Alzina Spanish Asador (已結業)

雖然上個月才剛從西班牙回港，但已經忍不住吃了多餐西班牙菜。其中位於尖沙嘴的Alzina，味道與在西班牙吃到的極接近，是近期大家吃正宗西班牙菜的心水好去處。最近就分別吃過Alzina的平日午餐與週末早午餐，讓我一次過做個小分享吧。Alzina逢星期六、日供應的weekend brunch，包括自助前菜包括冷盤、沙律、熱湯、蛋類與熱盤小食共約30款，全部自助任吃到飽；而主食8選1，及甜品拼盤，陣容豐富。定價方面，每位成人$398 / 小童$118，另加$128可free flow西班牙汽酒Cava，sangria和house wine，或以$80加點1 jar 橙汁。今個3月份內更有7折優惠，真是份外吸引！先看看冷盤，有多款西班牙風乾火腿和辣肉腸如Iberico recebo ham，Serrano ham，Iberico chorizo等，店方自家製豬肝醬，以及多款西班牙牛奶與羊奶芝士，包括Manchego cheese，Tetilla cheese和Idiazabal cheese。沙律方面，有西班牙番茄吞拿魚沙律，凱薩沙律，以及homemade Russian salad with

We might be the first table guests for their brunch, and got 30% discount, it's only about 270 per person. Very good quality food, many raw materials really came from Span. The crispy skin pork is amazing delicious, the sauce on Benedict egg is very good. Desert plate is impressive, it contains ice cream, sorbet, cheese cake, and chocolate mousse, all high quality.

• Alzina Spanish Asador• 尖沙咀漆咸道南溫莎大廈地下10-12B號舖近年西班牙菜館逐漸興起，這間位於尖沙嘴的Alzina餐廳，菜式選擇多，環境優雅，服務熱情友善，值得一試！-- 餐具配襯富格調。-- Moët & Chandon Brut Impérial 源產自法國香檳區的著名品牌，其酒果味濃郁，酒體紮實。“正所謂美酒佳餚，當然要乾一杯！-- 西班牙脆皮乳豬 -- 必吃之作！乳豬醃製後，以十二小時低溫慢煮，再用攝氏二百度高溫烤焗三十分鐘，做到外皮薄脆，肉質柔軟多汁，伴以自製的蘋果醬及燒汁，中和豬肉的油膩感，味道層次甚豐富！

朋友介紹嚟先知，原來新開的，喺漆咸道轉入赫德道，條街雖然黑，都易搵。喜愛西班牙菜的原因，係佢地興食好多tapas，小食般的前菜令我可能試好多菜色，唔似美色或英色，各自為政，只可食一款主菜， 而且可以同朋友分享傾談，係唔錯既gathering選擇。呢個烤蕃茄麵包伴香蒜橄欖油，$45，2片多士，伴一個切開一半的原個蕃茄同幾粒蒜頭，初時一頭霧水，店員介紹先知原來用蕃茄好似洗衫板原理咁擦d肉同汁於麵包上，再用蒜頭粒再磨d蓉喺面，最後加橄欖油食。蕃茄原來係喺西班牙嚟既，話喺個地區既蕃茄特別多汁鮮甜，所以有呢個塗麵包食法。店出面真係放滿好多西班牙嚟既蔬菜，對食材好講究。呢款蕃茄就係塗麵包那種。西班牙風乾火腿，都指明用伊比利亞地區的黑毛豬，48個月，手切，所以口感好好，而且肉味濃，沒有渣，又唔太咸。另一tapas, 白豆銀雪魚配西班牙螄蚶，幾特別，好霖既白豆，銀雪魚新鮮結實。西班牙蛋餅，傳統的係薯仔，蛋，洋蔥，但我覺得呢個好多料，好豐富，雖然數唔晒，但食得出有魚肉，好食，唔油膩。重點推介呢個黑毛豬拼盤，一次過試到3款不同部位既黑毛豬，店員仲介紹係橡木既炭燒出嚟，好香，真係3個不同口感，出面好少有呢個

呢間西班牙餐廳新開左3個月，喺赫德道附近，被pub圍繞住，但入都去都幾decent, 環境幾好，座位寛敞。原來平日晚上有happy hour, drinks 買一送一，classic既紅/白酒sangria $328都買1 jar送1 jar, 好抵，而且呢度既sangria果味比其他重，飲多d都唔覺，我地4個人兩jar都唔多! 而且呢度sangria款式好多，仲有幾款moctail sangria，叫左claasic既紅酒sangria, 好多水果片，果味濃，酒量少的我唔覺飲多左，面紅耳熱蒜片蝦， 經典tapas, 蝦真係好新鮮，而且剛剛熟，而且唔係平時見到的油淋淋的，好乾身，微辣加蒜片，好野味。半份的伊比利亞手切火腿, 48個月， $128，好香，味道唔太咸，說真的味道同平時的有d特別，食多幾片都唔覺膩呢個麵包配烤蕃茄蒜頭olive oil， $45，店員介紹蕃茄是西班牙直送的，教導下先知用蕃茄好似洗衫板咁擦落麵包度，再磨蒜頭，點olive oil食，好特別，多士熱辣辣，同蕃茄好鮮好juicy, 好夾，同幾好玩炸龍蝦球，$72，好多龍蝦肉，配少少青汁，好好食，第一次食，但成為左我其

第一次品嚐Sangia不是在餐廳，而是在澳洲旅行的朋友家調製，紅酒加生果，甜甜的很容易入口。今次來到Alzina，彩色瓷磚牆襯托這杯Classic Sangia感覺正好，晚上約7時踏進餐廳是 happy hour, 有買一送一優惠，當然是每人也要點飲品，$88有2杯也不錯。除了紅酒、生果、還有brandy, orange juice, soda，味道也是較甜，有少少橙肉粒，酒味不會太濃烈，適合少飲酒的朋友。有紅酒最好是點海鮮香蒜辣椒橄欖油煎海蝦 $108海蝦相當新鮮彈牙，蝦肉上有幾塊蒜味，味道香濃，辣辣的好惹味。西班牙菜必食的西班牙飯，有傳統、有紅蝦，價錢$168起跳，我覺得幾划算，點了最豪的原隻龍蝦西班牙飯 $248。香噴噴的端上檯，店員讓我們「手機先食」後，才幫我們分好上碟。賣相似湯飯，是濃郁龍蝦湯配飯，飯粒比平日的圓身大粒，腍中帶嚼勁，湯超級鮮味，忍不住一口接一口品嚐。另外龍蝦肉質感爽身鮮甜，啖啖肉令人食指大動。Churros $52，西班牙的特式甜品，質感似炸的沙翁條，鬆化又甜甜的，可再配朱古力醬、雲呢拿雪糕，份量適中不會太heavy~

當走進這間Alzina，發覺滿是歐洲風情，微微昏黃的燈光，伴隨着原木餐桌、色彩斑駁的傳統磁磚和拼貼而成的壁畫，猶如置身西班牙的熱鬧小餐館之中。菜式富鄉村風味，一些菜式更較為少見。• 原隻龍蝦西班牙飯店員在介紹菜式時題到這是廚師家鄉加泰羅尼亞的全統做法，會較稀偏多湯！這裏的西班牙燉飯以香濃的蝦湯底煮成，加上啖啖肉的加拿大龍蝦，入口鮮甜不已，飯質吸水性高，每粒米飯都吸盡精華，好入味！店員會幫客人按人數分配成小碟，分得好精緻，服務讓人有種高檔感！每小碟都嘗到龍蝦跟燉飯。• 忌廉配奶凍肉桂碎伴檸檬雪葩層次豐富，入口即溶，幾種味道漸層式在口裏迴盪！• 西班牙式焦糖布甸布甸上還有個雪糕球，可謂雙重享受，布甸較硬身黏度高，口感較特別。

本來朋友帶我黎食串燒，點知串燒店無左，轉左間西班牙餐廳，但朋友話裝潢都是差不多，唔知係咪老闆轉型做西班牙菜.既然黎到，唔想再諗食乜之下，試試⋯⋯裝潢都唔錯，幾有氣氛，仲有個開放式廚房Classic Sangia $88 (happy hour, 買一送一）紅酒唔太濃，甜甜地都幾易入口，相信女仔會喜歡香蒜辣椒橄欖油煎海蝦蒜片香濃，愛食蒜者一流，蝦肉新鮮同蝦身剝晒殼，方便食用脆炸龍蝦球配香辣青汁外面炸得好脆，入面似係龍蝦溝左薯蓉既質地，龍蝦味唔算太濃，小心辣口原隻龍蝦西班牙飯成晚最期待既飯成隻龍蝦，原鍋煮，侍應會問你要唔要影相，之後會幫忙分左佢龍蝦會用隻碟上，飯就分左兩碗龍蝦新鮮唔在講，個飯都好好吃，可能就返香港人口味，飯唔係半生熟，個龍蝦汁好香濃，但略嫌汁太多感覺似食湯撈飯，但整體唔錯

是夜拍拖週年紀念。有人應承陪我去澳門玩兩日一夜，後來公司明天有重要會開(喎～～), 甩左我底男友最後揀左呢間西班牙餐廳補償我既失落。嗯~環境唔錯，好有西班牙風格呢幅牆上面d磚好靚好特別呀，好似我係西班牙見到既手工藝瓷磚。如果屋企都有一幅就好喇紅色餐巾I love it !Wine List. 都非常多選擇。飯前當然要先點支美酒-Moet香檳Appetizer: Shrimp with Garlic蝦一上枱既時候好香～～好濃既蒜頭味同香料味撲鼻。蝦肉新鮮，無雪藏味，連埋蝦上面既蒜頭一啖入口，滋味十足忌廉煮螄蛤真係第一次食!! 配上白汁又幾得意喎呢隻乳豬真係真係好好好好味乳豬表皮炸得香脆，肉質嫩滑。旁邊黑色醬汁甜甜地的，最想介紹係碟apple crumble!!點估到乳豬會同apple crumble係組合?!但兩者夾埋一齊真係超級配～～酸酸地有d點味，中和乳豬既少許油膩，非常合合適Sangria 係我至愛，本來飲緊香檳就唔飲呢個。不過見格離枱點，又好想飲可惜略嫌太淡，唔夠紅酒味又唔夠果味。最後既甜品係Churros西班牙人最常吃既小食，一般當地人都會用黎做早餐，點奶或者乳酪食的。呢度都好

情人節無食咩大餐慶祝，選擇2月15 號搵間靜靜地搵間餐廳食返餐好。呢間餐廳應該都係開左無耐，所有既裝修都好新，昏黃既燈光，牆上既壁畫，都幾classic。黎之前都上過Openrice 睇過，知道呢度既Sangria 好出色，一定要試。點左個傳統用紅酒做既Sangria，好驚喜，我會講我飲過最好飲既Sangria，十分易入口，好順喉，紅酒同水果既配合簡正係完美，充滿著清新既果香，相信平時唔飲酒既人都會鍾意。Tapas 點左炸和牛薯蓉球，外脆，入面食起黎都幾有層次，牛肉打成他他咁同potato 融埋下齊，不過你都可以返到肉都薯仔，幾欣賞佢係上面放左葉放左上去做裝飾。另外點左個Iberico 黑毛豬拼盤，有三個唔同既部位，包括Pluma梅花肉, Presa豬頸肉 同 Secreta 豬肩肉，我鍾意食油份較重既Pluma 用埋爽口既Presa。主食就點左一個燒春雞同一個傳統西班牙海鮮飯，隻春雞燒得比較乾身，麻麻地，但係個海鮮飯就十分正，乾濕度岩岩好，新鮮既海鮮既鮮味入曬落 d 飯到，正到不得了。最後甜品點左個西班牙Churros，唔錯唔錯。我諗我同女朋友好快又會再黎

前陣子身體不好，休養了一會，現在已經康復，又是時候分享美食了。說來不知，小弟喜愛的Yayakiya的位置靜悄悄地換上了一間西班牙餐廳，主打傳統西班牙料理。店內流露出一種鄉村的味道，紅磚牆配上木製的傢具，加上泛黃的燈光，有一種獨特的氣息。不過，中間的樓柱及門面既為餐廳添上了色彩，由多幅充滿西班牙特色的磁磚拼湊出來，十分搶眼。 既然是西班牙餐廳，當然要來點Sangria及Tapas助下慶。 首先來個特式西班牙烤蕃茄麵包伴香蒜橄欖油，將蒜頭及蕃茄用力在麵包上搓刷，待麵包吸入精華後，香噴噴的。同時，也可用來點香蒜辣椒橄欖油煎蝦，醬汁惹味不在講，蝦肉也十分爽口，倍感滋味。 碰巧有著稀有的水煮西班牙螄螺，當然即時要上一碟分享，這款螺又名鬼爪螺，樣子奇獨而命名，雖然肉少，但卻極為鮮甜，會令人不自覺愛上。另一款時令食物，就是於則入門口時，櫥窗內放置了新鮮的韭蔥，於是又點上一盤，幸好有著經驗，輕易拉出蔥白來吃，邊沾上醬汁，邊欣賞鮮甜的味道，有著嫩滑如絲的質感，絕對是非試不可的時令佳品。 還有一個大大的脆炸和牛薯蓉球，與之前的Tapas完全不同，外脆內軟，鮮味十足，和牛的加入令薯蓉增添

後補情人節慶祝飯，揀左呢間bar食晚餐。環境暗暗地，幾好 feel，適合節日補祝 叫左杯 Classic Sangria，賣相好靚，好多水果塊，都有濃濃的酒味但不會太嗆。同出面酒吧比，呢度嘅 Sangria 是較好飲！首先點 appetizer －脆炸龍蝦球伴香辣青汁，呢個係有點 surprised 地好食，西式做法同中式酒樓造法有點不點，味道配辣青汁好夾。入面都幾 mashed之後點左黑毛豬拼盤，總共有三款唔同部位的黑毛豬肉片。每種口感都不一樣，至於邊塊係邊個部位，可以叫 waiter 介紹返，好樂意同友善。我比較中意 secreto，有豐富的口感。黑毛豬肉片，連埋則邊個薯仔都食埋，GOOD。仲加左菇伴茶，好juicy，唔乾身。去到飽肚部分，點左海鮮意大利飯，有青口，大蝦，蚧，都幾足料，幾入味，足夠 1.5人份量。海鮮飯都幾夾用白酒，或者 Sangria。整晚都好滿足。餐廳仲有好多唔同款食物，第一次對呢間印象唔錯，下次會再黎試埋其他菜！

曾經在同一地方食日式串燒，一心想與友人再度嘗試，怎料已經變成了一間西班牙餐廳，既然已經來到了，就由日本之夜變身西班牙之夜。待應門都很熱情招待，介紹我們吃西班牙鮮螺，樣子頗像一些動物爪子，吃下去如一般海產常帶有的咸水味，也帶點腥味，友人頗喜歡，覺得很特別，而我就只覺一般。妤在我們還趕得及Happy Hour，可以有買一送一的優惠，當然不會錯過，Sangria味道不錯，值得一試！食西班牙菜，又點可以唔食ham呢！我們也點了half plate 48個月的ham，ham與Sangria 是好好的配搭！主菜我們叫了一客黑毛豬，但樣貌卻像一般的牛扒，肉質好諗，燒烤得恰到好處。就這樣便渡過了好味又滿足的一晚！

今日去左依間西班牙餐廳，裝修幾有西班牙特色，都幾有情調！而且D waiter都好友善咁介紹食物俾我地～首先叫左兩個tapas, 依個係西班牙銀鱈魚蛋餅，賣相好令～上面白色既汁係銀鱈魚既汁加olive oil，加埋蛋餅酸酸地咸咸地好好味！入面既鱈魚好大粒好多，好足料～另外依個脆炸和牛薯蓉球賣相好令！入面都好多牛肉，加埋上面D汁酸酸地幾好食～不過就比較普通之後就係主菜啦！依個西班牙乳豬烤左好耐好香口，配上燒汁， 最特別係配埋依個肉桂蘋果，加埋一齊食出奇地夾！D皮好脆又唔會好膩，好味！最後仲叫左甜品，西班牙吐司配乳酪雪糕，吐司好軟熟，有D Belgium Waffle既感覺～加埋面頭既餅碎同雪糕，又凍又熱咁唔錯～仲叫左一jar classic sangria, 酒味唔算濃，幾rich幾好飲～happy hour仲買一送一添！本來一jar就幾貴，但買一送一都飲得過！整體黎講，依間餐廳野食好味服務都唔錯，但價錢有點貴，特別日子先會去食啦，都值得推介！

一個非常之識食嘅朋友，經常同佢周圍食好嘢，今日佢介紹一間不能錯過的西班牙餐廳，位置又方便，係尖沙咀地鐵站附近，而且餐廳環境舒適，背景音樂舒服，店員亦都非常之有禮熱情，完全配合到西班牙嘅風格，朋友話食物一樣好友西班牙風，尤其黑毛豬，一定要點！　特選黑毛豬柳拼盤呢一個拼盤一共有三款黑毛豬：presa, pluma, secreto ，每一款都各有特色，各有唔同嘅味道，侍應介紹，黑毛豬由左至右去食，左面豬味比右面嘅黑毛豬冇咁濃，但左面比較嫩滑，右面比較實，如果要點黑毛豬，一定要點呢一個拼盤，試晒所有唔同款式！香煎西班牙蛋餅伴辣椒洋蔥呢個西班牙蛋非常之特別，煎蛋煎到好厚，入面加左洋蔥同辣椒，淡淡嘅洋蔥味，再加上少少辣味，味道淡淡地，幾好食！朋友一向都冇介紹錯，今次亦都唔例外，呢一間西班牙餐廳認真不錯！