18 Restaurant (已結業)

本來因為價錢平，酒店並不是五星，對此LUNCH BUFFET已沒甚要求。結果比沒期望更差，竟是失望。當中很多款食物基本上沒有食客拿取，例如：烤豬扒，粥品。果汁因太多冰，淡而無味羊肉太生，還有紅色，用刀切也切不斷的確如介紹中有蒸魚，但整個BUFFET只出一條，基本上頭十分鐘魚已消失。餐單上嘅食物很多都沒有，就算寫明炒大蝦或椒鹽大蝦，兩樣都沒有。鐵板燒每次只出四件或以下，出嘅次數又不頻密。12時開始至2時半，1時開始已清嘅食物根本不會再添加，1時放工後才到嘅客人根本已沒有選擇，只有剩下極度不受歡迎嘅食物。這樣的BUFFET大家會想食嘛？去其他餐廳食還比這個豐富。餐廳旁洗手間比一般公廁還差，期間個個人都投訴，有人話“酒店個廁所點會咁㗎！”

早前購買了yahoo的團購，一早已沒有太大的期望，沒有期望，只有失望。購買時說明是生蠔自助餐，不期望生蠔是貴價貨，但也不要是下等貨呀！！早1個月已經打電話BOOK枱，可能早的關係，餐廳也安排了一張4人的卡位給我們，感覺都幾舒服。講返當時的食物選擇及質素先，食物選擇少，來來去去都只有普通野食，例如: 蒸魚、炒菜、沙律菜、例湯、意粉等等。沒有團購餐牌上的那麼多選擇，質素也是中間，普普通通啦。拎生蠔及刺身櫃位長期都沒有人在，要專登問其他侍應是否可以拎生蠔及刺身時，他們才安排師傅由廚房出來，這樣好似有D安排不妥當。全場最好食的是龍虾仔同DREYER'S雪糕。其他真係無咩特別，去左今次下次都可以唔使再黎。 生蠔

家族團年, 選址交通方便各成員的尖沙咀, 團購自助餐午饍. 已預先被安排位席, 一行十多人, 需要分成前後兩枱.自助餐於中午12時開始, 可先到達就座, 飲品可自取.可見廚師們在準備食物海鮮bar, 貝類挺新鮮的. 壽司和魚生, 很別緻地用小碟盛載, 但飯粒乾硬, 而三文魚生放置的碟數很少, 每次都會被一位客人取走很多(若能取8碟, 則差不多全清了), 這對很愛吃三文魚的客人很掃興, 即使坐在附近也未必能享用, 加上廚師很久才再取新品, 顯得很小器甜品部選擇也不多, 沒入鏡頭的只有小型雪櫃放著牛奶公司迷你雪糕杯(三種口味: 雲尼拿/紅豆/芝麻)和朱古力漿/花生粒 (自行調味用)有一款不知名的粉紅色慕絲, 小孩大人誰拿到誰中伏!!以為是甜品, 中間卻是腥咸的!材料居然是蟹肉!! 名牌沒標明的!餅乾x竹籤 + 朱古力噴泉, 令人費解的組合, 有小孩很有技巧的能以竹籤插住餅乾沾噴泉玩(吃).熱飲杯很雅觀, 但兩啖完飲, 比茶餐廳的跟餐飲品份量更少... 需要減少平常調味份量.隨意取的部份熱食, 除了咖哩角和燒賣(因為現成?), 通通過咸, 即使再喜歡都宜先取少量試味! 不得不提"劣食之首",

12月團購前往，地方比較小，所以擺台的食物並非很多。比較喜歡的就是三文魚，金槍魚，生蚝有淡淡的海水味道。小龍蝦真的是蠻小，如果做成麻辣小龍蝦味道會更出色。螺肉無沙很驚喜。熱菜沒什麽特別印象，其中有個螃蟹真的是很難吃。羊肉基本都是涼的吃完胃很不舒服。飲料好在有熱的檸檬汁，啤酒，咖啡這些常規的。甜品不算很多的選擇，大概5，6種。豆腐很嫩。冰泣淋很好吃，特別表揚下店員當時沒有芒果味特別又拿出幾罐芒果味道雪糕出來，服務很好。收盤也很及時。200多蚊價格的自助晚餐算可以接受。只是種類確實太少了些。無功無過。

朋友買咗呢度團購，多咗張飛，臨時臨急叫埋我去，飽飽哋唔去又唔得，朋友訂咗8位，去到侍應安排咗門口位置，我哋唔係几鐘意，即刻同佢講想換入D，佢哋話朋友訂位比較遲，裹面D位俾人訂咗，叫我哋座住先，如果個客遲在嚟就換俾我哋，其實呢D籍口我都聽唔少，最尾都緊係冇換。正當我哋坐定定想攞野食之際，個侍應話幫我哋調到入去，我就多口問佢咁快知道個客遲到，佢 就話知道我哋唔鐘意個位，即刻打咗俾其他客問。服務都几贴心呀。 好啦，攞野食，緊係去攞刺身啦，個隊有十几人，個位都几迫，因為攞飲品，海鲜都係個度，刺身有三文魚，吞拿魚，蟹柳，八爪魚，多就唔算啦，但勝在新鲜，三文魚切得夠厚，食落好有口感，吞拿魚唔會淋子子，見到朋友攞生蠔，問佢先知原來係刺身個度攞，還俾朋友串我咁大個牌寫住刺身，生蠔都睇唔到。生蠔唔大隻，细细隻咁，師父講呢批货细隻咗，所以俾多兩隻，品質冇变，一谈食落去，少少海水味，鹹鹹哋，OK喎。我食咗成打。跟住龍虾仔，青口，翡翠螺都交货，係遗憾個日冇長脚蟹，(侍應話rotate咁出)熱葷就冇嘜特别，都係D蒸魚、羊扒，牛扒咁，係有一味胡椒朱肚湯D朱肚好爽，但多D胡椒就緊加正，咖哩就嫌佢辣得濟，最後甜品有十

我從來冇寫過食評，但係我覺得我從來冇食過咁差自助餐！！ 團購買自助餐，買左 Book 位要成個月，已為好掂啦，上到去地方又細，環境一般，食物又少，開始行下睇有咩好野食，發覺有D 飛行物體飛黎飛去，跟住去攞D好普通三文魚刺身食，佢話有限制，一人一份量，二至三細細細細塊 ，又唔好食，都唔之邊到黎到既魚 生蠔又係一樣，D蠔又細，又苦 ！最好笑咁都要收埋D生蠔唔比人食咁.開始返去座位食，打開餐巾又發現有黑色昆蟲便便，我立即叫經理過黎，佢對唔住都冇講聲， 我幫你換個塊，我話唔駛，對你其他都冇信心，佢話好，跟住就走左去。 ，食緊野又有D 飛行物體飛黎飛去，哎，掂食呀.............我唔駛一個鐘我們四個人就走，返屋企要食宵夜死未，我從來都未試過食完自助餐返屋企食宵夜 ！真係一生難忘的自助餐......

已經無食buffet好耐,因為團購lunch buffet只需$98+$16.8加一,食評唔係好差,亦都未試過呢間,所以都再試一次buffet.訂咗12點正(亦係所謂開始時間),到達時大約11點56分,坐低時已見到好多人兼且侍應已經將蒸魚嘅空盤拎走,之後亦無再出,估唔到咁快就清咗一盤.先要批評一下,所有食物牌仔都無清楚地寫上係咩菜式,凍肉就寫各式凍肉,沙律係完全無牌,有咩材料咩味,自己試吖唔該,熱盤肉類只寫豬肉,牛肉,泰式青咖喱(咩肉?自己估下!),最離譜係甜品有一小杯一小杯啫喱內有一小片橙,無牌仔,一食即刻吐番出唻,因為本人極討厭酒味,當時我仲以為自己嗅覺及味覺搞錯,問一下侍應,原來係有加咗白酒落去(唉!!!!!),好唔開心.加咗酒嘅食物係咪應該寫清楚出唻?小孩子係有可能拎唻食0家嘛!以下部分有評語嘅食物乃本人親嚐,無試嘅就真係唔知係用咩汁及咩味.冷盤: 長通沙律,青蘋果沙律(味道ok),菜絲沙律等數款,車厘茄,凍肉(2款,一款係豬,另一款深色d可能係牛,但我又食唔出),壽司多款,青口,蝦,蜆(呢3款海鮮係今次食得最多嘅食物,refill唔算快,都係小盤小盤咁fill,但消耗得幾快,

係團購買左優惠券,就約埋朋友一齊去食,因為之前已經訂左位,所以基本上一上到去就有位唔駛等,入到去覺得個環境唔錯,當然要巡下有咩野好食啦,熱盤選擇都有十幾廿款,望落去都唔錯,跟手即刻去睇下有咩野海鮮食，見到有海中蝦、蜆、青ロ及龍蝦仔,竟然見唔到有蠔,即刻失望到爆,點知拎左D野食埋位後,有個侍應拎左一碟生蠔黎,之後再講話有需要可再ORDER,見到生蠔即刻開心晒,雖然唔算好大隻,但味道十分鮮甜,最後我同朋友2個人食左5碟,每碟有6隻,即係總數食左30隻真係咩本都返晒黎刺身就真係比較少,熱盤味道都OK,甜品覺得個CHEESE CAKE唔錯,又有朱古力噴泉玩下,雖然我唔係話好鍾意食朱古力,不過都有玩左幾樣仲有Dryer雪糕食,飲品因為我地剩係飲啤酒,無試其他,所以都唔係好知D果汁好唔好飲,另外值得一讚係D侍應服務態度好好,收碟速度又非常快,所以整體來講,以二百幾蚊BUFFET黎講係好抵食

周五約好三五知己以團購價(HKD208+10%)到尖沙咀粵海酒店的18 Restaurant吃自助晚餐。遊目四顧，餐廳食物供應足夠，客流量大時能儘快填補，海鮮基本有生蠔、青口、龍蝦、蝦等，惟種類未算豐富，經濟實惠的團購價，絕不能奢求應有盡有 。本想豪食生蠔，但怕進食過量而拉肚子，只好適可而止 。生蠔味道鮮甜，雖然未能媲美Isquare的Ambrosia Oyster Bar & Grill，不過能做到物有所值，算是合理。甜品賣相精緻，比較喜歡木糠布丁及豆腐花 。Dreyer’s雪糕，口味選擇多，附圖不贅。餐廳經理會詢問客人對餐廳質素的意見，與顧客打成一片，而且他的寒冷笑話，令我不用吃開心果味的雪糕也很開心 。另外，每位加HKD30，指定紅酒或白酒一律任飲 ！朋友們試了Cornerstone的白酒，對於酒精敏感的我，只好飲恨 。服務員招待周到，收碟速度快。餐廳的設計舒適典雅，座位闊落。整體而言，新知舊雨，享受環境，吃自助餐，不妨一試。

去之前睇左一d食評講到間餐廰好ー般，攪到我有少少擔心，但飛已買左就本著試吓都無妨既心情去食，但竟然比預期好好多海鮮有生蠔雖然唔係好大隻但幾爽及新鮮，有長腳蟹供應但ー段段咁出，蟹爪唔粗但有鮮味，翡翠螺， 龍蝦仔， 海蝦，青口和蜆魚生只得三文魚 ，立魚和北寄貝，壽司也有5至6款，味道尚可熱葷選擇10幾款都算多，款式無セ特別，最中意食湯牛腩，最要讚既係鐵板燒牛扒好味，羊架都可以因為唔羶 !!!甜品 一般有既都有 ，質素不過不失，朱古力蛋糕味好濃呢個好好食，Dryere杯裝雪糕都有3款可接受係超市買8-9蚊抵食我亦食左2杯飲品包括金威樽裝啤酒，蘋果汁，橙汁，茶，啡任飲餐廰環境係唔好豪華，但感覺舒適幾優雅，總體質素好ok 服務員好有禮貌

超級揾笨兼難食又冇野食，從未食過如此差的 Dinner Buffet！之前未裝修未轉名前都幾好可以叫做物有所值，但而家裝修後改名叫做18 Restaurant後真係差到冇朋友！全是平價食物，食物又凍又冇味又難食！我合埋眼煮個公仔麵都好食過佢！果汁溝水溝到淡無可淡，飲水都冇咁嬲！啲所謂生蠔又極之唔新鮮！難為佢仲夠膽寫主要食物有：鵝肝，雪場蟹腳，黑毛豬火腿，魚子醬？！我一樣都見唔到？！我都係做酒店，收得這個價值俾啲咁嘅食物給客人，我覺得真係好過份！我冇寫開食評的習慣，但今次都忍唔住要寫佢地有幾差！我感覺好似受騙咁！希望唔好再有其他食家好似我咁！永遠都唔會再幫襯！ Blacklist

毎人用$271.8連加一在星期六係18餐廳食左自助晚餐，餐廳唔係好大但裝修都OK，可惜樓底矮左少少，餐桌食物擺設較迫，食物方面，需然無特別高價食材，但款式還算不少。加上支裝啤酒免費任飲，整體感覺都算物有所值。日式美食選擇唔多，刺身壽司賣相可以，三文魚刺身幾新鮮味道好，海鮮方面，有長脚蟹、海中蝦、蜆、青ロ及龍蝦仔。長脚蟹質素一般，蟹肉味道較淡。海中蝦賣相鮮紅，味道新鮮肉質結實，好吃。海蜆及青口亦屬鮮甜之選。龍蝦仔咸左的。最後熟食方面， 炆雞和蒸魚都好食， 炒菜就普普通無咩太大特別....鉄板牛扒多汁、豬扒夠爽、羊扒食了一件幾好味，但但因為已經好飽，所以無再去排隊攞。甜品方面...選擇唔多，但味道真係幾好，尤其焗芝士餅!用咁嘅價錢同咁嘅出品，覺得唔錯....收碟又快，服務又好!

7 月25 日是本人生日男友請了假陪我周圍食夜晚男友的家人特地買了這間酒店的BUFFET 幫我慶生這間粵海酒店的餐廳前身是御廷閣西餐廳 已經結業 , 而食評亦好一般結業後另外一間新的餐廳 - 18 食完這餐 BUFFET 後我只能說 , 我永世也不會再來 ! 餐廳面積好細 , 但仍坐唔滿晚上 6:30開始食我與男友走了一圈也沒有特別想食的因為選擇超級少 , 而且完全 0 吸引力所以基乎全場食客都把注意力放在海鮮上看來唯一可返本的只有狂食海鮮和 GREYERS 雪糕 =-="有件令我覺得很不滿的事是因為這晚 BUFFET 的確完全沒有什麼東西好食 ( 而且難食 )這難怪食客們會狂食海鮮的所以每當有生蠔搬出來就會有許多食客走上前狂夾生蠔但那個負責搬生蠔出來的廚師卻怒 BEAR 食客 , 對食客黑口黑面完全對那些夾了很多次生蠔的食客十分不滿我只覺得既然你沒有什麼好食物提供給食客也不能怪食客狂夾生蠔的因為這個狂夾生蠔的情況我根本在其他比較好的酒店BUFFET 中沒有見過況且食客們都給了錢 , 為何不能食生蠔 ?!不久後不知是否因為每次把生蠔搬出來後都被食客秒速清盤所以廚房出了數次生蠔後便再沒有

同舊同學聚會，大家都冇idear去邊，見佢酒店尼講又幾平就試下。環境幾好，好乾淨，d位都闊唔會坐得迫，d人行尼行去拎野食又唔驚撞到。服務員態度好好，好有禮貌。服務員換碟加水好快手。開頭食魚生，雖然佢款式及種類唔算多，因為始終唔係日式放題，但係都算新鮮。佢d壽司都足料，d飯唔係好大舊，唔會食飽哂食唔到其他野......生蠔正佢d蠔都好新鮮好juicy，我地一人食左好多隻青口都算嫩口冇乜渣，最緊要係冇沙﹗﹗冷盤仲有沙律同意粉，好fresh。熱盤我乜點食，不過個魚算ok因為唔多骨，唔腥，啖啖肉。同學仔佢地有食鐵板燒，雞翼即叫即燒，熱辣辣。甜品款式好多真係值得要試，個藍莓芝士蛋糕冇得頂，豆腐花好滑，朱古力噴泉之前係disney酒店食過，而家比呢個價錢食又真係好抵，唔差得好遠....... 又有木糠布丁..........個Dreyer's雪糕，新款既味道全部都有哂，我同同學仔一人一隻味大家交換食﹗百佳買好似都要$4x一盒，可以任食真係超抵 埋單都係2百零蚊一個人。

    backgoundYxxxx)團購的Lesson Learnt:團購, 要中文好叻先好買! 只怪自己中文差 -_-當日:超過200款美食供享用 >> But only 最普通幾款... - 車仔麵 - 太早收檔。連最简單米粉都無，油麵 8pm 就冇 - (自助晚餐, 無野食先食麵姐 ) - 羊架話有, but 又冇出. - 連雪糕 8pm 就冇 - 麵包都冇，5好講其它 - 麵檔煎扒個呀姐都係臨時找的，問人油麵煲幾耐先熟，真搞笑... - 又話有長腳蟹, but 又冇出 ( 較剪就每抬一把做樣睇)>> 不過服務就真係幾好, 收碟 (不包杯 and 細碟)已經唔多野食，但熱盤竟然冇refill 過, 個炒蜆由頭到尾都係得堆殼，唔通要食埋堆殼先肯refill ?!仲有啲魚生、生蠔，每次出得一碟仔，真係成碟成食哂都唔過份，不過都算啦，反正啲蠔同魚生唔凍嘅，好難食！未試過自助餐去到8：00已經冇野食，雖然話平啫 (不過我唔覺, $3XXX, 十幾人)，但係都唔係咁㗎，真係150蚊都俾多佢Seem 差個內地酒店自助餐.唔會再去, 唔會推