Anchor’s Seafood and Beer House (已結業)

女兒生日，一家人晚上八點去到這間什麼什麼酒店的自助晚餐，一入去已經知道不妙，八點半已經沒有再加食物，我問經理是否已經不再會加，然後他禮貌地說會，但後來他問我想食咩就叫加出來，我都沒有什麼好説了，好似點餸食飯咁，然後八點九已經要埋單，我就問職員為什麼坐下半小時多就要埋單，然後那姐姐就索性擺低張單簿直接不回應就走開了，嬲嬲地出去食支煙，神奇的事又出現了，一對外籍夫婦，剛剛拿著食物回露天坐位，就立即叫待應，問那隻生蠔應該怎樣開。我立即忍唔住笑左出嚟，因為供應生蠔是配給的，有專人開比你，每次限攞倆隻，怎可能可以自己拿到未開的回坐位享用，真的神奇。食物不用說-負分！

服務態度超差，上星期五我地Book枱10-12位，點知去到見分兩張枱，然後話俾佢知我地得8位黎，佢有點不滿意，甘我地有問佢，甘我地坐係邊，佢答“你地鍾意啦，兩張枱都係預咗俾你地，你地話12位嗎！“跟住都無理我地，有無講有咩食品飲品等。我出去睇睇，除咗有生蠔，羊架，咩長腳蟹，肉眼都唔見。去到壽司區無三文魚刺身，壽司款太少。冷盤得田螺，青口，蝦仔（唔係講大蝦）。無人即場整“意大利飯“。熱葷區得串燒，茄子，羊架，蝦。唔吸引 ！甜品得杏仁湖，幾款芝士餅，雪糕味道唔齊。飲品每人得1杯，有無講要第2杯幾錢，有話要人到齊先俾叫飲品。總評：一間“超級無水準“餐廳，連基本服務態度都無，order都唔識落，甘樣開係一間“酒店式服務“，但無基本既服務質素 ，好似唔係好合。唔諗唔會再光顧呢間，同樣既價錢，大有餐廳在，唔值！(>﹏<)

最近我兄弟好想食生蠔，但平價唔係好難食就係有限制，貴價又食唔起(糧尾)左揀右揀睇中咗呢間Anchor’s Seafood and Beer House燒烤要星期五.六,日至會提供(有點失望)今日主要目的係為咗生蠔，餐廳提供分別係法國及加拿大生蠔，法國蠔比較鮮甜除外餐廳提供海鮮有花蟹.青口.海蝦及翡翠螺，但花蟹唔太新鮮燒牛肉除了普通燒汁和黑椒汁及芥末外，仲有一種磨菇燒汁泡沫幾特別慢煮紅酒紅燴牛面肉，煮得又入味真係好正如果配餐廳嘅黑松露薯蓉就更完美)刺身壽司選擇雖然唔多，但質素唔錯即嚟即切，其中八爪魚幾鮮甜聽講呢隻雪糕好貴，試咗一杯甜品都有唔少選擇，好似有蛋糕.糖水.水果.自製班戟及朱古力噴泉等雖然食物大部分唔錯或者普通，但當中有啲唔太美味，好似呢個意大利飯咁!傳統意大利飯要煮到有少少唔熟我係知道，但又要南亞風味搞到唔中唔西但最難食係呢個椒鹽蝦，唔知係整得差定我黑仔，第一隻就臭所以無食:餐廳送每位客人一杯飲品，有啤酒氣水及果汁(我點啤酒)除外亦有提供熱咖啡及熱檸檬茶，但見到其中一個咖啡杯有異物，衞生有待改善餐廳所在位置汀蘭居面對優美海景，只可惜我身邊只係我巴打，如果係個美麗妹子就好評語:價

食物質素環境可以，食物選擇唔多味道ok，收碟快，生蠔只有一款，但味道合理既，無蟹腳，但明明個介紹話係主打，問經理時佢態度唔好，話唔會有，呢期都冇，唔係話好想食，但個回應令人唔舒服，由book位開始已經聽得出d職員唔係好積極，來到餐廳著西裝男職員的面口都唔係幾好，比較安慰係生蠔哥哥開足大半場都仲keep到個速度同態度，仲有切牛扒姨姨都好好人，會主動推介唔同的食物同汁，因為係為左生蠔去，包1杯飲品，茶啡任飲，所以屋企人都收貨既，但個CP值依家加左價，冇以前咁高喇~

本人數月前曾到這餐廳光顧半自助午餐。這裏環境優美，不失為一個好選擇。可是自助沙律巴周圍不少小蒼蠅飛舞，當日已即時通知侍應這衛生問題。2017.9.18 中午再次到訪，“有蠅”食肆，依然故我！小蒼蠅亦已長大， 盤據在哈密瓜上，與食客分一杯羹。“有蠅”之外，亦頗“環保”，自助沙律菜不新鮮，也不願浪費，照樣供人食用。當日我點了一客火箭菜風乾火腿薄餅做主菜，“環保”作風，徹始終！火箭菜變黃了的，不宜進食。

訂左2人晚上8點半，滿心歡喜同老公二人世界。入到去，客人唔多，環境可以，感覺唔錯。點知，一到9點，d侍應就開始準備收工咁，生蠔吧個開蠔侍應直頭行開左，等左3分鐘都冇人理會，其他食物都冇再refill過，食完既碟放喺度都冇人黎執，隔離枱埋單走左成10分鐘都冇人執，成個場好似麥當勞咁，周圍都冇人執野，侍應一個都冇，環境惡劣。因為冇野食，都冇咩意思，食左45分鐘就埋單走人，真係不知所謂，以後唔使錢都唔會再黎，差！

同朋友講想去一個望到海景嘅地方，食一個下午茶，佢帶咗我去汀九呢一間酒店。當時係下午茶時段，所以冇乜人，我哋講咗隨便一張沙發坐低，望住海景，真係好舒服。餐廳平時係做自助餐，店員都忙於準備，但係咁樣都幾好，我哋可以傾吓計。叫咗一個牛油果蟹肉法包。同啤酒。個麵包嚟到嘅時候，覺得好大份。牛油果好新鮮，同蟹肉好配合，但係個包烘得唔夠，不夠香脆，仲覺得好硬添。薯條亦都炸得不夠脆口。總括來講，環境比食物更優勝。但係地點真係好隔涉。

生蠔即開即食，每次三隻，正。仲要唔多人排隊，更正。海鮮有蝦蟹藍貝青口。三色刺身，燒牛肉，也不錯。肉骨茶，有驚喜。海南雞飯，好味。窩夫配mo墓pick雪糕任食。食晒上面咁多野，已差不多回本了。

呢間係我最近食過自助餐算滿意的餐廳，餐廳位置遠離市區，但影相位就好好。我同我的朋友影左好多靚相，我們6:30就可以進場食晚餐，有2種oysters,海鮮有蟹、螺、青口、蝦，都幾吾錯！之後肉眼吾錯，好滿意串燒就一般，個中湯好飲過個西湯，出色。甜品好味，朱古力蛋糕好rich,好味，生果都吾錯，雪糕movenpick,雲尼拿最好味，士多啤梨帶酸。呢個價錢食倒咁的食物質素，咁的景，是的要大推！！free drink 一杯，可以有橙汁、萍果汁，無得吾讚。不過我要講食物的選擇不多，熟食都吾錯

想到這家吃buffet很久，今天终於來到了，我們一行六人坐下就去拼吃，品種幾大路，生蠔來自Irish,每次限取２只，朋友喜歡吃生蠔，但由於太细只她全晚都在忙於排隊取生蠔，怨聲載道，但蠔是即開的，清洗尚算乾淨，味道也鲜甜，其他有燒羊扒，大虾，燒羊扒，很好味，燒得不老，肉汁豐富，可惜只吃了－轉就沒有refill了，燒虾也鲜味，推介给朋友，可惜她出去欲取卻沒有，後來是—直都沒有。没有長腳蟹，只有蚊型三點凍蟹，自己也不會買來吃，竟然在酒店出現，貴妃螺也很鮮甜，我個人吃得最滿足是這個，原因是吃到９點仍有，其他雪糕，甜品，杏仁糊，旦糕，熱葷如炒蜆，燒牛肉早早就沒有了，亦沒有及時refill。飲品方面每人有兩杯，奇怪的是必須一齊order,朋友７點到，滿頭大汗想叫杯凍飲降降溫，但waiter说要－次過叫，我８点才到，要等齊人才能叫，是乜道理？總结每位375，但食物没及時補充或只供應－段短時間，有些食物未夠９點已清空，会否太早？９点就要埋單，是否合理，雪糕有冰在裡面，魚生也出水的！另外我在荃湾西上車，車龍與其他屋苑混合，像我就上錯車，结果去了黄金海岸，要打的回去，車站指示能否再清晰－点？

住荃灣嘅朋友有冇去過汀蘭居食buffet，Anchor’s係一間性價比高嘅餐廳，附近仲可以遠眺汀九橋，空氣清新，而家Anchor’s就做緊馬來西亞同新加坡特色buffet，海南雞飯、新加坡喇沙、辣椒炒蟹樣樣都有得食，當然唔可以錯過海鮮冷盤，生蠔、青口、長腳蟹都唔少得！食Buffet 又點少得甜品呢，甜品有木糠布甸、藍莓芝士蛋糕、朱古力布甸、焦糖布甸等，而最重要嘅當然係佢哋供應嘅movenpick 雪糕！旁邊仲可以自己整Pancake，夠過癮！！即開生蠔，師傅即叫即開，十分新鮮！食落仲有海水味，味道鮮甜多汁。依家進行緊星馬主題自助餐，因此有唔少主題美食，包括新加坡辣椒炒蟹、海南雞飯、新加坡喇沙等。烤羊架同串燒亦係推介美食之一呢度自助餐亮點係movenpick 雪糕任食！旁邊仲可以自己整Pancake，要咩口味同配料，完全由你話事。

8月26日晚我跟男友去吃晚飯 buffet 慶祝生日，雖然當天不是正日生日，我訂位時我也表明非正日生日，同事說可以安排蛋糕。當天確認訂位時同事也說沒問題。去到才知道正日生日才有蛋糕送，經反映後，侍應只給我一個比2毫還小的朱古力牌和一支爉燭，著我到出面拿一件蛋糕，當時已經是8點半左右，甜品區的蛋糕已經清得七七八八，我看著那個比2毫子還小的朱古力牌，隔離幾枱都有生日蛋糕並唱著生日歌，感覺不是味兒，男友都感到尷尬。唯有埋單離去。交通方面，我之前到酒店網站看過，看到有「由北京道一號至汀蘭居」的穿梭巴士，我等了十分鐘，打去酒店才知沒有此巴士，建議酒店更改字眼。環境方面，除了可以望到汀九海景，沒其他了，餐廳有playground ，適合一家大小去，但小孩多難免比較嘈吵，座位最差，跟麥當勞的座位差不多。而且我見侍應草草抹枱收拾，食物就掃落地下沒打算收拾。食物方面沒意見，因為我沒心情吃。

如果問點解見到咁多負評都要去,我諗原因只得一個,就係CP值根本無得輸。 相比市區的酒店,要搵間有生蠔嘅海鮮自助餐,一定唔止呢個價。 對於唔太挑食嘅我黎講,Anchor確實係一個好選擇。 預訂:經openrice一星期前訂枱,比想像中容易,似乎唔算長期爆滿,埋單折實價確實每位$372送一杯飲品,另外原來滿6位成人送一枝sparkling wine。交通:Anchor位於汀蘭居地下,交通確實唔太方便,事前唔知有shuttle bus,所以先搭入深井行一圈,再轉搭53或234B前往(5分鐘),離開的時候剛好有shuttle bus,可以搭返去荃灣站/荃灣西站。 服務:人手確實比傳統酒店為欠缺,間中留意到counter職員行開左,但收碟速度相當快。 環境: 內外皆舒適,看到青馬景色衛生:洗手間略細但整潔度滿意. 食物是否乾淨就要睇下過唔過到廷日..海鮮: 生蠔有幾款,個人唔太講究,食落口感好飽滿。雖然每次限拎2隻,但排隊需時唔耐,平均1分鐘唔駛。 青口,凍蝦,翡翠螺都相當新鮮,蟹就太細隻喇....刺身有3款,無咩驚喜。熱盤:種類確實唔多,比較得意係有BBQ類,可惜串燒蝦全晚只係出現過一次,反而

今日係老公生日，特別安排了來這裡吃午餐慶祝他生日。11:45 來到，門口有車位泊車，由於午餐時段未開始，店員叫我們先到旁邊坐下等等，來到這裡感覺很relax, 風景優美，加上好天氣真的令人好心情。12:00 開始店員安排我們入座，我之前已在OpenRice 訂位 & 要求坐位近窗邊可以望到外面風景，不過可能現在夏天太陽太猛坐窗邊位會比較熱。午餐時間是semi-buffet Lunch , 前菜、沙律、湯、甜品等都可以出去拿，main course 就可以自己選每天menu 上的一個，我們選了 1 & 2 。先來吃吃前菜，選擇不多但我覺得很足夠，特別喜歡他們做的茄子🍆。 主菜要來了😋😋兩份主餐都很美味，魚下面有磨菇薯蓉還有黑松露，吃起來很香，很配合，而且魚的熟度剛剛好👍🏻牛肉份量很大，我們要7 成熟也是剛剛好，老公很滿意這樣的餐點。最後要多謝餐廳員工的安排，幫助我安排了一個Birthday cake 給老公給他驚喜。平時不大好甜點的老公也大讚這個蛋糕很好吃喔！再一次感謝Anchor 的所有員工，多謝你們讓我們有個很美好的回憶。

本身諗住揀呢間餐廳嘅目的係食生蠔，點知啲生蠔又細隻，話就話有即開生蠔，原來係搵埋啲書都未知讀完未嘅靚妹嚟開蠔，唔專業都不在話下，又同自己嚟食嘢啲豬朋狗友喺度傾晒計咁，啲豬又唔醒，明知人哋返緊工仲喺撩人度吹水，喺度害人害己，啲蠔已經開得慢架啦，仲傾到講晒粗口咁，排係後面等拎生蠔啲客聽住佢講粗口認真無奈，條隊已經排得長，開蠔嗰條友見係自己啲豬朋狗友就開六隻俾佢，唔識嗰啲就每人開兩隻，幾咁公平喎，如果唔係自己揸車都唔會嚟啲咁格攝嘅地方食餐咁差嘅飯，請我都唔會再嚟！