Anchor’s Seafood and Beer House (已結業)

放左工，三五良朋黎食自助餐，吹下水。因為朋友訂了位，所以唔洗等位，入到嚟坐定定即刻去排生蠔，生蠔好食，員工開個無停手。但只有美國同南非兩種，但每次只能2只，如果要食多幾隻，就要排多幾次。我地一人排左10輪，所以一定回本。刺身壽司種類少，但味道不俗其他中規中矩。熱盆好味，甜品就都好食。最衰都係的蟹，食2隻都係唔新鮮，所以全台人都唔敢食。啡茶任飲，美中不足嘅係食物種類少。但員工有禮貎，無伏嘅感覺。期待下次黎多次。

話說我發現呢度食夜少少可以有 6折，咁既優惠就心動啦，計埋加一先至 306.6 一位都冇得輸，所以說去馬！坐低一陣，侍應就話包一杯飲品，有OJ, 蘋果汁，汽水同啤酒揀，我就當然揀啤酒啦，雖然唔知係咪杯上面印住果款刺身普普通通啦，有少少起得唔清潔，三文魚腩遺留左少許黑色膜，而再翻吃時被告知吞拿魚未完全解凍，仲有d雪，我都冇話唔接受既，照食囉。。頭盤都唔少走式，不過好似話主題係三文魚，所以好多三文魚類，三文魚他他，自家醃製三文魚，煙既又有，仲有Wellington。其他既有沙律菜，凍鴨胸，凍牛肉，風乾火腿，芝士，辣肉腸，Salami。熱盤唔算多，不過煮得幾好！蒜茸粉絲蒸扇貝蒜味唔會搶原條比目魚超滑泰式炒蜆味道香濃巴東牛肉唔鞋口燒豬頸肉彈牙味道岩岩好鴨胸唔老燒牛肉成數岩岩好，仲超嫩甜品都一樣唔失禮，有特濃朱古力餅，tiramisu, cookies, 紫米露，木糠布甸，macarone，waffle...... 真係太多喇食完再影返幾張夜景先走大家小心太夜巴士冇車，小巴有56M, 56C都可以經過，交通真係麻麻，唔係6折同靚景，我諗我未必會選擇呢個地方食野。。。。

比預期好食！食物質素幾好啊！都係比想象中多野食！人流都 ok 的！不會太吵！服務都好好好主動幫我。沙率好多選擇！對於減肥中的人都唔少選擇！rip扒好好味啊！好軟！仲有雪糕竟然moven pick 呢！好值得下次再來風景都靚

昨晚跟老婆去食生日飯，這裡環境也很好，服務也ok，只是比較不太就腳，食物方面生𧐢/鮮蝦也新鮮，但其他海鮮及魚生就一般新鮮，而且食物種類較少！最重要的是Open rice顯示價錢方面十分不清楚，令我有唔解！😡😡😡有被人欺騙的感覺！以後我也不會再去，也不會介紹/推薦親友再去！

在連續十天的酷熱，送上冰涼的 Movenpick雪糕，小朋友跑去自製 pancakes ，早餐的粟米片，給拿來做材料。蛋糕，朱古力，一重又一重。。。變出比大厨更多的花款。。

放假日想揾間遠離市區既酒店住番晚，竟然喺呢度發現左呢間咁好既餐廳。餐廳分4區，冷盤＋熟食，生蠔＋燒牛肉＋面檔，魚生＋沙律菜＋燒烤，甜品。生蠔係即開既南非品種，細細隻但係新鮮，爽身有海水味，可以接受。冷盤主要係海鮮為主，細份量既小碗食物剩係得一樣。冷盤海鮮唔錯，比得上4，5星貴自助餐既品質。熟食選擇唔多，可能而家少人食啩！魚生有多種選擇既大路貨色。而驚喜既係竟然有瑞士既raclette cheese食！平時喺香港實在太稀有啦！燒牛肉唔錯，而燒烤有雞肉串同羊架，肉質同味道都好好，沙律菜亦都好新鮮。甜品種類都超多，同埋有movenpick 雪糕！加埋佢個心太軟係一個完美句號。BTW, 酒都係好合理既價錢，唔錯唔錯。員工服務都好好，有埋海景襯埋簡直係一個美好既晚上。

食物未講得上係世界級， 個Lunch Menu款式未算太多,但亦好全面,牛扒,魚,雞樣樣款式都有,味道各有特色， 地方整潔之外服務員亦好 殷勤招待 喺繁囂都市裏便可以找到一個好地方五餐極不容易， 一覽無遺的海景，情侶必到的好地方。

對住個海食野飲生力tower,太正！服務都非常好👍抵讚！個慢煮豬好嫩，但雞就一般。呢度都幾多外國人（當然都有啲強國人，但都係斯文人）車泊外面，入面有間playroom冇第二個出口的，放電好放心！

第一次黎食 唔係假日無預先book檯但都有位環境唔錯 自助餐食物ok 有生蠔海鮮得蝦蟹青口 不過不失雪糕有movenpick最緊要有個好靚既海境view打埋食評有全單95折

地點雖然有點遠，但餐廳景色不錯，平日晚上不算多人，挺舒適。食物方面種類不算多，例如熟食和甜品種類較少，但勝在有即開蠔及我的最愛 movenpick雪糕。下次會選擇其他地方。

今天係老婆的生日想揾間有生蠔又抵食的自助餐依度合符曬要求重有埋海景我老婆話依度d生蠔有一百分充滿海水味好新鮮至於我個女佢就至鐘意部自制pancake機佢話好得意同好好玩

從未食過甘難食既自助餐，除左有即開蠔好啲，熱食仲衰過茶餐廳，車仔麵檔啲送得啲獅子狗，魚蛋，，粟米，芽菜，薄過塊紙嘅日式叉燒，全部雪藏野，青菜都無一條，燒雞奄到啲肉梅曬，把刀唔使用力就甘壓一下啲肉都自動跌出嚟，壽司賣相仲衰過爭鮮，凍盤啲青口同蝦乾爭爭，甜品啲質素食美心西餅，東海堂都好過佢，啲待應全部呆滯，無表情叫又無反應，餐廳環境又殘又舊，未見過甘殘既服務式酒店住宅，嘉湖海逸靚過佢多多聲，請我都吳再去食，垃圾！

今日黎左荃灣呢間service apartment食自助餐，雖然位置唔太方便，但有shuttle bus去地鐵站，weekend去都滿座, 餐廳有大海景，環境唔錯~野食方面今期做緊挪威三文魚主題，仲有南非同愛爾蘭生蠔任食！生蠔都好大隻，鮮甜唔腥！而刺身海鮮選擇較少，不過三文魚都厚切同肥美，海鮮方面最中意食蟹，有唔少蟹高~熱食方面水準都唔錯，有成大條比目魚，炒蜆，燒羊架等，選擇唔算多~ 叉燒稻庭烏冬好彈牙~最吸引既係甜品有movenpick任食！其他甜品都唔錯，窩夫即整好味，而且幾中意呢度既迷你心太軟同蛋糕！整體呢度weekend dinner buffet都係$398, 呢個價錢性價比好高！

與好朋友每月聚會，梗係要食好西啦！今日就去試咗汀蘭居樓下的自助餐餐廳，早前都試過，覺得唔錯，所以今次再encore !😋😋原本在OpenRice訂了晚上七點半，但因為早收工，所以早上打去改成六點半，原來OpenRice訂位可享有七折，但如果改時間就最多只可享有七五折😰， （原來OpenRice做七折只限於七點半之後） ，不過見唔係差好多，所以最後都決定改成六點半！🤨準時入場，可能因為閒日所以人數唔多，侍應安排我們坐喺近海🌊🌊的位置，觀景不錯！入到位，侍應已經準備好水，一放低野，當然即刻去巡視一下有咩好食啦，生蠔、魚生、刺身🥢🍣等等當然係唔少得，仲有唔少熱盤：包括黑松露薯蓉，比目魚，濃湯，菜等等等等，最近餐廳做緊三文魚主題，所以會另外有好多用三文魚做的菜色，例如焗三文魚、三文魚蓉撻、三文魚刺身等等，不論冷盤定係葉盤，選擇都算多，而且菜式都算靚，睇見都好想食！先來刺身，今日有八吞拿魚、三文魚、仲有一隻粉紅色的魚（唔記得左叫咩名😅），刺身幾靚三文魚好肥美，入口即溶，感覺不錯！ ！ ！再嚟就當然要來個生蠔啦，生蠔只有一款，因為本身唔食得多，食兩隻試少少，算肥美，但同行朋友有啲唔係太靚！可能係一

提早一個月慶祝母親節，上網搵到呢間評價ok既自助餐，試一試喇。講真，食物質素普通，刺身算係較唔錯，頗新鮮。 生蠔有兩款，一款南非，另一款愛爾蘭，都算唔錯。熱食款式唔多，質素算勉強。所謂BBQ就真係好失望，燒腸仔，菠蘿，雞翼等，睇個樣已經唔太想攞。甜品味道算OK，但款式真係唔算多。另外，每人包一杯野飲。至於兒童玩樂室，只係一個放左少許玩具既空間，唔好太大期望。(奇怪！呢間野對上一次食評，已經係幾個月前。)