% Arabica (K11 Musea)

營業中

休息中

坐在海傍，享受咖啡，令人感到舒適和休閒咖啡店內除了咖啡，還有的也是咖啡....著重咖啡的調配，也著重咖啡的香和味一杯精緻的咖啡除了環境的配搭，也有著對咖啡的專業對！我說的是它 - %Arabica為何喜歡它？雖然選擇不多，但卻飲出了咖啡的精髓咖啡帶來的味美之餘，也帶來了好心情，這是我在別處找不到的Spanish Latte 吸引的拉花 ，幼滑的奶泡，香濃的咖啡，味道帶甜而不失咖啡香氣，入口令人印象深刻☺️熱飲的是拉花，凍飲的以紋理作賣相Cafe Latte 是次選擇上綜合豆調配，入口咖啡味道較重，牛奶配搭之下入口感覺更香，整杯咖啡質感濃郁冷、熱之間各有特色，令人也會愛上它的味道，體會它的特色！😌

今日同男朋友過嚟K11 Musea行街街,K11 Musea幾好,近海旁,好舒服,於是行左出海旁行下,見到一間咖啡舖,有啲頸渴,於是我哋嗌野飲,我男朋友嗌左cappicinno,我嗌左matcha latte,超正,杯cappicinno拉左個心心,咖啡店黎講佢都沖得幾好飲,matcha latte比較日式,好多咖啡店都好少有,然而味道又好好😋😋重點一提,原來佢仲有咖啡豆買,岩哂我係屋企朝早出門口嗰陣👍🏻👍🏻環境更加一流,望維港,有外國風情feel,正👍🏻

%Arabica係文青必選嘅coffee shop，K11嘅新舖造型非常型格，成粒cube咁，而且邊邊位仲識發光，夜晚睇配埋對岸嘅五光十色，又型又靚！————————☕️Spanish latte用咗煉奶做奶底，所以奶味非常突出，且帶甘甜，但又唔會蓋過咖啡嘅香味，好Balance！.☕️Latte caffe揀咗混合唔同咖啡豆款，咖啡味道變得好有層次豐富，飲落唔甜，咖啡味道更突出😋非常啱米米呢啲唔鐘意甜食嘅人！

I love ☕️. Coffee lover ☕️午餐後又是嘆咖啡的時候，K11 Musea Victoria Dockside 有間 小盒子似的coffee shop ‘% Arabica’ ，那兒有很好的咖啡。Caffe Latte 在這裡飲到的是細緻，好多時飲咖啡就是咖啡，在這兒嘆到的Caffe Latte 多了一份幼滑，順口，絲一般的，這給你不一樣的感覺。除了味道連那個拉花也是很幼細，超喜歡。

戴咗口罩條用咗真係差唔多兩個月，好需要搵個空曠嘅地方除低個口罩深呼吸一下，吊頸都要抖吓氣呀嘛啱唔啱🤣🤣🤣今日天氣好好去咗K11 Musea 行咗陣順便去星光大道走返轉，喺旁邊呢個四方盒子原來開咗間arabica...係陽光普照嘅底下飲下杯咖啡都係個唔錯嘅選擇👀我就飲matcha latte 好香抹茶味仲有香滑嘅奶香 朋友就飲Spanish latte 轉燕麥奶因為朋友對牛奶有少少敏感好彩呢度有得轉燕麥奶咁就可以滿足佢一時嘅咖啡癮而且又唔會敏感添！

因為疫情，所以平日中午都好多時帶飯或叫外賣，喺公司食飯後都會出去行吓，之前行過呢度已經好想幫襯，因為咖啡香味吸引，此鋪頭外型好獨特，金色外殼，喺網上見到呢間嘅咖啡亦都係好出名，今日終於一嚐佢哋嘅咖啡。Spanish Latte 我都好似係第一次聽，問真啲原來係用煉奶而唔係鮮奶沖，咁咪即係茶餐廳嘅啡走，唔知係西班牙係咪真係有呢個沖法？咖啡質素高，唔會酸亦唔會苦，有層次，但佢哋用煉奶都可以拉到花，都幾叻。抹茶拿鐵，係餐牌上最貴嘅飲品，可能係咖啡加咗抹茶混合所以成本高啲，抹茶味雖然唔算濃，但都聞到陣陣茶香，好多奶好順滑。

過去大半年，香港發生了很多事，有些事情令人感覺窒息，好想去到海邊，抽時間放空一下，加上K11 Musea 是新開的，便來到這裏逛逛。大自然的清新空氣，和美麗的維港景色，是那麼舒服，不期然令人坐下，想喝杯咖啡，欣賞美麗的景色。這𥚃有一間咖啡館，只賣咖啡和咖啡豆, 裝修已日式簡約路線為題，金光閃閃，遠遠就被它吸引了。Latte ice $50，這個可以選擇單一咖啡和混合咖啡，單一咖啡味道比較強烈。奶味和咖啡味比較重，甜味則比較淡，適合喜歡清淡而濃郁咖啡的人士。Spanish latte ice (blend)$55，咖啡味道比較重，加上煉奶的甜度，成為了一杯出色的咖啡。

近日受疫情影響 個個放假都去行山 去下沙灘為左舒服咁享受藍天白雲今日去左尖沙咀星光大道旁呢間位於戶外既 %Arabica呢度夠開揚 亦唔會話多人到好擠擁可以除低口罩飲杯靚咖啡 享受下陽光☀️店旁有幾個座位 買完咖啡可以係旁邊坐呢度既咖啡師好專業 order時會介紹而且每一種咖啡都有得揀single or blend而今次我order既全部都係揀blend 屬於較nutty 同重咖啡味同朋友order左咖啡再係旁邊座位chill下西班牙拿鐵用煉奶+cream打出黎既咖啡 第一次覺得咖啡係咁超級好味🤣啱晒我呢啲怕苦味既人咖啡飲落質地係超厚 入口係甜但又重咖啡味既Americano唔會似坊間咁啖 可以充分飲到隻咖啡豆味果酸唔重 味道nutty 飲開精品咖啡既朋友表示 忍唔住要係果度買咖啡豆自己沖下☕️享受完陽光仲可以去隔離好grand既k11 muse行下一舉兩得

今日提早放工，忽然心血來潮想望下海，所以去左K11 Musea，順便買番杯Arabica咖啡，打下個呃下like咁。旁邊有幾張不同高低既大理石椅，盡顯時尚一面。大家坐係呢度，可以一邊嘆咖啡，一邊欣賞蔚籃既天空。望一望餐單發現原來Arabica亦有售賣咖啡豆，而且幾講究，每一杯咖啡都有分為綜合豆或單品豆。幾乎Arabica所有東西都印上％，除左飲管同杯蓋之外。我叫左Iced Spanish Latte，甜度比一般咖啡高，口感順滑，奶味香濃，冰唔會太大粒，所以都幾抵飲。自從返工之後，人生彷彿失去意義。自己不斷埋頭苦幹地工作，工作可謂佔左我生活100%，諷刺既係我對自己工作沒有半點興趣，苟且偷生。不過今日朋友同我講左句幾深刻嘅說話「生命本身就沒有意義，你必須賦予它意義」。為左工作，我放棄曾經熱愛既籃球，亦好耐冇彈結他。工作唔應該佔咗我生活100%，甚至50%都嫌多，我決定之後抽番啲時間去打籃球彈結他，希望可以賦予自己人生足夠意義💪🏻。

開左成日會終於可以放工抖下啦，過左黎尖咀% Arabica 買杯野飲。傍晚時分咖啡店變左一個係海邊四四方方既發光黃色正方體，遠睇都幾靚幾凸出。由於都 evening，再飲咖啡夜晚會訓唔着既關係，今次就試下佢都多人點既 Matcha latte, 唔記得左叫 Oat milk 事關呢度有 Soy, almond, Oat milk 揀，岩晒唔飲得牛奶既朋友。呢杯抹茶鮮奶既味我覺得岩岩好，綠茶未唔會太搶，中和到牛奶既膩，絕對既 balance。係海邊吹吹海風飲下野，暫時放低工作都幾 relax.

今日早放落尖沙咀行下呢種日子實在太舒服好好陽光，春日微暖行到K11 Musea原來呢度發展到咁靚個海旁好舒服加上而家少左好多大陸人咁先係真正屬於香港人嘅海旁喺附近買左杯green tea latte原來%Arabic開左喺度每間分店嘅選址都好獨特每間都有靚景附送其實飲咖啡真係應該悠悠閒閒最近飲green tea latte都喜歡配豆奶感覺上綠茶同豆奶味道更夾店員為latte 畫上美美拉花連鎖店應該不會咁有心機吧見到咁靚，心情大好！Latte好香滑而且感覺仲無鮮奶咁肥添😛

今日去咗k11 musee 拍拖，行到有啲口渴，戴住口罩又想抖下氣，所以出咗海旁，見到%arabica 呢間咖啡店，即刻買番杯先！我叫咗普通嘅caffe latte，而男友就叫左Spanish latte。兩杯拉花都超級靚，我哋梗係唔執輸，即刻喺呢一度拎住杯咖啡打返幾張卡。呢度嘅設計真係好簡約，勁鍾意！Latte好高質，勁鍾意面頭嘅奶泡，飲第一啖嘅時候覺得超幸福，成杯嘢飲奶味香濃，用明治鮮奶，咖啡味香醇，非常好！😝西班牙拿鐵，我男朋友覺得特別所以叫嘅，佢話同普通嘅latte差唔多，多左d甜味係個底，我地覺得要細細品味先至會分辨到出嚟😝咁好味嘅咖啡都真係要慢慢飲慢慢嘆😘😘我想講呢度仲有咖啡豆賣架，有詳細嘅介紹，同埋仲有咖啡杯賣，設計都好簡約，俾人純樸嘅感覺，好靚好靚好靚！拎住杯咖啡係海旁度飲嘢，加上今日天氣超級好，杯咖啡都真係特別好飲！正！

%Arabica呢間鋪頭既野飲一直都有聽過，今日終於的起心肝去k11 musea 新開既鋪頭試，因為可以順便係行下海旁，吹下風，一路飲住杯咖啡☕️諗起都覺得好chill!!! 原來呢間分店有得賣咖啡豆架，好特別。另外鋪頭風格係行日式簡約的風格，乾淨新鮮。Ice latte tall size $50 呢杯latte 既冰度適中，唔會話好多，又唔會好少，我最怕就係唔凍唔熱咁，一啲都唔好飲！係飲之前首先我就會攪勻左，咖啡味好香醇，飲落唔會好苦，聞一聞都已經覺得好提神，飲完仲更加覺得精神！朋友仔就叫咗matcha latte tall size $55我試飲咗一啖，綜合埋朋友仔嘅意見，我哋覺得佢呢一杯嘢飲同樣做得出色，因為綠茶味同埋奶味互相配合，唔會話其中一邊嘅味道搶過咗！👍今日過咗一個好chill 既下午，期待下一次再黎呢度買番杯野飲，坐喺海旁吹下風，曬下太陽🌞

因為新肺炎，全部人出街都想保持距離。今天天氣放晴，忍不住要約朋友出街。去了新蒲點K11 Musea，逛了一會名店想喝喝咖啡，用商場的電子指南找咖啡店驚喜地發現原來人稱%咖啡在這裡也有分店！明明指南說是在G/F，但找不到，朋友本想放棄，但在我堅持下，問了職員，才知道原來是在外面露天的範圍！在超藍的天空下看到這個立方體的咖啡店份外覺得特別，甚至覺得是藝術品！能成為我近來的至愛，全因我很欣賞這裡專注只賣咖啡和咖啡豆，咖啡的種類雖無一般連鎖集團的選擇那麼多，但令我覺得更專業。就好像日本的出名拉麵店專注只賣拉麵似的。我點了almond milk cafe latte (細），朋友點了凍spanish coffee ，還笑說用煉奶的咖啡，就是茶記口中的「咖啡走」！這店一直都以自家炒的咖啡豆為「味自慢」，當然好飲，但更覺驚訝的是這兒擁有維港的靚景！隔離左右的美少女們全都有這裡打咭拍照，我當然也不錯過。靚咖啡、靚景！希望疫症能快快遠離香港！

Chilling in TST  星期日去完做野,肥妹仔我真係攰到喊。唔約朋友仔出下黎chill下真係心理唔平衡。肥妹仔我不嬲都有飲開呢一間咖啡，真心覺得佢係一分錢分貨。 spanish latte $50聽店員介紹呢一杯spanish latte係最受歡迎，因為佢唔係用全脂奶或者其他奶，而佢係用咗 煉奶，所以比一般嘅latte甜，唔需要落任何糖，但係佢嘅咖啡味亦都好香濃，超級好飲。lemonade sparkling $50肥妹仔嘅朋友叫咗呢一杯檸檬特飲梳打水，肥妹仔冇飲，不過聽返朋友仔就話佢呢一杯檸檬梳打水好特別，有落香料，所以比一般嘅梳打水仲加多層次。