影片
電話號碼
55968759
開飯介紹
主打日式蛋包飯的餐廳，裝潢走昭和復古風，如採用懷舊吊燈作佈置，打卡一流，是閨密聚餐及約會的好地方。
繼續閱讀
營業時間
今日營業
11:30 - 15:30
17:30 - 21:30
星期一至五
11:30 - 15:30
17:30 - 21:30
星期六至日
11:30 - 22:00
公眾假期
11:30 - 22:00
公眾假期前夕
11:30 - 15:30
17:30 - 21:30
以上資料只供參考, 請與餐廳確認詳情
-
網上訂座服務暫停
荃灣區可以找到各式各樣的隱世小店，今次就來到主打日式蛋包飯的ADO洋食屋，推開門彷彿走入時光隧道，一秒穿越到日本昭和時代，充滿懷舊情調，日式電笠燈散發出溫潤光芒，顯得份外典雅，感受店內宛如時光停駐的溫度，餐牌主打和風洋食料理，包括招牌日式蛋包飯、小食、意粉、咖喱飯、甜品等。經典日式牛肉醬汁蛋包飯 $86在剛煮好的雞蛋上用刀在中間位置對半切開，輕輕一劃，蛋液立刻往兩側攤開，像瀑布一樣緩緩流下，蛋皮仍是處於半熟狀態，軟嫩滑口，完全覆蓋炒飯，視覺效果滿分，茄汁炒飯微酸醒胃，飯粒煙韌飽滿，纏著滑溜靈動的金黃蛋汁，配上味帶甘甜的典型洋食屋肉汁。紅酒燉牛肋條 $88牛肋條經長時間炆煮後極之入味，肉質細嫩鬆軟，保留著豐滿肉汁，牛味醇厚，尤其適合搭配紅酒醬汁那種深沉酒香，煮得軟糯的日本米吸飽濃郁醬汁，拌飯一流。每份主食加$27配餐湯和前菜，是日款式為忌廉湯及日式牛蒡漬物，湯頭濃厚稠身，牛蒡口感爽脆。套餐附送一杯餐飲，補差價$3就可升級凍檸茶，加$15轉成熱焙茶鮮奶，Latte 精緻拉花令人眼前一亮， 入口綿柔，呷出焙茶的含蓄焙煎茶香。焦糖雞蛋布丁 $54以高身的銀色布丁杯盛載，於布甸擠上忌廉，是昭和甜點的招牌外觀，布甸質地Q彈綿密，蛋香濃厚，微苦的焦糖醬剛好與帶甜味的布甸達到味蕾上的美妙平衡。
繼續閱讀
今日好開心❤️，食到一間一直都想試嘅日式餐廳，餐廳充滿日本昭和風，四周圍都有復古嘅日本洋式裝飾，因為呢間係小店，所以座位唔係好多，想嚟食記得要book位啦📲餐廳唔單止可以打卡📸，食物水準都唔錯，性價比頗高🥰🔸Ado's 自家手打日式漢堡排🔸肉質食到係自家手打，唔會好鬆散，煎得外脆內軟，入面鎖住豐富肉汁，配有清新沙律菜及白飯🍚🔸經典日式牛肉醬汁蛋包飯🥚🔸必食日式蛋包飯，侍應提示只是要輕輕用刀尖切開個蛋，就可以完美展示呢個半熟流心嘅狀態，蛋食落口滑嘟嘟，用咗蕃茄底炒飯，酸酸地，配埋呢個經典嘅牛肉醬汁食，完美嘅配搭😋➕錢轉套餐 🔸餐湯+前菜+飲品🔸餐湯🥣：今日嘅餐湯係洋蔥🧅忌廉湯，飲落好Creamy洋蔥味濃郁🔸日本提子🍇汽水梳打+雪糕🍨🔸提子梳打甜味適中，再加上一球雲呢拿雪糕，賣相靚得來又好飲🔸ADO 泡沫黑咖啡☕️🔸雖然呢款係黑咖啡，但加有蘋果🍎及檸檬🍋味，一啲苦澀味都冇，飲落口🧊凍冰冰、酸酸甜甜夏天飲好啱🔸焦糖雞蛋布丁🍮🔸雞蛋布丁質地超彈，食落充滿蛋🥚香味，加埋個cream亦都好香奶味道，令人回味無窮🥰
繼續閱讀
呢間和風洋食屋🎐🏮喺荃灣都幾有名氣，次次經過見到都要排隊，店裡面嘅裝潢真戚幾有特色🤩，好日本昭和風，最鍾意佢啲燈好靚😻，好似置身小日本咁～·♡ 經典日式牛肉醬汁蛋包飯 HKD$86特別為呢度嘅蛋包飯🍳而來，最期待係切開蛋皮嗰一刻，要拍片紀錄低🤗!! 蛋質地𝐟𝐥𝐮𝐟𝐟𝐲，輕薄不鬆散，一切開啲蛋汁就咇出嚟😍，蛋皮好似瀑布咁兩邊散開，勁治癒❤️！仲有好欣賞飯底有誠意，用嘅係日式蕃茄炒飯🍅，半熟滑蛋加上濃郁牛肉醬汁，口感好豐富，好like呢🤤～·♡ Ado’s 自家手打日式漢堡扒 HKD$110想講呢份漢堡扒都好高質🤗，佢好有漢堡肉嗰種肉嘅糯香，肉質食到係自家手打😋，口感切開唔會好鬆散，配埋個醬汁一齊食，多汁juicy😚!·♡ 凍美式珈琲 +$3♡ 凍抹茶鮮奶 +$18（+$27轉套餐 配前菜、餐湯及飲品）·📍𝐀𝐃𝐎洋食屋荃灣享成街8號香城大廈地下5A號舖
繼續閱讀
一直bookmark咗呢一間，但係由於個地點真係偏遠，如果唔係咁啱探朋友去荃灣都未必會嚟。見到加二十七蚊就有個套餐，嘢飲都唔會太貴，所以就加咗兩個套餐。餐湯係粟米濃湯，飲落去都幾舒服，諗返起日本好出名北海道粟米罐頭湯嗰陣味，都係相對上比較甜啲，但係我自己就幾鍾意。‣ 經典日式牛肉醬汁蛋包飯 $86‼️相當推薦‼️由於佢係冇炸物跟，所以我都係忍唔住加咗三十八蚊吉列炸豬扒。炸豬扒正常發揮，餐廳都好貼心幫佢加咗豬扒醬，唔使一定撈埋飯一齊食。平時都係食開咖喱汁，難得地覺得牛肉醬汁都好唔錯。個飯底落咗蕃茄醬，所以唔會覺得好寡冇乜味。而個蛋真係精髓，相當滑溜而且極香，嚟到呢到係必食嘅名物。‣ 紅酒燉牛肋條 $88牛肋條份量真係唔少，而且燉得相當之軟腍入味，但係又未至於話一叉落去就散咗，依然都保留到啲口感。我自己覺得都幾值得嗌，味道好溫潤，搭配白飯一齊食啱啱好，而調味都唔會話好重手，味道相當之舒服。‣ 焦糖雞蛋布丁 $54我自己幾鍾意布丁上面嘅忌廉，食落去都幾有奶味。而且餐廳嘅焦糖啱啱好，略帶苦味，但係唔會令到個味道變得苦澀。入口蛋味都幾濃，口感相對上就比較實淨啲。‣ 凍蜂蜜柚子茶 ＋$3 ＆ 蜜瓜梳打 ＋$8柚子茶就正常發揮，冇話好特別，建議都係嗌返波子汽水或者蜜瓜梳打。飲完先醒起唔記得咗加雪糕球，加完雪糕球一定勁有feel，但係就咁飲嘅蜜瓜梳打都好好飲，就係你會喺日本飲蜜瓜汽水嘅嗰浸味，令我聯想起日本嘅夏祭，夏天真係必嗌。
繼續閱讀
是日到了這間人氣蛋包飯食店！這間日式小店充滿特色，放滿了不同的小擺設，而且燈光柔和和餐桌座位都非常舒適，令人置身於溫暖的小餐室內。來這間人氣店必要是食蛋包飯！我們點了一客蛋包飯和一客燉雞腿肉配飯，還可以加配成一個套餐，這樣便包含了一個湯及飲品！首先這裏的飲品都相當美味，熱蜂蜜柚子茶，滋潤清新，柚子味香濃！熱玄米茶，淡淡的玄米茶香！別具日式風情！粟米忌廉湯，粟米味香濃，入面仲配上脆卜卜麵包粒，又美味又好咬口！而且這個忌廉湯既幼滑又香味滿分！正主角出場了，明太子奶醬蛋包飯！整個賣相相當出色！厚厚的蛋放置在飯面上，用刀小心翼翼的切開蛋，嫩嫩的蛋一湧而出，完整地覆蓋了整個飯面！蛋相當嫩滑，而且又多汁美味！把蛋配上了飯及奶醬來吃，相當美味有口感！非常欣賞這個蛋包飯！蛋做得相當出色！而且這個飯底別有用心，茄汁炒過的，仲有不同的菇類！飯底非常美味！另外這個明太子醬非常惹味，明太子鹹鹹香香的相當美味，奶醬又Creamy拌著蛋和飯一流！奶油味噌野菜燉雞腿肉，這個餸菜相當美味！奶油不但Creamy，而且入面的雞腿肉又嫩滑又彈牙！啖啖肉的超豐富！除此之外，還配上了多款雜菜如西蘭花、薯仔、紅蘿蔔，配上了奶油味噌，令每一款雜菜都相當入味！這間餐室的蛋包飯真的非常有名及美味，下次到來可以試另一款口味。
繼續閱讀
您可能會有興趣的...