Appa Kitchen (已結業)

輕輕鬆鬆輕便餐。。呢家韓國餐廳老闆同老闆娘都好nice 。我地叫佐5樣-甜辣炸雞，韓式炒炒c,韓式牛肉壽司，芝士炒年糕，泡菜煎餅 。樣樣份量都唔多 但都足以食飽飽 。甜辣炸雞味道甜甜少辣 肉質好滑 炸粉唔厚，炒粉c無就咩特別 芝士炒年糕 真系好辣辣辣呀 我覺得最好食既都系泡菜煎餅 少少酸少少辣 味道岩岩好 但價錢同份量就。。。。

週日出尖沙咀晚膳，想搵平平地又好味的地方，打算到阿芳餛飩，去到門口才知原來尖沙咀店星期日不營業，只好找其他地方，看到隔阿芳幾個鋪位有間很細的韓國餐廳，見店外的餐牌價錢不貴便試一下。店鋪只有約十個座位，廚房很有屋企感覺，店主是韓國人，會說一點廣東話及英文。說回食物，餐牌上都是比較簡單的韓式食物，鍋類及烤肉等都沒有。韓式牛肉手卷非常足料的手卷，有牛肉、蛋、紅蘿蔔、菜和醃蘿蔔，整個手卷口感及層次豐富。涼拌粉絲喜歡吃粉絲但又覺得炒粉絲油膩，涼拌粉絲正合心意。粉絲加上大量菜絲，醬汁辣中帶甜，好開胃，會令人食不停口。甜酸雞球雖然是冰鮮雞但做得算滑身，甜酸醬上加了些花生碎更加香口。

對於韓國紫菜卷有一鐘喜愛，要試哂咁唔同既紫菜卷我先會心息。今次係尖沙咀呢間傳統韓國人開既餐廳，阿朱媽熱情的招呼，雖然只係叫左一碟小食都招呼周到。小型紫菜卷入邊都係傳統既配料，火腿蘿蔔蛋絲，飯就相對較少，不過有很多的芝麻在外面滿鋪，口感十足。

韓國老闆娘好熱情，服務周到，d廣東話仲好好!今次叫咗韓國泡菜豬肉飯，豬肉係五花腩，容易入口，配上泡菜同白飯，好開胃。重點係泡菜係爽的，同埋唔會得個辣字。讚！韓式甜辣雞球辣辣地，甜甜地， 兩者唔會蓋過大家的味道。加上花生係上面，口感一流。店面有點細，但係好Homey 的感覺。$40-55 per dish 的價錢係尖沙咀/ 佐敦 真係好抵。

點左碗韓式涼伴粉絲， 得個辣字，麵有好幾條還未煮熟導致太硬咬不開。。連個淨辛辣麵都要32都算。。我知係街食餐廳係甘。。最後睇下個雞扒，我都知餐牌同真實多數有少少出入，但係個size都唔洗爭甘遠掛？ 劣劣劣

第三次食呢度嘅野，最中意黎食late dinner。一人廚房由一位韓國人主理，犀利！今次叫左炒泡菜飯（$58），飯唔會太濕又唔會太乾，辣度啱香港人口味，唔似喺韓國食嘅野咁辣！韓式涼伴粉絲（$38），都幾大碗，上面有好多菜，個汁辣中帶甜。呢個辣過個飯加左$12一塊炸豬扒，粉唔厚，個汁好好味！$12其實幾抵食。仲加左$8餃子有2件！入面好多料！仲有韓國粉絲！總括黎講，尖沙咀呢個價錢呢個質素好值得推介

店名：Appa Kitchen地址 : 尖沙咀柯士甸路17號豐樂大廈地下4C號舖好味指數：8.5／10價錢：$55辣海鮮烏冬在泡菜炒飯和辣烏冬的選擇困難下讓店員推介我們。果然不負眾望，烏冬在 「 相機食先 」 後仍能保持煙韌口感，湯底亦燙口。湯底面上佈滿一層紅卜卜的辣油，其實吃上口並不是很辣，反而是覺得很惹味，海鮮和烏冬份量亦足夠。店名：Appa Kitchen地址 : 尖沙咀柯士甸路17號豐樂大廈地下4C號舖好味指數：8／10價錢：$32炒年糕中間舖着一片融化的芝士，輕輕夾起年糕，韓辣醬和芝士把年糕融為一體。年糕煙韓度足夠，醬汁內還有蔥條，夠曬濃味之餘，熱度亦非常足夠。店名：Appa Kitchen地址 : 尖沙咀柯士甸路17號豐樂大廈地下4C號舖好味指數：7.5／10價錢：$45韓式甜辣雞球甜辣醬外沾滿了粒粒花生碎和黑芝麻，賣相尤為吸引突出。一份有五粒，粒粒如乒乓球大少。雞球肉質鮮嫩，味道亦不錯，頗為開胃，唯一不足是不夠脆。

韓國菜一向都是我的最愛，近年韓燒、炸雞、韓式刨冰甚至芝士排骨等通通都能在香港吃到，的確是令我這個韓迷大飽口福，這次倒不如反璞歸真，嚐嚐最簡單的韓國菜式吧。這是一間毫不起眼的小店，老實說不是在網上看到介紹也不會注意到，而且店裏位置非常少，大概不到二十個，所以只適合2、3個朋友一同前來喔。雖然位置是較狹窄，坐得不太舒服，不過我們3個女生還是興致勃勃的。總共點了5款食物，原以為份量有點少會不夠飽，可是吃後飽肚感可是剛好呢。泡菜炒腩肉飯，這個餸很好送飯，除了泡菜，還有洋蔥和大蔥等作伴菜，加上辣醬炒香，香香辣辣的惹味非常，用上五花腩，帶點肥肉的部分煙煙韌韌，很容易就被我們消滅了。紫菜包飯，材料豐富，有牛肉、紅蘿蔔、蛋絲、菠菜和醃蘿蔔，調味亦對我的口味，麻油香氣十足。韓式炒粉絲，很細心的把蛋黃和蛋白分別煎成蛋皮切成絲放面，裏面亦有很多蔬菜，但可惜粉絲過焾了，我還是喜歡韓國粉絲煙韌爽口的質感。 芝士年糕，年糕煮得夠入味，吸收了甜辣的醬汁伴吃，是最地道的韓國菜式之一吧，也讓我百吃不厭，還加了芝士，令味道更加多層次更濃郁。炸紫菜粉絲卷，這個我還是第一次吃到，用紫菜包著已調味的粉絲再炸，上枱時熱辣辣，外面