8鍋臭臭鍋 (金巴利道) (已結業)

8鍋臭臭鍋一黎到香港時已經好想試今次終於可以一試喇嚟到當然要是招牌臭臭鍋 ($108)我個人認為個鍋就唔太臭嘅但係呢臭豆腐同豬紅都好入味 可以一試👍🏻另外都要咗個芝士牛奶鍋 ($108)奶味幾濃 材料都好足夠 一人一個岩哂每個套餐都跟飯或者粉絲架至於我要左盆栽奶茶($30) 幾好飲🤪另一杯巨蜂提子沙冰 ($33) 就比較淡________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

每次朋友去完台灣都介紹8鍋臭臭鍋好好味，我就上網check下，原來香港已經登陸左嗱，我同老公就急不及待去試試，尖沙咀就食到正宗嘅台式火鍋。Menu上有9款臭臭鍋選擇，一人一鍋，價錢親民！當然我選擇左＂招牌臭臭鍋＂啦！招牌臭臭鍋有16種配料：娃娃菜、白豚肉、臭豆腐、台灣貢丸、米血榚、大腸、豬紅、沙白、鵪鶉蛋、蕃茄、榨菜絲、韭菜、金針菇、鳴門卷、炸枝竹同粉絲！非常多料啊，重點真係好夠臭啊！我第一次試食米血糕，煙韌有咬口，我本人非常喜歡！而我老公選擇左＂藥膳羊肉鍋＂一樣超過十多款配料：娃娃菜、羊肉片、翡翠魚豆腐、台灣貢丸、淮山、香菇、粟米、沙白、油豆腐、金針菇、炸枝竹、粉絲、嗚門卷、素鮑魚、鱈魚丸、蓮藕！藥味濃厚，帶出配料味道！我地當然唔少得叫份我至愛嘅＂蜜味台灣腸啦，口感同味道係同台灣一模一樣！正呀！最後嚟兩抔飲品台灣招牌奶茶茉香奶綠味道濃郁，香滑！

我很喜歡吃臭豆腐，路過見到有台式臭臭鍋，所以便入內試試。可能因為價錢不算貴，所以有很多年青人光顧。鹽酥雞 鹽酥雞外脆內軟，味道不錯。招牌臭臭鍋每一個鍋都跟粉絲或白飯。臭臭鍋配料包括白豚肉、臭豆腐、貢丸、米血糕、大腸、豬紅、沙白、鵪鶉蛋、蕃茄、娃娃菜、榨菜絲、韮菜、金針菇、嗚門卷、炸枝竹和粉絲。臭豆腐不算很臭，基本上湯底很濃味，不用加任何調味料，有點韓國部隊鍋感覺，因為份量相當大，我也吃不掉。藥膳羊肉鍋 湯底很濃藥膳味道，很不錯，但羊肉略嫌熟了點，其實兩個鍋配料分別不大，只是肉的分別和有幾種配料不同。$26芒果綠茶普普通通，$34桂圓黑糖薑母茶薑味很濃很不錯。

一直好鍾意台式餐廳🤪臭臭鍋係其中一樣又好打卡又好食既野尖沙咀呢間8鍋臭臭鍋成日排哂長龍真係有佢原因❤️一試愛上終於呢日排一陣就入得 正有好多唔同口味臭臭鍋選擇🍲「便宜又不貴！」台灣人話齋而且每鍋都包羅萬有～滿足n個願望！招牌臭臭鍋🍲芝士牛奶鍋🧀 簡左呢兩個先來台灣香腸作前菜爽口惹味😋送啤酒一定好爽招牌臭臭鍋到～～～～乜都有，樣樣都好味！不得不提呢個米糕，煙軔好吃👍🏻索哂d汁😋火鍋一流牛奶臭臭鍋👍🏻👍🏻👍🏻👍🏻👍🏻特別鐘意個湯底好香濃但又不膩，滾下滾下越吃越滋味！來個台式飲料～～～冰凍解渴透心涼！P.s.間野服務都好好，店員台灣人（吧？）好熱心！岩哂約人黎滾下滾下品嚐台灣美食😘

嚟到呢間鍋物店，主要想食得好濃有香味，所以叫咗一個藥膳羊肉鍋同一個蕃茄白豚鍋等緊嘢食嚟嘅時候，就混定醬先呢度嘅醬汁真係冇得頂，有蒜有醬油有辣，仲有超香濃嘅沙茶醬聞落就已經流哂口水如果怕太熱氣仲可以揀豆瓣醬不經不覺啲粉絲就到，好期待個鍋呀番茄白豚鍋有好香甜嘅蕃茄味，我同朋友試過都覺得佢堅好飲蕃茄鍋除咗豬肉片之外比較多蔬菜，煲出嚟嘅湯底好夠甜菇菌類都幾多，有金菇，冬菇，雞髀菇同雲耳，又有蓮藕粟米等，整體嚟講全部都好清甜我哋一人揀咗一樣小食加料臭豆腐好濃香入味，旁邊嘅辣椒粉都唔惹小同港式臭豆腐唔一樣，佢唔會有炸到脆嘅感覺，反而好軟腍，而且就算係最中心都索哂汁，淡淡嘅臭豆腐味好正呢個藥膳羊肉鍋嘅湯底有少少似星加坡嘅肉骨茶同台式牛肉麵湯嘅mix，濃郁唔騷加上羊肉嘅perfect match：枝竹同豆卜，成個鍋都好索味嘢飲叫咗一杯芒果紅茶，一杯百香果紅茶我哋好麻煩咁問店員有冇得揀甜度同冰度，店員不厭其煩咁同我哋講話有，點揀都得，好搞笑第二個小食揀咗炸花枝丸，預先剪開再炸香，醮上泰式辣醬，係香港人鐘意而已熟悉嘅味道花枝丸質地QQ哋，有嚼勁，外皮熱辣辣好好味除咗食物質素幾高之外，值得一提嘅係冷氣十分夠

一去到見到餐牌入邊都幾多款式，但係嚟到梗係要試佢嘅招牌臭臭鍋，我叫左小辣。內有娃娃菜，白䐁肉，臭豆腐，台灣貢丸，米血糕，豬大腸，豬紅，沙白，鵪鶉蛋，炸枝竹番茄，榨菜絲，韭菜，金針菇，嗚門卷，粉絲。見到其他都係有好多配料，而且都幾抵食。招牌臭臭鍋聽落好似真係好臭但實質上其實一啲臭味都冇並且其實都唔會好難姊妹有少少啦如果係好怕食辣嘅你都不妨可以去試一試。另外裏面嘅內臟會比較多，而且有我最鍾意食既馬血糕。芝士牛奶鍋香濃既湯底，配有小小牛奶同芝士味，可惜其實牛奶嘅味都唔係好重，不過反而令到個湯底非常之滑，而且配料亦都非常豐富不妨試一試。另外，呢個鍋係咁多個喎裏面其實係最健康嘅一個冇乜內臟之餘亦都唔會有太多肉，並且可以配買粉絲非常之抵食。由於有啲食材我哋唔識所以叫咗同事分開上，服務都非常之好有求必應。我覺得都可以加配小食因為佢呢度啲小食都幾抵架，台式小食都有好多款。尤其是一個豆腐，朋友同我食完都大贊。另外兩杯飲料，分別是招牌奶茶（熱飲）另外一杯是盆栽奶茶（凍飲），記住凍飲要將杯內徹底滾動，然後插入飲管，非常有特色的奶茶。另加一小食，麻辣臭豆腐，麻辣味非常十足最後，價錢都合理的， 份量亦都適中的，

同朋友嚟到呢間台式火鍋，本身有啲驚會好大陣味，是關我哋都係唔太食臭豆腐嘅人好好彩嘅係，入到嚟空氣都好清新，一啲隔離檯嘅味都聞唔到，絕對唔怕臭同朋友一人叫咗一個鍋，佢要香蒜牛肉鍋，我要咗個小辣嘅台式麻辣鍋兩個鍋都香噴噴，一路滾一路食好正呢個香蒜牛肉鍋有好多料，鍋底有咁大就真係有咁多嘢，覺得佢真係好似台灣嘢，夠真材實料而且好好咁將每樣嘢食寫得清清楚楚咁係餐牌，感覺用心認真我叫嘅呢個麻辣鍋嘅配料好有台式風味，有凍豆腐，豬紅同米血糕，又有科學麵米血糕好有嚼勁，豬紅好滑嫩，同麻辣湯底出奇嘅夾因為我叫咗小辣，所以辣度係絕對接受到，唔會食到一路流汗越食就覺得佢材料好多好豐富，好似食完一輪都係未食過嘅樣魷魚同滷水大腸嘅份量都唔少，而且仲有炸枝竹，可以吸收湯底精華福州魚蛋入面係有豬肉餡嘅，爆出嚟嘅醬汁好惹味嘢飲叫咗個香芋奶茶走冰，同埋檸檬冬瓜茶一路打煮熱辣辣嘅邊爐，一路嘆住凍冰冰嘅台式飲品，真係爽，唔怪得之佢咁多人嚟食

今日終於同朋友去食一人火鍋，特別選了新推出的台式蔥爆鍋，味道不會過份地重，吃完感覺幾舒服的。呢間系台灣的臭臭鍋店，大約有120座位。地方尚算寬躺，蔥爆鍋你認真要試一試唔單止蔬菜比較多，而且食落都會比較開胃，而配料亦都吸收左湯底嘅精華令到嘢食嘅鮮味更加出。另外幾特別嘅牛奶鍋， 我選了芝士牛奶鍋，，食材有：娃娃菜，南瓜，白豚肉，粉絲，沙白，心型魚豆腐，香菇，蟹柳，金針菇，炸枝竹，雞蛋，烏冬，芝士片，蛋餃，我們先將食材先後一件一件放入湯底中，慢慢享用，湯底呈奶白色。至於小食，我們點了鹽酥雞和炸花枝丸，味道還不錯的。呢個鹽素雞食落去皮脆肉滑，而且係新鮮炸出嚟甚至乎嗰舊雞係非常之吸油，令到個肉汁擠出嚟望落去更加鮮嫩可口，配上沙津醬更可口。炸嘅花枝丸佢原本已經點左d醬，並且拎去炸，食落去你會食到嗰個醬汁用入去呢一個花枝丸裏面，而且非常有咬口，亦都好彈牙。

一直聽聞臭臭鍋喺台灣好出名，上個星期試左另一間覺得幾好食，今次就去位於金巴利道韓國街嘅8鍋臭臭鍋，睇下有冇咩大分別！我同朋友平日去晚飯，去到都幾多人，要等15分鐘左右，門口有綠茶比等待嘅人可以自助形式飲用，夠貼心今次都係叫左招牌臭臭鍋同埋蕃茄白豚鍋，佢個套餐係可以跟魯肉飯或者粉絲，我地一人嗌一樣另外食火鍋緊係要飲凍飲啦，我就要左巨峰梳打解渴招牌臭臭鍋，臭味主要都係黎自啲臭豆腐，另外仲有大腸、米血糕、豚肉、娃娃菜、粉絲等等，臭臭鍋個湯底好香濃，令到啲配料好入味蕃茄白豚鍋，啲配料其實同臭臭鍋差唔多，湯底都好清甜，好重蕃茄味配左魯肉飯食，好入味，同埋食到好飽

臭臭鍋@尖沙咀今晚嚟食呢間「臭」名遠播嘅 8 鍋臭臭鍋其實即係台式小火鍋，可以一人一鍋唔駛爭～鍋物上之前就食返個小食，我必點嘅台灣小吃就係惹味香口嘅鹽酥雞，新鮮炸起熱辣辣而且唔會炸到好乾，雞肉仲係原汁原味好 juicy等咗一陣我地嘅臭臭鍋就到喇，材料好豐盛！朋友嗌咗個藥膳羊肉鍋，試左一啖藥膳湯底幾清甜好味可以自己隨喜好加啲醬料調味我就叫咗招牌臭臭鍋仲有得揀辣度，我就揀咗小辣試下先，一上菜已聞到濃濃香味臭臭鍋嘅精華臭豆腐！用左燉煮嘅方式令臭豆腐嘅味道易啲入口，可以令更多人可以接受到臭豆腐嘅美味而且豆腐佈滿孔隙可以吸飽臭臭鍋麻辣湯底，一咬入口湯汁係嘴裏爆開，好正每一鍋都有好多料，仲不乏台灣特產例如米血糕，入味又煙韌有咬口，好有台灣風味。大腸肥厚有嚼勁，清理得好乾淨每鍋都可以配飯或粉絲粉絲係湯底滾阿滾，好快就入晒味，唔駛點醬都已經好好食食完興恰恰就叫埋野飲，叫左一杯冬瓜茶同芒果鮮奶沙冰，飲完透心涼～

講一個笑話比大家聽，就係講去咗台灣咁多次每一次我都係必食臭臭鍋嘅。但係都係近排我先知道原來臭臭鍋得此名係因為個鍋入邊有一舊臭豆腐，就係呢一舊臭豆腐嘅香味令一個簡單嘅鍋顯得不平凡。本身鍾意食辣嘅我去親台灣都唔會想麻辣鍋，反而揀呢一個臭臭鍋，因為臭臭鍋有種臭豆腐嘅香氣之餘仲會有辣味，可以一次過滿足晒兩種唔同嘅願望。而喺香港我都係第一次食到呢個臭臭鍋，估唔到佢同台灣嘅味道真係十分之相似以後都唔使去到咁遠食嚕。我朋友呢就叫咗麻辣鍋，呢個麻辣鍋嘅配料有台灣嘅名物豬血糕，大腸，公仔麵同埋好多唔同款式嘅蔬菜。味道好濃，麻香中滲出淡淡嘅麻香，味道不錯。佢嘅套餐有成九個咁多，幾個朋友嚟到一定會揀到自己心目中想要嘅口味。而且佢一個會配一個白飯又或者粉絲，仲有包一杯嘢飲份量絕對夠大絕對夠食。

朋友口中經常聽到「臭臭鍋」呢三個字，原來係台式火鍋！餐廳開左應該有年多，但甘為食嘅我仲未食過😂😂😂今日放工終於同同事黎左！ 星期一晚7點多，未算太多人，walk in 去都仍有位！餐廳面積都好大，座位都好闊落，打邊爐最緊要坐得坐得舒服！加分👍🏻鍋品Menu都幾得意，用得意小畫工去設計，愈睇愈想食😝1-9號鍋品佳麗......食邊款好呢😝!?最後我選擇你 8號「黑麻油雞鍋」佳麗當8號佳麗「黑麻油雞鍋」送到我面前......嘩！好香，比平時食到既麻油雞更香！ 用了唔會好孤寒，黑麻油分量十足！個人覺得有啲似韓式部隊鍋咁咩料都有啲，但係呢個臭臭鍋裏面嘅就係台灣嘅小食例如血米糕！另外，我再加左個甜不辣！但其實咁大兜嘅火鍋一個女仔真係食唔晒！！！好彩有朋友仔在幫我食啲！聽聞麻辣臭豆腐好好食，試試都好！ 麻辣臭豆腐有驚喜，冇想像中咁臭，而且辣鹵水味十足，再點啲辣粉， 特別惹味！ 最後食左3舊😂😂😂大大舊 朋友唔食得辣既就食冇辣粉個邊🤤跟餐加錢， 好似加7-15蚊叫左 芒果冰沙！ 好解暑😝飲唔哂都方便外帶！ 飲完透心涼！下次可以再黎！ 一時朋友兩三個食飯，大家口味可能未必一樣，一人一鍋就最方便！

近佐敦的街道，開滿了不同的韓國餐廳，但原來這裡還有間台灣很興旺的臭臭鍋。午市套餐可以點一個鍋，只需$88。另外加5元可配28元以下的飲料。芝士牛奶鍋娃娃菜、白豚肉、心形魚豆腐、台灣貢丸、麻吉燒、沙白、香菇、蟹柳、金針菇、炸支竹、鳴門卷、雞蛋、烏冬、芝士片、蛋餃娃娃菜味道鮮甜，煮盡了芝士牛奶的味道，咬起來更加香滑。白豚肉份量有不小，味道上吸收了湯底的口味，很香濃牛奶味呢。心形魚豆腐很可愛的賣相，咬起來是像魚蛋的口感。麻吉燒咬起上來煙韌彈牙，很有口感，而味道帶甜，很不錯。香菇香菇賣相十分靚仔，而且有很重菇本身的鮮味，讓人感覺很新鮮。蟹柳超級超級喜歡打邊爐時吃蟹柳，一來很快便熟，可馬上吃，二來因為吸盡了湯的精華。而且，軟棉棉的口感，不用多咀嚼便會在口中溶化。雞蛋這個鍋很特別，有生雞蛋在鍋中，不會一來到便是熟蛋， 若果喜歡較熟的雞蛋，可以煮久一點，若果喜歡生的雞蛋，就可以直接吃掉。可以按自己的喜愛而決定想吃生或熟蛋，滿足到不同的愛好。烏冬香滑，但份量不是很多。不過因為我們可以再選擇配粉絲或飯，所以都會吃得很飽。而我選擇了粉絲，因為我很喜歡這芝士牛奶湯底的味道，所以也想藉著粉絲，吸盡湯底的精華。

今日，我同朋友到咗尖沙咀，我忽然好想打邊爐，於是朋友就帶我嚟咗呢間係尖沙咀好出名嘅8鍋臭臭鍋。呢度一共有九款鍋可以任供選擇，有些鍋可以揀小辣、中辣、大辣,甚至乎不辣，每個鍋$112元，還包一碗飯🍚或粉絲。朋友點了招牌臭臭鍋，而我就點咗芝士🧀🍼牛奶鍋 。我個芝士牛奶鍋好快就到啦，唔食得辣嘅你，一定要點這個鍋呀😉其實芝士味和牛奶味都唔算好重，反而給人一種很清新的感覺，特別裏面有大量嘅娃娃菜 ，索咗啲湯底真係一流鍋中的白豚肉、台灣貢丸和鳴門卷等都不錯，但是硯就不算太新鮮。朋友點的招牌臭臭鍋其實不算太臭，臭豆腐都幾香口，炸支竹、金針菇和白豚肉都好好味 ，但朋友說米血糕不是太合他的口味，所以我都沒有試吃了。整體來說，如果想一試台灣一人邊爐，這都是 一間不錯的餐廳。🍽

呢晚同中學同學食飯，佢就建議去呢間8鍋臭臭鍋，我七點三到，都要等成半個鐘， 真係好多人排隊，條龍好長，想試一試臭臭鍋嘅朋友可能要多一點嘅耐性，可能因為一人一煲啦，環境都幾逼下。真係好多人排隊，唔係講笑。我就第一次食，驚太臭冇叫到佢個招牌臭臭鍋，所以叫咗個台式麻辣鍋（＄１１２），仲要係小辣嗰隻，味道就唔係好辣。 裏面有大白菜，牛肉片，麻辣餃，魚蛋，大腸，等等等等... 仲有個泡麵添，真係好豐富！味道唔錯， 啲配料亦都好多，最後都食淨咗米血糕，個人唔係太喜歡食。嘢飲方面我買咗香芋奶茶（＄２８）， 甜咗少少， 食啲咁濃味嘅嘢應該要飲番啲清淡嘅飲品中和下。