2派克雞排

營業中

休息中

琴晚做完gym宵夜，去咗旺角搵食，去左二派克雞排試吓佢哋嘅招牌大雞排！脆皮無骨雞腿排 (原味x芥末)雞腿排炸得金黃香脆，肉質嫩滑，原味已經好香，加上芥末醬，更加惹味。脆皮杏鮑菇 (梅子x芝士)杏鮑菇炸得外脆內軟，梅子醬酸酸甜甜，配搭芝士，口感豐富，絕對係驚喜之選！脆皮花枝丸 (咖哩x海苔)花枝丸彈牙爽口，咖哩味香濃，配搭海苔，更加香脆可口。整體嚟講，二派克雞排嘅小食都非常出色，炸得香脆，而且配搭嘅醬汁都非常惹味！下次去旺角，一定會再嚟試其他口味！

今日難得早咗收工突然好想食啲炸嘢掃街所以就自己去咗旺角買我最愛嘅炸雞扒有時候好掛住台灣嘅炸雞扒就會嚟呢度買今次我同同事兩個人嗌咗三樣嘢食- 脆皮無骨雞排 揀咗梅子同芝士粉，搭配雞排超惹味👍🏻雞肉好嫩滑，所以食落去大滿足- 甜薯地瓜條 份量好多，我簡左原味所以食到好香蕃薯味道超級滿足- 脆皮花枝丸 揀咗麻辣同海苔味mix埋一齊，超級正👍🏻雖然得三粒但因為都好大粒所以都好夠飽大家記得要小心因為一開始真係好熱但好正熱辣辣咁食

琴晚行完街之後就同朋友嚟到2派克炸雞食宵夜。見到舖頭keep住有人流，感覺幾受食客歡迎。即叫即整，等咗大概10分鐘左右。脆皮無骨雞扒攞上手個下香噴噴熱辣辣，雞扒超級大塊，成個手板size，仲非常厚，食嗰陣把口都要擘到好大先食到。外皮唔算多粉，但都食到外脆內軟嘅口感，一咬落去，啲汁爆曬出嚟，肉嘅質地仲好滑嫩，10/10。脆皮花枝丸$18有三粒，圓潤飽滿，咸香可口脆皮杏鮑菇外殼金黃酥脆，鮮嫩多汁，口感彈牙，素食者都啱食。有好多調味粉可以自由選擇，有海苔、梅子、麻辣、椒鹽、芥末、咖哩、辣味、芝士，仲可以雙拼，好夠味

所以嘢食即叫即炸🍟🍗所以要啲啲時間等待，但係係可接受範圍之內，因為即炸真係好食好多！😋而且佢地都貼心地擺咗好幾張凳喺出面，方便大家坐住等，冇咁攰✨脆皮無骨雞塊(椒鹽+芝士) $35因為見舖頭啲雞排係免切，所以就嗌咗雞塊，食起上黎方便啲啲。由於雙拼嘅關係(椒鹽口味再灑上芝士粉)，味道十分之夾。✨甜不辣(梅子) $25諗住話唔想食太多鹹嘢，所以甜不辣揀咗梅子味，微微酸酸甜甜又幾好食。因為實在太飽嘅關係，剩少少甜不辣係拎咗翻屋企先食，但冇諗到食嗰陣仲keep到外脆內嫩👍🏻✨甜薯地瓜條(海苔) $25地瓜條味道甜糯可口。雖然係炸物，但感覺比炸薯條健康，所以就嗌咗炸地瓜條黎食😂

食完晚餐口痕想買啲炸野番去邊食邊睇奧運黎左呢間位於通菜街既炸物店等緊既過程仲可以睇住黃子華既棟篤笑 😂 💯野食係即叫即炸 等候需時！炸野一定係即炸先至好食！我願意等😁🍗 脆皮無骨雞腿排 $40 海苔首先係炸雞腿排。睇相都睇到好大塊既雞排，外酥內嫩既雞肉好多肉汁，少許鹽同胡椒調味,一口咬落去,喺口中爆發出濃郁鮮美既雞肉汁。外皮唔係熱氣個種炸，食落口都唔覺得熱氣。🍢 脆皮花枝丸 $18原味 超大粒既花枝丸Q彈有嚼勁，但又唔會過於乾，有小小咬口 ，配合埋椒盬味既粉，更加突出花枝丸嘅鮮嫩。🍠 炸地瓜條 $25 簡左芝士 麻辣粉金黃酥脆嘅外皮下,係軟綿綿嘅內餡。地瓜本身自然甜香,一口咬落去,地瓜嘅香甜立即喺口中散開,外面加左少少佢既調味粉🧂小小辣，更加惹味。每種都可以簡1-2種 調味粉、睇番自己鍾意既口味去配搭有海苔 芥未 麻辣 芝士 原味 等等..原來有幾間分店，我去呢間係 #旺角分店

⭐️脆皮無骨雞腿排可以mix 2隻味既粉，揀左芝士同海苔，味道好夾👍🏻 炸衣好脆，雞腿排肉質超嫩，仲會滴汁，解汁做得好好～ 好多人排隊都係為佢，真心好食😍😍.⭐️甜不辣極煙韌，炸皮好薄，切到一口size，邊行邊食好方便，本身好鍾意甜不辣，呢到既甜不辣係好食，可以一試🤫.⭐️甜薯地瓜條揀左梅子粉，酸酸甜甜好好食🥹 仲要炸得好炸口，份量唔少～ 大大條地瓜條，當小食都幾飽😆😆

掃街首選❗️即叫即炸來自台灣脆皮雞排專門店一「2派克雞排」，即叫即整，熱辣辣，十分香脆。脆皮無骨雞排🍖招牌菜當然要試😋😋😋揀左原味+海苔雞排非常大塊，外層炸得酥脆，內裡肉質嫩滑超多汁。脆皮花枝丸🦑揀左梅子味花枝丸大大粒，咬落彈牙好足料,入面仲有墨魚粒。脆皮杏鮑菇🍄揀左咖哩味炸得十分香脆，杏鮑菇大大粒，份量十足。✨️調味粉有：原味、海苔、梅子、芝士、芥末、咖喱、麻辣可按個人口味自己選擇!

•脆皮無骨雞腿排• $40 [👅8/10]對比起雞排 雞腿排更加多汁肥美一啖咬落去 啲肉汁流晒出嚟原塊雞脾肉 真係大過塊面 無經過捶打 所以唔會變到好扁同實的的(新鮮炸起 超級辣手 為咗影相練成無情鐵火手)-•甜薯地瓜條• $25 [👅7.5/10]粉粉綿綿嘅蕃薯 都頗甜建議快啲食 凍咗無咁好食🫵🏻同埋配一個鹹口嘅調味粉 會比較夾-•金菇酥• $12 [👅7.3/10]好啱影相 炸到開晒花🤣🤣平時勁難咬嘅金針菇 變得好酥脆以為食緊薯片🙂‍↕️🙂‍↕️

2派克雞排🍗台灣過江龍炸雞排，喺香港有幾間分店，第一次食真係好驚喜～今次係第二次食！個人覺得係香港最好食嘅炸雞排👍🏻大推！💫脆皮無骨雞腿排 $40猶豫左好耐應該叫雞排定雞腿排好，最後都係叫咗雞腿排（好似滑啲🤣）雞排可以揀2種味，上次食揀咗海苔+芥末，意外地個味道幾夾～今次就揀左海苔+芝士，芝士味唔太出，但係好食。佢哋嘅調味係偏重口味，係食完會即刻想飲水，淡口味人士不太建議😂講番雞排本人先，外皮超脆，而且好薄！脆到好似薯片咁，個味都有啲似某款紫菜味薯片🙂‍↕️雞肉好嫩好juicy，咬落去係一絲絲嘅，好大塊，建議同friend share食～💫金菇酥 $12落左咖喱粉嘅金菇酥，第一次食炸嘅菇，老實講有啲似食緊咖喱味嘅脆脆，咖哩味大過菇味，正正常常，唔太啱我口味🍄推薦：🌟🌟🌟🌟🌟地址：2派克雞排 (旺角)旺角通菜街1A-1L號威達商業大廈地下A號舖

上次食過紅磡總店，一直念念不忘，行旺角發現旺角開了分店，台灣過江龍燒無骨雞排必定要試。芝士紫菜炸雞排：口感外脆內嫩，外層酥脆金黃，內裡肉質鮮嫩多汁。芝士和紫菜令雞排口感味道增加不少。梅子椒鹽炸秀珍菇：酥脆的外皮，搭配著淡淡的椒鹽香氣，內裡的秀珍菇則保持了鮮嫩的口感。梅子令秀珍菇鮮甜度提升。台灣香腸：口感豐富多汁。外皮配上酥脆皮，而且味道十分香濃，而且價錢十分合理。👦🏻一次過吃哂兩條，證明十分好吃👍

好耐冇去過旅行，去親台灣都會去夜市掃街勁食小食，所以我好掛住台灣嘅小食，今日放假我地去左旺角嘅2派克脆皮雞排一去到鋪頭已經聞到好香，見到好多人排隊等緊，好期待😚真係好好味！仲有8隻調味粉俾你揀！今日揀左3款小食：脆皮無骨雞扒$40揀左原味，嘩….份量十足，皮脆肉嫩，非一般其他雞排比美，期待其他味度。脆皮杏鮑菇$25脆漿可口唔油膩，鮑菇仍嫩口爽脆，連小朋友唔多食蔬菜都話好味。甜不辣$25特色小吃有些似魚蛋口感，一款不錯的小吃👍🏻值得一試另有套餐選擇！都好抵食包埋飲品！有3間分店（旺角、荃灣、紅磡），大家不妨去試吓啦👍2派克雞排 (旺角)旺角通菜街1A-1L號威達商業大廈地下A號舖

今日去咗一間旺角嘅神秘炸雞店，台灣2派克雞扒，未嚟食之前都聽朋友講話呢間係台灣過江龍過嚟，所以特別想食，，餐廳主打招牌脆皮無骨雞腿扒，同埋脆皮無骨雞雞扒，仲有雞全翼都係最正嘅，餐廳環境都幾靚，得少量位置可以坐喺度慢慢食，仲有你想食串燒呢度都有提供，雞扒或者炸物都可以選擇兩種唔同味道嘅調味粉，最多人選擇就係芝士同埋梅子味都係店主推介，炸雞扒我成日食，但係呢間嘅炸雞扒係特別大塊，啱晒我哋呢啲食肉獸😂同埋1塊都係$40仲要無骨非常之抵食，同埋佢個雞全翼炸得好脆，仲有保持雞翼嘅水份，食落去好嫩口，仲要喺街都已經聞到炸雞嘅香味，所以整體嚟講都值得推薦！📍地址：2派克雞排 (旺角)旺角通菜街1A-1L號威達商業大廈地下A號舖

本人非常之鍾意食雞扒，所以經過旺角見到有炸雞扒一於去試下先。由於只係想食少少嘢既關係，就叫咗個派直套餐裡面既脆皮雞扒套餐，加多個脆皮杏鮑菇。✨脆皮無骨雞扒雞扒可以自選兩種口味，我就選咗原味+海苔，因為要即刻炸嘅關係，所以都要等一段時間先有，雞扒好大塊，雞皮好脆，雞肉好容易撕開，醃得好入味，個人比較喜愛海苔口味多d。✨薯條我就選咗芝士口味，佢並唔係黃色嗰啲芝士，佢嘅味道同喺超級市場買到紫色包裝嘅芝士圈嗰隻橙色粉嘅味道一模一樣，哈哈😂薯條就係類似M記嗰隻口感。✨ 脆皮杏鮑菇呢款就相對遜色咗少少，咬落去啲菇仲有水份，又唔夠脆皮，認真麻麻哋。鋪面雖然細但都有位置俾你坐低食，幾好👍🏻不過天氣開始熱，鋪面冷氣就唔係幾夠，記得帶把風扇仔會比較好😝

下午茶時間肚餓，又想同同事一齊食香口食物，選擇了公司附近這間炸雞店，最出色是有雞扒雞髀雞塊等選擇，而且每款小食都可以有八款口味的調味粉自選，包括原味、芝士、梅子、麻辣、芥末、辣味、咖喱和海苔等，落單的時候話俾職員知就可以了。所有食物都是即叫即整，所以全部都熱辣辣，而且炸到外皮非常香脆，味道亦都很濃郁。1. 脆皮無骨雞扒: - 口感:外皮非常酥脆可口,雞肉本身則非常嫩滑多汁。咬下去會有讓人滿足的口感。 2. 脆皮花枝丸: - 口感:外皮酥脆,裡面則是鬆軟柔滑的花枝餡料。吃起來富有彈性和嚼勁。 3. 脆皮杏鮑菇: - 口感:外皮酥香脆嫩,內裡的杏鮑菇肉質耐嚼又多汁。

來自台灣的脆皮雞排專門店「2派克雞排」即叫即造，保證新鮮熱辣辣👍，除左主打脆皮無骨雞腿排外，亦提供多款人氣炸物，多達8款調味粉配搭炸物，大家可以按自己喜好配搭😋- 脆皮無骨雞扒🐔 $40雞扒厚實，大約有整個手掌份量✋， 雞皮炸得金黃酥脆😋，雞肉嫩滑多汁而不油膩😎，配上椒鹽及海苔調味粉，配搭很夾😍- 甜薯地瓜條 $25甜薯地瓜條炸至香脆🍠，質地軟燸甘甜，配上梅子粉清爽解膩❤️- 黃金香芋丸🍡 $22香芋丸外脆內軟😍，芋頭香味突出，中間加入鹹蛋黃，鹹香度十足🤣