another hound café

營業中

休息中

今日team lunch 去左呢到食飯～雖然有book定但Lunch time 都算多位Lunch set黎講係商場價位都可以接受Lunch set包餐湯或者沙律，我就叫左餐湯，個日係粟米忌廉湯～好濃郁，每啖都有粟米，溫度都好適中主食我就揀左泰式牛肉及牛肉肉丸船麵本身想試吓金麵，點知嗰日冇晒ಥ_ಥ咁就食咗金邊粉佢份量都好足夠，有炸豬皮，少少菜，湯底好濃郁牛肉片同牛肉丸份量都好多！佢仲有泰式四保嘅調味料可以加落去～加少少辣粉已經好惹味！再加多杯熱檸水，呢個Team lunch好滿足

終於放食飯！！！天氣凍凍地，想食下暖野同同事行過，見到生意不錯一於入去使試吓伏唔伏Order左個冬陰卜卜蜆酸酸地又辣辣地味道不錯，算食得過同事叫左海南雞，佢話啲雞都不錯略嫌食物份量少，價錢貴餐廳闊落，坐得舒服眼見侍應兩三個，搵人幫手有難度，好彩搵到個感受到女侍應盡力服務唔係西客既我會絕對體諒💪🏻🤞🏻🫵🏻P.S：服務比兩星係因為根本唔夠人手，而唔係因為服務差，真係唔明比差評個啲人係真係服務差定係冇同理心！！

鍾意喺Office附近搵嘢食 有日收工行過見到呢間間餐廳睇個Menu見到有個黃薑和牛飯就即刻入去試吓 試過其實比想像中好食 牛肉唔會overcook 佢嘅汁都同個飯好夾啲侍應服務都好好佢都不斷留意你枱面上嘅情況水唔夠主動過嚟幫你斟水 嘢食食飽會過嚟執嘢 仲會問吓你有咩需要 體感唔錯

I waited for over an hour for food and asked 3 times for updates and received the reply 幫你跟緊。 after 50 minutes I decided to cancel the order because it was unacceptable and they had the audacity to charge me 50 dollars for one terrible lemon tea and corn soup. After wasting my whole hour. 我叫你幫我追左三次你做緊啲咩???? Waste of my time never coming back and they never even apologized once this is actually insane I’ve never received such bad services. This restaurant and chain (greyhound) has been known for

今日第一次食呢間，之前食過同集團時代果間都唔錯諗住有返咁上下，點知，真心失望到極，冇下次。叫左以下幾樣，評價如下：青木瓜沙律，ok既，幾樣野中佢最似樣冬蔭公湯，蠔蛋，金不換青口煲，冬蔭公炒螺絲粉，唔可以講差但真係好普通，快餐店咁上下。酸辣火山骨，唔酸亦唔辣好似煲過湯既湯骨加啲泰式青海鮮醬煮成湯咁滾住，肉冇味，湯亦好淡味。重有幾杯飲品，糖水咁，飲唔出佢邊杯係果汁味晚餐中，我地唔小心倒瀉左個火山骨啲湯，枱而同地下都濕左，我地自己抹乾淨左張枱面，叫左佢過黎，佢只係搬走左個煲開去同我點返著個火就搬返黎，我抹乾淨咗張枱果啲紙巾佢都冇收走，一直放係我地枱面。我地食野隻碟滿哂骨又冇換碟，亦冇幫我地倒走啲骨。全晚見到職工在一邊傾計，一係就滿場遊蕩但完全唔係留意客人有冇需要，招手都要好耐先見到，當時個場一啲都唔滿。其間突然聽見其中一個職員同隔離枱個客講：你叫我嘛，洗咩自己拎咁辛苦（只見職員從另一張枱枱面收走隻碟，應該係客人將食完既碟放隔離枱），職員走後客人細細聲講：我叫你重辛苦呀！所以講，香港食肆冇生意係有理由的！

事緣係 呢間餐廳新開 我都食過幾次都已經覺得侍應態度非常唔好，但係由於黃竹坑真係冇咩可以揀諗住再俾多次機會。諗住佢話晒都係Greyhound旗下，應該有保證，點知差一大截。首先入到去同佢講幾多位個侍應已經態度好差，好似得罪咗佢咁串串共，去到叫嘢食佢叫我哋用QR code，跟住佢放低個code都即刻閃走咗咁我都明而家咁忙又唔夠人，都係幫佢慳時間。咁由於我對某啲嘢係敏感，咁正常可以同佢講聲落咗單邊個餐走啲乜嘢。但係服務員同我講你QR code落咗單就冇得改，佢話你咁樣就叫我哋幫你落單啦。都算啦，俾佢咁樣話咗一嘢。我哋lunch食船麵等咗大概半個鐘至七個字，但係碗嘢又唔係好食。到我睇返張單見到應該收錯錢，我返去問職員職員完全冇心幫我解決，後面有客人直接處理咗後面嘅客人放低咗我喺門口冇再返過嚟。真係好想問吓呢間餐廳點樣做到收呢個價錢

My friend ordered beef noodles via their QR Code, but was given pork noodles.When we told the staff, he frowned and passed the problem to the other staff rudely. The other staff was nicer and tried to solve it by offering us some beef but it didn't come until the end of our meal. The Tom Yum Kung noodle I had was watery and the lemon grass drink was bland. The food isn't good and the service is one of the worst I've seen in HK.

今天和朋友11時30分到達黃竹坑 Southside Another Hound門口的接待員跟我們說你倆是第一個客人隨便坐我剛食完飯在喝湯的時候突然有一個兇神惡煞的女侍應站在我們面前她已經預備好收銀器跟我們說今天訂位很爆你兩需要立刻付錢然後離座電話顯示當時是12點33分我跟她理論入場時沒有人通知我們有60分鐘的用膳時間限制她竟然說我有很多訂位要應付總之你們要走香港市民請考慮是否應該縱容這種服務態度

服務差，唔抵食。同朋友約左喺Southside食晏，決定試吓一直都OK既Greyhound Cafe 旗下Another Hound。我地share嗰頭盤（雞翼- OK嘅）所以叫伙計等我地食完先上主菜。頭盤食到一半朋友主菜突然出現。佢食完，我嘅主菜無影，要催先到，雖然當時餐廳只有兩三抬。到左，個蟹肉奄列 D料少到難以置信。應該得兩羹蟹肉咁多，仲有一路D服務態度好差，完全好似係我地錯咁。唔怪得咁多人覺得香港飲食業。。。

帶位及埋單男侍應服務態度極差，佢應該希望無人入去間餐廳食。柚子沙律唔好食、 柚子好乾，沙律無汁。蟹肉飯，味道不錯，不過偏貴。菠蘿炒飯，Ok。燒和牛飯，牛肉幾好食。不過下次唔會去，因為個男侍應真係趕客。

本來中午兩個人放Lunch開心到店裡想豪食，點知接待既係一位帶口罩的中年男人，用煩躁的聲音求其叫我地坐。中午Lunch Set特別點了蛋糕，最期待就係百忙中享受佢，點知食完叫左好耐先上了一塊蛋糕，另外一隻蛋糕又要再提佢先識再上。上蛋糕時完全無叫我地選擇咩口味 然後問都唔問個叉叉左入去。 埋單既時候見到檯邊有好多唔同味但同樣價錢既蛋糕（綠茶，泰奶，etc) 問佢我：「套餐係唔係其實有得選擇其他味既蛋糕？」男侍應：「咩啊！！！？」我：「我指蛋糕 係唔係套餐可以選擇口味」男待應：「係係係係係！！！」態度非常之差 首先一開始唔知道有其他味道 所以以為Menu上所謂蛋糕就固定一隻味，到埋單問佢又問非所答。

5個人坐低, 枱面只有叉同湯匙, 可能諗住個個都叫set 所以無俾碟, 明既。到我地order 完, 因為全部都係share, 想問拎碟 揮左手好耐先有人應。當時好似只有3,4個侍應serve 全場 完全唔夠人手。其中一個男侍應帶住口罩 態度勁差。我問佢個手機app 落單點㨂set, 我一路講 佢一路好惡咁啤住我, 真係啤, 跟住我講完 佢一粒聲都無出 都係勁惡咁樣 好大力篤我個電話mon (當時我手拎住 差d 跌左), 去到果一頁, 佢都係一句聲無講過 就咁用食指指住我個mon, 啤實我 跟住行左去。全程嗯都無一聲, 好似我好阻住佢咁。到埋單 我地起身問左聲, 係咪出去埋單? 佢勁燥 好大聲咁講左 4次 "係呀係呀係呀係呀", 連隔離枱都嚇親。其他侍應係正常既。價錢都中等 唔算好貴野食一般 唔特別好食 但唔難食。冬陰公湯上枱時係出煙 但飲落係凍既, 我估計因為佢用個好大既碗懶靚咁裝 但個碗係凍既 所以一上枱即飲已經凍晒。 蠔餅煎得好, texture 係好既, 但完全無味 好似無落調味咁。蟹肉炒飯出色 乾身 好味。公司係附近, 成日都去呢個mall 食飯。不過因為呢個侍應 我以後都唔

The Southside 應該是南區最大的商場，作為南區人當然要去行返個圈。是日睇完戲就即場搵個地方食晚飯，挑選了Greyhound旗下的another hound café。環境寬敞舒適。鮮芒果酸辣鳳爪鳳爪去骨，味道酸酸辣辣，加上香甜鮮芒，更為開胃～酸辣火山骨酸辣火山骨的湯滿充滿蒜頭、荽茜及檸香，辣度非常小，喜酸的我喝了好幾碗湯！豬骨肉瘦脂肪少，吃上來非常香口。海鮮冬蔭公炒螺絲粉螺絲粉掛汁力十足！沾上濃厚的冬陰汁，開胃又惹味!海鮮份量亦十足！有大蝦及帶子！泰冰爽原隻椰子沙冰打卡一流！椰子味濃，不會太甜，不錯！

原來southside都開左another hound!!菠蘿海鮮炒飯呢個炒飯真係好正！炒得香噴噴，米飯粒粒分明，海鮮新鮮，菠蘿嘅甜味同海鮮嘅鮮味交融，帶出咗一種清新嘅口感。#馬莎文甜咖哩牛肉牛肉煮得剛好，軟嫩入味，搭配咗香滑嘅咖哩醬，真係好下飯。最正嘅係，佢哋嘅咖哩味道有層次，唔單止係甜，仲有啲微辣，食完令人回味。泰式蠔仔煎蛋配甜酸醬蠔仔鮮美，煎蛋外脆內嫩，配上甜酸醬，味道正好，可以中和啲海鮮嘅鮮味，作為開胃小食非常合適。大頭蝦冬陰功湯呢碗冬陰功湯真係唔可以錯過！湯底濃郁，香料味十足，蝦大隻又鮮甜，仲有香茅同青檸嘅清香，飲落去非常開胃。辛辣程度適中，唔會太過刺激，適合大多數人享用。

點咗個 雞肉菠蘿炒飯，作為午餐，嚟到嘅時候，買相好吸引！第一啖即刻試吓個雞肉，鞋到阿媽都唔認得，醃得好鹹！仲要裏便送咗舊魷魚圈俾我，估計係隔籬枱同一時間點咗海鮮菠蘿炒飯，啲料唔覺意跌咗落我度，不過個魷魚圈淡而無味！但食落啲飯就好好味，炒得啱啱好，仲有鮮菠蘿！正！如果可以揀走肉，我一定會揀菠蘿素肉飯！不過可惜冇得揀，只可以撩走啲雞肉，食其他材料同個飯！值得一讚，signature嘅凍檸茶，好好飲，除咗本身檸檬同茶嘅味道，仲隱約有一陣香味，不過我講唔出係咩味道！呢度地方闊落，都坐得好舒服！