8鍋臭臭鍋 (金巴利道) (已結業)

一行幾人，人人住唔同地方，相約係尖沙咀呢嗰中間點我地今次試左呢間有得一人一鍋既火鍋店我叫左蕃茄湯底加白飯加珍珠奶茶，有d朋友叫左臭臭鍋加嗰d透明既面😆我個鍋有好多送，我覺得幾好食同抵食，會再去食最尾每人都係百幾蚊😋😇

#8鍋臭臭鍋 --除左吉野家，一人邊爐都有好多選擇‼️最近都陸續有d 臭臭鍋出現朋友話當年美國讀書果時成日食今次要搵番當時既味道wor😂8鍋臭臭鍋提供9款湯底選擇每一款都有d 食材唔一樣小編緊係試下佢個招牌臭臭鍋臭豆腐陣味真係好濃烈，成間餐廳充斥住🤣屬於比較台式滷水既味道，辣辣地好入味沙嗲牛肉湯底味道較淡，但都好香濃👍🏼每一煲都勁足料豬紅、鵪𪂹蛋、米血糕、粉絲，緊係唔少得‼️一人一煲都係 HKD 112 ，食到超飽‼️😂最後緊係飲番杯台式飲品解解辣 --評分： 7.6 / 10

是日氣溫32度 體感溫度係40度💦但都無阻小編對打邊爐既熱情🔥黎左試呢間台灣臭臭鍋🤤.🍲招牌臭臭鍋有唔同辣度可以揀🌶湯底真係臭臭的唷🤣臭味既來源係來自臭豆腐既味道👻加埋米血糕、大腸、台灣貢丸、炸菜絲🍴重口味既小編仲跟餐配多個粉絲去吸哂啲湯底🤣臭得黎又好惹味😌.🍅🐷蕃茄白豚鍋同行朋友仔無咁重口味🙈揀左呢個蕃茄湯底🥫酸酸味味咁好開胃😋除左豚肉之外 野菜會比較多🥬朋友仔幾鐘意入面既淮山成個鍋又係配粉絲一流🤤.另外 除左呢兩款💁🏻‍♀️總共有8款臭臭鍋可以選擇✅$88加一 除左個鍋之外仲有配白飯/ 粉絲、紅茶/綠菜🍚🥤吉野家價錢有台灣既味道可以一試😎👍🏻.人均消費：$97推介指數：👅👅👅👅👅👅👅😋（7.5/10）Encore 指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

男朋友尋晚約左人食飯賣甩左我💩，唯有自己食啦。不過自己食唔一定代表要頹食既～我就去左8鍋臭臭鍋道打左個靚邊爐，爽！一個人食都可以食得好豐富架🥳！-枱面有沙茶醬、豆瓣醬、蒜泥、辣油同秘製豉油🧂，餐牌仲有完美混醬比例比你參考添！套餐可以揀配白飯🍚／粉絲，加$12仲可以轉做滷肉飯。雖然一人一鍋好大煙，不過臭臭鍋既冷氣都開得好夠，一啲都唔會侷👍🏻。-沙茶牛肉鍋 $112一送到上枱已經聞到好濃既沙茶醬味🥰，配料多到花多眼亂，有牛肉、娃娃菜、米血糕、牛丸，心型魚豆腐、沙白、墨魚丸、金菇、嗚門卷、炸枝竹、甜不辣、蕃茄同青豆，足足有十五樣配料😱！．牛肉份量非常多🤩，配濃濃既沙茶湯底其實唔使另外點醬已經好惹味！由於太多配料，我講講我覺得最好食個幾款配料🤪：1. 米血糕軟軟糯糯有口感2. 牛丸彈牙多汁，極重牛味🐂3. 墨魚丸彈牙得黎真係食到一粒粒既墨魚🦑4. 甜不辣魚味濃，好有咬口5. 沙白無沙又有鮮味6. 炸枝竹吸汁能力好高7. 娃娃菜超鮮甜，好入味！8. 粉絲份量足，吸哂成個沙茶湯底，好惹味🤤-建議粉絲早啲放落去煮，因為佢既火都熄得幾快🤪，我食左大約十五分鐘左右就會熄，不過都可以同店員講幫你點返火🥰。

第二次食台式臭臭鍋，呢啲一人一鍋最開心，每鍋都可以揀唔同口味，絕對可以迎合唔同人既口味。—————————————————————#沙茶牛肉臭臭鍋 💰112每款既鍋都會跟一碗白碗or粉絲。配料有唔同款式，牛肉、丸、蔬菜（餐牌有清楚列明.......）每張枱都會有唔同的醬料，但個人認為湯底已經夠濃味，可以唔用點任何調味。粉絲吸曬啲湯超正！小食方面叫咗兩款。#滷肉飯💰26價錢算合理，滷肉份量算多，肥膏同肉既比例岩岩好。#鹽酥雞 💰42 炸到熱騰騰，食落幾香脆，雞件份量岩岩夠同朋友share。飲品方面，見到幾款沙冰都覺得幾吸引。#多多沙冰 💰35夠曬大杯，同出面既店鋪既size差唔多大。但益力多味如果更出就更正🤩

呢間位於尖咀韓國街附近的8鍋主打台式一人一鍋！晚上7點到離座時間，眼見排隊人潮依然有增無減，可見港人對台式臭臭鍋有幾熱愛！總共有9款特色鍋底，每鍋都包含超過10多款配料！包粉絲/白飯！$112 1人1鍋+$12可轉魯肉飯 餐牌有指示教你點混個醬，但原來鍋底好夠味道。台式麻辣鍋 $112台式麻辣湯底帶有藥饍味道，辣得溫和！牛肉份量好多，附的甜不辣彈牙帶魚味！香蒜牛肉鍋 $112望落湯底淡淡地，但超濃郁蒜香味！湯底似b仔雞翼唔辣果種感覺！放粉絲入去超夾！+$12可將粉絲或白飯轉魯肉飯 不過肥肉相對比例較少，味道比較淡！$15 烏冬口感偏稔，還是粉絲好味。盆栽奶茶 $30 食台式火鍋就梗係飲番杯台飲！Oreo朱古力奶茶唔太甜，不錯芒果冰沙 $35冰沙飲落質地好幼滑，唔太甜！鹽酥雞$42 雞肉唔會好乾柴，食落又唔會成口油，正常發揮！一人一鍋台式火鍋配料多，抵食滿足！麻辣本身跟半個公仔麵吸湯，超滿足！

打邊爐真係無分季節，今次就黎到主打台式一人火鍋嘅8鍋臭臭鍋開餐～🍗鹽酥雞$42調味唔會太重手，炸得都夠酥脆，一件一口，整體合格有餘。🥘沙茶牛肉鍋$88 🥤餐飲轉珍珠奶茶+$12🥟蛋餃$35沙茶湯底本身都夠味，如果想再重口味啲呢度都有沙茶醬、豆瓣醬、辣椒醬、生蒜俾你蘸，火鍋料本身已有十幾款，主角牛肉肥瘦適中唔會鞋口，仲有平時比較少食到嘅米血糕，口感軟糯幾過癮，而熟我嘅都知我好鐘意食蛋餃，見到有又忍唔住加左碟，蛋皮軟綿綿，索晒湯底精華真係無得頂👍🏻另外珍珠奶茶都比想像中好，珍珠Q彈幾好𡁻，奶茶亦唔會淡茂茂。

行經尖沙嘴，見到有間名為台式臭臭鍋有唔少人排隊😮臭臭鍋，個名的確好有趣😂結果就走左去拎籌🤣等左唔算好耐，就有得入座👍店內座位算多，空間唔算細😎就算坐無虛席，都唔覺得好逼夾😂沙茶牛肉鍋🐮$112牛魔王當然要食牛肉先滿足😏一人一鍋，配料都幾多☺️肉類當然有牛肉片、牛丸😛牛肉份量都唔少🤤另外仲有鳴門卷、花枝丸、心型魚豆腐、米血糕、沙白等等😉連同蔬菜，其實都幾豐富🥬湯底就沙茶味道唔算好濃☺️整體都算唔錯👍臺式麻辣鍋🌶$112叫左小辣😝有豬紅、大腸、麻辣餃同泡麵等🙈其他配料大致上同沙茶鍋差不多😏味道就較為惹味☺️唔算好辣😉套餐有飯或粉絲選擇😉另外有沙茶醬、豆瓣醬、蒜油等自行添加😋

同朋友約好咗夜晚食班cake係尖沙咀，就順便搵吓尖沙咀有咩dinner好食，佢話之前喺網度見到好多人推介，一直都好想試，咁我哋就約咗八點去到嗰度。.一去到，去出邊望入去其實都好多人食緊，而且個場都幾大，都仲有一兩張空枱，係我地食緊嗰陣都一直有人走，所以一路都唔使排隊，就入得黎食！.餐牌有教我哋整調味料嘅步驟，可以跟住試吓.招牌臭臭鍋:⭐️⭐️我朋友因為唔可以食牛，所以佢就叫咗個招牌黎試，佢話冇味，每啖都要點個調味料先有味，但係一路食一路睇到佢個樣都係表現出「唔想食」嘅樣子😂臺式麻辣鍋:⭐️⭐️⭐️⭐️我因為鍾意麻痹感覺，但係又唔食得太辣，我就叫咗小辣，入邊係有牛肉嘅而且都有大概四五塊，似係吉野家牛肉嗰啲牛肉、泡面比我想像中少，得3分1，整體來講個湯都幾好食好夠味，而每個鍋佢都會免費有飯或者粉絲俾你加，我就加左粉絲，個粉絲吸晒啲辣，好爽😂另外我哋叫咗杯茉莉綠茶，都幾失望，我冇乜試過飲茉莉綠茶係會有伏既感覺，一啲都唔清，只有死甜回頭率：8/10好食指數：7/10

提早出去尖沙咀行街，去血拼。去到金巴利道係時候中場休息，住去食韓國菜嘅，點知最終去咗食火鍋， 平時一般火鍋就食得多，但台式嘅從未試過，一人一鍋鍋臭臭鍋，餐廳一啲都唔台式，反而有韓國感覺個火鍋嘅選擇都有十幾種。      招牌臭臭鍋，配料有榨菜絲、大腸、韭菜、鳴門卷、台灣貢圓、鵪鶉蛋、炸枝竹、米血糕、沙白、金針菇。雖然叫臭臭鍋，但其實一啲都唔臭，配料有好多，其中的米血糕，用豬血同糯米製成，食落煙銀，口感非常特別，另外豬紅非常嫩，好食！唔錯都几抵食，下次繼續。

想食一個唔係太貴的火鍋，lee間臭臭鍋就啱唒喇！大概$120一個人，食到超飽，如果想食多少少野又可以叫D小食。美中不足係個D熱住個煲的candle 好快燒完！要叫員工再點過

放工同朋友黎試下個一人一鍋，8點幾黎到等左接近一個鐘。一個鍋包食物既，飲品另叫。我叫左個沙嗲牛肉鍋，沙嗲味都有既，但唔太濃，肉量都唔算多，不過鍋入面都算多配料，就算唔另加野都夠飽，重點推薦鍋入面既蜆。本身叫冬瓜茶，但佢黎左檸檬冬瓜，我本人就覺得麻麻地。朋友叫既臭臭鍋，都有驚喜，個鍋既臭豆腐都真係幾臭既，唔算辣，一般人都接受到，佢入面有大腸，我就覺得唔錯既。另外，每個餐都可以跟一個麵/白飯，朋友加$14蚊轉左滷肉飯，味道唔錯，抵加錢既！

好耐之前食過哩間8鍋臭臭鍋, 個陣時岩岩新開, 前幾日經過見到佢大排長龍,原來而家已經咁受歡迎, 攪到我突然又好想食! 聽日放飯所以今晚特登晏少少黎唔想排隊, 9點到左果然唔洗排, 但原來入面都仲係差不多full house坐位ok闊落唔少得調味料~蕃茄白豚鍋朋友唔食辣揀左蕃茄湯底, 朋友話湯底係偏甜既而且蕃茄味亦濃郁~ 有大大舊既蕃茄比你煲住~除左白豚之外仲有好多蔬菜配菜, 樣樣有d台式麻辣鍋重口味又嗜辣既我梗係揀麻辣鍋啦, 揀左中辣但原來都唔係太辣, 不過就好香! 哩個鍋既配菜就重口味d有鴨血豬腸等等。米血糕好味!仲有配左細細個泡麵~我揀左粉絲, 吸哂d麻辣湯真係正到不得了!百香果綠茶依度既飲品全部都好似平時係台飲店外賣既包裝咁, 依個百香果綠茶又唔錯喎, 因為我唔中意太甜, 又有清新既百香果香每個餐$112, 鍋入面樣樣都有d食下食下都好飽, 中意健康d既可以好似我朋友咁揀蕃茄湯食多d蔬菜, 重口味如我就仲多選擇! 不錯

晚上偶爾經過尖沙咀金巴利道都會見到呢間好多人排隊的8鍋臭臭鍋，係一間來自台灣的台式一人火鍋專門店。星期六中午就黎左朝聖一下，下午3pm黎到所以未有太多客人餐廳合共有9款不同的鍋物套餐，有辣有唔辣，任君選擇。只需要$88就可享用鍋物+飯或粉絲+台式茶飲，實在係超值！但唔知點解朋友果個鍋一直可以滾下滾下食, 我既鍋食到尾都唔滾, 不過個鍋都keep到熱湯底咖哩味較淡, 帶些少咖哩甜味, 唔係辣果種,入面有吸湯既娃娃菜、蟹柳、粉絲、炸枝竹, 完全吸左湯底精華, 正啊有幾片豬肉片, 帶些少爽, 亦同樣吸到湯底味, 唔錯有幾粒魚蛋仔, 略帶彈牙呢個唔知係咪叫黃金魚子球, 超正!

今日心血來潮想同個fd打邊爐 所以就決定試下已經興左一排既一人一鍋可能係太早 未到食飯時間 所以唔係好多人 雖然同我個fd得2個人 但係比左個卡位我地Menu好多選擇 最後決定試下蒜味牛肉一開頭仲諗緊應該唔會好大份 會唔夠飽 所以仲嗌左2個小食點知個鍋一黎到就發現我地錯拉 超多料牛肉份量好多 仲有好彈牙既牛丸 仲有好似年糕既野 雖然唔知叫咩 但煙煙韌韌幾得意😂個湯蒜香味好香 啲料吸左啲湯汁好正小食就嗌左個炸花枝丸同鹽酥雞最後仲嗌左杯芒果牛奶冰 甜度岩岩好如果最後有粒薄荷糖提供就好 但整體十分滿意 會再encore