1988 (已結業)

餐廳名貌似係食西餐既，但發現原來係食泰菜，店舖唔大但裝修幾文青，人流亦比想像中多，無訂檯既話早過十二點到先會有位，同埋呢度每兩個星期轉一次午餐餐牌☺️▪️ 泰式燒豬頸肉飯 + 泰式奶茶💲78 (午餐套餐)燒豬頸肉燒到邊位帶脆，肉質都幾彈牙有咬口，有肉汁唔會乾，味道帶有陣陣炭燒香，同埋份量頗多，就連個飯都好似平時既兩碗咁，如果女仔既話其實直情可以兩個人分一兜😳配有泰式酸辣醬汁，個汁幾開胃越食越上癮😍泰式奶茶飲落比較濃茶味唔甜既，鍾意甜既可能叫凍既更好🤔🔎 整體評分（7.5/10）

今晚book咗6:30，8pm交枱，依個時段坐滿，叫咗黃咖哩牛腩、炒椰菜苗、冬陰公及薄餅。黃咖哩牛腩唔錯，有甜甜嘅味道，牛腩炆得夠淋，加埋個薄餅係唔錯。冬陰公就勁唔掂，個湯比平時飲嗰啲白，有兩隻大蝦，飲落一啲味都無，無酸同辣味，無香料味，真係同飲熱水無乜分別。炒椰菜苗，都一樣無味，應該無調味，啲菜可能唔合時所以好苦，我見隔離枱都食淨咗一半。應該依間得咖哩係ok，見個個都主要叫咖哩同炒金邊粉。環境可能太細，人又太迫，好嘈。應該唔會再試！

朋友介紹話呢間泰菜好食唔貴，咁啱係公司附近，所以約同事試下，上到去地方唔大，lunch 時間坐滿人，樓面有4、5個人，所以坐滿人都好快有人幫手落單，野食都上得快，午餐有8個餐選擇，份量好多，價錢合理，我食左紅咖哩燒鴨飯，我覺得唔辣，燒鴨唔怕騷，咖哩都好香，好味，飲品選左青檸茶，唔知係唔係揸檸檬汁重手左，所以好酸，好開胃而同事食青木瓜沙律併雞扒，個沙律一上枱嚇親人，成坐山咁高，可惜掛住食唔記得影相，雞扒大大塊，好入味，我會介紹俾其他同事

生日lunch，今個月我地揀左泰國野...打開個menu，好開心呀...見到樣樣都想食，好彩今次多人，可以叫不同餐share 試。最開心既係仲有埋甜品可以追加，搞到我地又食又拎，加多個芒果糯米飯外賣呀！講返食物先，每款賣相都好好，而且份量亦都唔少...味道好好，尤其係個沙律，少少酸少少辣好開胃。仲有我好鍾意既青檸茶，不過我就嫌酸左d，如果可以既話，個青檸唔好榨得咁勁就會好d 😝最抵既係lunch 可以每個餐減$6

第二次食，真的好出色👍👍😋😋😋叫左4個餸，蝦餅好彈牙、、鹽燒馬友好新鮮好多汁，魚味濃郁😋😋，青咖喱雞好香好多料🤩生菜包，分量超多，味道又香又濃👍👍另外，餐廳職員非常有禮，值得再次幫襯👍👍😄

1988 係我係觀塘最鍾意嘅餐廳之一平均每個月都會至少食一次lunch / dinner 我最鍾意食佢哋嘅鮮蝦炒金邊粉！金邊粉係甜甜地既可以揸啲青檸汁 加少少酸味同埋撈埋啲花生碎一齊食食落口感煙韌彈牙 又唔會太碎D鮮幾大隻，又爽～令成碟野生色不少👍🏼我覺得佢哋嘅沙律都係必點嘅因為份量好多！就好似今次食依個鳳爪沙律咁鳳爪一大堆！慢慢食～越食越辣，辣得好過癮😆😆配上好多芹菜、甘筍、洋蔥、生菜，全部都可以配埋鳳爪一齊食，辣得黎，又清新刺激，正呀食泰國嘢，始終抵受唔住誘惑，會叫埋小食拼盤🤤🤤我最鍾意嘅係佢哋嘅蝦餅同埋雞棗蝦餅係超級大舊，而且裏面真係有好多蝦肉，味道幾好，點埋甜酸醬一齊食👍🏼因為男朋友超級肚餓所以我哋今次叫埋：黃咖喱牛腩估唔到都有驚喜！牛腩非常之林，煮得好入味！份量都幾多配上香濃嘅咖喱汁，同埋幾舊超級入味嘅薯仔，好味呀，又唔會太辣☺️☺️可以滿足食肉獸既慾望🔥🔥

朋友約我去觀塘1988食飯，聽個名以為係西餐廳，原來係食泰國菜，從地鐵步行過來都只係7至8分鐘，上到來有一種寧靜既格局，好西式feel, 食飯最緊要有一個舒適環境，點菜方面要了個~小食拼盤包括有炸蝦餅，春卷，雞棗，突別喜歡個蝦餅，香口彈牙泰式烤魚~魚肚內放上薑葱香茅，好香肉質夠滑，無咩骨啖啖肉炒椰菜苗~大大碟份量頗多，爽甜芒果糯米飯~ 糯米飯夠黏軟，芒果尚可以，食埋呢個甜品，好飽足呢度食物環境質素唔錯，寧靜格局小有既泰國餐廳，值得再來

有驚喜的泰菜在觀塘想找間平靚正的泰菜店，這間也算係一個好選擇。有一點遠，由地鐵站行去工廠，大約要15mins.入到店內，環境幾好，都幾多人，所以建議早點去 或 book桌先首先點了 青咖喱雞幾香的咖喱味，不太辣，甜甜的適合我這些BB辣人士 😆之後再配 烤薄餅這是酥皮薄餅，又熱又鬆脆咖喱汁停留在酥皮內，使口感更佳炒泰國椰菜苗味道清淡，勝在夠大碟甜品就叫了 椰汁芒果糯米飯一般而已，糯米飯不夠煙韌，芒果也一般總結，最欣賞就係烤薄餅

呢晚book咗枱同frd子食泰菜之前嚟食過一次，感覺平靚正呀！餐廳位置雖然唔太易搵、不過一入到餐廳都見到坐滿曬客人，座無虛席！我同fd子叫咗兩個椰青，天氣太熱啦！飲d清涼下降下溫先！d椰青好大隻又夠清甜，good!柚子大蝦沙律d蝦大隻又鮮甜，沙律菜同d柚肉都好新鮮清甜，配埋個酸酸甜甜又帶少少辣嘅沙律汁，味道清新又開胃！菠蘿炒飯好大碟！d飯炒得夠乾身而且配料好豐富！加入咗唔少新鮮菠蘿同鮮蝦另外仲有提子乾、雞蛋、雞肉同栗米等嘅配料，再配合埋肉鬆同腰果，真係非常之香口惹味海南雞已經去骨嘅雞肉夠曬方便，皮薄肉厚而且肉質又夠嫩滑重雞油香！好食！沾埋個特制嘅酸辣醬汁，非常滋味雖然只係叫咗三樣嘢，但係份量好足所以我同個friend都食到好飽下次一定要留返個肚試埋啲甜品！

去觀塘搵朋友食lunch，朋友即刻好雀躍叫我去一間排隊嘅餐廳，仲叫我一定要早過12:30去到，講到過嚟觀塘唔食呢間就走寶，咁樣一定要早啲去攞位啦，去到12:15暫時滿左一半客，朋友真係冇老點我， 12:30全場滿座。坐低點咗泰式滷水無骨豬手飯，一上枱見到份量都唔少，試啖飯先，吸收左滷水汁，又香又甜嘅味道好滿足，再試吓豬手，無骨唔會食到好論盡，豬手炆到好腍同入味，豬皮簡直入口即溶！要提下杯泰式凍檸茶，唔使自己篤嘅檸檬茶，成杯入面都係一粒粒嘅檸檬果肉，唔好諗住會好酸，份量調校得啱啱好，平時飲泰式飲品好怕好鬼死甜，但係呢度冇呢個問題。朋友果然無介紹錯！下次又可以多個食嘢既選擇！

跟老婆shopping完，我們就在觀塘區覓食。老婆想食泰國餐，就黎左呢間工廈泰菜。地點離地鐵站有點遠，但其裝潢都好清新，好文青既感覺。即使平日6點鐘，都已經有5枱客人，相信其食物一定不俗！😋火喉好夠，略嫌偏濕偏甜，但大蝦真的又大又爽口，非常抵讚。雞肉燒得剛剛好，而且肉質非常嫩滑，老婆超級鍾意，因為無雞皮又無佢唔鍾意既脂肪🤣不過，我略嫌雞肉味道太咸且沙嗲醬不夠沙嗲味。我地對小食拼盤完全無得彈，連平時唔好炸春卷既老婆都好鍾意食，原因係佢炸到春卷皮好脆，裡面有著好多好新鮮既菜！蝦餅既蝦肉非常彈牙！

工業區食好西初頭以為係去食西餐,點知呢間野係食泰國野墨魚餅炸到岩岩好,外脆內軟,好彈牙,仲有細細塊墨魚片,稔肉第一次食,5....個人口味:我係唔錯意食的.睇落好似腸仔咁,食落臭臭地,好咸,不是太喜歡!泰式鳳爪不過不失,份量正常鮮蝦金邊粉好普通,份量較少,價錢都唔平$88-係唔係落得太多糖了,個粉都幾甜下!BBQ雞同牛試左雞,肉都幾幼嫩不過肉實到腌得太咸了,最後都係退返比廚房!有冇人食過同我有同感?最後仲有個魚露炒椰菜$88-因為等左太耐,由落單到差不多食完先上台價錢偏貴,份量較少,唔建議食Lol!芒果糯米飯$48賣相普通,不過芒果好甜,整體都唔錯!芒草拿破崙$48餅都整得唔錯,幾好味!餐牌都有好多野選擇

觀塘區林林種種的菜式都有，特別工廠區呢邊有好多，但要找好吃的都唔易。今次朋友介紹係海旁工廈區呢邊，有一間鋪面細細，但菜就大大碟既隱世私房泰國菜，好彩我哋有book枱，見到有人摸門釘，因為好full!我地先叫左一個炒金邊粉、海南雞半隻、泰式烤豬頸肉。來到就知白飯都唔洗加，好足料！脆皮豬頸肉外脆內軟，啖啖肉汁。海南雞嫩滑唔鞋。金邊粉鑊氣十足，鮮蝦大大隻，唔油膩又夠香。最後cut單前意由未盡，叫多左個甜品芒果糯米飯，芒果新鮮，糯米飯加上椰汁🤤大滿足！

中秋前夕一齊同朋友一齊食飯地方唔算大叫左鳳爪沙律，少少辣但酸酸甜甜好好味，骨已拆開 所以都容易食到。初初仲驚好怪春卷好新鮮，裡面有椰菜，蘿蔔唔肥膩炒飯好好味，唔多油椰菜好好食，同中式個啲唔同，炒出嚟唔油泰式燒雞，雞肉好新鮮，好好味食左咁多野都係400幾蚊，超抵值得再食過👍

觀塘工廈開了不少泰國菜 這間餐廳地方不算太大 想來訪的朋友記緊預早訂台餐廳環境很有文青風格我地先點了兩個小食 -泰式鳳爪沙律及春卷沙律菜新鮮 不會太乾 與甜甜酸酸醬汁混合 十分開胃 鳳爪彈牙 口感十足 春卷香脆 內里包住椰菜同蘿蔔絲 吃下完全不會感覺肥膩 吃素的朋友也可以享用主食點了泰式炒飯、泰式燒雞、炒椰菜。炒飯炒得非常乾飯 朋友吃一口已讚口不絕 味道不會太濃太味精 燒雞肉質很嫩 皮燒得很鬆脆 朋友說她最欣賞炒椰菜 確實很香甜 整體很不錯 期待再試其他食品