759車仔麵 (已結業)

係九展行outlet後口痕但唔想食連鎖快餐，發現759阿信屋車仔麵！當時去到1750，下午茶仲有10分鐘完，立刻試左個下午茶，係車仔麵店唔食車仔麵，叫左個奶油豬加凍鴛鴦！本身係759會員，唔貴既下午茶再有折，抵到爛！$23餐加凍飲$2，折後$20za！奶油豬香脆，煉奶份量剛好，個包外脆內軟！凍鴛鴦好夠味，就算飲到尾溶曬冰都夠味！絕對係意料之外咁好食！平靚正！上菜又快！

平時食開759既車仔麵就普普通通唔係特別好食，估唔到下午茶餐又有啲驚喜喎！唔只西多士咁簡單，竟然係芝士火腿西多士！聽個名都夠晒邪惡！食落又鹹又甜不過又好夾！不過因為外賣所以炒蛋都放埋一齊變左甜炒蛋…如果堂食應該會好啲！

Quick and fast service. No English menus available. Rice and noodle dishes. Clean environment with local Hong Kong diner feel.

唔講唔知原來759 有車仔麵, 今日試左覺得除左滿足左車仔麵既crave之餘，又多左個平靚正既速食option今次點左茹，蘿白，豬軟骨同菜烏東個烏東口感好好， 軟硬啱啱好而且彈牙同滑,以三十幾蚊價錢黎講真係冇咩好再批評

好朋友一直好想睇屍殺列車, 雖然知道係喊戲, 唯有頂硬上啦 !因為睇早場, 所以去到九展先搵食, 九展食肆唔多, 最後見到759竟然有8折,真係估唔到食早餐都有折.我地都叫了雙拼麵餐 : $28 八折   $22.41. 雪菜肉絲午餐肉出前一丁2. 午餐肉煎蛋出前一丁即磨咖啡及阿華田$22雖然未有多士, 但有飲品及出前一丁麵, 真係好抵食。講返食物味道先~雪菜肉絲午餐肉出前一丁 :雪菜肉絲好少, 午餐肉得一塊有D失望, 因為另一碗係有兩塊既 !! 午餐肉煎蛋出前一丁 :煎蛋竟然得一半, 反而午餐肉就有兩塊, 所以好奇怪~總括黎講 : 一個$22.4的出前一丁雙拼麵餐, 還能配上飲品。真係好抵, 份量雖然有些不足, 我都覺得可以接受。地方雖然有點遠, 因為在九龍灣坐SHUTTLE過去, 但去開睇早場食早餐就係好選擇

今日同柑太行完九展的運動博覽會，原本想離開回到德福再找點東西吃，但柑太記得這裡有一間759開的車食麵，於是便提議光顧。由於當時正值人流最旺之時，店內坐滿了客人，幸好這店的安排合宜，必須要先購票後才可以找位子坐下，部份人發覺不能先坐下來，都不願意光顧，變相令我們等候的時間快了很多。柑太點了一客下午茶澳門豬扒包，加凍咖啡，原來持759會員卡可以有八折的優惠，所以最後便宜了數元，而食物亦不需要等候太久，我們很快坐下來慢慢享用。豬扒包的豬扒包厚度不俗，而燒烤得頗入味，咬下去肉嫩汁多，脆脆的麵包烤得剛好，而咖啡的味道較淡，幸好不算太甜。以這個價錢可謂物有所值。

一直都只是看openrice食評，但這種趕客的惡劣態度我真的第一次遇到，真係忍唔住開個account 比負評。以下會確切紀錄時間因為時間是關鍵因素。今晚15/7和朋友去九展聽concert, concert 8pm開始，我們剛好7時正到了九展，去拿concert飛後見有時間打算先吃點東西。戲院旁邊有些餐廳，其中一間是759車仔麵，好奇759餐廳是怎樣，就打算今晚吃個車仔麵再聽concert。與其他人一樣，一入餐廳就被呼喝要點餐後才入坐，大家也是在排隊點餐才入坐，我們也跟大家一樣排隊。其實唔想客人未點餐前行入去應該加圍欄。排隊其間已經想好點餐，打算試試759自家麵和3個餸，原來點759自家麵還要4選一，到了櫃臺時才有張紙說要4選一，要人選擇的話應該貼出來吧，又沒有寫在牆上的餐牌上怎麼事前知道要選擇!! 跟著和朋友一齊入坐等餐時大概約7:15pm（當時沒有確實看時間，但7時正才到九展拿完concert飛再到餐廳排隊然後點餐再坐下，15min已經是保守估計吧），食物數分鐘來到，上菜速度是快的，我們開始吃車仔麵，食物質素普通。另外我們有一位朋友也剛好在九展，想一齊吃點東西，便問那個負責管坐位阿

今次係第二次食, 印象比起第一次仲要差! 經過第一次之後, 知道所有人都要買車仔麵飛後, 先至好行去搵位, 唔係就比人話.......但今次, 直頭個個入黎都比人鬧!!! 離晒譜!!!!!當日(7月11號星期日) 6樓有某品牌會員開倉活動, 我同老公就買左兩大袋戰利品, 走到759車仔麵食下午茶; 老公第一次去, 我就先提佢要一齊買飛先好入座, 但一邊排隊, 他一邊眼見在場職員對客人的呼呼喝喝態度, 已經很不自在。輪到我地, 我先落單, 出示會員卡(有再7折, 的確好平!!), 然後接過我老公袋戰利品, 連同我自己一袋, 慢慢走向座位, 我並唔係9秒9衝去霸位......正在執枱既阿姐問:「你買飛未呀?」我:「買左喇! 紅衫果位呀! 比完錢喇!」阿姐:「哦! 紅衫果個, 好! 你坐邊張呀? 呢張定出面果張?」我: 「呢張啦!」阿姐粗魯咁再答:「你自己搵地方放好你兩袋野啦!」當然! 我一開始已經好努力拉椅、將大袋塞入椅底.......都未努力完, 門口就有另一個阿姐用更粗既語氣大聲叫:「阿靚女, 你買飛未呀?」佢大叫左3次, 因為我唔知佢叫我, 而且, 我同第一個阿姐既對話都唔係細聲,

相約朋友在九展看電影, 進場前輕鬆吃點小食填填肚. 這裡採用先自行選麵, 三餸麵$32, 加餸$6. 最後點了4餸麵+秘制沙嗲汁$2, 759的會員證有折, 不錯. 這裡的規則是, 是先點麵, 付款, 然後才找座位. 坐下不過3-5分鐘便有麵送上. 速度頗快. 蘿白有2大舊, 味道清甜, 不太多渣, 可以. 生菜只有3,4條.... 份量太少.  雞扒只有3件左右, 份量太少, 煎得不脆不香口. 麻辣豬肚絲較OK, 麻香四溢, 雖然份量也是不多. 我點的是粗麵底, 質素比普遍潮式粉麵差. 不爽口, 粉粉的. 秘制沙嗲汁不太辣, 有一陣花生香味, 但味道普通. 像是超市的普通品牌沙嗲汁質量.  味道上不太合格, 只是價格上勉強補充一點分數, 中評. 

星期六番工日更係要嘆番個早餐先開工, 不過EMAX附近都無咩好食,係無咩選擇之下就去左759食啦..早餐選擇都唔多只有6款, 有3款中式點心,另外就雙拼三文治/雙拼麵/同埋我點既牛油麵包,炒蛋, 焗豆配香茅雞扒/豬扒; 全部早餐包杯熱飲早餐價格都係由$20-28啦, 俾錢時見到有759卡仲有95折, 就算無折都叫合理價錢.先付款坐底食物會有人送上. 雖然店唔大, 但可能星期六早上唔多人我自己一個人都可以舒服咁坐唔洗同人搭枱.食物都OK, 檸檬茶唔算香濃但都無苦澀味叫不過不失, 早餐對我來講份量都OK, 自己最欣賞係個炒蛋夠滑仲有蛋汁夾麵包就一流, 而焗豆就係罐頭貨啦只係如果翻熱送上會比較好少少, 雞扒明顯細塊但我夠食, 不過偏油左少少而且無香茅味, 幸好就係皮都有少脆同唔鞋口.整體上係同一個商場無咩食店選擇下, 我都會再來這間食.地址:九龍灣展貿徑1號國際展貿中心地下2號舖

如果趕時間睇戲，咁759車仔麵真係會幫到你!餐牌上面既選擇雖然都幾多，但我平時黎到都一定必點咖哩魷魚及豬皮，所以都好快手可以揀好餸咖啡魷魚係必點之物，因為佢有咖哩味之餘，亦都爽脆一啲都唔難咬而呢到既豬皮我真係可以大膽講係我食過既車仔麵豬皮入面既數一數二原來係佢非常爽口，食落去你會覺得有一種生命力，感覺到佢係新鮮貨而唔係好似其他食店咁浸到淋左韭菜餃就差左少少，唔係即煮既，而係一早烚定，有啲過淋而且都明顯地唔係自己包既，應該係工場貨黎...總括，咖哩魷魚及豬皮依然係必食不過下次第3樣餸就可以試下叫其他啦~~~

今天因工作關係要到九展，這個商場沒有特別多的餐廳供人選擇，而小仙女又從未吃過759的車仔麵，只是從759阿信屋超市買過東西。位置不多，適合這個𣎴太多人的商場任揀三餸 普通車仔麵檔的餸都應有盡有先買單付款，後拿食物是次叫了: 生菜雞翼煎蛋腩汁幼麵 $32 + 外賣$1賣相來說，腩汁原全沒有色水，像雞湯一樣，吃下才發現這裡的牛腩汁如清湯一樣！雞翼有2隻，肉質十分韌，又是沒有味道的。生菜還可以的，不會太淋，麵的份量適中。但是完全沒有車仔麵的味道，只是一間快餐煮麵店，所有東西都沒有味道的，不過如果趕時間又不想吃McDonxxx又想吃便宜一點的話，就可以吃759車仔麵。不過我以後都不會再吃759車仔麵。

759既豬排包，只會係下午茶時段提供，一塊厚切豬排夾在看似鬆化既麵包內，並夾以生菜沙律，似模似樣。咁，味道呢？麵包太太乾喇，雖然有飲品搭配，但是都係好鞋，而且塊豬排都好乾身，雖然味道適可，唔算鹹，唔太油膩，但是實在得一個字。。。太乾。真係食到口都損埋添!

原來759車仔麵係有飯供應㗎，不過只得一款 - 滷水雞髀煎蛋飯，連飲品$38 (凍飲加$2，外賣加$1)。碟飯份量相當充足，加上滷水汁，令到白飯也很開胃。雞髀好大隻，好多肉，浸泡在滷汁令雞髀肉很稔，又入味，但又唔會太鹹，味道啱啱好。不過唔知廚房係咪趕時間，隻蛋就太生，連蛋白都未熟，有一pat透明啫哩物體喺度，睇見就唔多開胃，建議佢地至少都應該煎熟啲蛋白吖。

今晚因為唔太肚餓，又咁啱係附近拎完月餅，就試一試呢間成日都想試下既759車仔麵，佢間化妝品店同零食店就去得多啦，但係呢間車仔麵就真係第一次試，我跟餐牌叫左個三餸麵，魚蛋、金菇菜、魷魚既米粉，再加左杯凍華田，杯飲品好淡，唔重味，而我就加左沙爹汁，沙爹汁係唔錯，但其餘就普通，無咩特別，不話三餸車仔麵都只係$30，出面難求