Anchor’s Seafood and Beer House (已結業)

餐廳喺汀九橋隔離，窗外就係一片海景。同男朋友既一週年慶祝晚餐揀呢度完全冇後悔! 七一假期都係三百幾蚊一個人，仲有生蠔、魚生、甜品...基本上所有你喺buffet食過既野都會喺度搵到，未見過既都有! 唯一可憎係魚生部冇甜蝦刺身。

1/7興祝生日，訂了Dinner buffet!估吾到有South Africa 和America 生蠔，大隻且新鮮！係沙律吧仲有多款cheese 選擇！Rib eyes扒超正！平靚正之選👍🏻$398已加一，值得再encore!

用完openrice優惠券後每人三百多元 最緊要沒限制任食兩款南非同美國生蠔 又有三文魚 吞拿魚刺身 更有不同款式的冷盤例如有青口 蟹 翡翠螺 每人更有一杯飲品飲 其中更包括啤酒飲 啱啱六月仲有泰國美食月 有冬蔭公 仲有新鮮即製的木瓜沙律 仲同泰國食一模一樣味道 還有各款不同熱食 例如燒牛肉 即煮粉麵同瑤柱雞粥 甜品多款式 仲有海景睇 望住海景再食美食真是另一番滋味 最後味道可以 價錢可以 可以一嚟再嚟 最緊要環境舒服 枱與枱之間距離遠 不是太逼

約了一班朋友飯聚，試一試這裡的自助餐。環境一流，對著個海開餐，真的不錯，而且方便吸煙的朋友，行出露天的地方就可吸煙。食物方面，生蠔不錯，是即開的那一種，新鮮好味！其餘不錯的食物有蟹、翡翠螺、刺身、壽司、泰式沙律、黑松露薯蓉等等。值得一試的甜品有即製芝士撻同pan cake，朱古力噴泉，甜品細細件，方便可以試多幾款，重有movenpick雪糕，折實每位都不用$300，是超實惠的自助晚餐，性格比高，值得一試！

景觀開揚 遠眺汀九橋,180度海景, 如火閃閃擦浪淘, 希望多啲飲品, 生日有氣酒送 嘅優惠不錯, 生蠔好味嘅機率係50%, 沙律吧蔬菜種類豐富, 但甜品很快食曬, 希望有多啲甜品可以refill, 但整體嚟講非常不錯嘅.

好吃對得起個價錢～晚餐方面生蠔新鮮，生冷嘢食方面，選擇多而且新鮮，反而熟食較為被比下去，選擇不多而且回轉得較為慢，甜品方面亦算不錯，總括而言算係抵，而且景色不錯～

攞位過程順利，唯入坐時，旁邊有强国人进食，间中发出呼叫服务员的叫声，为本地食客側目。好在佢地狼吞虎嚥，食完就走，还我地清静環境。生蠔幾好，又有movenpick ，值得一试。

星期六揸車去左汀蘭居食lunch，原來泊車唔洗錢架!!Lubch係semi buffet泥架喎原來，仲要有85折，寫埋openrice仲on top比多5%buffet station正正常常有dessert,有幾款cake，麵包,沙律菜乜都有，又有d壽司，coffee tea自己出面整。main course正丫，好大份好夠飽，有得揀牛，三文魚，雞，三文冶，最後食埋個moven pick雪糕。完美!!!!!!

平日午餐，帶同事尊程拜訪Anchor's，自己好似已是第三次幫襯，而同事聽聞Anchor's窗外景色一流，所以約好就去食啦。中午食客不多，招呼好親切。半自助餐，食物款式尚可，不過質素很不錯，菠蘿好甜，紅蘋果、青蘋果沙律個醬汁好味，cold cut亦算合格。同事間掛住傾計，呢部分全部無影相。窗外的景色就不可不影啦。晴，天清氣朗，特別賞心悅目。主菜有5款，算是齊全，包羅萬有。我們選了三款，牛、豬、魚。Rib eye要五成熟，上菜時，睇落好生，有點擔心，但食落不單止邊唔鞋唔老，仲有好正的焦香味，肉裡面紅色部分又唔太生唔un，估佢唔到呀，高！慢煮豬，有點野味，唔鞋，好食。魚就一般，唔覺有魚味，但質地幾好，唔鞋又唔會滑到無質感。自助餐已有生果、甜品任食，埋單時，原來每人仲有盒小movenpick，大滿足！ 信用卡有85折，上網即時俾意見再減5%。推介！

值得推薦！性價比高的餐廳，款式選擇很多！今日補足父親節，地點較難搵，但態度及服務非常好！有很多美味食物，包括泰式食物，有生蠔、有啤酒飲，有多款雪糕選擇，值得再黎幫襯！

環境很不錯，有海境！食物質素也很出色！即開生蠔十分鮮味！值得一試🤤但每次只能攞2隻，要來回好幾次才能滿足！除了生蠔其他海鮮也十分出色，喜愛海鮮的朋友絕不能錯過！

第一次來這餐廳食自助餐，一入到來望到很美的海景，再加上有肥美生蠔伴襯，尤其是南非生蠔，涷蝦也十分之好，肉質夠鮮甜。今期是泰國美食節，有胡椒蝦，泰式木瓜沙律，冬陰功湯.......都十分好味。燒牛肉恰到好處，並非感覺食鞋皮，燒雞也燒得很美味。還有很多別緻甜品，仲有 Movenpick 雪糕提供。總之在此是有環境，有美食。

第一次黎食，refill速度尚可，尾段就無乜點refill了。生蠔每人每次只可以攞兩隻，不過真係幾新鮮。。。。小朋友都有唔少野食，呀仔食到粟米、烏冬、雞肉串、秋葵等等。。。。不過有個遊戲室仔，帶住細路都可以俾佢郁吓，大人都可以食耐啲。。。。。。美中不足係食到尾已無晒movenpick, so sad希望下次食得返啦。題外話，比較適合揸車一族，地點喺邊唔駛講，但係有free parking就都算難得了。。。。

餐廳景色一流，影相好靚，食物方面生蠔牛肉都幾好，生蠔每人每次兩隻，每次都吾洗排好長隊甜品方面有窩夫pancake，朱古力噴泉，movenpick雪糕。最好既地方有兒童天地，小朋友有地方放

食過好多次，呢排做泰式主題，各種泰式食物同埋生蠔源源不絕。仲有折扣真係10分讚！本人欣賞佢哋嘅沙律，有許多不同的款式配菜，仲有巴馬火腿，又有魚生同壽司。仲要送野飲真係黎100次都值！