8 RECIPES (已結業)

門面似cafe，藍藍地色，幾靚。 入到去係貼地西餐廳～有價錢平民化嘅焗飯、意粉之類$68起，亦有中價嘅西餐主食$138-$278。門面似cafe，藍藍地色，幾靚。 入到去係貼地西餐廳～有價錢平民化嘅焗飯、意粉之類，亦有中價嘅西餐主食。我哋揀咗兩款主菜，配蕃茄濃雞湯及飲品。蕃茄濃雞湯夠酸，有蕃茄蓉。主菜可揀配飯或薯菜，我地每樣揀咗一款。▶️鹿兒島厚切黑豬柳$138豬柳好大塊又厚身，咸咸地，肉質都幾腍。揀咗薯菜有薯仔🥔、沙律菜及車厘茄。▶️燒話梅豬肋骨$138豬肋骨配有話梅醬。飯有少少紫色粉幾特別。餐飲揀咗檸檬茶，轉凍飲+$4，夏日炎炎凍飲是必須的。

東大街除咗有安利牛腩, 豬扒米線出名外, 而家多咗一間打卡一流的歐陸文青cafe餐廳每一角落都可以係打卡點未嚟之前簡單做咗research知道份量比較少於是我點了羊鞍架配飯（後來我錯了分量比我想像多）值得一提餐廳用QR code點餐, 比較喜歡用這個方式去order, 尤其是在繁忙時間, 這樣可避免有出錯單嘅問題每道擺盤都好靚, 有高級酒店賣相, 相機食先是必然。羊架比我想像中大件, 冇諗過外層加上芝士烤焗,雖然個人喜歡單純煎羊架嗰種外脆內軟的羊肉騷味, 但係配以芝士鹹鹹地又幾特別唔需要再點其他芥醬或者薄荷醬已經提升到個味道。略嫌側邊黃色醬汁多了, 可以當係一個點綴。朋友點了健康自選蔬菜飯, 因為朋友食唔到太生嘅溫泉蛋, 負責人建議轉做流心蛋, 可惜因為掛住食冇影到相, 七彩繽紛, 未食都畀顏色吸引住！題外話, 午飯時間一個小插曲, 隔離食客因為唔滿意侍應要求轉枱, 可能因為當日又落住雨比較麻煩, 再加上餐廳仍在試業中, 好多突發事情唔能夠應變得順暢, 最終點了餐都拂袖離開, 其實繁忙時間大家互相體諒, 食飯都會開心啲

中午行過東大街，有間新開嘅西餐廳，睇見裏面坐滿食客，於是響外面等咗一陣，有位。餐廳的職員，十分熱情，好招呼，並且好有耐心地介紹餐廳的特色菜。餐廳可以用QR code點餐，或者可以直接柯打。叫咗一個$158套餐，有紅肉火龍果蟹肉意粉，一個凱撒大帝沙律，含有一杯飲品。沙律十分之有田園色彩，加上可食用的花草，賣相十分吸引，味道亦都唔錯。至於意粉，意粉用火龍果染成紅色，十分特別，配上蟹肉及食用花。賣相十之了得。味道亦都可以，但係蟹肉較為柴一些。至於低卡低脂健康丼飯，肉碎及可有5種配料，或可以再加配料。呢個丼飯有和風格調，又夠份量，又好食。其他甜品亦不錯。呢個係較為適宜女生打卡的西餐廳。賣相十分了得。

東大街咁多茶記當中呢間藍色打卡cafe小店都夠養眼價錢都非常親民lunch set 最平$48起 唔怪得之好多人 滿曬座餐廳唔算好大但精心佈置左一個打卡位～店員推薦紅肉火龍果蟹肉意粉用火龍果煮成的意粉 顏色紅紅紫紫用不同食用花砌成一個花園咁真係好靚～～火龍果味道唔突出 應該只是用來上色 同蟹肉一齊食 味道和口感會更加好連跟餐的沙律都很花巧健康丼飯 可以揀五款蔬菜toppings本身配肉碎但係加錢轉咗鹽燒三文魚還加配牛油果本身諗住係健康輕食 但原來係好大碗 分量一啲都唔輕底下的飯混入了飯素 所以味道一啲都唔寡 充滿和風口味追加朱古力窩夫芭樂汁幾香幾好飲

放工約了東區朋友飯聚，朋友提議試新店，說是東大街內靚靚的西餐廳！來到門口，見到靚靚的門面，會覺得自己去了其他文青地區。店員說這個是打咭位，我們笑說要留給美少女坐。焗飯或意粉價錢由HK$68起。有各類型的set 3道菜的Set 價錢由$138起。但朋友想減少進食澱粉質，點了加拿大安格斯牛扒配薯菜，賣相精美，要讚的是三成熟並無overcook. 我則點了ALL DAY BREAKFAST，蛋炒得很滑，我選了跟waffle. Waffle 外脆內軟，讚！全都跟餐湯，今天的餐湯是蕃茄湯，雖然顏色不是想像中的紅湯顏色，但也有濃濃的蕃茄味。 這裡的店員有禮，又跟我們講解各類菜色，看得出是有心的餐廳，裝修漂亮，與同區的各街地道食店有所不同！

喺香港要搵到環境靚、價錢平、嘢食好食嘅餐廳真係越嚟越難，搵到梗係要大大支持😆👍🏻今日要同大家介紹嘅就係依間位於筲箕灣嘅文青藝術西餐廳，本身諗住隨便同朋友揀一間餐廳食，點知發現依間餐廳咁高水準💗完全係意外嘅驚喜😛✌🏻首先一入到離，依度嘅環境好靚，每一個角落都可以打卡，我哋坐咗花花枱，而且店主好talkative同埋熱情，超級有人情味🥳 重點係嘢食又平又好味，勁高質！墨魚汁焗鮮三文魚🍣蟹子芝士焗意粉🍝十級嘅必食推介😛開頭以為好跩好油膩，點知完全唔會，反而食得出淡淡的芝士香味，我減緊肥都唔驚🤣👍🏻 加上三文魚同埋蟹子味道超級鮮甜，同個意粉好夾，所以食落去好有層次，我朋友都食到讚不絕口😛智利燒春雞配薯菜都係另一樣必食推介，燒春雞非常香滑，一食落去外脆內軟，充滿着肉汁，仲可以點BBQ醬或者泰式辣醬食，成個口感就更加惹味香口😚

有返晚市堂食 周圍睇下有咩嘢好食，行經東大街見到有間裝修幾靚嘅鋪 諗住入去試下啦 就叫咗個所謂嘅牛扒餐，間嘢本身都無乜客架啦 但都可以等咗勁耐先上到餐第一眼望到 簡直遺反曬我對牛扒嘅認知，原來牛扒係簿片黎 跟著周圍嘅伴碟係靚呀，但我要食嘅係牛扒呀 唔係要牛肉乾同一埋垃圾呀，你啲旺仔小饅頭唔食飽人架大佬果下我以為黎錯餐 係咪黎咁一口牛果個餐，就問個侍應啦，點知佢態度勁差，話牛扒餐係咁 無黎錯餐（完全係俾你覺得 係咁架啦 食唔食擺就咁）真係中曬伏 跟著唔洗幾分鐘就已經食完 好似食空氣咁 拿拿臨埋單走 點知原來要加一（無服務之餘）仲要收假期加一 埋單成200幾 真係食咗成肚氣 買塊扒自己返去煎仲開心完全唔明點解咁都可以收加二 憑什麼憑裝修靚？大把cafe裝修靚過佢啦憑著打卡鋪就可以俾垃圾啲客食？仲要唔平喎個價錢**重點 唔想再有無辜嘅食客朋友被人呃人去劏**負評我相信唔會有人買黎攻擊自己鋪 所以識睇一定睇負評有個好評真心好笑 全港最完美cafe喎 跟著有個pickingnose同milktealover 用張相同檸茶圖嘅？同佢哋鋪螢幕show出黎果張一樣嘅？可唔可以專業啲呀？另外有個有作 真

之前係筲箕灣搵野食，見到有間裝修都唔算差既Cafe，就諗住去試下啦。 入到去無咩人，但係啲員工好似見我唔到咁，理都無理到我😐咁我都由佢啦，買外賣食算！叫左個牛角包同兩杯咖啡，點估都估唔到既係， 佢個牛角包就咁係個雪櫃到拎岀，翻熱都無 就咁放入個外賣盒比我😑 心諗， 比少少做餐廳既尊業黎好喎😟 好啦，到咖啡啦，心諗，一間Coffee Shop 啲咖啡都應該唔會差得去邊啦！點知！見到係一部全自動既咖啡機🤢😧😵 見到佢就咁禁粒制，奶都唔洗打就出左杯鮮奶咖啡比我🫠 我分別係叫左一杯鮮奶咖啡同美式咖啡。 唔飲由自可，一飲！跟本就係同7-11買既咖啡無分別！ 可能重難飲過佢！🫥🫥睇完呢間既食評，有好多人都強調唔好理啲食評負評， 但係我覺得，啲負評係真實過啲好評，我諗要好似我親身試過嘅人應該會明。😑對依間cafe真係好失望,好嬲！果刻覺得真係有好多打手⋯😵本身貴唔貴都唔係一個主要問題，係品質同埋態度嘅重要性，絕對無下次! 😖

今日行過筲箕灣見到有間新店， 之前經過都幾多人等位，今晚見7點唔洗等位，見個menu 幾吸引，價錢唔算特別貴， 就決定試呢間啦！餐廳裝修特別，座位舒適，有啲打卡位，食下野傾下計都幾chill.坐下之後用QR code 點餐， 我同朋友order 左紅肉火龍果蟹肉意粉&黑松露野菌忌廉焗意粉!紅肉火龍果蟹肉意粉有驚喜，第一次食粉紅色既意粉，有淡淡火龍果味意粉加上蟹肉， 真係一試難忘！黑松露野菌忌廉焗意粉，一上枱已經聞到黑松露的香味，而整碟意粉都掛上忌廉，芝士和黑松露，直係食到舔舔脷😋最後緊係要食甜點Macarons，一向都覺得Macaron 好甜， 但朋友話想試下就order左5款口味（士多啤梨，菠蘿，雲呢拿，咖啡，薄荷）。一試愛上，不算甜，咬落酥脆，入口煙韌🥰已經約好下次要再食呢間,要試吓其他食物

尋晚約咗女朋友晚餐，去咗筲箕灣東大街搵食，女友話呢間鋪門面幾靚，又好似新開張，就試下啦，入內環境都舒適，跟住發現放咗樣好多女士鍾意嘅野(甜品柜)，即時有人眼睛發光... 好喇繼續，座位雖小但唔會太迫，播放音樂都協調到環境氣氛，手機睇menu都幾多選擇，價錢唔算貴，當然要食埋先知，商議後叫咗沙律，T骨牛排，再同女友閒談咗一陣，食物到喇，沙律賣相都正常美觀，再到主食，個T骨牛比想像中大件＆厚(好過花園嗰啲好多)，食落去好Juicy，夠味道👍🏻(我影相差啲😅)，只能講性價比高，相信要再下次來試下其他野，賣單收信用咭，八達通，payme... 等等，樣樣都有，實賣到單😊

今日同朋友經過東大街,比8.Recipes既裝修吸引咗入去,我地揀咗坐窗口位,一坐低就有靚女店員姐姐攞餐牌過嚟,店員姐姐非常有禮貌同好細心介紹每個菜式,我地最後都叫咗2個$188既牛扒餐配薯菜.等待既時候我打開OpenRice睇吓D食評,見到好多人都講唔抵食同食物冇味,心諗今次中伏啦,點知結果超乎預期.食物既擺盤十分精美,牛扒雖然只有薄薄既三塊,但細味品嘗後會發現真係好好味,肉質鮮嫩,每咀嚼一口都係濃郁既牛肉味,完全冇雪藏味,旁邊仲有幾粒小饅頭,小饅頭竟然同牛扒非常夾,感覺就係一唱一和.薯條本身落咗鹽已經調好味非常好食,外脆內軟,仲有D菜同番茄中和翻薯條既熱氣,咁普通既食物都做得咁好食,又有自己既特色,真係值得嚟試吓.Cafe內外都好多打卡位,店員好好人,好有禮貌,假期雙加一都值得,餐廳唔多人食,應該睇食評嚇怕好多人,明明就好好食,唔應該有咁多負評,大家可以試一次入嚟食,一定超乎你既預期.

東鐵過海段開通，對一眾鐵路迷緊係表示興奮啦，但我自己就無乜感覺，你同我講晚市開返，對小市民同我呢d foodie仔就真係興奮啦。你當收工有個地方chill下又好，同friend盡訴心中情又好，都係一種解脫黎。👇📌焗 類 套 餐 -▪️ 芝士焗忌廉·海鮮意粉 - $88▪️ 紅酒慢煮西班牙牛脷·芝士焗意粉 - $88 ▫️ 先黎個「芝士焗忌廉·海鮮意粉」，面頭滿滿芝士，非常邪惡，裡面仲有好幾隻大蝦、龍脷柳、蟹柳，夾埋一齊食，口感層次豐富，相當滿足；而「紅酒慢煮西班牙牛脷·芝士焗意粉」牛脷大大舊，絕對唔姑寒，意粉夠哂咬口有彈性，焗既時間岩岩好，加上醬汁唔會太膩，好好食。📌小 食 -▪️ 朱 古 力 窩 夫 - (+$18)▪️ 炸 南 瓜 餅 - $38 ▫️ 套餐仲可以額外加18蚊就有呢個甜品「朱古力·窩夫」，食落外層夠鬆化，面頭加左d朱古力醬，甜而不膩，唔錯；後者加多左個小食「炸南瓜餅」，炸得金黃均勻，食落淡淡南瓜味，大食既朋友可以一試。

在筲箕灣發現了間歐陸風新餐廳～🥰 感覺是還未被人發掘到的小店 寶藍色的外牆 門前外了木枱木凳🪑 地磚更是花了心思 帶點歐陸風格! 而餐廳裡面用了復古的小燈泡💡 更有藍色牆磚～ 而室內座位設計都很有特色 部分是以樹幹造成餐桌🌲 超值得打卡📸🔻🔻🔻🔻🔻✨ 紅肉火龍果蟹肉意粉 ($158)💖這款意粉外表已經非常吸睛👀 粉紅色是因為用上紅肉火龍果 吃下去會有淡淡的火龍果香味～ 打卡的確很不錯📸 意粉更加上蟹肉🦀 多一份層次✨-✨ 蕃茄藜麥粟米杯 (+$22)很有心思的沙律杯🥗 蘋果切成薄片 還加上百力枝作裝飾～ 杯中就有藜麥、蕃茄和粟米～ 健康之選👍 -✨ 加拿大安格斯谷飼雪花牛扒薯菜 ($188) 🥩又是擺盤超有心思🥹 牛扒頗為軟腍 但份量偏薄身 薯蓉很幼滑 但可能餐廳主打健康菜式 薯蓉略嫌少了調味～如果可以加添再多點牛油香更好🧈 價錢相對進取～-✨ 心太軟配北海道奶凍 (+$88) 🍫最期待嘅心太軟🥰～一切開 裡面嘅朱古力漿流出🍫 超濃厚～ 而奶凍有驚喜✨奶味很重 帶點好像花奶的香味 一邊吃朱古力一邊吃奶凍 很逗趣🤣🔺🔺🔺🔺🔺📍8 RECIPES (筲箕灣)🗺 筲箕灣筲箕灣東大街59-99

今日同個朋友去咗筲箕灣行街，俾一間装修雅致嘅西餐吸引眼球，假期午餐時段都好多人，等咗一陣，個侍應好禮貌貼心的為我們安排座位，兩個人分別叫咗三文魚同牛扒等咗15分鐘，一上餐即眼前一亮，講真，無論環境，食物質素，服務，一流無論視覺，味覺，一流個人感覺係一間有心思，有靈魂的西餐~支持，加油。

自問煮野食唔差，但依間真係不知所謂！希望大家唔好再送錢比佢洗個次dinner叫塊$178牛扒我話5成熟黎到係大家樂既厚薄，即係超薄 仲要唔係SET黎真係超唔抵!!如果識煮牛扒嘅人，應該知道如果要五成熟，係要有一定嘅厚度先做到。另外牛扒話包薯菜佢本身話得菜然後我話包薯菜喎寫明跟住佢話咁我俾個薯蓉你啦好似我賺咗咁，但明明唔係。然後到個焗飯佢汁同埋飯分開上個汁唔濃，好似水咁然後又唔係炒飯底講真大家樂一哥焗豬扒飯都冇咁嬲依間野真係要換一換個廚