AFTER TEN (已結業)

喺人多車多嘅元朗，入到黎呢間設計簡約嘅Cafe， 白色牆身、天花，配上木系檯椅，開放式廚房，感覺悠閒、寧靜，奈何我只可以享受呢10分鐘等外賣嘅ME Time. 睇番餐牌Main: Bagel, Wraps, CiabattaLight: 沙律、牛角包、鬆餅、雪糕另外亦有數款意粉，以 Cafe 黎講，選擇都算多最後叫咗個蒜油蝦蜆扁意粉及宇治抹茶鮮奶外賣，打開個意粉聞到好香嘅蒜油味，蝦鮮味爽口，配合埋啲蜆肉，每啖都好豐富。杯外賣抹茶鮮奶入口順滑，抹茶味好香。而且店員好細心，飲品先鋪上一層膠膜，再蓋蓋，番到屋企都無倒瀉。食物飲品質素唔錯，下次一定去堂食！餐廳：AFTER TEN (元朗)地址：元朗教育路75號京都閣地下3號舖

今天特意抽時間入去元朗，因為係相熟的紅酒專賣小店訂了兩枝準備用來慶祝的紅酒。收工入去時，已是傍晚，其實已有點肚餓。唯獨疫情曠日持久，昔日曾幫襯過的店已消失胎盡，唯有試新嘢。呢間AFTER TEN，門口見幾文青咖啡店feel，所以一試。內部裝修以簡約為主調，餐單選擇也不算太多。相中為何不見其它客人？皆因已是晚上６點後啦。叫咗"蒜油蝦蜆扁意粉"，店員兼廚師話是最好賣的食品。由於我不太喜歡辣，故吩咐店員盡可能"走辣"。打開外賣盒check下賣相先，以乎幾好喎，數一數，共有6隻挑走晒蝦腸，色澤好看和肥美的紅蝦，配合香蒜油均勻沾滿的闊條意粉和少許蜆肉，口感不錯。重要的是，即叫即煮，故等了近十多分鐘都算值得。餐牌：

依家6點後禁堂食，今日出開元朗市中心，順道買埋晚餐番去，支持下小店。我晚上6點左右到，餐廳啱啱清潔完，估計係剛剛開門做晚市，感覺疫情間做食肆嘅特別困難。餐廳環境精緻，乾淨，播住輕鬆音樂。檯之間距離頗遠，無壓迫感，適合慢食，感覺好舒服。紅醬羅勒葉肉丸扁意粉:紅醬味道清新，意粉軟硬度剛好，仍然有咬口。肉丸味道好Juicy，唔錯！焙茶鮮奶：焙茶味好香濃，入口順滑，有驚喜！幾鍾意個餐廳環境，下次試吓堂食先！

本身想搵間cafe可以同朋友兩個人坐下食下野傾下偈，見呢間評價幾好就諗住試下。去到發現間舖一枱客都冇，兩位店員坐係一角傾緊偈，門口貼住堂食限時60分鐘，咁我地就入去啦。一開門，一位店員起身話：我地堂食限時60分鐘，ok嗎？ 我呆一呆，問佢：冇人排隊等位可唔可以坐耐啲？另一位店員隨即起身話：堂食限時60分鐘，門口貼住架。我再問：但係冇人等位嘅話，傾耐啲都唔得？店員話：疫情關係，所以想客人唔好逗留咁耐。我唯有問一問朋友覺得可唔可以，但因為始終都係想搵個舒服地方坐下食下野傾下偈，坐得60分鐘嘅cafe真係未如理想， 所以都係轉身搵過第二間算數。特此出post提醒各位想去坐下傾下偈嘅朋友仔，疫情期間堂食限時60分鐘，唔夠時間傾記得唔好去食白果喇～

最近鍾意去唔同嘅Cafe chill下，誤打誤撞之下嚟咗元朗位於大街既after ten cafe, 座位闊落又坐得舒服，而且入面嘅嘢食質素都唔錯。試左2種唔同既意粉：黑松露雜菌意粉和蒜香蝦蜆扁意粉。價錢方面分量多 夠大碟而且價錢合理。蒜香意粉落咗好多蒜去炒，蝦肉同蜆肉都好新鮮，色香味俱全。而黑松露亦都好Juice。飲品方面試咗Mojito同latte, 值得一讚係佢嘅latte好香濃夠滑，好值得推介，黎開元朗區嘅朋友仔可以嚟試吓。

雖然話wfh，但係都好多野跟，終於捱到放飯，搵個地方食飯，岀去行下個人冇咁呆，搵到呢間After ten，chill下hea下。好，睇吓有咩好食先。紅醬羅勒葉肉丸扁意粉，一上枱，好香茄醬味，肉丸大大粒脹卜卜，肉丸煮得唔錯，食落有咬勁，裡面有粗身肉粒。每條扁意粉煙韌彈牙，仲掛滿茄醬，睇到真係「醬」黎，有蕃茄蓉，上面用左羅勒葉做調味，食落再香啲。焙茶鮮奶，個hojicha好香，鮮奶又濃厚，飲落感覺濃稠豐盈，而且係微甜，幾好。

今個星期繼續尋覓小店，今次去左間唔隱世，反而位於元朗一條繁華街道上既清新小Cafe。AFTERTEN採用玻璃門設計，加上店內樓底高，感覺非常清新。我比較早到，霸左個望到街既靚位，可以望住繁忙既馬路享受悠閒Lunch。話明Cafe，食物都係以Pasta、輕食和咖啡/茶為主。作為意粉愛好者，當然繼續食 Pasta！今次叫左長柄西蘭花雞肉意粉，但因為疫情關係，食材短缺，無晒長柄西蘭花，佢地轉左菠菜，落單時都有問我o唔ok。諗一諗，菠菜同雞肉都好夾，就照Go on了。另外單點一杯烘焙鮮奶 Hojicha Latte。🍝菠菜雞肉意粉（$88）雖然Menu描述比較簡短，但都同預期一樣係白汁意粉，亦食得出落左香草👍🏻白汁份量好足夠，質地係偏簿身既，唔會掛好多係意粉上，所以唔會食到好「濟」。雞肉切成簿身一片片，方便同意粉一齊食。雞肉本身味道偏清，唔係事先醃得好重味個種，比較似沙律中既雞肉，偏清既雞肉配上意粉既白汁亦都夾，感覺健康。而菠菜亦如預期一樣好夾食材，佢比西蘭花仲有個好處，就係可以索埋啲白汁👍🏻 估唔到一碟意粉，望上去份量正常，食落十分飽肚，我都算大食，但都差啲就食唔晒！😆☕️熱烘焙鮮奶（$45）

元朗區出左名多好野食，今日約左個朋友見面係呢間cafe度見面，估唔到野食有驚喜。餐廳裝潢用上樸素裝修風格，但係一啲都唔覺得簡陋，以白色同木系小清新為主。餐牌選擇方面雖然唔多但係美食一向都係貴精不貴多。我哋兩個人各自點左兩款唔同味嘅意粉。黑松露雜菌意粉：雜菇數量都幾多，黑松露醬落得好足夠唔會太濃搶左啲味，每啖都食到有黑松露嘅味道。蒜蓉蝦蜆扁意粉：大蝦同蜆肉好大粒，炒嘅火候適中，配上香草食落好香。飲品方面，推介Mojito或者latte都唔錯。

煙三文魚忌廉芝士bagel bagel烘熱左食落有少少脆口屬於幾軟熟嘅一款bagel 用料好足滿佈煙三文魚同牛油果bagel仲塗滿忌廉芝士但沙律菜就比較平凡抹茶鮮奶拉花好靚唔會過甜抹茶味亦夠濃郁

同朋友專程入元朗，就喺想試After Ten😋After ten嘅裝修簡約，比人好舒服嘅感覺😉佢地鋪面雖細，但喺空間感足，坐得好舒服，而且同隔離枱唔會太接近，😆食完嘢都仲會想慢慢歎翻杯嘢飲！我今次試咗「三文魚牛油果芝士bagel」😽好足料，三文魚大大塊，我鐘意佢bagel入面嘅cream cheese比例啱啱好，食落唔會膩口。另外仲叫咗杯「抹茶Latte」🍵😆，不過我自己偏好濃味啲嘅，就覺得佢呢杯少少淡口咗。btw！！同大家推薦下我朋友叫嘅「奶油蘑菇雞肉可麗餅」，好值得一試！熱辣辣， 煎得啱啱好😆仲要好重蘑菇味！加上個sauce又creamy，下次再去我一定會encore！希望疫情盡快結束，大家都可以安心出街食好西！

放大假落左幾日雨無野做心情麻麻醒起屋企附近有間算新新地既餐廳一直想試下。門面簡簡單單，好清新既感覺。可能時間尚早，所以唔多人,唔使等位。舖頭整體用木系裝修，雖然舖頭唔算好大，但位與位之間間隔好開，令人坐得好舒服。每個角落雖然都好簡單，但令人覺得簡單就是美，感覺舒心。廚房係開放式既，貫徹呢間小店比人既感覺，寛敞，乾淨，舒服。menu首頁見証住呢間舖頭應該都好多人幫襯。食物選擇就咁多，因為自己一條友食，所以點左個主食加一杯野飲。不撈唔太鐘意食扁意粉，不過呢度d意粉餐都係以扁意粉為主，姑且一試，又有驚喜喎，意粉炒得乾身，有少少紅色好似辣椒粉既調味，但唔辣，調味合適，面頭既蝦同蜆肉都新鮮，讚👍 最後飲埋杯flat white,配搭住餐廳裏面悠悠既背景音樂，實在係悠閒放假 想靜靜生活既好去處。

呢間小店，我由佢開業到而家一直BOOKMARK住終於有時間黎到呢間小店~入面環境整齊乾淨舒服~ !下次再黎要試下呢度既CAKE同埋包包裝潢都係以簡單木系感為主~//今次坐左係BAR TABLE度~ 望住外面，都幾舒服~ 雖然車來車往~ 人來人往咁~ 入左黎就好似暫時同外面的世界隔開左咁MATCHA LATTE~ 真係好好飲奶泡細滑綿綿，入口抹茶味相當足夠，唔會多到苦，又唔會係少到無味個隻真係沖得幾好飲~下次再黎要試埋佢地既咖啡~  小店們要加油! 疫情期間，辛苦你地了 ! /_\

換個心情睡到三點去cafe hea疫情搞到個人冇曬心機Afterten係元朗少數好坐嘅cafe食物以意粉🍝輕食🌯為主咖啡menu應有盡有，好多都好想試有下次再黎嘅藉口了😆🥯煙三文魚牛油果cream cheese bagel一次過有曬我鍾意嘅食材伴有胡麻醬沙律菜（有菜食喇😆)Bagel好煙韌加上鹹鹹哋嘅cream cheese軟綿綿嘅牛油果🥑煙三文魚份量唔少㗎仲好有心機咁整咗朵三文魚花添🥙凱撒雞肉意大利包老公就叫咗呢個啖啖肉的確係吸引嘅汁比較多所以個包就淋左啲啲🤏Latte可以揀糖醬（有幾款口味）不過我就唔想太甜冇加到拉花靚仔，飲完心情好返啲😌老公杯mocha真係好濃朱古力味水泥牆裝修加上實木枱櫈比人感覺好舒服過咗一個平靜嘅下午🌿今日天氣好好仲有返久違嘅陽光射入嚟啊啊… 幾時先可以回復正常嘅生活呢？

今日食呢間位於元朗教育路 近元朗商會中學一間闊落 舒服 空間感十足嘅Cafe 樓底好高 👍🏻門口成塊落地大玻璃 善用咗自然光 🧚🏻‍♂️所以入面用左幾盞燈點綴下已經足夠✨成間cafe唔算話好大 但枱與枱之間間隔好開 用料主打實木材 簡約企理👀播住輕柔 慢調嘅音樂👂💃🏻文青打卡一流好多細節 唔起眼嘅位店主都會加啲設計 裝飾點綴下叫左個菠菜雞肉意粉 凍抹茶鮮奶😋菠菜雞肉意粉用忌廉一齊煮🤩食到好香嘅奶cream味 雞胸肉都滲哂汁 好食😗都幾大份🤣 個抹茶鮮奶重茶味 JENG!飲得出係鮮奶 而唔係花奶溝水 坊間好多話係鮮奶其實落左奶精 溝花奶都唔少 鮮奶既味道呃唔到人呢間餐廳雖然講到明用餐時間90分鐘但我坐超過哂都冇趕客👍🏻

放假就睇下有咩新餐廳, 見到呢間向教育路既小店就試一試, 小店環境簡約, 但因為樓底高, 空間感很大, 令人感覺好放鬆.  仲有同隔離枱距離好闊, 其他餐廳可能會再加多一排枱凳.點左黑松露雜菌意粉$98,  一放底好有松露香味, 仲有好多菇, 唔系得幾條, 加埋幼意粉, 咬落煙韌, 呢個價錢有呢個質素真系真心讚再點左奶油雞肉磨菇可麗餅$98, 我呢個可麗餅怪一見可麗餅系必叫, 奶油份不少, 不過我就比較中意乾身可麗餅, 加埋碟既沙律菜非常新鮮.仲有杯拉花的Cappuccino$38及培茶鮮奶$38, Cappuccino不苦不澀, 好滑好易入口, 本身唔好咖啡既我都讚加,加埋個拉花❤️培茶鮮奶的培茶及鮮奶份量岩岩好, 整體食物飲品同環境方面都做得好出色, 仲要無加一, 性價比高,  真系要再黎.