759茶餐廳 (已結業)

用759會員卡有88折，但標價高，折左先同其他餐廳差唔多價錢，食物都一般茶餐廳貨色，順路經過可以一試，突登去食就幾無謂。叫左1個特餐，有五香肉丁烏冬、餐包配芝士奄列加1杯涷奶茶。原本對芝士奄列幾有期望，但食落無芝士味，其他不過不失啦。另外叫左1個雜扒晚餐，包熱飲和餐湯，要80大元，份量算幾大份，有3塊扒同埋腸仔煙肉，啱晒食肉獸，但味道普通，唔值80蚊。

其實一直都想試試759 荼餐廳，但一直未有機會。直到今日得我一個食飯我就試試看～我叫了最普通常餐（五香肉丁米，牛油方包，火腿奄列，熱飲）我見大部份人都係食午餐。其實份常餐同出面茶餐廳無分別，只是入面米粉用759 牌，新竹米係好食啲。最驚喜是埋單有八八折（出示會員證），所以全個餐只需＄29，比附近嘅茶餐廳平。

見到附近有間759茶餐廳就入去試下，知道759開左餐廳咁耐，今次真係第一次幫親，裡面簡簡單單既裝修，同普通茶餐廳真係冇乜分別，座位都寬闊，坐得舒服既！我份紐西蘭西冷牛扒意粉，牛扒勁大塊仲要鐵板上，牛扒雖然大大塊但係有少少韌，牛味亦唔算好重，汁都還OK，蒜蓉汁味道亦調教得幾好味，牛扒面仲有少少蒜粒，食落口感更加好，牛扒底仲有d薯條，雖然有比d汁浸林左，但都仲幾好味既，呢度意粉係用碟另上，意粉份量一樣好多煮既時間都控制得幾好，食落唔會太林，仲係爽爽地！飲品凍奶茶，茶味都幾夠濃又夠滑，大大杯，呢度樣樣都咁大份岩晒幾個人黎食，唔洗驚唔夠飽！

自己一個來到光輝圍附近搵野食，行到759茶餐廳門口見到有高級扒餐成88蚊，亦都有40蚊午餐，見到有張poster寫住有759張卡就有8折，折左$33.6有飯、有湯、有飲品好抵呀，飯就叫做不過不失60分啦。

本身759對我來説十分有信心，但茶餐廳真的第一次試。首先同大家分享下食物質素真的一般水準，與其他茶餐廳沒有分別。之後再講服務質素方面十分差。服務員無禮貌不但致，更差的係佢地態度及表情顯示無意招呼你，最後地方整潔真的麻麻，地上滿地垃圾，沒有經常處理，所以大家選擇的時候，要考慮清楚。否則食得吾開心就無謂。

店名：759茶餐廳地點：新界葵涌光輝圍火7-9號光輝大廈地下B2號舖，電話: 3669 6945(1)    豆腐雙腩煲；(2) 香橙一字骨，兩者合共一百零八元。（持759會員卡8折優惠）各附送一客例湯及熱飲。食物的色香味如何：廚藝100分佔65分啦，原因是﹕l   一字骨較硬滑而韌，不過那些橙汁算是有濃郁的橙味，且稀稠度恰如其分；l   而豆腐雙腩煲在我來說，味道可以，但家人嫌煮得很鹹；l  例湯選用紅蘿蔔瘦肉，正氣；l  熱華田和熱奶茶很香口，奶茶傾向多茶味，合乎香港人口味；而熱華田也頗幼l  可是賣相算是不錯，而以班腩拼火腩，也是新的嘗試。環境：灰色的裝修，加上多幅希臘聖淘維尼島圖片和略暗的燈光，有情調和有歐陸風情。服 務：不錯。衛生：合格。抵食：價錢普通，和親友聚會可以選擇。

茶餐有好多選擇~ 炒粉餐都唔係好迷你~ 仲幾大碟添~ 都幾足料好食👍🏻 奶茶幾香滑☕️ 不過侍應姐姐傾計好大聲好嘈~ 同埋裝食具個盤好 dirty~ 地下都唔乾淨~ 要注意下衛生🙄🙄會員卡仲有折添~ 抵到爆~

成年都冇進步，都開左年幾啦，每次都係後悔再比機哩間野，之前食常餐出前一丁冇比湯粉，仲話係咁既，夜晚食晚飯小菜椒鹽蝦，D蝦肉梅既，仲要加飯加湯另外加錢，落去食晚飯你就一個餐一個餐咁賣啦，整幾個小菜好似平左，實際上加飯湯飲品其實仲貴。今日食個焗豬扒飯，唔熱都算喇，仲要無味既，豬扒又切碎曬，面個堆橙紅色醬，真係試過都驚，西湯羅宋湯又係唔咸唔酸既，想落胡椒粉仲要比驚喜我。我真係好後悔，幾個鐘後個口都仲係槳住，仲有間野叫759，但真係唔平架。

葵興其實冇咩好食 仲努力發掘中是日行左去光輝圍食見到大熱既759開茶記 即管一試三十幾蚊黎講 質數都ok羅宋湯多菜 少少辣唔太油粟米魚柳飯 粟米多 醬汁都ok魚柳大件厚肉 都幾香 此為食之選~

Instagram: tasty_bud豬扒餐肉出前一丁 $28 with drink 下午茶見阿信屋 開左係附近，所以去試下，都無乜大期望，點知發現幾好味幾抵食！豬扒好大塊！大過我塊面！個麵又煮得岩岩好！食出前一丁最怕太硬又太淋！廿八蚊食個tea正啊！味道：4/5賣相：3.5/5份量：4/5 抵食：4/5環境：3/5

適逢復活節假,我同魚兒好難得泥到葵興,呢區比較陌生,大部分都係工業同住屋區, 要行到入去光輝園,先有一排街邊餐廳可以食. 759最近係香港擴張得好多元化,咁岩我地尼開行街街,所以就慕名而來泥試試開張不久的759茶餐廳.賣相跟一般茶餐廳一樣,甚至比較寬闊.檯與檯之間有距離,幾好再講下食物質素,其實是頗有水準既//最快到係沙嗲金菇肥牛粉絲煲, 個煲炒得好香,好有鑊氣,都差晤多有大排檔的味道(雖然沒大排檔的環境),味道不濃也不淡,牛肉同金菇份量算是平均.我同魚兒兩份食,好味道~下一個主菜我地叫左香煎豬排拼海虎蝦意粉我喜歡吃的鐵板餐,賣相晤錯,有兩塊大豬排,有蘿蔔,有一隻專屬你既大蝦~份量都算係大,最精細係兩塊大豬排,邊邊位仲好脆,好有咬口餐湯方面,有D失望,因為沒我地鍾意既湯. 得中湯同埋羅宋湯. 後者味道太重,甚至乎有點兒辣,中湯就太多味精. 還好,我地叫既餐送兩支支裝飲品,可以解到口中之熱.環境,非常惡劣.比大家睇下...... 睇無清楚...在睇真D...完全係晤可以接受!!!!!我地好開心食緊飯既時候,D蚊係咁飛來飛去,又飛落去D野食到,令到我地好晤舒服......現場總共有5隻既蚊

兩公婆講左好耐話試下呢間野, 終於尋晚試左。食左咖喱班腩意粉, 鮮茄牛肉飯, 涷奶茶總共$83。老實講本身都唔敢抱太大期望, 始終都唔係比好多錢, 但入到去發覺都唔錯, 成間鋪望落乾乾淨淨, 職員制服都乾淨鮮明, 雖然唔算好好招呼, 但我地轉卡位時佢地點態度好好, 有禮貌, 仲要係全程40分鐘, 我一句粗口都聽唔到。咖哩班腩意粉 - 咖哩汁味道唔錯, 唔稀唔“杰”岩岩好。班腩比起其實茶餐廳用得少炸粉, 唔錯。意粉唔可以話好好, 不過以呢類型鋪頭黎講算唔錯。鮮茄牛肉飯 - 因為本人唔食牛肉, 所以只能轉述, 牛肉大小同平常的餐廳酒樓一樣, 蕃茄大概1.5個, 個汁味道咸淡適中, 仲要賣相唔錯, 加左幾段蔥點綴一下。涷奶茶 - 同出面差不多, 正常好飲有茶味。中途見到隔離枱叫左男人的浪漫, 都有幾條蔥, 賣相唔錯。本人覺得價錢對比食物質素同環境服務, 呢度都算值得大家一試。沒有影相請見諒。

跟友人Kelvin食晚飯。相約去759茶記。我第一次去759茶記。點咗五香肉丁烏冬加煎蛋。飲品點咗烏龍茶。最後埋單$33。個烏冬麵好彈牙。個煎蛋好食。混入個五香肉丁更加爽口。個五香肉丁肉質鮮美。個烏龍茶好飲。個五香肉丁烏冬賣相好正。價錢公道。間茶記有42吋電視。

晚上七點幾，有兩三個人排緊隊。我地五個人，咁啱有位唔洗等。環境寬闊落乾淨。叫餐時侍應話焗爐壞左冇焗飯，鐵板餐冇鐵板所以要用碟上。好囉叫左一碟乾炒牛河$38，一碟生抄牛肉飯$38，一煲蝦乾雜菜煲$68，有例湯送。每碟份量唔多，剛好分五個人每人半碗，味道普通。meh最差就係雜菜煲，一啲味都冇，同白灼冇分別，仲話蝦乾，都冇蝦乾味嘅！食物只係一般。頭頂嗰幾箋吊扇燈係就係有格調，但係吹住餐枱吹到正，食物都比佢吹凍，人更加比佢吹到頭暈，唯有快快食完快快走。總之，其實冇咩特別，係特別貴。

759除了阿信屋開到總有一間在左近，由零食做到家電，化妝品到服裝，還進軍飲食界，茶餐廳，雲吞麵，車仔麵，Cafe，甚至麵包店，林老板的版圖不斷擴張，功力實在令人佩服。對這品牌特別感興趣，想逐一拜訪各食肆。趁著情人節，餐廳紛紛起價，逼男友取消原來的booking，齊齊做精明的消費者。選了茶餐廳，作為試食大計的第一站。從葵興地鐵站，走大概10分鐘的路程，地點不算方便，但貫徹759一向選址於平民地段的作風。終於見到大大的"759茶餐廳"招牌，期待已久的晚餐，難掩內心的興奮。餐牌很齊全，應有盡有。759阿信屋自家飲品有可樂，綠茶，烏龍茶和運動飲品。麵類亦可選自家麵食，包括芝士辣麵，烏冬，出前一丁和新竹米粉。神戶居留地綠茶比伊藤園淡。焗豬扒飯鋪了大量芝士，焗得很香，還可以拉出長長的絲而不斷。豬扒薄薄的，份量不算大，但絕對夠吃。沒有炸過，反而健康。肉質也不錯，不嚡不韌。還有蘿蔔，洋蔥和西芹，焗得幾腍。調出來偏橙的茄汁，味道可以，但跟大家樂的鮮茄，不能相提並論。用白飯，而不是常見的炒飯底，有點過濕。整體來說，還可以吧，但實在很喜歡它的芝士。乾炒牛河顏色偏淡，有鑊氣但明顯不夠，味道沒那麼咸，反帶點甜。