alfafa (港運城)

營業中

休息中

前排行過見到呢間無做晚市 但嘅外賣set 幾抵食就買黎試下🥰呢間平日都算中間價位嘅西餐 食落都不錯 已經回頭食做兩次😋餐廳都算有裝修 園林風成個感覺好green 整體格調都好舒服 乾淨 不錯不錯👍🌟黑椒烤雞有機鮮蘑菇炒意粉🍝$49（外賣自取）超推薦大家食呢個set 抵食又高質👍雞肉味道岩岩好 肉質都好滑唔洗$50食到咁嘅質素 真係唔話得🥰🥰🥰🌟拿坡里煙肉直布羅陀雞肉腸火腿炒意粉$49（外賣自取）呢個就普普通通 可能👧🏻本身唔太鍾意食番茄🍅 所以覺得麻麻地 😔🌟 另外加餐湯🥣 $10 蘑菇湯都好抵飲 食落都好足料 好過自己係屋企搞一大餐煮個湯😂📎店舖資訊📌alfafa (康怡廣場) (太古)太古康山道1-2號康怡廣場北座M樓M2舖🚇港鐵太古站 A2 出口📌 alfafa Cafe (中環)中環干諾道中68號華懋廣場第二期1樓1A號舖🚇港鐵香港站 E 1出口, 步行約3分鐘📌 alfafa (樂富廣場) (樂富)樂富聯合道198號樂富廣場一期UG2 L226&227🚇港鐵樂富站 A出口, 步行約3分鐘📌 alfafa (港運城) (北角)北角英皇道500號港運城1樓123-124號舖🚇港鐵

今次試咗依間餐廳嘅外賣。要讚佢嘅包裝。都係用紙袋紙盒。好似高級餐廳嘅packing咁加分。有個包仔都暖脆暖脆嘅。點湯食不錯。湯好似係南瓜但又沒有太重南瓜味。總之幾好味。打開盒仔係黑椒海鮮意粉。本身以為黑椒可能無汁乾憎憎。但原來有汁。同都好夠。每啖粉都有味。粉都唔會淋仲有彈性。個汁唔識形容但好好味。有黑椒嘅微辣。惹味。蝦好彈牙爽口。仲食到鮮味。估佢唔到。有好多蜆仔都無沙。同淋淋魷魚圈。餸真心夠。加錢叫咗杯玫瑰咖啡。都好好味囉。甜度適中。夠濃滑。有淡淡玫瑰味

因為有現金卷，咁岩諗唔到晚餐食咩，所以決定去食。可能北角區嘅人比較早食飯，加上防疫政策，晚上未到8點餐廳內唔算多食客。晚餐set dinner 有11款，選擇唔算多，但竟然有beyond burger。不過咁岩唔係咁想食burger，都係揀返意粉😂套餐可選餐湯或者沙律，同一杯飲品，當中有個叫有機紅樹茶，因好奇咩味叫左。餐湯係羅宋湯，中規中矩，湯水多有點稀，但入面有唔少湯料Alfafa 超級沙律：入面應該主要係羽衣甘藍，加咗蘋果，配搭沙律醬都清新。焗肉醬千層麵配薯蓉 $88：估唔到竟然用鐵鑊上，薯蓉經烤焗後，表面好脆，不過好似冇點調味。可能因為用大火焗，千層麵既四邊都好燶，都3-4層千層麵，中間夾住蕃茄肉醬酸酸地唔會膩。拿玻里烤大蝦有機鮮蘑菇焗飯 $98：拿玻里其實係意大利式蕃茄醬，用橄欖油爆香蒜茸加去皮番茄同其他香料混合而成。但，首先呢個醬食唔到咩香料，得個酸字，似大x樂蕃茄豬扒飯...飯就焗得夠乾身，但成碟似港式茶餐廳嘅焗飯而多過似西餐。至於有機紅樹茶，嗅落好香，唔係清新反而係舒服，似英式紅茶feel，但飲落冇特別，最多係茶味濃厚啲。總結：餐廳2人枱其實有少少逼，雖然有啲職員幾熱情，

今日下午跟女兒上完興趣班，來到北角港運城的Alfafa嘆番個下午茶，我們點了焗無添加激素雞翼配薯條，牛油果車打芝士流心蛋芝麻包配Alfafa超級沙律，飲品方面我們點了熱的荔枝紅茶和芒果熱情果梳打。食物不錯，牛油果熟度適中，配合車打芝士和流心蛋，味道很夾，芝麻包鬆軟，沙律菜很新鮮，上面淋了香醋和灑了亞麻籽，零舍開胃又健康。雞翼薯條雖然等得比較耐，但即叫即炸，熱辣辣香噴噴，味道不錯，女兒讚不絕口，飲品方面，芒果熱情果梳打散發着一陣陣的芒果與熱情果夾雜的幽香，冰凍解渴不太甜，而熱荔枝紅茶呢，就比較談了一點，但整體來說也十分滿意，服務員態度親切有禮，結帳時送了我們3瓶士多啤梨醬，原來他們正在舉行「一起分享果醬的滋味」，凡惠顧的顧客也會贈送一瓶30克的士多啤梨醬，令我們週日的下午添上甜絲絲的感覺

呢間野我分別幫襯過樂富分店同埋北角呢間，之前去樂富果一間啲嘢都算中規中矩，帶啲老人家去食下啲「港式」西餐咁。用料其實都OK，唔會好重口味簡單有少少調味清清地咁。之後先知呢間嘢好似係主打健康新鮮食物（好似係），但健康新鮮食物都可以煮得好味嘅，然後有次再去北角分店，D嘢全部淡茂茂，仲有佢跟餐附送嘅麵包，可唔可以唔好比D好頹嘅方包？即係嗰啲好似朝早早餐買剩嘅三文治方包，然後所有食物係冇味好似就咁煮熟咁🥲仲有北角嗰個日理萬機嘅經理，可唔可以唔好咁嬲，我都係想點餐姐⋯⋯

購買他們的會籍會專享買$1000港幣送$1100港幣可以在他們的任何店內消費，食物質素環境服務等等各方面到時出色的。大家可以嘗試試吓他的食物，可能會令到你們有點驚喜

1. 裝修可以，因為新？ 但有點焗，可能商場中央冷氣2. 張枱好細，啲碟size又大，兩個人兩隻碟，加埋佢啲餐具盤同水樽水杯，好逼，啲碟係突曬出檯面3. 先嚟個餐茶, 跟住係湯和主菜，杯餐飲都凍哂4. 最唔鍾意啲員工有啲粗魯，講野比較大聲又高音，有啲大媽feel，話哂係西餐廳5. 可能空氣唔流通，有少少油煙味6. 飯量及湯量偏少， 餸份量ok7. 最好係枱面有幾張紙巾俾你用8. 加埋一要百幾蚊一個餐，咁既質素係貴茶餐廳質素，西餐廳價錢，唔會再嚟

是日要返總公司上堂，約了好友先攪個早餐，呢間北角開店都未試過，我先到攞位，可以即刻入坐，被安排坐近落地玻璃窗嘅二人枱，小木桌仲要加透明隔板，感覺好迫促（明白疫情嚴重，措施是合理，只想講出自己嘅感覺啫）早餐是西式，選擇都幾多，因朋友未到，店員都不會催促我落單！牛油果車打芝士流心蛋芝麻包+alfafa沙律（$58）賣相一般，沙律菜是羽衣甘藍菜，雖然不及羅馬生菜咁爽脆，有𡁻口略粗，可以接受，加上杏仁片香脆，油醋汁開胃，流心蛋嫩滑，牛油果僅熟，未到牛油果最香嘅時候，墊底麵包鬆軟，幾香麵包香，加上芝士片好食！熱齋啡（跟餐）喜歡有耳瓷杯，夠存熱，咖啡微甘不帶酸，解膩幾好朋友食：Power:煎雙蛋、烤煙肉、直布羅陀雞肉腸、火腿扒、罌粟籽包（$52）Hot rose cappuccino(跟餐+$12）食物幾好，西式合我口味，店員有禮斯文，不騷擾客人！西式早餐

由於公司在港運城附近其實可能有時會經過但只係經過佢既商場冇行上去2樓,因為地下及地庫既餐廳都較貴,多數係公司有外國同事黎或者招待客人先會去.而2樓係冇上過去, 今日因為同事介紹上去試下.素菜既選擇唔算多,所以點左呢個茄子焗薯味道方面,我覺得比較啖左少少, 但係杯咖啡係可以.但係你問我會唔會再光顧既話我可以答你唔會.,因為真係冇乜特別,可能非素食既ITEM會比較好啲,但素食既ITEM對我黎講就唔係太OKAY.

這間餐廳位於北角尾的港運城，港運城不是大商場，店舖都比較少，地點方便容易找。這餐廳有落地玻璃窗，可以望到英皇道，環境可以。食物質數不錯，只是價錢不是大眾化，晚餐是沒有套餐，如要套餐要另外再加錢，勝價比不是高。由於附近不是太多西餐廳，因此這間餐廳平日都幾好生意，總括不過不失。

午餐時段跟朋友來此餐廳，剛巧朋友有一張優惠券月尾到期，可以用優惠券或者透過網上預約主餐牌有優惠，又或者可以使用匯豐卡食指定套餐。最後比較過，還是優惠券最抵，可以叫午餐套餐，又可以用埋優惠券。兩個套餐扣除50優惠券，大約150。我和朋友點了兩個午餐套餐。triple seafood Spaghetti黑椒炒海鮮意粉，配上三粒大蝦 魷魚 蜆肉和洋蔥。大蝦去腸處理乾淨，不會太熟，新鮮彈牙。魷魚亦剛剛熟，不會太韌。黑椒味非常突出，有些似中式豉汁炒蜆嘅味道，偏辣。意粉亦剛剛好，彈牙有咬口。flank steak with red rice牛肉上枱透著淡淡的粉紅色，非常誘人，蘑菇紅米飯，味道不錯。套餐配有餐湯、餐包和餐飲。是日為忌廉甘筍湯，大約一杯咖啡嘅份量既湯，配乒乓波大小的法國小餐包，餐包外脆，內裡說不上好軟。餐飲也選擇多，我和朋友都點了咖啡。若然有優惠券，性價比特別高。溫馨提示，由點菜到上餐湯大約半小時，飲完湯，大約十分鐘才上主菜，若然趕時間，比較難好好品嚐午餐。

今天和Honey到北角拍拖，抬頭望到港運城商場，二樓有Alfafa，我們便到這裏吃下午茶。環境幾好，座位擺得疏落，侍應安排我們坐店外近欄桿位置，更加開揚。下午茶餐價錢看似並不便宜，但，看看食物質素，其實是非常超值，因為，是高質食品。我們點Benedict Egg牛油果芝士包配超級沙律，還有雪糕班戟。Benedict Egg牛油果芝士包超級沙律：非常令我喜出望外！有兩隻軟滑的Benedict Egg，而且麵包是剛烘起，配牛油果、蛋黃醬、芝士……好好味！超級蔬菜，除了有羽衣甘藍，還有baby spanish、車厘茄、蘋果片、芝麻……等等，健康好味！以這個價錢，簡直是超值！！另外，點了雪糕班戟：賣相也非常好，份量也不少。唯一美中不足的是，班戟煎得不夠透，中間質感比較濕，吃了「 黐牙」。但是，配楓糖漿，好好味。Honey點了蘋果茶，我點要熱咖啡。兩杯都一般。不過，整體而言，環境、服務、食物、價錢……都令我感到喜出望外。在北角，有新發現↷↶

上星期和老公兩人到北角港運城的Alfafa叫了兩份晚餐，我叫了鱸魚炒意粉($9？):份量小到冇人有：餐湯得半碗滿；多士得半片； 鱸魚得兩小薄片，除去魚皮後， 只得薄過張紙的魚肉食落口， 每片魚肉的總面積都細過張八達通卡； 意份兩三啖便食完。 真是食完都唔覺得自己有食過嘢老公叫了半隻燒春雞拼新薯($11？)， 誰不知春雞的size只像隻大乳鴿 ，新薯只得六至七粒，每粒的size只有麥？莎朱古力般的大細. 食完成份餐的感覺似食了陣風。原本我叫了餐飲系熱檸茶， 我見食完餐飯個肚仍然好空，都唔敢飲酸嘢落肚， 所以立即改為熱奶茶，希望有些奶到肚，會令肚餓感覺冇咁嚴重。最後兩人共付💲240落樓，返到屋企還要每人煮一個即食麵食，真係唔知為乜。Conclusion: 這間餐廳食物的份量只適合患有厭食症的人去食用。一個有正常胃口的人(就連女士)，食兩個餐都未必夠飽。

Alfafa主打清新又健康既歐陸菜，價錢大眾化，早餐選擇都幾多同埋會供應到11點半，仲可以自款麵包，有牛角酥、芝麻包、洋蔥包、牛油多士等，幾有新鮮感🙈－－－－－－1. 炸大西洋鱈魚柳配意大利黑松露醬炒蛋配牛角酥 $66 6.5/10首先牛角酥幾出色，外型修長同埋鬆脆😋牛油味恰到好處，唔會太咸，不過氣孔較大，中間有點空，欠缺口感，黑松露蛋幾滑🤤不過冇咩調味，要額外再加黑胡椒，鱈魚柳皮有點硬同韌，份量比想像中細，不過炸得幾好，唔會太乾，最好就加埋芥末醬一齊食，整體調味係偏淡，走健康路線

Alfafa 既裝修以木色同綠色為主調！佢既食物主打健康，好多食材都標謗有機！所以今次就試下佢既午餐！主菜我地叫左兩個，上菜時間平均10-15分鐘左右！. 隨午餐附送麵包、餐湯/沙律和飲品。是日餐湯係蘑菇湯, 香濃, 有啖啖蘑菇粒🍄 調味好恰當👍🏾 餐包焗得好香脆，上枱時仲係暖暖的！湯同餐包係全餐入面最好食😂. 📌烤澳洲100日穀飼牛有機鮮蘑菇亞麻籽燴紅米飯牛肉出哂血水🤦🏻‍♀️🤦🏻‍♀️🤦🏻‍♀️ 賣相已經唔討好！米飯食落有𡁻口，有稍稍調過味。牛肉生熟適中，但血水搞到成碟都係，見到都唔想食😖 而且肉質稍韌，成個飯又唔夠熱，一般！,📌肉醬千層麵配薯蓉千層麵既麵粉味好重！有濃濃既蕃茄醬同少少芝士味！搭配薯蓉，薯蓉做得唔夠滑身，但調味唔錯！整體味道一般，好hea既感覺！. 至於野飲，我就揀左水果茶包(蘋果味)，冇乜特別，就係茶包😅 朋友就揀左凍齋啡，對咖啡好有研究既佢只係講左句，咖啡唔推介👎🏿. 整體來講，曾經黎過食早餐，份量少得可憐！今次食午餐，個人認為用料普通，味道一般！ 而且價錢比較貴，失望！未必有下一次！