759車仔麵 (已結業)

今日同女朋友行街，不知不覺已經七點了，肚仔餓喇！ 行下行下見到間759車仔麵！ 係女朋友最鍾意嘅麵檔！二話不說帶咗我入去排隊了。 條龍好長呀！ 睇嚟呢間麵檔都相當受歡迎。 女朋友揀咗佢最鍾意嘅米線，配料方面係腸仔、生菜同埋雞扒。而我呢就揀咗最鍾意嘅粗麵，仲有豬大腸、牛孖筋，同埋我最鍾意嘅豬紅！坐低唔使五分鐘就係有嘢食啦！咁多配料入面，我最鍾意係雞扒，因為佢好入味，應該醃製咗好耐啦！ 同淡淡嘅腩汁湯底形成咗先明嘅對比。 其次，我最鍾意嘅係豬紅，佢相當有口感！而令我比較失望嘅係牛孖筋，可能煮得太耐， 變得太軟，冇乜口感。 而我果碗粗麵都相當入味，食完好飽肚，好有滿足感！最緊要價錢都相當親民，都只係32蚊咋！出街食黎講已經算超抵啦！ 如果大家行街路過九龍灣不妨試下佢啦！

食早餐都竟然有88折, 真係估唔到。今朝早約左家姐去星影匯睇早場,無諗過家姐買左9點鐘的電影飛...9點鐘對於星期日想訓耐DD真係太早,所以今朝大家好早就要起身啦 !因為電影都要2小時,所以更加要食早餐, 我地大約8:05到左星影匯, EMAX 有其他方已經有早餐,最後我地揀左759車仔麵,因為貪佢有88折。 可能時間尚早所以無乜人, 仲有卡位喎 !我地就要先買左野食先, 食物會有職員送上。我地兩人都係揀左麵餐, 折左都唔駛 $25, 就有出前一丁麵及飲品.我要左雪菜肉絲餐肉丁麵配熱檸水家姐都係叫左餐肉, 但佢有兩塊, 我得一塊既 !! >.<丁麵煮得彈, 唔會太淋 !熱檸水有3片檸檬, 好夠味道 !家姐要了 : 餐肉蛋丁麵配即磨咖啡家姐話咖啡味道不錯呀 ! 呢個早餐真係超值, 平時食早餐真係無咁平呢 ~

兩公婆陪阿仔去九展考數學試， 考完試差唔多六點 ，不如食埋個晚餐先， 見到有759車仔麵，一於去試下。諗住入去搵位坐，畀阿姐截住， 原來呢度係先買票後入坐。 都擔心買完票冇位坐，因前面有十個八個人排緊隊， 鋪頭又滿座 ，點知 買完票 ，又有一張 四人枱走喎 超過三十個餸菜選擇 ，我哋買咗 魚腐，南乳豬手，咖哩魷魚鬚， 配米線 ，腩汁 。牛孖筋，牛肚，香茅豬扒，配油麵，腩汁。豬紅，豬大腸，牛孖筋，配粗麵，腩汁 。$32三個餸， 原來有759卡仲有88折， 即係為起每人$28.2 超抵腩汁湯底惹味， 餸菜都唔差， 牛孖筋， 牛肚 ，豬大腸 ，好淋。 唔會因為價錢平而影響質素。係個粗麵唔得，索唔到啲湯汁。 但係冇咩特別事都唔會入九展 ，希望佢好似阿信屋零售店咁， 開道每區都有呀其實仲有飯，早餐，下午餐，唔係淨係食車仔麵。

上星期四突然有事要出九龍，去到九龍灣國際展貿中心，順道在展貿找地方食午飯。一個人在九龍灣展貿食午飯，撇除了所有飲茶的酒樓，加大型連鎖集團快餐店，剩下就有例如「759車仔麵」等工人文員最愛食堂。我最初還以為「759車仔麵」只會提供車仔麵等食品，結果給我找到意外的驚喜。原來「759車仔麵」還有午市飯餐提供，「759」的集團老闆又真的蠻有商業頭腦，把「759車仔麵」打造成工廠區的工人文員飯堂，將附近的藍領白領都據為己有。來到九龍灣「展貿」，見到「759車仔麵」現場座無虛席，就知道「759車仔麵」頗得工人文員的歡心和愛戴。看見「759車仔麵」萬人空巷的景象，我一度有點擔心自己未必能找到座位用膳，但結果跟我的擔憂完全不一樣。原來「759車仔麵」店員是在你付賬買了午餐後，就自動安排場內座位給你，讓我可以不用花心機等候座位，就能立刻安心坐下用膳，當然「搭檯」等問題就肯定無可避免了。不過我現在已經習慣了要「搭檯」，只要狀況不是太惡劣或噁心，不要有人突然騷擾我，基本上我都可以沉得氣，二話不說吃完飯離開就可以了。乍看「759車仔麵」店內的餐牌，餐牌提供的飯菜種類，繁多得我也不禁有點驚訝。「759車仔麵」由

無可能無啦啦入九展啦，有張飛去星影匯睇貴賓丸，入面仲要有餐食，梗係去啦！既然有餐食，咁就食少少墊下肚先入去，於是車仔麵啱哂！叫咗個三餸，咖哩魷魚、魚腐、牛腩，同埋刀削麵，估佢唔到又幾好味！咖哩魷魚好夠辣，單係佢已經令個麵底充滿好好味嘅辣味！牛腩算軟身，個魚腐吸哂啲腩汁同咖哩汁都好好味！不過出色嘅係個刀削麵，彈牙得嚟好夾個湯！真係值得一試！加加埋埋32蚊，記得帶會員卡有折！美中不足係，大家要有心理準備個麵都咸，食完都頸渴架！同埋個麵係細架，正常男仔食可能都唔太飽，當下午茶就一流！

繼雲吞麵、茶記後，759 進一步擴展餐飲王國，於九龍灣 E-Max 開設車仔麵店。餐廳位置不太便利，只適合附近上班一族。 街坊價錢， 難怪中午時段擠滿客人。店舖面積不太大，只能夠容納約40人。另外，客人要在店外輪流下單後方能入座。提供8折優惠給阿信屋會員，折後車仔麵連飲品只需要30蚊，實在是窮人恩物！麵類除了大路米粉油麵外，還有四款自家麵食，包括刀削麵、新竹米粉、烏冬及出前一丁，絕對不是雜嘜牌，最重要完全不用加錢，超抵食！在云云的配料中挑選了【牛肚、豬腸及豬皮 併出前一丁$32】湯底有2款：清湯豬骨及腩汁，另外可以另加$2轉秘製沙嘜、泰式咖哩汁或四川麻辣。揀了最基本的腩汁，點知超級咸。難得出前一丁不用加錢，當然要了出前一丁！ 但是麵條烹煮不足，質感偏硬。另外掛湯效果不佳，在車仔麵中的麵條中不是最好的選擇。鹵水豬腸: 豬腸軟腍，沒有豬穌味豬皮: 不夠爽口牛肚: 有咬口車仔麵餸菜選擇多而且質素都不太差，只是湯頭實在太咸令餸菜大打折扣。

新年前又要嚟九龍灣開會，真係忙到連午餐都唔得閒食，去759買下午茶餐外賣。買了公司三文治，層層麵包都toast過，食落好香， 而且內涵都十足份量，有蛋，有午餐肉，有蕃茄，有菜，熱辣辣，好好味！職員亦好細心，將個外賣盒倒轉，方便客人取出，而且還細心地在角落剪一小孔疏氣。

價錢平，但果真平嘢無好嘢車仔麵一般，味道普普通通。蘿蔔、牛筋都算幾焾。但刀削麵口感太硬，食完胃痛完全唔掂，好似無乜點煮過咁😭 職員服務態度超差對食客呼呼喝喝，感覺好似欠左佢咁！完全趕客嘅感覺！就算平，如不改善服務態度，下次不會再幫襯！

759車仔麵已經出咗名難食，不過四圍都無哂位，我地又拖住兩個老人家，無辦法之下迫住幫襯。唔知係我太耐無嚟定係新規矩，d侍應係都唔俾我地坐低，話要排隊買咗飛先，見到我地手上有飛先准坐。咁我話我老婆已經排緊隊，俾老人家坐低先又有咩所謂呢？不過d侍應都係死都唔俾我地坐。咁好啦，咪等多陣先坐囉。果然無令我失望，個麵仍然係咁難食。而成餐飯聽得最多嘅唔係「歡迎光臨」，而係「買咗飛先好坐低呀唔該」，真係食到一肚氣。

去emax睇戲，男支揀左食759車仔面。今次係佢第一次食。我見到個價錢覺得勁抵食囉！三餸箇仔面，一律32，無分唔同既餸唔同價錢😱咁即係話就算你揀三個肉類，豬扒雞扒豬軟骨都一樣價錢，不過當然食咁多肉係好唔健康啦。咁我男友就揀左雞扒豬軟骨同生菜，面就食一丁唔使再加錢！好抵食又飽肚。等我成功減完肥唔使再戒口一定返來試！

在九展 shopping 完，有點餓又累 就去了759 車仔麵食個下午茶休息吓先 我們無點車仔麵，點了兩個好邪惡又高卡路里的下午茶餐 。火腿芝士西多士配鮮奶炒蛋 + 奶茶 HK$36 。雞脾沙律 + 凍港式奶茶 HK$30 + HK$2 價錢與茶餐廳差不多 但估不到 759 會員咭在這兒都有 8 折 ... 折扣後只是 HK$54.4 ... 又幾抵喎 脆卜卜的西多士中間夾著火腿與半溶芝士，這個組合真是太邪惡喇 !!! 不過，帶咸味的火腿與芝士配搭甜甜的糖漿好似不太夾 我覺得不加糖漿就咁食好食點 炸得香脆的雞脾配埋一大堆粟米雜果沙律，真是太滿足 ** 以上分享是以我的口味、喜好和情況作出分享及感受，一試 / 合用與否請自行決定

睇戲經過，想快吃一點早餐。收銀員及送餐員都服務效率高，下單付款坐下後餐點很快送過來，會員卡有八折所以一個兩餸面加餐飲才大約22元，十分抵吃。食物質素跟普通茶餐廳一樣合格。坐位適合快吃人士，下次還會光顧的。

睇完早場後有啲肚餓 又唔想行到太遠食 759車仔麵可以頂下檔雖然佢未至於好食到有好大驚喜 但都算抵 車仔麵必選蘿蔔 雖然唔夠入味 但都清甜三餸加埋野飲 八折後 都係三十蚊左右 其實都算係咁 睇完戲其實佢真係方便之選 如果可以再入味啲會更好

今日想lunch快食然後返公司補眠，759就啱晒喇。叫了三餸米線，加錢要沙嗲汁，有會員卡 埋單八折都係27蚊。個沙嗲汁幾好味，不過每樣餸的份糧就少左啲。但27蚊唔咁多要求喇😂

又嚟呢度開會，又係busy與時間競賽嘅一天，好攰呀，連食晏都要快快快。冇胃口，去咗759，要快食快走759嘅車仔麵真係好掂，湯底好清，唔會肥冧冧，讚 ! Standard size 係3餸麵，麵底and餸都有唔少選擇，今次呢就揀咗菜心、魚腐、貢丸米線。米線唔會冧哂，有小小煙靱，好食，貢丸好似係超級市場買到嗰d，冇特別，不過都幾好食。不過菜心就煮到好冧，太冧lu，唔應該焯咁耐㗎。759會員卡有8折，32蚊仲有8折，好抵食 !