Amica

營業中

休息中

與友人找就腳的cafe吃飯聊天，隨意找了始創這家餐廳，有意外驚喜，坐下環境舒適，桌間寛闊晚餐價錢相宜，包前菜餐飲，於是點了2款忌廉磨菇湯很足料的味道，口感稠密，有點薯仔湯的沙沙感覺，好喝炭燒美國黑安格斯西冷（12oz)配紅酒汁 $2287成熟煎得剛好，很香牛肉味，肉嫩多汁，份量不少，配菜都有調味過，性價比超高香煎大蝦龍蝦汁意粉 $158足有4隻大蝦，用鹽和黑胡椒帶出鮮味，爽口彈牙，意粉軟硬煮得剛好，醬汁帶蕃茄酸甜味很開胃，推介綠茶牛奶及Latte綠茶味很香濃，配牛奶口感順滑；Latte亦很有水準，有驚喜總括來說位置方便，環境舒適，食物有質素，價錢合理，必定再來

今日嚟到始創呢間食肆，試左個二人套餐，食物質素高，份量十足。加上服務態度友善，環境舒適，值得推薦👍🏼香脆嘅洋蔥圈外脆內軟，入口唔會好油膩，開胃小食！香煎格陵蘭比目魚魚肉鮮嫩，好juicy，魚煎得剛剛好，金黃色嘅外皮好香脆。配上新鮮嘅檸檬，帶嚟一份清新嘅酸味，伴碟既薯蓉同蔬菜都處理得好好，俾我清哂😂😋卡邦尼意大利粉配溫泉蛋意粉彈牙，撈左卡邦尼醬汁濃郁香滑，再加上蛋黃流心嘅溫泉蛋，呢個組合真係絕配，食到停唔到口雜莓窩夫配雪糕窩夫香脆鬆軟，配上酸甜多汁嘅雜莓同香滑嘅雪糕，真係一個完美嘅結束。

行完街，唔知食咩好，經過Amica見到個Menu啲食物相好似幾吸引，於是就入去食下，果然無失望👍🤗大家經過太子都可以試下😋環境也非常舒適，有足夠的空間，可以同朋友暢所欲👍👍最怕啲餐廳好吵雜，咩心情都無😭😭食物方面，味道不差，份量都足夠，而且係食物擺放上，也是相當精緻，值得一試！我地今次就叫左5幾款意粉同漢堡餐。價錢唔貴。😇😇😇😇😇我哋四個女仔，叫咗三個餐都食到好飽，下次可以再食

午餐叫了個煙三文魚墨汁意粉，驚訝發現只有兩片仔煙三文魚片。當向店員查詢時她說一直係咁樣喎！咁樣份午餐92蚊有些中伏囉。好彩朋友仔讓左兩塊煙肉俾我，我先生至勉強夠“餸”食埋啲墨魚麵渣。

無嚟一排估唔到差咗咁多!一入到門口以為自己入錯咗譚仔都唔知個侍應同我講咩!望到D餐牌無入錯丫!D侍應唔同哂而家無哂服務!心諗算啦都坐低咗!我嚟食嘢!同最緊要係杯咖啡姐!食物嚟講都幾好食有水準!食完嘢當然係叫我最期待嘅咖啡啦!!我加錢叫咗杯latte嚟到望住杯咖啡無咗靚靚拉花都唔緊要啦最緊要味道姐!!有靚拉花只係飲得開心D姐點知飲一啖差D想噴出嚟!溫度太高唔講!又苦又酸D泡又粗又厚唔知想:真係好難:我諗真係無下:

平日的下午茶時段，找到這家有tea set供應。款式算多，因為主要是想飲咖啡，不太肚餓，所以就點了香煎雞扒焗芝士香草包。雖然是餐牌上最便宜的，但也不馬虎。有沙律菜做伴碟，上面的兩條芝士是特意火炙過，有驚喜呢。整體味道很好。咖啡跟餐的話，只有americano, 但奶可以選擇另上。如需其他咖啡或特飲，可以以半價加購買。性價比很好，環境很舒服，是一個可以坐很久又舒適的地方，是旺角閙市中一個寧靜好去處 ：）.

原來真係唔好睇外表😛呢間餐廳隱藏喺始創中心入面，呢個位上手間餐廳麻麻地，所以再開一間新嘅，我都冇咩興趣食，但佢擺出嚟啲Menu實在太吸引，終於忍唔住比一次機會佢😆.▪️炭燒加拿大斧頭豬 配燒汁 $178大大塊，煎得好香，入面啲肉好Juicy唔鞋口，唔點燒汁都好夠味，略嫌鹹咗少少.▪️焗芝士大蝦意大利粉 配忌廉汁 $148兩隻大蝦，好重芝士味，大蝦肉質剛剛好夠嫩滑.▪️蝶豆花咖啡 $36超超超超級靚😍好易入口

我最近去了一間太子區的西餐廳，點了晚上套餐我點 （炭燒加拿大🇨🇦斧頭朱佩燒汁12oz）和香煎帆立貝茄汁意粉 , 最後也點了（曲奇窩夫甜品），最後也點了一杯熱咖啡飲品，好飲。豬扒的質感非常棒，外皮煎得酥脆，肉質鮮嫩多汁，口感非常美妙。而甜品也讓我驚喜不已，甜度適中，味道濃郁，讓我非常滿足。整個用餐體驗非常愉快，餐廳的環境也非常舒適，讓我感到非常放鬆。如果你也想品嚐美味的豬扒和甜品，這間西餐廳絕對是一個值得一試的好去處！

行完街唔知食咩好，見到有位就入咗呢間餐廳試吓職員安排左座出面既area, 地方唔錯，都算闊落薯仔餐湯+餐包個湯好飲，個包就好普通，有D硬同乾芝士塊熱既，正正常常斧頭豬配燒汁好juice , 肉質好嫩，D燒汁得好少好少俾唔夠帆立貝蕃茄汁意大利粉帆立貝有4粒，size都唔會好細粒，抵讚既👍🏻個人認為個汁酸左少少，不過呢個係個人口味問題😛甜品：曲奇窩夫，配朱古力雪糕正正常常蜜桃梳打+泡沫咖啡我個杯係蜜桃梳打居然有驚喜！一般都以為餐飲會好難飲，但佢係好夠氣之餘唔會太甜，唔錯唔錯👍🏻總括以呢個價錢黎講，佢既食物都唔差，都可以話係都幾抵食，只係好多時都冇職員理，又唔拎走已經飲完既湯碗，要外賣盒又俾D唔俾D, 俾又俾左個痴滿油既膠袋😵‍💫分享完畢

已經唔係咁繁忙嘅時候食個lunch,安排坐咗個二人位，張枱咁細諗住問吓可唔可以轉張四人枱，服務員只係答咗句⋯有人嘅時候要轉返細枱，冇實質答可唔可以，就行開咗（目無表情）但係望吓場入邊都有唔少人兩個坐四人位，因為自助落單之後嚟咗個餐點知睇錯左，我問可唔可以改？個服務員又問下其他同事，第二個嚟收咗個餐又話落咗汁唔可以轉，之後問可唔可以取消？佢收走咗個餐，之後又出嚟講你已經飲咗湯同嘢飲所以要另外收費，我問幾多錢?湯40幾，飲品30幾，😳一個set$68 取消個餐仲貴過個set 咁一定唔會取消啦😑，我真係好唔明服務員喺呢間公司起到咩作用？

點了午餐，慢煮鴨胸飯，賣相可以，但鴨胸和飯只是微溫的，餐湯更是室溫。餐飲奶茶是最熱的食品。服務員一點誠意都沒有。鄰坐兩位老太太不懂電子點菜，其實是好正常，但服務員的態度使兩位老人家受委屈，下次不會來。餐廳環境可以，背景音樂亦合宜。

好耐冇去過太子 咁岩附近就係始創 之前行過覺得冇乜野好食又冇乜野好行 就好少行過去 咁岩會去附近就搵下有咩食 都多左好多餐廳 多左好多選擇 今次揀咗西餐廳 我地大約五點半去到餐廳 但未有晚餐 只係得飲品 晚餐要六點先有 就入座坐住等 睇住餐牌先 餐牌選擇都有好多 我地就揀左兩個Dinner Set 有餐湯同餐包 主菜同飲品 本身去到都冇乜人 可能太早啦 但一到六點就開始多人 差唔多坐滿左一半 仲聽到店員話入面已經留晒俾訂位既客人 得返外面既枱 Dinner Set跟埋餐湯同餐包 是日餐湯係松露薯仔湯 熱辣辣上枱 好香松露薯仔味 入面有粒粒薯仔蓉 唔會太鹹 唔係味精湯 幾好味 餐包都不錯主菜我地叫左個炭燒加拿大斧頭豬配燒汁 斧頭豬好大塊 底下有菜同薯仔粒墊底 斧頭豬煎得啱啱好 外皮煎得好香脆 入面好嫩滑 好有肉汁 食落鹹鹹地 唔洗點燒汁都好夠味另外仲叫左個慢煮8小時安格斯牛仔骨配燒汁 擺盤好靚 底下都係有菜同薯仔粒墊底 牛仔骨食落都幾淋身 唔會好硬咬唔到 但味道就真係冇乜 食落冇味 一定要點燒味先夠味整體黎講 食物不錯 環境舒服 值得一試

之前既weekend搵左媽媽陪我去花墟預備花材，當然要食飽先行，今次媽媽揀左喺始創上面既Café👉🏼 𝗮𝗺𝗶𝗰𝗮 ☕️ 星期六/日/公眾假期去有Brunch Menu可以揀💁🏽‍♀️➿ 炸紐西蘭龍脷魚配他他汁 ($88)➿ 日式吉列豚肉枕頭包配他他汁 ($128)➿ 𝑷𝒖𝒓𝒑𝒍𝒆 𝒀𝒂𝒎 𝑴𝒊𝒍𝒌 ($19)➿ 𝑯𝒂𝒛𝒆𝒍𝒏𝒖𝒕 𝑳𝒂𝒕𝒕𝒆 ($19 +$5*extra shot)炸魚好好好大舊，啤酒漿外皮超脆，不過太邪惡，太油喇，木盤見到明顯既一攤油…… 豬扒包份量亦都唔細～ 而飲品就正常發揮💁🏽‍♀️喺鬧市既商場入面有間食物合理價位，而環境又都幾寧靜既Cafe，都坐得舒服既😌

Pumpkin juice with eyelash as complementary gift, informed the waitress and she asked me what did I want when she collected it.Then a group of waitress and the manager gathered around, checked the soup and dump it into the dirty dish trolley and that’s it. Poor service Bread served with soup was cold too.You may need to reconsider if you want to have meal in this restaurant, because there are more better choice in the same plaza.

今日系太子始創食左個超高質西餐，真系唔可以唔推介三百幾蚊由前菜直落食到甜品，仲可以加埋特式飲品，真系抵食前菜 雞肉沙律雞胸肉唔會鞋，沙律菜唔算好新鮮，不過夠大份個餐湯係薯仔蓉湯，飲到粒粒薯仔蓉好味主菜叫左伊比利亞火腿卡邦尼蝴蝶粉同炭燒加拿大斧頭豬配燒汁火腿咸咸脆脆配蝴蝶粉爽口，白汁唔會太漏斧頭豬好厚肉但又唔會鞋口，食落肉質好軟腍士多啤梨牛奶加少少錢可以飲到特飲，士多啤梨味唔會假，牛奶口感smooth