Amuse (已結業)

家人生日，而之前經過覺得裝修好靚，又有落地大玻璃，就決定去試試啦我點左個羊胺，轉餐加左$150。有包，沙律，前菜，羊胺，甜品。包 - 一盤包任君選擇，味道口感不錯。沙律 - 生菜點醋，再加小塊用，個人喜歡吃醋，所以覺得唔錯，但唔中意醋的家人就覺得難食。前菜 - 係個非常酸的青檸雪批。開胃，但味道真係得個酸字。羊胺 - 我要6成熟。真係好食，外面熟熟地，內裡粉紅，口感及味道都正呀甜品 - 蛋糕一件 不太特別食左四百幾蚊個餐 我覺得羊胺加裝修 都算可接受

在工廈林立的荔枝角，估唔到可搵到這間有d水準的西餐廳。外面睇成間玻璃屋咁，入面裝修幾靚，可惜座位並唔闊落。我們一行四人點了四份set dinner，有五個course，套餐價錢視乎選什麼主菜，介乎二百幾至三百尾，算幾抵食。一開始的麵包籃比起普通餐廳的水準為好(但唔記得影相)。前菜係蟹肉凍批沙律，味道一般，有朋友食淨好多。湯只係普普通通，接住有雪葩清一清味蕾，然後上主菜。主菜值得一讚，無論是牛扒定豬扒，都煎得嫩滑惹味。大蝦墨魚飯味道濃郁，亦啱我口味。由於跟餐的甜品唔吸引，所以我哋加錢叫其他甜品。我的疏乎厘脹卜卜，又軟綿綿。至於壽星女的火焰雪山，外型睇得，但問題係寫錯左我朋友個名......呢間餐廳整體幾好，如果去開附近可以一試，但未至於好味到要特登入去食。

今晚約了兩位好朋友晚飯，當然要搵個好地方啦~~平時撘車經過荔枝角，總會見到Amuse 這間玻璃屋小餐廳，想試這玻璃屋餐廳很久，終於有機會啦~是晚用了Table map 訂枱，原來真的很方便呀！只要在網上按兩按就已經訂好位，前一天又會有message 提你，很好呀！而且用Table map 訂位是有折扣𠺢（幾多折唔知，因為唔係我俾錢^_^）~~準時到達，被安排坐在窗邊，正好讓我們看看街景呀！落地大玻璃，採光度十足，如果食午飯的話，應該更有風味呢~見Set dinner 很吸引，有沙律，湯，主菜，甜點及飲品，很豐富呀！所以我們就點了三份dinner set 啦~麵包籃先上枱，選擇沒有很多，只有香草包及圓滾滾的小餐包，同上的有三款不同的沾醬 -- 黑醋橄欖油，橄欖醬及牛油，包子微暖的，沾著不同的醬，各有不同的風味~ 我最喜歡的，是香香的橄欖醬，用它配香草包，合拍非常!前菜是牛肉凍批配沙律(大概是這個名字啦，只顧著傾計，沒有留意餐牌呢...)，牛肉凍批的質感很可愛，內有不少牛肉及牛筋，煙韌得來又帶點爽口，沾小許黑醋同食，更能帶出牛肉的香味~ 沙律菜頗新鮮的，正好補充一點纖維呀!蘑菇湯，濃稠而帶

Oct, 2014 三名女子組突然想浪漫一下, 就揀哩度喇. 平時經過見到間餐廳樓底又高, 感覺係貴價野. 同埋眼見平時都有不少人食lunch, 同dinner. 所以我諗都唔係得個樣o既. 好喇, 一坐低就決定各自叫一個set lunch喇. 1) 頭盤- 麵包d 麵包唔係凍冰冰, 係烘到暖. (一開始麵包比我地印象分不錯)d 麵包軟綿綿, 都幾鬆軟. 好食2) 前菜 - 沙律哩個沙律唔ok, 佢地落左太多醋, 攪到(那)咀. 沙律個精髓就係個汁, 就係因為個汁唔ok, 所以成碟沙律好失色.3) 我叫左個羊, 叫左3-4成熟.切羊個邊都仲ok好食, 但再切入少少時, 發現好多根, 好難咬.無咩"so"味, 同埋肉味唔多. 麻麻4) 我同事叫左 - 雞胸意大利飯.一開始我睇到雞胸, 我就好怕"鞋"唔好食. 點知. . . . 嘩. 好食, 真係好食. 我地研究佢地係咪用個d 真空袋 + 低溫去煮.因為, 大家咬落去係仲feel 到有水份, 一d 都唔乾身. 而d 飯又整得味道適中, 唔會話個感覺食到好膩.5) 唔記得叫xx魚哩個又有驚喜, 本身諗住應該都係d 魚, 再加d 汁, 應該

星期日的茘枝角,大部份餐廳都休息,終於發現這間營業的AMUSE.位於茘枝角工廠區內的AMUSE; 餐廳內環境堂煌, 跟出面的環境格格不入.午餐選擇多, 價格約$150~190, 不太便宜但幸好星期日有85折優惠.午餐有餐湯/沙律/小食 3選1, 另有甜品及餐飲坐下不久, 侍應先送上水及麵包; 麵包有3款, 都是熱熱的,正!老公點了餐湯, 但只有1款; 味道好酸,而且微辣我點了小食西班牙火腿鱈魚肉餅配香辣蕃茄汁雞胸沒有想像中鞋, 肉質都不錯;中間釀了野菌但野菌味不太重伴菜種類多味道都不錯煎烤美國天然雞胸釀野菌配洋蔥汁$148雞胸沒有想像中鞋, 肉質都不錯;中間釀了野菌但野菌味不太重伴菜種類多味道都不錯西班牙蟹肉配扒香草帶子$138帶子有4粒而且大大粒, 份量多不小家.帶子表面煎香了,裏面沒有煮透,都幾美味西班牙飯有口感, 加上蟹肉十分美味 甜品不錯,不馬虎轉了朱古力不用加錢味道不錯,環境都可以,價錢有折幾好, 但是位置不太就腳

於荔枝角長沙灣一帶工廈內的餐廳現在已屬其一流行的覓食地。這一間"Amuse"雖不算是隱身於上樓的工廈內而是位於一楝跡近似新型商廈的地舖，但這裡也算是較早期在這一帶能做出名聲的相對高檔西餐廳....今趟是小弟第一次來吃飯。從前就已聽過這店的名字，而當有朋友問過我在這附近有甚麼好餐廳介紹時，自己也會叫他們來試試，之後就回來報告一下....總結各方友好的意見底下，對這兒的評價都是頗正面的....一個人十二時許到店，客人就只得一檯而已。這樣清清靜靜獨個兒享用一個不會被人騷擾的一頓飯，於我場言是少有的奢侈....侍者先端來的麵包籃內只有一小件圓型小麵包及一條grissini。前者是在預先翻烘過底下拿上手是十分的燙。塗上半溶的全脂牛油吃將下去哪有不好之道理；後者是偏粗身，咬下去脆卜卜甚鬆化但欠了熱度卻成為了唯一的缺點....巴馬火腿沙律的優點是菜葉翠綠鮮爽而亦夠多種化；但缺點則是調味上的橄欖油是下得太多而沙律醬汁卻又下得太少了；巴馬火腿片是偏瘦了些而嚐不出脂香來，但幸好味是不屬死鹹至很咯喉至吞不下....主食捨棄了我平常愛點的扒類而揀選了西班牙風的豬肉腸燴飯配上帶點東洋味道的黑豚豬吉列。飯用上了較

中午又到了，我跟位朋友到荔枝角工廠區遊一遊，竟然發現了間隱世的法國餐廳，忍不住又要試一試了！Amuse（餐廳名）的環境高雅，感覺舒適，和工廠區成一大對比。一坐下，我和好友都叫了Set Lunch ，煎烤紐西蘭羊柳串標配迷迭草蒜茸汁 ，有餐湯或沙律和甜品再加餐茶 HK＄168，法國餐來說不算貴。一籃熱騰騰的麵包，麵包不會太硬，不錯！三文魚沙律－沙律菜及車厘茄都很爽嫩新鮮，配上意大利醋，馬上掃除了悶熱天氣所帶來的食慾不振，最讚的是三文魚賣相有如玫瑰花形狀的，"有心思，我鐘意"。煎烤紐西蘭羊柳串標配迷迭草蒜茸汁－迷迭草與羊柳的味道配搭得很好，肉質鮮嫩，口感鬆化軟滑，火侯拿握得很好，很不錯！香橙雜莓慕思蛋糕－ 我自小很怕吃慕思蛋糕，我還是勇敢地嘗了一口，入口酸酸甜甜，比想像中好，但如果有別的選擇就更好了！評分：（以5個＊為滿分）食物：＊＊＊＊服務：＊＊＊環境：＊＊＊＊餐廳資料：Amuse荔枝角長沙灣道909號地下

次次經過，都想試吓。今晚終於集合6個想試嘅朋友去。奉送嘅bread, 有三四款，軟熟，很好吃，牛油很香。蒜蓉包十分香口，蒜味十足。嘗試了三種湯，洋蔥湯香甜，蘑菇湯不重蘑菇味但也不錯。跟餐的粟米煙肉湯，有香濃粟米味，很不錯。主菜，沙律也不過不失。厚厚的黑豚肉，也能做到不un, 軟熟。鵝肝蘑菇意粉是最值得吃的，鵝肝味十足，但又沒有蓋過蘑菇的味道，只是有點多油。至於甜品，除了跟餐的雪bar最好食外，其他也麻麻。跟甜品上的雪糕竟然有冰在裡面。心太軟不夠朱古力味，略甜。火燄雪山太重酒味。apple crumble竟然唔夠脆，一义就散。最慘就是焦糖燉蛋，面唔夠脆都算，燉蛋竟然一點甜味也沒有，而且不滑溜，是實的! 不知道是否將麵粉當了糖粉用??? 當我們向侍應，甚至經理反映這問題時，他們好像完全不知道焦糖燉蛋應該是怎樣子，只說和我們取消這個單。另外，可能他們跟足外國餐廳做法，集齊所有主菜才上，這不是什麼問題。但等每款食物上菜中間的時間實在太耐了，而收碟的速度就太快。侍應們不會問我們還要不要就收了碟，唉～配菜還未吃，就已經收了。有時還有剩點菜，也不及他們速度快，未講完:唔好收住，已經收走了。

在工廠區開設的意大利餐廳，難得放假，中午午餐來試菜，餐湯蕃茄海鮮忌廉湯，真的好好，不太濃，蕃茄味不會蓋過海鮮味，煙三文魚沙律，屬普通，麵包熱辣，炭燒纽西蘭羊扒配薄荷蒜蓉汁，羊扒有三件，份量及燒烤得恰到好處，入口幼滑，肉味不會太“蘇“，靚食材，紐西蘭琵琶魚柳配刁草忌廉汁，魚柳肉質非常好，配忌廉汁，是我喜愛之口感，甜品慕士朱古力士餅，味道濃郁，好軟綿綿，入口滑溜，加杯熱咖啡，咖啡味非我喜愛的，但絕不差，細心處，伴咖啡奶坐熱上枱，加入咖啡後，不會令杯啡變凍，值得一讚。中午午餐，連加一，每人百五，耐唔耐獎勵下自己。

試左西冷炭燒牛扒餐，同加左個豬肋骨。牛扒餐幾好食、好有牛味、另加左杯紅酒68元，亦不錯。但牛扒我要7成熟就似8成熟、我老婆個豬肋骨就太乾、味道一般。最後，加左個甜品心太軟，幾好味。到上餐茶咖啡就弱D。埋單有88拆，7百幾，算合理。

某天, 剛巧途經, 見到裝潢很高尚, 而且被它門口的8折優惠所吸引,於是便入去開餐, 時間約晚上八時左右, 餐廳大約有三分一的客人。店內環境很優雅, 有一邊是用紅酒作為裝飾今天叫了一個SET DINNER, 為西班牙海鮮燴飯配香草帶子意大利飯剛好有咬感, 沒有煮透, 可見廚師技術不錯,帶子是半生熟的, 真的很可口,整個飯, 味道濃郁,值得推介

係美孚做完按摩及岩盤浴後覺得自己好似跑完10k 咁好累好肚餓又好爽呀！原本諗住簡簡單單係美孚食少少野就算但友人提意去行沙廠，又好反正未去過...就係咁就餓住肚（全日未食過野）係沙廠穿穿插插到七點多！因為此行實在即興安排而無預計食飯地點，但飛快地有人提意潮匯館...基於經常爆場周六晚又無訂枱所以必定無位情況下就不如試新野啦！之前聽聞長沙灣都有好多隱蔽樓上食肆都想試吓，可惜又係即興又唔識路下就揀咗 Amuse，因為此店就係大路之上，之前係美孚走到長沙灣已經被大落地玻璃窗、高樓底及精緻裝修吸引。入到店裡都係覺得係工廠區西餐廳都係靠賣裝修吸客姐而且係此區嚟講亦屬非平價類！但又估唔到原來有外表亦有內涵。。。菜色選擇亦算多，由set dinner 、到生蠔、牛扒、意粉等等都有！由於太餓關係所以無再仔細研究內容，直接選擇set dinner！暖暖嘅面包仲配上三款調味配搭，簡直為我添上無限幸福感！雖則係套餐但係前菜：煙鮫魚雜菜沙律做得一啲都唔麻敷，份量足賣相吸引味道ok!餐湯好味！上主菜前嚟一個sorbet簡直係窩心之舉（好多酒店、貴價餐廳都無提供）真係要比個like佢！全晚靈魂所在嘅主菜： 牛扒：比

This AMUSE is a great location, easy access, with call-ahead seating. It's usually busy, and they put out a good product, the waitstaff are usually pleasant, upbeat, and the food comes fairly quickly. Food was more expensive than other restaurants in the same area but we were not 100% satisfied with the quality. my friend and i both had steak and the steaks weren't very good. But they're big as hell and cooked right and incredibly cheap for something as inherently decadent as steak. They aren't

今晚叫了兩個晚餐，一個西冷牛扒，一個sea bass，另再散叫了一個羊扒。晚餐原來是長期不變的，客人可以加$30換餐牌中的湯，及加$30換餐牌中的甜品。跟餐的什菜湯好唔得，完全無誠意，同一般港式平價西餐廳既餐湯無分別，失望！另加$30換餐牌中的洋蔥湯，這個味道ok，好甜而且夠熱，但跟正宗的洋蔥湯還是有一段距離。3款主菜都好得，大家都不停讚！食得出係靚肉，扒又燒得靚，魚又鮮又滑，羊扒好嫩好好味又夠大件！跟餐的甜品又回到一般港式平價西餐廳既level... 一件完全無誠意既mango mousse cake，仲要細件到無譜，好似一件cake既3份1大小吧...service好唔得.... 同茶餐廳的侍應們無mud分別... 趕頭趕命.. 唔會主動幫你.. aiii最令人失望..環境麻麻啦... 檯同檯之間都幾迫...總結：雖然主菜真係好一流，但係食完真係無滿意既感覺，我唸因為你收得呢個價錢，我會expect你樣樣都係有誠意的，但可惜一個餐5道菜，得一樣impress到我地。 另外，咁樣既服務，我真係唔會想番轉頭。

決定離職那天已選定Amuse作為Farewell晚餐地點,除了方便該區工作的兩位美人外,這家也是對吃有要求的前同事推介餐廳之一,況且自己也曾試過其午餐,食物水準當不會擔心。那天當關掉電腦後,跟舊公司關係告一段落,步出公司門口時沒有想像中的難過,期待玩樂的心情已掩蓋了那丁點兒的不捨,讓我以更快速度飛往荔枝角。夜幕下的Amuse跟日間的休閒開揚氣氛不同,燈光下的餐廳門口果真有點歐陸式教堂莊嚴感覺,咱們的四人桌更在全餐廳最佳部份,偌大玻璃窗側的桌子雖沒有什麼佳景,在高樓底泛黃吊燈下總比裡面帶點壓迫感的舒適很多。雪白桌布上的餐桌佈置正統,摺成皇冠般的布餐巾、高腳紅酒杯、麵包小碟、刀叉皆不缺,還有小小燭光掩映著,讓我和幾位俊男美女來個燭光晚餐,好浪漫唷。沒打算不醉無歸,不過有杯酒總會開心一點,幾經考慮才在Wine List中選定了其中一款名為Nothing的雞尾酒,可是當晚店內竟沒有調酒師,因而沒有雞尾酒供應!果然名符其實的NOTHING!!最後由男仕拍板選了一支澳洲紅酒,只是後來才看到瓶上招紙產地卻是紐西蘭,姑勿論澳洲還是紐西蘭,這方面對我們幾個來說也不算很重要嚕。沒有用上什麼醒酒器,只是打開