1988 (已結業)

午餐時間滿座餐廳環境好細所以都好嘈雜但係服務都幾好午餐由68至到88都幾多選擇而且仲有嘢飲又可以加錢小食都唔錯特別推介係柚子沙律，個汁非常非常好味而且啖啖甜柚子豬髀飯，份量好多，少少甜啲肉好淋好好味咖哩牛腩飯，啲牛有少少難咬但係個汁好香椰子味偏甜如果怕食辣嘅人就最啱啦！泰式奶茶好淡冇乜味...下次再嚟食過晚餐試吓其他嘢先

和朋友一早就約好在這間樓上cafe, 1988. 前前亦沒有為意這是一間什麼類型的餐廳，去到才知原來是主打泰國和東南亞食物的餐廳。到遲餐廳時已經是晚上八點，早已坐滿一店的客人，只好在門外稍候。所幸並不需等太長時間，入內坐下後第一時間點菜。炭燒豬頸肉，外皮燒得夠乾身脆口，裡面的豬頸肉亦不會過熟，配上特製醬汁，酸酸辣辣，十分醒胃。炸軟殻蟹，軟殻蟹被炸到十分香酥脆口，還有新鮮蔬菜伴碟，令人不會太膩，搭上兩款醬料，亦有不同享受。咖哩牛腩配上烤餅，咖哩做得十分好，有濃郁的椰香味，而且不會太辣，非常適合本人，而烤餅亦充滿著牛油香味，配上咖哩汁，令人停不下手。

這天晚上，朋友帶我到觀塘一棟人跡罕至的工廈食泰國菜，要不是朋友的帶路，我怎會想到這裡竟然有一間泰國餐廳。我們先點了軟殼蟹芒果沙律作為前菜，有芒果絲、青瓜絲、紅蘿蔔絲、魚乾、以及一大隻炸得香脆的軟殼蟹，配上餐廳秘製的泰式醬汁和魚露，酸酸甜甜，特別開胃。沙爹串燒，我們選了雞肉豬肉雙併，每款兩串。這間店的做法和我以前食過的串燒很不一樣，每件串燒都非常肉厚，外面燒得焦香，但內𥚃肉嫩多汁，配合沙爹醬，非常美味，推薦大家必點。主食點了大蝦金邊粉，金邊粉炒得乾爽，大蝦非常彈牙，配上芽菜、蛋絲、花生碎等配料，香味四溢。燒雞採用半煎炸的做法，表皮金黃香脆，連骨頭都炸得酥脆，雞肉肉質鮮嫩，喜歡吃煎炸食物的食客，這道菜可謂首選。

今日返工返到好攰，晏晝個陣又諗起穩世泰菜。。。1988!即刻打去book 位！店主真係好有心思呀，係張檯上邊寫左有我地個名ge卡仔。成間店環境好舒服，睇落似D café 咁。今次叫左生菜包做頭盤，好香肉汁又夠多！仲有雞翼，咬落去脆卜卜，熱辣辣，好正！仲有蝦餅同墨魚餅，賣相好靚，炸到金黃色，再加埋個泰式辣醬，成件事好match!!!!!!再叫左個冬陰功湯，有椰香味又有少少辣，岩晒我呢D怕大辣ge人呀！仲有個炒芥蘭，夠爽脆又炒得香！最後最後，就係菠蘿炒飯，個飯夠晒足料，又多肉鬆同菠蘿。成餐飯都好滿意又大份抵食，店員又會服務又周到，有回頭再回頭再回豆機會呀！

之前去夜晚特登去想食，點知無book枱無得食，今次約左朋友食晏，一早book左枱，12點上到去，已經坐左幾枱人，之後好快就坐滿左，真係好受歡迎。環境好舒服，有種休閒嘅感覺。午市套餐包飲杯，梳打系列都包，仲有優惠。海南雞飯配西柚茶雞肉有好多舊，而且都好瘦，平時唔敢食雞皮，今次忍唔住連皮都食埋，醬汁酸酸地辣辣地，好開胃。西柚茶第一次飲，有小小酸味，好大西柚味，幾好飲。泰式燒豬頸肉飯配檸檬茶豬頸肉燒到好香，而且有肉汁唔乾身，配上醬汁有少少辣，但食落更惹味。平均每人$72，唔需要加一，位置方便，環境亦舒服，食物份量都夠。

觀磄工廈內藏不少食店，一日去一間，我估食半年都可以唔駛重覆。1988是一間泰式餐廳，入面是全男班服務員。午餐大概由$70 - $90不等，仲可另配小食和甜品。十個有八個入去都係食海南雞，第一次去當然跟食海南雞啦。 首先，雞夠滑，而且冇雪味，而且雞肉一D都唔肥，醬料另外以小碟盛上，辣度和黑豉油可以按自己口味調整👍🏻👍🏻飯default左係油飯，如果怕太油可改白飯的。飲品方面，泰式奶茶，味道比港式的甜，而特飲方面，西柚梳打，賣相一流，但除左梳打水外，其實係冇柚子味的。

話說搶唔到平機票去泰國於是乎嬲嬲地我哋就book咗泰國嘢食，當然首選係1988啦！膽嚟㗎嘛！今次我哋怒食，小食嗌左炸蝦餅同墨魚餅，呢兩款都係第一次食，蝦餅勁香爽口彈牙，墨魚餅都好足料，脆卜卜，啖啖肉。而呢個雞翼都係第一次嗌，有驚喜！唔似出邊嗰啲好多粉，入邊啲肉汁仲保留着，一啲都唔乾。菠蘿炒飯次次都會食，但佢次次都保持到水準，又大碟又足料，仲要煙煙韌韌，仲要爆多肉鬆，呢個真係要讚。生菜包又係我最愛嘅，小辣得黎包埋生菜一齊食超夾。冬陰公湯反而冇乜特別，佢好香冬陰公味但冇乜辣味，但係都係用泰國大頭蝦同好多海鮮， 下次我一定要叫佢加多少少辣先開心。

第一次在觀塘食泰國嘢環境好靚，好似西餐廳～差不多full booking,幸好我同朋友早食，大概6:15pm,可以walk in,食到8:45pm食物好大份，亦好好食，怪不得我走時，門口仍有排隊😂服務亦很好例如主動為我們加水👍🏻

唔好以為泰國菜剩係得九龍城先有呀，原來觀塘都有架，呢間名為1988既餐館係食泰國菜架，估佢唔到呢🤔🤔泰菜款式都有好多選擇，另外仲會有平時係泰國菜餐廳唔會食到既甜品，好周到呀👍🏻👍🏻👍🏻叫左呢個小食拼盤，有春卷，炸蝦餅，同埋泰國雞棗，份量都多，唔只2人，所有野炸到鬆脆內軟，又juicy，再加埋d甜酸醬，即時開胃啦🤤😌😌😌之後叫左冬陰公湯，個湯值得一讚，就係佢用大頭蝦去煮做料，仲要一碗內有4隻咁多，又彈牙又大隻，另外個湯唔會太辣同大酸，易入口，都好好味👍🏻🤗最尾呢條鹽燒魚，佢係時價咁計，所以可以order前問一問店員價錢，黎到超級香，拎開面頭塊魚皮之後就可以食裡面d魚肉，哇，好嫩滑，好多汁又唔會乾硬，估唔到燒魚都可以做到咁juicy👍🏻👍🏻👍🏻encore 呀要🎉

觀塘嘢食好多，不過分散係唔同工廈入面，今次我就發掘到呢間泰國餐廳。入面太約有十幾張枱，放工時間去已經有唔少人。今次我就點咗2樣，分別係炒金邊粉同炒椰菜苗平時食金邊粉最怕太多油，有部分餐廳炒到金邊粉反哂光，睇到會食慾大減。相反，太少油會令金邊粉好乾，黏埋一齊。呢度炒得唔錯，唔會太油都唔會太乾身。另外椰菜苗都炒得好好，唔會太淋，中間會食到爽脆。雖然間餐廳並唔係泰國人開，不過水準絕對比得上九龍城嘅泰國餐廳👍🏻

同事極力推薦，但因為walk in通常都無位，所以一個星期前已經book定位食午餐，好彩仲有位。環境簡約小清新風格。入座時見到枱面好窩心咁寫低我嘅名同訂位人數係張好靚嘅紙上，睇得出係有心思嘅。叫咗個烤鷄青木瓜沙律配白飯，份量足，青木瓜嘅微酸辣好開胃，烤雞鮮嫩配埋醬汁再加埋白飯真係食到停唔到口。飲品叫咗泰式咖啡，味道不錯服務尚算可以，落單上菜埋單算快速。總括嚟講觀塘區午餐算中上水準，下次點要試埋晚餐。

不是第一次來這店，之前嚐試過都覺得很好吃，而且價錢合理，也算是超值，所以今次再與朋友來品嚐。此店的裝潢舒適，雖然地方比較細，但仍然有2-3張大枱，方便一班朋友聚會。每次來都高朋滿座，所以必須預早訂座才可以。今次点了大蝦柚子沙律，雞/豬肉串燒及青咖哩雞及鬆餅。 串燒肉質鮮嫩，醬汁美味，兩者配合得剛剛好， 非常好味。 而大蝦柚子沙律也不錯，有很多大蝦，柚子又多汁。只是青咖哩雞就有少少略為遜色，咖哩汁比較淡，咖哩味不足，但仍算合格。

下午2點幾揾到呢間食泰菜嘅工廈小店，未入門口前望入店內，都見到有唔少客，但環境睇落似文青cafe😍，有唔少裝飾同綠色植物，感覺幾舒適🥰。入到店內，店員安排我坐近門口嘅4人枱，位置寬敞👍🏻，但係坐對面嘅嗰枱大枱比較嘈吵，所以在我而言，店內氣氛太過好😂，坐喺嗰度一陣已經有啲辛苦🙉。落單時嗌左兩個海南雞油飯，一杯凍奶茶少甜同埋一杯凍朱古力。最值得加分嘅位係落完單嘅女店員好細心問我洗唔洗轉去窗邊嘅枱👍🏻，我二話不說就攬住個袋坐左過去喇😂，真係安靜好多。過左5-10分鐘，野食野飲都陸續上枱喇。先試杯凍奶茶，係Thai tea黎㗎，相信餐廳都有調低甜度，唔係話好甜，但係都幾滑，應該好啱大部分香港人飲😁。凍朱古力就正常啦，冇乜特別。重點嘅海南雞飯份量正常，食曬都一定夠飽。海南雞肉都幾嫩滑，皮肉好易分開，啱曬我呢啲唔食雞皮嘅人，雞件建議點辣醬食，唔好點另外黑色嘅醬(唔知係咩黎😂)。至於油飯嘅味都幾濃幾香口，整體而言，食物野飲質素都唔錯😁。如果去開觀塘嘅朋友，可以去試下佢地嘅海南雞飯同Thai tea🥰。

今天約了友人，早一點來午餐，為了有下場。友人想吃泰國菜，在網上看到1988這特別的名字，就前來試試。因為來到的時候是大約12時，還沒有太多人，環境很舒適，地方寬躺。午餐款式也不小，一共有八款。我們點了咖喱牛腩飯及泰式豬肉船河。先來咖喱牛腩飯，咖喱是香濃不太辣的甜咖喱，牛腩入味淋口，薯仔也恰到好處！看上去是完整的一件薯仔，但入口又夠淋！讚！而泰式豬肉船河，賣商極美，材料豐富，湯底濃郁美味。可能我倆是女生，反而覺得肉有點多，最終吃不完，可能對男生是剛好。午餐包了飲品，我點了青檸茶，而友人點了西柚茶，喜歡茶裡原身沒有添加糖，可以自由加糖與否。最後埋單，𠵱！竟然平了，原來有午餐有優惠減＄6！整體來説，地方舒適又夠大，食物出色分量大，有機會定會再次光臨。

由於地舖租金實在太貴, 小店食肆都紛紛進駐工廈, 以便提高食物質數, 1988就是其中一間, 食物份量都唔細, 味道適中, 好合胃口.店舖唔大大概30-40個坐位, 但以白色為主調配以綠色植物, 感覺好舒服、雅緻, 好啱朋友聚舊。我地先來叫主食有小食拼盤、柚子沙律、炒椰菜苗、烤薄餅、黃咖喱牛腩和無骨豬手; 飽餐還叫了蜜糖撻配西柚啫喱和士多啤梨拿破崙做飯後甜品。最後埋單人均消費$213, 呢到可以再來.-小食拼盤包括2件蝦餅, 2條春卷和4粒雞棗, 蝦餅外脆肉質煙韌彈牙, 雞棗細細粒似炸燒賣, 春卷又鬆脆可口-柚子沙律, 大大粒蝦仁配大大件柚子, 但有微辣-炒椰菜苗-烤薄餅, 好鬆化可口配黃咖喱汁一絶-黃咖喱牛腩, 好香口燜得好冧入口溶化, 薯仔又唔爛      -無骨豬肉, 用卥水汁燜冧, 好入味, 仲有好多菜墊底 -蜜糖撻配西柚啫喱蜜糖撻, 好香口-士多啤梨拿破崙 - 賣相吸引, 亦唔算好甜, 怕甜唔好點太多士多啤梨醬