Amitie Kitchen (已搬遷) 新店位置

之前曾經無訂座直接walk in，結果碰釘是夜萬聖節黎到反而可以walk in，或者大部份人都選擇去蘭桂芳啦～叫左一個set dinner，有餐湯、前菜、主菜，另外再叫左一個肉眼扒同朋友share Set Dinner - 蘑菇湯、沙律、主菜－烤燒大啡菇、焗北海道帶子、虎蝦意大利飯伴龍蝦汁 - $228餐包都有4款，另外有果jam同牛油，未食前菜都開始有少少飽蘑菇湯味道不太鹹或甜，亦夠濃稠前菜味道就一般Risotto上既虎蝦同帶子都好鮮甜，risotto配上龍蝦汁亦都好惹味，而大啡菇就烤得岩岩好，食落唔會太乾身紐西蘭肉眼扒 - $148呢個價錢絕對有驚喜，叫左media rare，肉質鮮嫩，唔會有筋非常容易入口，值得一讚！性價比好高既西餐廳，難怪無booking都好難walk in試到呢～

好耐無見既朋友約左我今晚去尖沙咀食飯，位置係亞士厘道。由九龍公園海防道出口，過條馬路，穿過大廈，就係亞士厘道，好易揾。店內地方濶落，佈置簡潔。時間尚早，所以人流不太多。有晚巿套餐，不過唔多岩食。牆上手寫餐牌好似吸引啲唔叫套餐，竟然都有餐包食。而且質素有驚喜有三款，牛角包，餐包同薄片。塊薄片最好食，有好重香蔥味，表面仲有好多芝士粉，脆脆的，好食紐西蘭肉眼扒（6安士）$148要左5成熟，看似血淋淋，但吃起上來沒有血腥味，肉質嫩滑juice, 肉味香濃，份量剛好可以同朋友仔share原隻龍蝦尾海鮮墨魚汁意大利飯 $268墨魚汁預上意大利飯，要弄得美觀比墨魚汁意大利粉還要難。粒粒飯不可以黏在一起，成糊狀再加埋黑色的，便會影響食慾。呢個意大利飯還算合格，近看也分得出粒粒飯粒，而且口感也很有嚼勁，有意大利飯既特色。食完個口同啲牙變左烏卒卒，同朋友望住對方，真係笑唔停叫呢個飯既原因係為左呢隻龍蝦，條尾有成隻手掌咁大，用火烤過，肉質彈牙鮮甜，如果比返佢個頭我就仲正。雖然呢度座無虛席，但冇趕人走。我同朋友由六點半坐到九點多，多得職員不停幫我地水杯加水，我地先可以細說當年同埋報告一下近況，真係一個談天說地

今晚帶個朋友吃好西、一早book 好位、點知除了今天餐廳電梯壞咗😓要同朋友行8層樓外、今晚餐廳的菜色令我們滿意的。還感謝他們Free drink 給我們(見到我地好辛苦行上嚟😭)無論餐湯、餐包、沙拉、主餐、餐飲、都很好吃、尤其是餐湯、栗子蓉口味非常好飲口感豐富👍🏻不過沙拉內的醋有點過多、重味咗少少不過都好食醒胃、下次一定會再去試其他菜式的🤗！走嗰陣電梯依然未修理好、吃飽咗、當做運動步行落返8層樓、爽呀⋯⋯🤣難忘開心的一個聚會。

位於尖沙咀嘅Amitie kitchen，方便於大學同學聚會。Amitie 含有有友誼嘅意思，仲聽聞餐廳大廚曾工作於五星級酒店，所以享受滋味大餐之餘，別具意義。訂了三人的位置，很興幸能坐於包廂之中。在意大利嚐過的pasta，令我一試難忘。期待這裡能重拾那時的滿足。正餐前餐包。意大利麵條蟹味濃郁，把鵪鶉蛋打渾，拌薯條和麵條的味道皆佳。最特別一定係咸蛋黃味嘅意大利麵，没想到味道如此特別，乾身麵條味道什佳。仲有貴婦嘅玫瑰花香茶。埋單：三人結帳每人約二百多，滙豐信用卡有88折。

朋友試過話好食，今晚就同男友黎撐枱腳😙環境唔算好大，但係感覺幾靜啱晒二人世界。✨㨂左兩個最抵食嘅set dinner~~✨栗子忌廉湯：第一次飲用栗子打蓉嘅忌廉湯，栗子味好香，帶點甜甜的。加埋面頭既ham, 咸咸地好得意，呢個湯真係超好飲😍好特別。✨未試西餐d麵包可以咁大份，除咗牛油仲有士多啤梨jam提供。圓形麵包好鬆軟，有淡淡既香草味。牛角酥都好香牛油味，塊餅好薄上面仲有啲芝麻都幾香，基本上全部都好正。✨煙三文魚菠菜仔沙律伴檸檬水瓜豆油醋汁：個汁幾好味，好香檸檬味酸酸地感覺好清新。三文魚卷花同下面d 菠菜仔，汁醬襯托起黎好靚，成個擺盤好有heart, 好睇又好食。✨涼拌蓮藕、炸蠔沙律拌豆腐覆盤子汁：炸蠔熱辣辣好鬆化，內裏充滿蠔汁。蓮藕爽脆，個汁酸酸地帶少少辣好開胃。剩係食完前菜，湯同埋麵包已經好滿意👍🏻✨墨魚汁海鮮意大利麵：意粉煙煙韌韌好有咬口，個汁仲食到墨汁香。平時食到好多都係得個色無墨汁味，但呢個真係唔錯。✨海鮮全部都好鮮味，有大蝦，蜆，魷魚圈。最好食係藍青口。✨香煎意大利煙肉、大啡菇芝士牛肉漢堡：個burger 真係超級大，厚到唔知點咬🤣。個包上面好多芝麻，而且入邊搽左少少蒜蓉

一入到餐廳，裝潢簡約，氣氛環境舒適餐廳裡有Dinner Set，一個價錢包括餐湯、餐包、沙律、主菜同埋一杯飲品叫咗2個Set，分別係：1. 《墨魚汁海鮮意大利麵$188》配涼拌蓮藕、炸蠔沙律伴豆腐覆盆子汁～先試沙律：蓮藕的微酸吃了很開胃，炸蠔的炸粉厚薄適中👍🏻到主菜：海鮮份量很多，也很新鮮，蝦肉爽彈，整體不錯喔👏🏻溫馨提示：食後記得先抹嘴（因墨魚汁很多喔～整個咀巴會變黑😹）2. 《香煎意大利煙肉、大啡菇芝士牛肉漢堡$208》裏面的煙肉厚身，啡菇上有蒜蓉的配料，惹味Juicy，另外配上番茄芝士生菜牛肉，口感一流，味道冇得輸😳😳😳👏🏻

係尖沙咀食西餐好多都好貴 朋友介紹呢間cp值反而幾高 唔怪之得當晚full哂 叫左個二人餐 $648但3個女仔一樣夠食 😍 日式磯燒鮑魚沙律啲鮑魚好有咬口是日餐湯有好多款包選擇 係呢度嘅特色 每款都好好食啊牛肝菌意大利餛鈍伴白酒忌廉汁比平時食開嘅意大利餛鈍更大隻 啲汁偏杰身 所以食完呢個已經飽飽地烤燒8安士美國牛腹膜柳個焗薯做得好好食 勁香口 牛柳要左5成熟 都ok 牛味好濃郁香蕉朱古力班戟最後有朋友口痕叫多左個豬仔骨配蕃薯條 飽到上心口 呢個都好食 下次4個人share 就岩岩好!

老公🐷🐷好鍾意食牛扒，所以我會周圍打聽高質又抵食嘅西餐廳帶佢去据扒，務求令佢食得開心，埋單都埋得稱心啲經同事介紹尼間位於尖沙咀亞士厘道商業大廈嘅西餐廳Amitie Kitchen，他説主廚係前五星級酒店嘅大廚，菜式非常有水準，所以今日特意帶老公來試試，希望佢喜歡吧餐廳🍴座落嘅商業大廈門口比較細唔多起眼，大家要留心啲找啊店面裝潢簡約整潔，燈光柔和，幾有氣氛，當時八時多，有七八成入坐率，尚算旺場十分欣賞黑板上的插圖，畫得好靚好有水準，令環境增色不少餐牌非常清晣，亦已分類好，方便大家選擇最後我地決定叫一份set dinner同散叫一份扒share食，可以試下餐湯同前菜而且又不會太飽粟子忌廉湯配餐包，餐包分量好足而且有幾款口味，熱辣辣好有誠意，特別欣賞牛角包🥐，酥香味美，一試難忘粟子忌廉湯，口感特別，食到粟子嘅粉感，而且好香甜，配合忌廉嘅幼滑，好有層次忌廉湯濃度剛好，配上鬆軟嘅餐包簡直係perfect match前菜係涼伴蓮藕、炸蠔沙律伴豆腐覆盤子汁，賣相已經無得輸，擺碟真係有酒店級數，本人非常欣賞味道分面，蓮藕非常爽脆，酸酸的好開胃，炸蠔外脆內軟，蠔味十足，口感juicy沙侓顏色配搭鮮艷奪目

或許因為經濟因素影響；或許因為身邊的朋友都是貪新鮮，BeautySearch 發現，難得出街進餐，大部分也是新餐廳，究竟，有沒有一些經營時間較長一點的餐廳是值得嚐嚐？ 在尖沙咀工作多年的閨密，知道我在附近返工，某夜，約了我來到亞士厘道一座舊商廈，品嚐一家開業多年的樓上西餐廳 - 《Amitie Kitchen》。 這家餐廳的名字也很有意思，"AMITIE" 法文正代表友情，正是店主與一班好朋友夢想的起點。《Amitie Kitchen》最大的賣點是店主兼廚師是前五星酒店廚師喔！而我們也因此慕名而來。 店子裝潢簡約，帶點舊西式餐廳的佈局，環境和氣氛都不錯。 在尖沙咀來說，這兒的價格算是合理，起初還怕份量會很少，誰料食物卻是足料又抵食！我們在精選晚餐中點選了喜歡的菜餚。 最先上桌的是大大盤的餐包，款式多又重分量，共有三款麵包，還搭配牛油及果醬同上。餐包微溫，口感鬆軟，最特別是黑色那片，相當脆口，不過帶點點辣。 濃濃的南瓜忌廉湯，略帶稠身，味道香濃，口感細滑，甜度高，猶如喝南瓜蓉般，不得不試。 前菜先來一碟煙三文魚，賣相吸睛，猶如一幅畫般，一片青綠的新鮮菠菜葉上，點綴了兩朵煙三文魚花，中央部

朋友尖沙咀一帶工作預訂了這間餐廳吃個飯聚下舊環境優雅配合浪漫燈光是情侶約會朋友傾談的好地方而高質素食物 味道不錯！選擇了2款精選晚市套餐2款前菜煙三文魚菠菜仔沙律伴檸檬水瓜豆油醋汁涼伴蓮藕、炸蠔沙律伴豆腐覆盤子汁是日餐湯為南瓜湯2款主菜香煎意大利煙肉、大啡菇芝士牛肉漢堡意大利甜醋慢燴羊膝伴香滑薯蓉先來3款餐包南瓜湯熱辣辣 暖意滿足重南瓜味道 啖啖濃郁香口配上外脆內軟嘅蒜蓉包粒味道不錯！煙三文魚菠菜仔沙律伴檸檬水瓜豆油醋汁大大塊煙三文魚 肥美可口配上檸檬水瓜豆油醋汁及細蕃茄仔清新開胃 口感豐富涼伴蓮藕、炸蠔沙律伴豆腐覆盤子汁酸酸的涼伴蓮藕加上沙律菜伴豆腐覆盤子汁 健康有營開胃再配合juicy炸蠔 絕對不會油膩兩者互相中和 絕配！來到2款主菜香煎意大利煙肉、大啡菇芝士牛肉漢堡$208份量多 每款配料都大大件熱辣辣即叫即整意大利煙肉煎得又香又脆入口即化的油脂感大啡菇肥大肉厚 香濃嘅菇味芝士超多 牛肉juicy惹味配合一齊食 口感超豐富絕對有滿滿嘅飽足感！推介！意大利甜醋慢燴羊膝伴香滑薯蓉$288羊膝肉質腍嫩配以濃郁的甜醋醬汁不會有腥味面層加入少少香草再配有入味嘅南瓜 幼滑嘅薯蓉惹味配搭！宇治

不一樣的西餐！夜晚同老公去撐抬腳，黎到亞士厘道找食！遇上呢間西餐！😆😆環境似一般cafe 裝潢，但食物卻是足料及抵食，等我逐一介紹俾大家啦😌😌😌我地嗌左一個set dinner 另加一個意粉！一開始有包包食！😋😋😋麵包超軟熟又夠熱，搽起牛油同點湯都份外香甜💕紅菜頭忌廉湯！好滑好滑🤤🤤🤤前菜：炸蠔！無得彈！香，脆，正👍🏻澳洲牛扒＋薯角！我地order 5成熟～好淋！外皮好香，有少少脆皮感覺！👍🏻👍🏻佢連d配菜都認真！好好味🥳🥳蟹肉意大利麵伴松葉蟹羔忌廉汁！呢個我誠意推介，啲蟹羔同意粉好夾，又有大條蟹肉！食完吾會太漏！💕💕💕下次我會再去試其他菜😍

😋😋令人食到滿足嘅晚餐😋😋位於尖沙咀,捷利商業大廈既amitie kitchen, 係一間有情調嘅樓上西餐廳,環境氣氛都唔錯.我哋嗌咗個set dinner, 🍞餐包餐湯,餐包就會一次過想成盤嘅就有三款麵包牛油同埋果jam，比較深色嘅麥包，就脆身啲，散發出淡淡嘅麥香，白色嘅係提子包鬆軟可口仲有兩條breaksticks, 香脆可口估唔到餐包都可以有咁多,餐湯就係南瓜忌廉，湯味道又香又甜南瓜打到好細滑，好似飲咁南瓜蓉錦🥗 然後就係沙律沙律就有兩款嘅佢哋擺設都好用心,成個畫面就好似荷花池咁,煙三文魚大一啲啲鹹香,配搭新鮮嘅菠菜葉都唔錯 ,另一盤就有沙律醬同埋炸物嘅,炸物同嗰個沙律醬配搭得非常之特別🍔 意大利煙肉 大啡菇芝士漢堡呢個可以話係鎮店之寶, 個包有輕輕烘過，充滿著奶油香，厚身嘅煙肉感覺就好似燒過嘅五花腩咁，肥美得很大啡菇又香又juicy，一把口嘅感覺有一種 菇應該本身有嘅味，令人一試難忘。 其他蔬菜都係新鮮爽口嘅，主角漢堡肉調味適中，出咗牛肉嘅香味。應該係手打牛肉嚟嘅，整體嚟講係上佳之作。低溫慢煮羊膝配薯蓉，未試過羊膝，所以喺好奇心嘅驅使之下就嗌咗呢一樣嘢食啦。上菜嘅時候我哋畀佢

樓上西餐要令人留低深刻印象，就要係菜式、味道同服務入手，Amitie就樣樣都做到！原來餐廳係前五星級酒店廚師主理，難怪啦😚.精選麵包🍞🥐🥖餐前首先會有麵包，有兩款+麵包條，配埋牛油同士多啤梨醬。唔係講笑連麵包都有驚喜，係熱既仲要勁鬆軟😍令人食唔停口👄.烤燒大啡菇•焗釀鮑魚、北海道帶子、虎蝦意大利飯配龍蝦汁🥘賣相好吸睛啊😍擺盤實在太有心思！有三件大啡菇墊底，件菇好甜好多汁🤩舖住充滿龍蝦汁既飯，最頂層就分別有三種餸：焗釀鮑魚、北海道帶子、虎蝦！口感好豐富，每種食材調味都恰到好處，滿足感🆙.蟹肉意大利麵🍝伴松葉蟹膏忌廉汁😍秋風起係蟹既季節，而呢間餐廳都唔例外，推出左幾款蟹既菜式🦀點左蟹肉意大利麵🍝伴松葉蟹膏忌廉汁😍聽到個名都流口水🤤🤤🤤面頭有一羹松葉蟹膏，超鮮甜der😍用洋蔥蘿蔔粒等炒香個意粉再加忌廉汁🤩做到超creamy，意粉係幼身好吸汁！同埋有幾條起左肉既蟹腳真心好食😍👍🏻.甜品點左芒果士多啤梨窩夫披薩🍕配雲呢拿雪糕🍦頗軟熟呀d生果都甜呀特别係芒果好好食！因為係芒果肉mix芒果醬。窩夫落左芒果x士多啤梨醬，雪糕就正常質素啦😌

自己近排出去食少左野，冇咩約，難得有朋友話有間樓上西餐廳幾出名，叫我一齊去食下，咁梗係要try try 啦。係觀塘放工去尖沙咀都唔算太遠，7點幾就可以正式開餐啦！🤤叫完野食幾分鐘之後，餐包就已經送上，同出面普通餐包唔同，佢仲有croissant 同我之前係北歐成日用黎配埋隻瑞典芝士蝦醬既餅餅，一啲都唔係交行貨咁簡單。前菜就揀左個法式香草牛油焗田螺，有專門夾住田螺既器具，加埋支小小既叉仔就可以輕鬆整入面啲肉出黎啦，田螺肉熱辣辣夠彈牙唔會霉，香草牛油香味突出，佢仲配搭埋焗薯蓉，大滿足！主菜我就叫左法國雞胸配日式年糕，fusion 菜，本身擔心雞胸會好易嚡，但呢間既雞胸真係完全唔覺得嚡同韌，日式年糕夠煙韌，唔會食到好粉咁，襯返個番茄醬真係酸酸甜甜好開胃呀！原來年糕配雞胸都係好夾喎。我朋友就叫咗個BBQ醬豬仔骨佢呢個配唔係普通嘅薯條，而係番薯條。食落去比普通薯條更加甜口，豬仔骨分量十足，醃得好入味唔會死鹹，夠嫩唔會食落好似煲湯豬肉咁。最後一定要叫甜品作結，我就叫左一個伯爵茶奶凍，朋友之前試完好推介既。 奶凍夠滑之餘，每一啖都有濃濃既伯爵茶香，又唔會太過甜膩，奶味同伯爵茶好夾，令我好想叫多杯。

上次一大班人去食，16-17人，餐廳打通咗2間房，中間有柱位係有啲怪，但在尖沙咀區，好難有咁嘅場，而且唔會趕人走或限時，好過諾士佛台嗰邊的西餐廳好多！服務方面，侍應生欠缺經驗，上菜後詢問侍應是什麼菜式，頭幾次答「唔知道」，轉頭問咗廚房再回覆我們😅而且因爲我們坐在房內，看不見放在門口的「今日推介」，侍應生應該在客人下菜前講述一次，但也没有，係我們自行走到門口拍照再參考。請考慮加以training!食物方面，是我再次光顧的原因！-生蠔肥美超大隻！一啖係食唔晒一隻！甜！有少少海水味！-黑毛豬第一次食70%熟好驚有陣豬腥味，但竟然無，好入味，而且肉質嫩到令大家質疑食緊牛！-肉眼就更加不用講，呢個價錢係低食! 以後唔會去諾士佛台了-飯前餐包的質素，好易看得出一間餐廳是否用心，不同款式的餐包，有趣又好味！已經訂了台在聖誕節去！