AFTER TEN (已結業)

今朝做野充滿壓力，午飯時間落街行下，行經呢間cafe被佢深深吸引，門面玻璃望入去餐廳環境好寫意，檯櫈擺放空間感好大，加上人流唔多，我就二話不說就入左去放鬆下自己。餐廳日系簡約裝修，配以木枱、木櫈同乾花擺設 ,感覺非常舒適，連餐具，杯墊我都好鐘意。點左份蒜油辣蝦蜆肉意粉，食物質素非常唔錯，好味道，意粉煮得啱啱好，辣味蒜味適中亦好夾海鮮, 蝦肉彈牙，份量充足，絕對唔會失色於西餐水準。另外試咗cold brew 咖啡，平時飲開flat white 同 iced americano。第一次飲cold brew,味道比iced americano 強烈超多，入口味道有好多層次， 第一下入口似冧酒既香醇同埋濃烈，之後就係堅果味嘅咖啡香，好有驚喜。

本來打算係食堂食，因為覺得呢度打卡幾靚，可惜因為疫情所以閂咗堂食，只好改為外賣。地點都幾近西鐵站，十分鐘內就可以行到。起食物方面，本來打算叫埋麵包，因為都幾靚，但係因為太多多所以冇叫到。起食物方面，我哋叫咗兩個意粉，可惜外賣冇做套餐，只可以散嗌，但係性價比都幾高。1. 菠菜雞肉意粉 （8/10）👍👍意粉軟硬程度啱啱好，另外呢個係白汁嘅意粉呢，忌廉味好足到好香濃。2.蒜油蝦蜆扁意粉 （9/10）🦐🦐呢個真係幾推介，因為蒜味好足，佢啲油充滿咗蒜味同埋辣味，但係又唔係太辣，另外海鮮份量都幾多，蝦數數埋埋應該有四到五隻。另外我哋叫咗兩杯飲品3.抹茶鮮奶（7/10）抹茶味道正常，分量都適中4. 黑蘋果（9/10）本來唔知道係咩，問店員原來係expresso加蘋果汁，飲落又真係幾好飲👍

今日放工嘅時候同男朋友經過元朗一間Cafe 見到佢裝修幾靚 就諗住入去試 不過好可惜而家六點後禁止堂食 只能夠叫外賣🙈🙈🙈門口望落去真係好靚 好文青🥺🥺呢度嘅廚房係開放式嘅 牆壁上亦都掛咗唔少充滿藝術氣氛嘅畫作😄😄呢度除咗有主食 亦都有意粉同沙律 飲品除咗咖啡都有其他飲品 款式都算多😋😋我哋叫咗好多嘢食🙈🙈 份量兩個人食啱啱好呢個蒜油蝦蜆扁意粉幾好食 有四隻蝦 都算大隻 意粉彈牙 炒得好香蒜味😍😍另外亦叫咗一個菠菜雞肉意粉 忌廉味好香 雞肉嫩滑😄😄我哋叫咗一杯培茶鮮奶 好香濃嘅培茶味 而且飲得出係用新鮮嘅鮮奶😆😆另外叫咗杯黑蘋果咖啡 老闆話喺呢度嘅推薦 咖啡苦得來又帶有蘋果嘅甜味 啱啱好兩者中和左🥺🥺

餐廳位於教育路尾段，非常易找的。今日路經就被招牌吸引住啦! Life begins after coffee! 內裏的位置好舒適，好喜歡它的簡約設計，原木櫈附合人體工學，坐得好舒適。另外留意到佢有少許藝術品係幾有style。真係好適合去hea同朋友傾計同悠閒過早上或下午的地方。餐廳有許多位置有電掣位置，可以替laptop充電，好體貼。既有工作氣氛又有一份relax 悠閒的coffee shop感覺。每桌有水壺及水杯備用，可以自斟自飲, 哈哈哈!太好啦!早餐點選了較少見奶油雞蘑菇可麗餅，餅皮香脆有蛋味，拼白汁，咸咸甜甜的，口感豐富，食物味道不會太咸，感覺健康!唔錯另點選了70%朱古力咖啡，朱古力冇被甜味蓋過，拉花拉得不錯呢!許多輕食選擇，意粉，pizza 都值得一試 在餐廳充完電又可以上路啦! Begins my life!不過注意用餐時間為90分鐘，最低消費一杯飲品。

今日嚟到元朗近朗屏站一間咖啡店，店內是木系的風格，有格調。星期五下午不會很多人，枱與枱之間也有距離，可以輕鬆一個下午！點了以下食物和飲品。❤️奶油雞肉蘑菇可麗餅 HKD 98 - 個人喜歡吃可麗餅，但香港可以吃到的店不多，普通西餐通常只會有意粉，所以來到這裏一試。賣相十分特別，上面鋪滿白汁，切下去是滿滿的蘑菇和雞肉，比較像吃白汁闊條意粉的感覺，餅皮和醬汁融合十分夾，比較平常的可麗餅淋身。❤️濃縮咖啡 + 鮮奶咖啡 HKD 58 - 這個可以一次試到濃縮咖啡和鮮奶咖啡，第一啖的鮮奶咖啡超香濃，我對它評價十分高！排名數一數二。濃縮咖啡咖啡味超濃，對於不是常常喝濃縮咖啡的我，有點太苦，但我相信如果偏愛濃縮咖啡的人會十分喜歡！

放假先黎落雨🥴本來的郊游計劃泡湯了😮‍💨唯有自己一個係屋企附近搵間cafe chill下☕️諗起平日成日行過見到嘅呢間After Ten就趁今日去試吓先🤗大概1:00左右去到，剛去到時唔算太多人🌝第一時間揀咗個面向街道的坐位😁可以望下街道上面來來往往的車輛同行人，感覺特別寫意🚶‍♂️餐廳走帶少少復古的簡約風格🌿食物主要是以西式的為主🍽今日得自己一個所以只係叫左一個主食同飲品🙂奶油雞肉蘑菇可麗餅🌮 $98因為今天不是太肚餓，諗住叫這個份量應該不會太多，點知上碟時份量完全超出左我預期😂😂兩件脹卜卜的可麗餅上淋滿了香濃的奶油，薄餅煎得厚薄適中🤤餡料豐富雞肉肉嫩多汁加埋磨菇同香草的香味，令人食指大動😋係唔係好餓既情況之下，我竟然將整盤吃光光🤭Matcha Latte 🍵 $38拉花太靚，差點不捨得喝😍茶同奶的比例恰到好處，不會搶走大家的味道🌝茶香恰巧可以清新一下口腔，消消滯👍🏻大家如果想來試試的話記得留意營業時間是每天10:30-19:00喔🕐

今天試左呢間日系咖啡店，環境唔錯，有空間感。因為元朗大部分既cafe都比較細，好有壓迫感...先叫左Creamy Chicken Mushroom Crepes，味道一般，因為太creamy，很膩，食左一半就唔想再食...咖啡叫左Oat Milk Osmanthus Latte，桂花清香與咖啡調得幾好，雖然係燕麥奶，但口感都細滑。最尾加多個Carrot Cake，味道同口感都不唔錯。可能係閒日，所以唔多人不多，同朋友傾計係唔錯既選擇～

元朗開咗幾間新Cafe其中一間就係教育路餐廳面積都幾大環境特別寬敞，枱月枱之間有距離我諗希望顧客坐得舒服👍🏻佈置簡約，俾人一種寧靜嘅感覺所以自己一個人和朋友食嘢傾偈都有一種私人空間嘅感覺👏🏻👏🏻👏🏻餐牌主要咖啡、意粉、麵包、甜品都多樣化👍🏻價錢同元朗一般Cafe都差唔多所以環境氣氛都都係緊要的因素😀菠菜雞肉意粉份量都好多，基本上兩人份量🤣賣相都好吸引好多菠菜和雞肉白汁調味適中，不會太鹹及太膩雞肉都嫩滑朱古力咖啡香濃味道，都非常滿足🥰餐牌都有好多咖啡款式下次可以再來⭐️

今日難得平日放假，就摸索下舒服既cafe hea下，搵到呢間新新地，地點幾方便既cafe，係朗屏西鐵站行大概10分鐘左右就到。間餐廳係行簡約文青feel, 雖然地方唔大，但感覺都每個位置都好寬敞舒服。除左有咖啡之外，仲有主食，例如意粉，包類或者沙律，選擇都唔少。我揀左杯flat white同蒜油蝦蜆扁意粉，自己都偏愛辣辣地既炒意粉。Flat white 唔會好酸味既咖啡👍🏻個意粉係辣辣地，幾香口。驚喜係蝦同蜆既份量都唔少，滿足😆😆😆難得可以百忙中抽時間嘆咖啡，坐得舒服，值得推介😎😎😎

辛苦咗成個星期，非常需要一個舒適嘅地方放鬆心情，行過見到幾間新開嘅cafe，二話不說就揀咗after ten歎個lunch。Cafe環境唔錯好乾淨企理，簡約清新嘅裝修俾人一種寧靜嘅感覺，坐位唔多，可以容納到10人左右。野食方面當然有咖啡同甜品，仲有提供輕型嘅西餐。奶油雞肉蘑菇可樂餅($98)，賣相超級吸引，本來以為係輕食，估唔到係有2份可樂餅，而已脹卜卜感覺到有好多餡料係入面，旁邊仲有少少沙律。可樂餅皮有薄得黎外圍有少少焦脆，而雞肉蘑菇混入奶油後非常細滑，味道唔會太重亦都唔膩。不過如果細食嘅話，一個人食會好飽，可以同朋友share~凍可可朱古力($42)，連杯墊都係襯番杯飲品，好有心思！朱古力味好濃郁，又唔會好甜。

cafe環境優美，樓頂高，空間感大。而且寧靜舒服，座位寬闊，可以好好享受嘆下。餐廳主要採用木製品，落地大玻璃增加光線，鍾意既可以坐bar枱仔，望街景食。叫左煙三文魚雜菌扁意粉($88)，抹茶鮮奶($38)。意粉送上時傳來濃濃煙三文魚味道，見到滿滿三文魚鋪係面頭，亦有沙律菜點綴。雜菌量非常豐滿，有切成大片既蘑菇，入口香濃，口感一流。煙三文魚肉質結實，濕潤，唔會腥。而意粉軟硬度屬硬身dd既口感，個人鍾意亦接受。醬汁好creamy，因為d菇味好濃烈，好掛汁。一個人食，超飽。飲品不得不叫，因為打卡靚，而且杯墊好有心思，係瓷磚。拉花做得好靚，而抹茶濃厚，鮮奶幼滑，飲完好溫暖。整體，坐低慢慢嘆午餐，好寫意。店內仲有多款飲品、茶點、輕食，侍應落完單就會去忙，完全唔會係樓面阻住客人吹水食野，有咩再招手，佢地就會再幫忙，讚。

朝早去元朗公園兜幾個圈，然後係附近搵間cafe食個靚早餐。呢間cafe樓底高，木質嘅裝潢令人感覺舒服，行文青路線。Creamy Chicken Mushroom Crepes 奶油雞肉蘑菇可麗餅 $98我好鍾意食crepe，所以見到有就會嗌。餅皮外層微脆，內裡口感軟腍，餡料豐富，有嫩滑嘅雞肉，同埋健康嘅蘑菇。奶油份量多，邪惡但好滋味。仲有沙律配麻醬，感覺健康啲～Applecano 黑蘋果（少冰）$50呢隻咖啡幾特別，其他cafe唔見有，於是試下。Presentation靚之餘，味道仲好有驚喜！一入口係好香濃嘅蘋果汁味，然後齋啡嘅甘味慢慢係兩邊舌側滲透出黎。成個配搭係一啲都唔苦，而且層次感覺神奇👍🏻我覺得一間cafe最重要係要做好咖啡，所以呢間一定會encore💯

趁上堂前有時間，就去咗呢間Cafe享受一下Me Time～店面用白色 木色作主調 設計簡單 已經令人有一種好舒服嘅感覺空間位置闊落 每張枱都有相當距離留意到地下有插頭位 過一個下午咁做嘢 似乎都唔錯嘢食方面唔算多選擇但佢嘅重點係咖啡☕️佢另外亦有麵包提供黑松露雜菌意粉+ Dark Mocha一上上來已有松露香味意粉幼身，咬落煙銀，唔會煮得過林。多菇足料，口感滿足又豐富。松露相當多，可以話每一條意粉都佈滿粒粒松露。上面亦有香草碎作點綴，成件事配合得好好👍🏻Dark Mocha諗唔到飲咩，所以叫店員推介，果然無介紹錯。拉花好靚，賞心悅目。聞落已有一種輕輕嘅咖啡香，入口相當順滑。先飲到鮮奶嘅泡沫口感，再到咖啡嘅甘香，最後係一陣再回甘嘅感覺。呢種唔會有太多酸味，亦唔會有好濃嘅烘焙焦香感。甜度苦度適中～（唔捨得整爛個拉花😌）好鍾意佢哋播嘅歌CigaretteAfterSex🎵

係元朗想飲杯咖啡，見到裝修幾簡約清新，就入去坐低chill下。去到嘅時候啱啱好坐滿，等咗5分鐘左右就有枱。坐低睇到menu都好多主食揀，意粉、牛角包、bagel、wraps乜都有。我就叫咗2個主食（蒜油蝦蜆扁意粉、煙三文魚牛油果芝士貝果）同2杯咖啡（Freddo Expresso、Cold Brew）。等咗大概5-10分鐘之後都逐樣上齊喇。首先試咗煙三文魚牛油果芝士貝果，必須讚佢個bagel係有烘過，之後先搽上cream cheese。食落有少少脆口嘅感覺，加埋creamy嘅牛油果同煙三文魚唔會令我覺得成個包都好淋，啱啱好。側邊嘅沙律菜都好新鮮，麻醬唔會多到死鹹。之後試蒜油蝦蜆扁意粉，因為佢係開放式廚房，煎緊蝦嘅時候已經有陣香味傳出嚟，嚟到已經見到蝦同蜆舖係面，份量非常足夠，扁意粉都煮到剛剛好，唔會overcooked又唔會過硬。主食份量真係非常足夠，2個女仔都食到太飽添啊。咖啡方面，cold brew上枱嘅時候已經即刻試咗啖，因為佢隻杯係雪完先上，如果食完主食先飲隻杯就會已經暖曬，無咗意思。第一啖淺嘗覺得唔係太濃嘅咖啡，仲有少少茶味嘅感覺帶咗出嚟，但後尾大啖咗飲即刻感覺到苦味，所以飲

元朗無黎一排，估唔到新開左咁多間靚既餐廳，今日路過見到呢間after ten，見佢裝修得咗靚咗有文青feel，即刻就入左去試！淨係睇個門口都知呢間cafe一定坐得好舒服、唔會好chur你，岩晒中意慢慢嘆既人。估唔到細細地一間cafe，menu都咁多選擇，價錢黎講亦可接受，唔會貴到飛起入面環境亦相對舒服、乾淨、光猛。今次我叫左個卡邦尼意粉，就咗望落去都好靚，好有心思咁裝飾埋。不過最緊要都係好唔好食入面好多煙肉，意粉索晒啲煙肉粉，成碟意粉亦唔會好水，反而吸收晒啲汁勁入味，唔錯Dark mocha，有拉花抵讚，飲落好重黑朱古力味，但又唔會cover左咖啡陣味，好高質！今次揀左呢間after ten休息下嘆下，果然無錯下次再黎！