759車仔麵 (已結業)

朋友約了在emax睇戲，睇戲前就食少少嘢，於是就黎食車仔面。叫咗2碗，我的是幼面+咖哩魚蛋+蘿蔔+菜心。蘿蔔味道麻麻，可以唔要。咖哩魚蛋都同菜心可以，幼面都幾好，整體份量足夠，不過男生可能唔夠飽。另一碗是鳥冬+貢丸+墨魚丸+芝士腸，這幾樣都係不過不失，加上腩汁就將整碗面既味道提升咗。 除咗腩汁，仲可以加錢加上咖哩汁/麻辣汁等，供人選擇。

碰巧今天在這裡有展覽，所以打算在行完展覽後和朋友們一起晚飯後才回家。原本是打算去Megabox那邊，但行完展覽已經體力用盡了Orz最後朋友建議不如試下759的車仔麵！！ 也對...反正難得過來這邊嘛~~這裡是先落單付錢~>找位置~>店員送餐 那樣子的程序。幸好落完單不用等太久已經有位，而且一坐下不久就已經送餐來 (好快！)我點了的是 - 3餸+麵 ($30)餸的話選了1. 咖哩魚蛋：不是麵粉多多的那種。真的有點點像出面吉魚蛋的味道2. 墨魚丸：能吃到墨魚粒之外也算大粒3. 回味豬紅：雖然沒有銅鑼灣很出名的那家好吃，但這裡的也不算太差麵是選了油麵 + 清湯。清湯則沒有我預想中的很淡~

近來「759阿信屋」越做越旺，旺得全港18區都有它的分店。在香港開業5年之際，759在今年7月份推出多個大型優惠慶祝（其實是宣傳和營銷手法已而！），不過我就不是常常「瘋狂掃貨」的人，反而難得在7月7日的一次「全線食肆」7折優惠則深深吸引着我！全單7折啊！豈容錯過！於是我便一嚐那裏的早餐，看個究竟這連鎖超級市場品牌旗下的食肆質素如何！因為座為少加上時間不夠關係，我只能外賣…然而當日上午，未見大排長龍購買食物！我的選擇是雙併麵食：沙嗲牛肉、炸雞中翼、日清出前一丁、凍港式奶茶。其實我想選擇比較少食的「山西刀削麵」，不過上午11時後才供應呢！其實這樣看來湯比較多，已且味精包已替我全放了，令湯不算太鹹，亦同時令原本麻油味的出前一丁的味道失色了。沙嗲牛肉處理還好，不過原先的「沙嗲」嗎已經被味精湯蓋過。牛肉味不見突出。炸雞中翼較硬，不太新鮮。麵煮得軟了一點，也難怪，要等上10分鐘。港式奶茶味道不錯，但奶味挺多。就趁着這一次7折優惠，連「凍飲+$2」也變成+$1.4下，品嚐一次759車仔麵，抵抗一下通脹吧。不過，車仔麵的風味在哪？

阿女好鍾意嗰個卡通公仔，所以昨天放假陪個女去睇睇。原來阿信屋唔單止賣零食，仲有車仔麵添。睇落好特別，於是試下先。叫咗2碗，1碗幼麵，1碗烏冬。30蚊有3餸，都唔貴吖，而且麵嘅份量仲好多添噃，估唔到食車仔麵都可以咁飽，加埋d腩汁，簡直perfect。 烏東都好QQ, 好彈牙。

鹵水雞亦無鹵水味，完全白色看鹵過甘，豬軟骨又係得豬味，墨魚丸正常，湯底ok最衰係個樓面呀姐，全場得一張台咪企系度等佢汁囉，即刻勁串甘話，你唔見果邊有張台我汁左啦咩，唔識過去坐加，我就話人地岩岩走咋邊度睇到呀，仲有個碗系度邊度有汁到呀，呀姐即刻唔彩我。但佢個表情真係

收工同朋友到Emax看戲，仲有半個鐘才開始，又有點肚餓，在附近找到759車仔麵！餸款式有二十幾款加餸就每款$6食物由店員送來不用自己去取，點左豬手、牛肚、蘿蔔同幼麵，分量算足又實惠，但味道就一般。試過就算但未必會再幫襯...

約左朋友係九龍灣傾野，傾完野見餓餓地，諗住係附近揾野食，不過唔係太多野擇，朋友話九展有間新開嘅759茶餐廳，759零食就買得多啦，不過茶餐廳就未試過，好奇心驅使下，一於試一試，點知。。  

幫親左759咁耐，終於都有機會試到759車仔麵！話說有一日同老婆係E-MAX行街，見到有勁大間759，而出口樓下，就正正開左間759車仔麵！入面唔算好大，大約有十數張枱，星期六夜晚唔使等位，都算係咁！三餸一麵都只係30，加多樣餸就加$6！真係好抵食，份量仲出奇咁大碗！粉麵底方面有好多選擇！除左有平時食開嘅油麵個D，仲有四款自家麵食，包括出前一丁、新竹米粉、刀削麵等，我揀左新竹米粉，比一般米粉幼，都算幾好味！而餸菜都有好多選擇，講得出都有，就連一向少有嘅豬軟骨、雞腎、青椒都搵到！不過第一次食都係依返D大路野，下次再試其他啦！唯一奇怪係醬汁只可以要一樣，想要腩仔加咖哩都唔得，不過就咁咖哩已經夠味濃，好香口！咁抵食真係要多D幫襯！

 星期日，睇完九展早場，嘆個早餐759開左車仔麵咁耐，都未試過，第一次感覺一般，味道腩汁正常，但d料真係麻麻今次叫左，香矛豬扒，墨丸，韮菜餃刀削麵- 香矛豬扒，變酸了，應該係整左好耐所以變酸了，難食得兩小舊- 墨丸 平野應該係街市既花枝丸，無咬下，好粉好難 食- 韮菜餃 正常，似足工場貨，無出邊即包咁好食刀削麵 第一次食759品牌，有咬口，可以買返去煮下3餸 車仔麵 30蚊 加杯 涷奶茶 Totel 37 野食一般，杯茶合格，不過應該無下次...未能令人再食多次... 還有早上11點半食，環境有點蚊芝飛黎飛去，改善下...

$30 蚊食到3個餸可以話係好抵食, 味道方面都唔錯, 超鍾意個米粉, 因為好彈牙好爽口~會再來食~!!好彩12點之前食lunch因為12點之後就開始多人要等位

今日在九展行過,發現759原來開埋車仔麵,一時喂食引起,走左入去試下,三餸一麵加飲品都係37元,但餸款不算多,點好後,便有人送上,身為食肉獸的我,今次選了牛腩汁,牛腩,雞扒,韮菜餃,,餃應該一早滾好,好凍,一般牛腩諗但太鞋,雞扒已切件,味道唔錯,河粉不會太碎,湯底有味,一般用來包肚係可接受,檸檬茶檸檬夠多,有4大片,茶不香,得甜味

完全唔抵食!!!加底? 加，邊X度加左呀，睇過?? 加左先係正常份量，我個FD冇加得一半，你都真係抵啦，加5蚊先有正常份量!!759自家烏冬??邊度自家呀，睇過?? 咪又係普通頹烏冬，一咬就斷個隻，頹野就唔好放自己個名落去啦!!真係過隔離M記22蚊餐再加個10蚊仲好!!絕對唔建議幫襯，除非你岩岩食完放題又有錢剩就可以諗下既!!

食左幾次759，而家為佢寫評價，應該會比較客觀。最初開店，可能「新廁所」的關係，太多人去，運作不順，不認為好吃，又等得耐，仲要比錯野，我寧願去隔鄰麥當勞。其實這裡跟一般茶記一樣，有早餐，午餐時段有車仔麵，飯。早餐價錢不貴，$17一客腸粉 / 糯米雞 / 雙拚三文治連熱飲。不過呢，要加牛肉、燒賣、粉果，$5一份，但份量不多。交來的貨色不會難吃，但姐姐放腸粉醬放得很求其，完全不足夠。午餐的車仔麵餸都是大路野，$28包三個餸，加餸加底加飲品另外加錢。份量是足夠的，相對早餐反而冇咁難食。雖然佢既價錢相對九展內其他食肆算係比較平，但我唔覺得佢抵食囉。

早前放下午假 ,臨時相約在九龍灣返工朋友去吃午餐，我由屯門過去要1小時30分鐘，我先坐巴士再坐地鐵，比原來預計時間早咗15分鐘，友人在附近返工,她提議吃759車仔麵，這間之前有些小想試,反正不是有機會吃到，這間同快餐店差不多模式，這裡不用自己取,店員送來,我就要了豬紅蘿蔔咖哩魚蛋粗麵，湯底要腩汁，估唔到又幾好吃，湯底都幾淸甜,豬紅同魚蛋好好吃，反而蘿蔔就麻麻,我覺得唔夠淋，環境就一般啦,服務都OK味道:整體幾好吃服務:我覺得不錯價錢:29元3個餸,另加6元飲品,都OK番吃:下次再找朋友，可能再去

星期日 諗住去試下新開嘅759車仔麵入到去坐低 諗好食咩去叫點知 收銀話冇芝士腸.....一睇最近收銀個menu 原來好幾樣野都冇最後揀左雞翼 豬肉丸 生菜 配759自家麵食嘅出前一丁都唔係好明點解芝士腸都會冇 冰鮮野咋喎 八點幾咋喎.....算結果 個麵黎嘅時候 個呀姐講左句冇生菜呀 娃娃菜得唔得下....你整好哂成碗放到我面前先問我得唔得??!!冇你唔早問我??!! 我唔可以揀第樣嘅?! 同一件事亦都發生喺其他客身上我在場其間起碼睇住三個人本身揀左雞排之後被迫轉有個仲要係轉左兩次 食物味道 清湯底好淡味 雞翼好咸都算正常但衛生真係麻麻....雖然鋪面新淨望落乾淨但目睹店員因為唔記得邊盆係沙嗲邊盆係咖哩竟然用同一隻匙羹喺兩盆野度試味....一個字: 冇下次