8 RECIPES (已結業)

雖然價錢係筲箕灣算偏貴，但係經過幾次見到都有唔少人食，諗住可以一試，點知......就伏了首先，門口餐牌個牛扒係$168，入去坐低用QR落單唔知點解係$188，仲要寫加一，公眾假期再加一，噤咪成$200得個扒，仲要唔係餐，連飲品都無杯。我都算，佢個扒好食的話都值得。之後足足等左45分鐘先到，黎到見到......我個牛扒配薯菜個擺盤係好靚，但係上面得3小塊好薄嘅牛肉同1小球薯蓉！！可能我見識少，提起牛扒，係我腦海出現嘅係起碼都有手掌噤大塊，同埋有少少厚度。但係佢嘅牛扒，真係去韓燒果種3片肉，連切都唔使切，1叉1口，3啖食完，第4啖食埋個薯蓉。我食量算正常，茶記一個飯未必食得曬。呢4啖我食完都無2成飽，食完即刻再去買野食。同行朋友叫牛扒配飯，多2-3片肉，但係每片又細塊左。45分鐘係咪就係用左40分鐘擺盤份量少未必係問題，講埋味道，佢d野係無乜味道，牛肉無牛味，得d雪藏味，想搵個醬去掩飾下都無。另一位朋友叫左個羊架，份量係正常，有3舊無切開嘅，聽佢講唔羶，但係都係得雪藏味。埋單最後只係加一，已經唔想問點解，反正唔會再食。

点了一份188元的牛扒餐，加了38元一份炸薯条，装成一盘上来，薯菜就几块，牛扒更是薄薄3片，一口一片都能吃下，加了一份68元马卡龙蛋糕，上餐时也上错成甜甜圈，好失望，以前不会再光顾。

平日下午茶時段經開東大街，但係唔想食太油膩就試下哩間健康自選蔬菜飯。五個菜嘅飯配豬肉碎就$48，我就加咗$18轉肉碎做三文魚，菜就揀咗菠菜、車厘茄、牛蒡、蓮藕同洋蔥。量都算大碗，味道都ok，有d似日本版嘅poke溝韓式拌飯，咩都有d，但d野有d就凍有d就熱，overall都叫夾嘅一兜味素日式飯。職員算貼心比咗杯水我，唯獨見到餐具有d反感，水未抹乾不特止，有d剩飯剩洋蔥喺d叉同羹到… 其餘都尚算可以…

今日同👯‍♀️同事試食東大街一間新開嘅西餐😉 一見到門面已經chill吸引, 門口可以畀人坐喺度打卡,飲返杯咖啡☕睇下書📖 入面裝修更雅緻。大部份都是梳化椅， 老闆親切友善，好細心咁介紹餐牌嘅食物。 今日雖然係星期五 中午時段，但係上菜都相當有效率。 食物送到嚟嘅時候除咗好靚之外，味道比想像中好, 平時好細食嘅我, 居然可以全部食曬🤣開頭睇咗啲食評有少少擔心🙄 但係食過先至知D負評太誇張了🤯 好彩今日有同事叫我去試啫 (抱住陪佢一試的心態) 如果唔係😅食唔到咁好味嘅Lunch.. 我已經plan好咗😅下個禮拜同邊個再去試埋個焗飯 , 下個再下個星期再試牛扒🥩🤤hahahaaa 😂😂😂

呢間第二次幫襯，味道唔錯，價錢唔貴，價錢由$48個低脂健康飯到$198嘅德國豬手，迎合唔同給客人👍🏻👍🏻，唔似一啲西餐一入去就最少百幾二百蚊一個人。地點方便，環境舒服必食推介有羊架和健康飯我係第度食過嘅羊架麻，呢度真的不錯，尤其上枱的一刻，大家必定要手機食先，高級酒店嘅賣相二舊水連加一都唔使🥳有羊味，連配菜花花都食得，推介！另外推介係低脂健康飯$48，平日中午食超抵$48冇加一，加$5仲有一杯即磨咖啡朋友食左all day breakfast,有湯仲有即磨咖啡竟然唔使加錢$108，係第二度食和呢個環境一定唔止依個價錢除咗價錢大眾化，仲有打咭位，會繼續支持小店👍🏻

放假去食早餐見門口裝修得幾好就入左去，點餐的時候都覺得有少少伏，因為個侍應阿姐好唔熟手，而且仲會自言自語咁抱怨，計埋我地全場10人內。本身想叫最貴的all day breakfast 108蚊，但試新的都係揀普通的好，就揀左60幾蚊的德國腸早餐「德國腸 火腿 牛油粟米 煎蕃茄 沙律菜 刈包」跟凍飲+4蚊等左20幾分鐘先上，蛋冇落調味料，但冇咩所謂照食，牛油粟米係酸嫁，我仲以為我味覺有事，叫屋企人試左啖，係喎酸嫁喎，屋企人個份都有少少酸但冇我個份咁嚴重德國腸除左辣味咩都冇，蕃茄過熟，煎完仲爛的，沙律個汁又好怪，唔似黑醋又好似甜甜地，火腿大路野，個刈包入面抹左層野，btw個層野冇味，大家都係送返塊火腿食算。凍飲等左成半個鐘先有，而且凍奶茶冇茶味得奶味，個底超甜，屋企人個杯咖啡仲好苦唔香，之後先問要唔要糖。我見仲一直搞錯隔離台的野飲，人地都竊竊私語話幾個人食都handle唔到啊，個餐的分量好少但周圍的人都食剩你就知咩事。講真你做cafe野食唔點得，杯野飲都要好飲掛最後埋單2人140幾，收左加一服務費，其實根本冇服務可言。咁樣的價錢同質素係東大街應該可以好快執笠，以後唔會幫襯

蛋糕上枱仲係冰黎嘅，全程食冰！同店員反映，佢哋話係咁🤷🏻‍♀️，唔會再有下次。對跟住我地入去食嘢嘅朋友深感抱歉🥺！真心唔想大家中伏！😡😡😡😡😡😡😡😡😡

同友人每人叫左個加拿大穀飼牛，168一個未計加一。由於係晚餐，個侍應就提左我地係唔包野飲，野飲要正價，所以我地都冇叫。講返個牛，佢可以配薯菜或者飯，咁我地就揀左薯菜。平時出去食親啲扒餐既薯菜都離唔開薯蓉啊，薯條，雜菜果啲。結果係佢個扒一到，我地都有啲驚訝，個擺盤係靚既，有心思既，但塊扒薄得可憐，幫你切埋，冇左鋸既樂趣，都唔緊要，味道係可以既，幾好食，都唔鞋。薯菜方面，我哋都真係冇野好講，果幾粒野……有薯蓉，有類似brownies既野，有mochi，有旺仔小饅頭，樣樣都係一口既，雜不甩咩都有，個brownies就放喺個粒薯蓉上面，食既時候就一啖甜一啖鹹咁，仲要放咗啲花瓣喺度，食落又要有陣花味。我地兩個薯菜都唔同，我就有青瓜，我朋友又冇，啲擺埋一齊既甜品完全唔好食，死甜果啲。最後我地用左5分鐘食完成碟野，食完感覺食左陣風咁，牛又薄，薯菜都得幾粒，真心如果啲薯蓉大粒返啲，花瓣果啲唔洗嫁喇，做返啲正常size我都唔洗打呢篇野。我地快快手埋左單，都要喺附近再搵野食。總結，唔抵食，168加一，唔飽又唔係特別好食，唔會再去。

今天到東大街尋找美食， 千挑萬選揀了這間垃圾級餐廳。 路過餐廳門口，店員說是新開張，看見餐廳環境頗為舒適，於是入內一試。 叫了兩個全日早餐 ，兩份黑松露煎蛋三文冶套餐。 全日早餐物非所值， 份量十分少 ，食品質素更差。 窩夫是超市包裝食品，而且並非一整件，只有半塊。 而且凍冰冰，淋pat pat，沒有再烘焙才上碟。 腸仔沒有煎過的痕跡， 似是在微波爐翻熱， 但只是微暖 。粟米粒是從罐頭倒出來，沒有翻熱，另外有一粒開邊車厘茄 ，亦是凍冰冰。 雜菇是淡而無味。 當日除我們這一枱，並沒有其他顧客，廚房應該不忙碌，竟然沒有誠意去做好一碟食品。 端上咖啡，竟然沒有糖包， 要問店員先送上。 再次端來奶茶，亦是沒有奉上糖，再次要問店員取。 錯咗一次亦都沒有在第二次改善。 三文治更慘不忍睹，是一塊沒有飛邊的生命麵包 ，夾著一片炒蛋。 要加一蚊才會烘底🙄🙄。 食過一次都不會再有回頭客。 不到半年，肯定執笠。 最後埋單 ，店員再次出錯，竟然計多40幾蚊🙄🙄

筲箕灣大概是港島區較老化的區域，但隨著重建步伐，新大廈開始建成，年輕人及新組成的家庭也開始進駐，令區內人口年輕化了，以往走在街上大多是老人家慢慢走的情景已變成多了年輕情侶，年輕父母牽著孩童的手在街上逛，東大街也悄悄的變身，除了茶記，粉麵或小炒餐廳，也開始多了西式輕食cafe, 8 Recipes 就是新開的cafe。上星期剛好整理好家居，下午想輕鬆refresh 一下，就和男友去東大街逛逛，就看到這間新開業或仍在試業的cafe。 裝潢頗有特式，帶點法式田園風味，戴水的玻璃杯或咖啡杯都頗講究精緻，我明白，現在淘寶好方便，但也需細心排選配搭吧！對嗎柯打了咖啡和牛角包，我也公允和坦白的說，這樣簡單的食物實在難以說得上美味或驚為天人，事實上小小咖啡店，賣的主要是服務，暖心和裝修，這間cafe的店員都非常落力，有心為客人服務，新店，未能熟手是完全可以理解，但誠意可嘉，而且裝修的確令人感到舒服自在，在沒甚麼事做的下午，帶一本書坐到他們的門口戶外座位，呷口咖啡，看書，眼睛倦了就看看街上的人物風景也實在是非常不錯的選擇。

同friends 一齊試下間新既cafe 叫咗個墨西哥飯 味道都唔錯啊 你Cafe當然唔少得叫all day Breakfast 食返個Bruch先 呢度環境都唔錯食物豐富 食物賣相都出色 好少食到墨西哥飯所以覺得都幾特別 而 all day breakfast 都有六至七樣以上 一次過食都唔同種類嘅嘢 呢度環境好靚好適合打卡我同朋友都瘋狂影相 📸️ 而家好少餐廳開 都比我試到新野又唔錯🤣🤣🤣 真係爽～ 呢到仲有幫助貓貓既活動 貓珈咖啡系列部分得益係會比貓做絕育手術 非常好👍🏼

一朝訓醒就睇下有咩野食. 見到呢到都幾靚. 一於試下先, 好肚餓就叫左個墨魚汁煙三文魚焗飯 好多汁好鐘意, 食落去一D都唔會DRY. 份量足夠!!煙三文魚都多.上面仲有魚籽.  食落口啖啖都係墨魚汁 好正. 口感好豐富!! 而我媽咪就叫左個all day breakfast 黎食. 叫到份量都係足夠既~ 味道方面都唔錯. 正正常常. 真係都幾抵食.  另外，我亦都叫到呢到會幫助毛孩，貓珈咖啡系列部分會捐比貓貓做絕育手術，不使人道毁滅，真係好好呀~  以後會多D黎幫襯!!!

今日經過見到新開Cafe就入嚟試吓 呢度地方環境都好靚好適合打卡 坐得舒服 打完卡之後我就叫咗個all day breakfast 有豬肉腸.煙肉.牛油粟米.炒滑蛋.蕃茄.刈包 有刈包真係好特別好少會食到 份量都非常豐富 豬肉腸好香😍 個炒蛋好滑 其他材料都係新鮮嘅 賣相一流 沙律菜都夠新鮮 😋有黑醋 酸酸甜甜幾開胃 整體來講都幾滿意 餐廳更加有open area 都幾有風味㗎 😍下次會再嚟食過 喺呢度打卡真係一流同埋嘢食都幾好味 😋

食完都唔知食咗啲咩嘅一餐。1. 菠菜重調味。2. 柚子蓮藕試唔到有柚子（味）。淨係食得出重蜜糖 / 甜味。3. 飯有比汁。份量係隔離檯問waitor要多啲汁，唔止一次。4. 特登+12蚊upgrade做焦糖咖啡（仲有餐廳收加一），expect飲到上面打格仔做點綴嗰種。就算唔係咖啡入面有焦糖味，唔過份吧？ 實際收到嘅？一杯咖啡，「糖」另上。仲要唔係焦糖，係普通糖漿。5. 點解對杯咖啡咁火滾？食「All day breakfast」，窩夫乜調味都冇。問waitor要啲糖漿好基本啦？比嘅糖漿EXACTLY就係杯「焦糖咖啡」嘅「焦糖」。咁我比12蚊做咩？直接要杯咖啡再問佢拎糖漿算啦？6. All day breakfast，我仲以為會有茄汁焗豆。對唔住係我見識少。7. 香腸水煮一樣，仲要冇味。唯一食到嘅味道係黑椒。所以當你切開一啲都唔脆嘅香腸，放入口，你就會體會到食緊麵粉腸口感嘅黑椒。久久不能回味。8. 窩夫一切就碎，重粉。唔會話難食嘅，畢竟糖漿倒落去，咩味都掩嗮。重提一句，唔問佢攞，佢哋好似覺得窩夫係就咁食落口。9. 仲有收你加一服務費。10. 店面冇寫過呢間咩舖頭。唔係聽到foodpa

🥙 早餐C $62↪️ 煙三文魚、炒滑蛋、粟米、刈包💯 評分：🌕🌕🌕🌕🌑 (4/5)💬 煙三文魚嘅鹹香味恰到好處，炒蛋嫩滑得嚟熱辣辣，牛油粟米既香甜又可口，刈包夾住一種啡色嘅醬，食落相當鬆軟。😋🍱 午餐自選飯 $48↪️ A. 軟綿小紫薯💬 味道十分清甜，口感既綿滑又軟糯。😍↪️ B. 清甜小青瓜💬 食落既清甜又爽脆。😌↪️ C. 脆甜牛油粟米💬 牛油嘅香味非常濃郁，粟米嘅口感既爽脆又鮮甜。🤤↪️ D. 橄欖油車厘茄💬 橄欖油嘅濃度恰到好處，車厘茄酸酸甜甜咁幾開胃。😆↪️ F. 清甜菠菜💬 味道清甜得嚟食落既鮮嫩又多汁。😉↪️ G. 牛油鮮本菇💬 牛油香相當濃厚，本菇既新鮮又爽口。😚↪️ 柚子蓮藕💬 食材嘅配搭頗為有創意，食落嘅味道同口感都豐富又有層次。🤩⏩️ 瑞士肉碎💬 份量十足，細粒得嚟又有咬口。😮⏩️ 洋蔥牛肩肉💬 洋蔥嘅質地外脆內軟，肩肉嘅牛味超級濃郁，口感仲好煙韌。🤪