佢加上佢又等好耐，叫左4次職員，叫嘢食、加水、叫飲品、埋單，得埋單果次最快回應，其他都要三催四請先有反應

🥩 平價肉眼扒🥩 澳洲特選肉眼扒（12安士） $99Summer夏威夷薄餅 $79$99就可以食到12安士嘅牛扒真係好難搵到啦😵肉質非常軟冧😋唔會好似橡膠咁我哋叫咗五成熟佢真係做到五成熟嘅效果食落冇筋👍🏻牛扒配左一大堆薯蓉🥔仲有三片燒翠玉瓜🥒配上酸酸甜甜嘅紅酒黑椒汁🍷非常突出到牛肉嘅鮮味👍🏻加$20就可以配餐湯蒜蓉包同埋飲品🥣🍞🥤夏威夷pizza都非常足料🍍🥓可惜份量就比較細啲😥係食得飽但係$79咁嘅份量就覺得有啲貴🤔🤔店舖非常細小座位都有點兒狹窄

元朗雖然好多人氣美食店但睇番COMMENT 大部分都毁譽參半見呢間餐廳正評都算多 所以決定一試講真 環境嚟講真係有啲逼 你如果有番咁上下身形 又或者買到一袋二袋嘅話呢度真係唔係好啱你 至於嘢食 本人覺得真係冇得輸尤其價錢仲要咁大眾化 我哋嗰日嗌咗三樣嘢 三樣嘢都相當impressive 1. 手打孜然羊肉漢堡認真，本來想食假日限定嘅牛脷，但一見到呢個新出品，就二話不說點咗！因為冇聽過有人用羊肉嚟做漢堡，真心好奇到底伏唔伏。結果佢完全冇令人失望，個包好香蒜蓉牛油同芥醬味，加埋孜然，完完全全將羊肉嘅香味吊咗出嚟，入口勁惹味之餘，仲要好JUICY 。 不過有少少遺憾嘅係，個羊肉漢堡太厚身，中間嘅位有啲淡，咁食落就會有啲羶，如果打肉餅時加多少少鹽落去，應該就可以彌補呢個小不足。另外，跟餐嘅薯條都炸得相當出色，完全有大型西餐連鎖店嘅水準。 2. 洋蔥圈 睇個擺盤就知駕勢啦。個洋蔥圈又係炸得好出色，完全就係外脆內軟，而且個皮好香。不過又係有個小缺點，就係內裏唔夠JUICY，估計係因為近排啲洋蔥整體都唔係好靚 （平日走訪街市都買唔到靚洋蔥），所以唔夠大隻以致冇咁JUICY，應為非戰之罪。 3.

終於，晚市唔洗再2人限聚啦，起碼可以4個人一檯先，朋友預先訂左7點鍾位，我地坐底後，唔知係咪因為有隔板，都會覺得有啲迫😅我地叫左一款白汁三文魚長通粉，食落味道唔錯，可以一試，好濃郁嘅白汁，份量好足訂位時，已經訂左隻豬手，另外再叫左香草雞翼、小食併盤（炸魷魚圈、炸洋蔥圈、炸薯角、炸魚塊配沙律🥗醬）不過對個炸魷魚圈好唔新鮮，食落係「淋」嘅，好似變壞左咁...完全唔想吞落肚，而雞翼都還好嘅，可以試下嘅，而隻豬手都好大隻，配埋薯角，依個值得一試，比較吸引啦飲品方面，我叫咗杯熱嘅兒童鴛鴦，即係美祿溝阿華田，新嘗試唔錯，不過有啲甜😂

第一次嚟食，見openrice上以往comment好似幾好，就試下首先上咗南瓜湯，可能我本身唔太中意食南瓜，覺得好麻麻，比較淡叫左紅酒汁牛扒配薯蓉，好大份，好欣賞都配咗沙律菜，可以解下膩。但塊扒都幾多筋，而且太厚又煎得太熟，好難切又都幾柴下。不過味道都唔錯嘅，但又無其他食評講到咁好食。不過70幾蚊都值嘅餐飲加11蚊叫左凍朱古力，超級伏，甜到呀媽都唔認得，我飲咗兩啖就算另外想講下環境，枱與枱之間擺得好密下，要行出行入會影響到隔離枱，我都唔係幾好意思。而且枱比較細，疫情又有擋板，感覺超逼，我切牛扒時好辛苦，要就住就住咁結論係不過不失，下次可以再試下其他嘅

CP值好高✅幾乎每碟都ok好食兼飽肚。有加一服務費💁🏻‍♀️.🥩紅酒汁肉眼扒配薯蓉 HK$73medium牛扒整得好腍，配上🍷紅酒汁更添風味。幾好食嘅平價牛扒，想平平地食扒嘅話可以一試👍🏼（當然比唔上特登去扒房食嗰啲，但係唔錯。）.🍖香煎煙燻醬豬扒配薯蓉 HK$54兩大塊豬扒😯好大份，香口☄️醬汁少少酸味，幾開胃，搭埋薯蓉一齊食，幾細膩濕潤。.🍗滑捋捋雞髀扒配薯蓉 HK$53雞髀肉真係特別好食，完全唔柴🤤雞皮邊邊位好脆😈真係好邪惡！醬汁同豬扒嗰個一樣都有少少酸味，中途食一啖就唔會覺得膩，可以繼續食。.🍝忌廉汁蟹棒肉意粉 HK$43真蟹肉🦀️配白汁意粉，味道唔錯！對女仔嚟講，分量有啲多，食到尾會有啲膩。.🍝芝士焗肉醬意粉 HK$49比平時食嘅肉醬意粉酸😖唔太習慣。芝士好多好足，不過呢個配搭超膩。

香煎煙燻醬豬扒配薯蓉 $53兩大塊上🤩煎得好香口，肉又稔身，配埋BBQ汁食甜甜地，好似蜜汁叉燒咁。另有有燒翠肉瓜伴碟，個薯蓉又係好正，索晒啲汁，所以好滑好入味。整體來說，性價比高，相信下次點牛會更好食😋焗芝士吞拿魚長通粉 $52呢個真係膩，好足料。我呢啲芝士控就岩哂，真係好多好多cheese好拉絲，另外因為加左蒜蓉，每啖擺落口都好多好濃味。個份量真係好多，好飽肚。

大約615去到 都幾多人食 等左半個鐘先有位 鋪頭都比較細 所以想食就要預早啲去啦 佢有訂座服務 大家都可以打去約叫左蟹肉乾果意大利飯同煙三文魚天使麵 依到上菜比較慢 跟餐+$20 有蘑菇忌廉湯 有個笑笑符號幾搞笑 真材實料 粒粒蘑菇都飲到 不過得少半碗 兩三啖飲完 煙三文魚天使麵 $83 未加一煙三魚都有幾塊 天使麵份量都夠 女仔都會飽蟹肉乾果意大利飯 $93 未加一蟹肉撈哂落啲飯 唔係好覺多唔多份量 有啲洋蔥粒 乾果係提子乾同腰果 汁夠多 食落好滑 份量都可以唔會太滯餐廳仲會自動自覺幫你加水 服務唔錯 職員好nice埋單$219

真心真心真心，大家如果係元朗諗唔到晚餐食咩好，依間會係一個好選擇，首先，我嗌咗一份肉眼扒，一份咸豬手，先講一講個肉眼扒先，佢首先會俾個湯你，個湯係廚師每日新鮮煲，絕對係一個特別既蘑菇湯，之後個蒜蓉包幾好食，主角肉眼扒，我叫咗7成熟，真心幾大塊，7成熟岩岩好，每一舊既肉汁都好多，不過個汁就唔係幾襯塊扒啦，要特別講講佢個黑松露薯蓉，係包埋係扒度，好好依，個黑松露味岩岩好，真心推介試下其次係個咸豬手，個皮燒到好脆好好食，不過就真心好肥膩，如果身體唔好既，就唔好食咁多皮，成舊咸豬手既份量都幾大，夠一個人加一個細佬食，如果你唔識切，可以問下廚師可唔可以碎上

🏹 $248🏹, 餐湯+蒜蓉包+沙律+2個Main Course+餐飲👍🏻👍🏻👍🏻蒜蓉包🍞好熱辣辣，好牛油香，好好味😋😋🥂🥂🥂🥂🥂🥂🥂🥂🥂🥂南瓜湯🎃湯面用忌廉畫左笑哈哈🙂南瓜蓉，味道唔錯🥂🥂🥂🥂🥂🥂🥂🥂🥂🥂沙律;🥗有6隻🍤伴碟, 沙律菜加麻醬, 份量都多, 不過沙律個溫度比較熱♨️可能小編食慣凍既沙律🥂🥂🥂🥂🥂🥂🥂🥂🥂🥂黑毛豬扒🥩佢地係用左慢煮方式去整,肉質好嫰 ，加埋佢個sauce，仲好味🥰🥰另外個薯蓉加左黑松露醬, 好香口🥂🥂🥂🥂🥂🥂🥂🥂🥂🥂Fish n chips🐟小編一向都鐘意食Fish n Chip, 一上菜, 小編就呆左🥺🥺因為小編expect 佢係一條魚柳,無諗過係魚塊而且好大陣雪藏味,😣所以小編有啲失望😢😢😢不過炸粉算薄，薯條曬左紫菜粉調味🧂Ps: 食左先記得影相🙈🙈

lunch set, 80蚊黑椒牛堡， 大份，好味 !! 都坐得舒服，有探熱 ! 薯條都多，等約10~15mins有得食飲品正常！！可以再去試其他野食 !! 員工態度幾好 !!! ☺仲有個牛x湯的， 都幾好 的 !!!

之前同朋友搵下午茶好地方，最後搵到呢度！所有嘢食都係大件夾抵食，我叫咗豬扒薯蓉，豬扒鬆化又嫩滑，仲有三大塊，同朋友share食都食唔晒！朋友叫咗熱狗薯條，同樣大份，兩個都食到好滿足:）值得支持！