影片
營業時間
今日營業
10:00 - 22:00
星期一至五
11:30 - 22:00
星期六至日
10:00 - 22:00
公眾假期
10:00 - 22:00
以上資料只供參考, 請與餐廳確認詳情
相關文章
喺附近買完嘢，又到食飯時間～行到呢間餐廳門口，見到好似幾舒服就入左去😌為左避免選擇困難症發作，都係揀set好啲🤣starter 我哋揀咗cold cuts & cheese 拼盤，同白酒炒蜆配香辣檸檬白酒高湯平時唔係好敢叫Cold cut，因為要人多先食得晒，今次呢個作為頭盤一兩個人share剛剛好👍🏻蔬菜類有調味過，少少酸好開胃白酒炒蜆，好香白酒味，完全冇沙，意大利香草包好香脆，用嚟點白酒高湯一流😋😋大蝦蘆筍意大利燉飯配龍蝦忌廉湯醬，很喜歡risotto 嘅口感，唔太生又唔會太稔，龍蝦味好濃，正👍🏻意式烤乳豬配薯蓉及蘑菇汁，皮好脆，肥瘦適中，薯蓉好幼滑，加埋蘑菇汁好香再來兩個甜品，我哋揀咗Tiramisu同埋cheese cake配士多啤梨醬甜品都頗為大份，意大利餐廳嘅Tiramisu實在無可挑剔😋😋😋 cheese cake加埋酸酸甜甜嘅士多啤梨醬，芝士味香濃得來又唔會太膩估唔到由Starter到main course到Dessert都好有驚喜
繼續閱讀
Alonzo 有 $268 3 course brunch 但我哋心大心細最後都係要咗 À la carte menu~Handmade Burrata Cheese with Sicilian tomato & basil pesto比平時一般更為淡口嘅 Burrata，食完無乜負擔~ 最鍾意嘅竟然係個蕃茄，超甜，好食~Beef Carpaccio - Beef Tenderloin, wild rocket, parmesan cheese & truffle paste呢款意式生牛肉薄片我哋一致地認為係唔太好食，口感係夠軟滑但食落係無應有嘅牛肉鮮香🌚滿心歡喜但食完係靜曬~Italian Frittata with sausage, asparagus & melted cheese 意式焗蛋餅 - 配香腸，蘆筍，芝士一開始我以為啲香腸，蘆筍會切碎喺入面，點知係原條放喺面頭，個樣有啲震撼 🖖（謎之好似 Halloween d special menu 咁）~ 呢款我鍾意，個蛋好 Fluffy 有啲似梳乎厘咁嘅感覺，食落帶點肉嘅油香，一啲都唔 dryRigatoni Amatriciana - Roman guanciale, onion & tomato 蕃茄煙肉條紋長通粉Rigatoni 夠彈牙 Al Dente，雖然個長度有啲吊詭好似特別短咁，但都好索汁。蕃茄汁底濃鮮，而且豬面頰肉夠鹹香~🥓Tagliata Sandwich - Black Angus in mustard & mushroom gravy 牛柳三文治切得好醜樣，仲要一路食一路散要大扣分 😥Sauteed red wine & theyme mushroomsAlonzo's signature tiramisu (single portion)Tiramisu有咖啡香，口感幼滑又輕盈~唔錯加多 $198 有 2 hours free-flow 🍷🍾~係抵玩嘅
繼續閱讀
又到我至愛嘅Restaurant Week，今次揀咗灣仔一間意大利餐廳食lunch，順便慶祝媽咪生日，前一晚先扑鎚訂位，響特殊要求寫上＂for Birthday”，估唔到餐廳咁好會響碟寫字兼唱生日歌，作為一個小驚喜。🍴餐湯⭐️⭐️⭐️🍴沙律⭐️⭐️⭐️⭐️好似打碎咗嘅薯仔湯，味道ok。黑醋車厘茄火箭菜沙律，好新鮮好味。🍴大蝦蘆筍意大利燉飯⭐️⭐️⭐️⭐️賣相靚，龍蝦忌廉汁香濃惹味，意大利飯煙煙韌韌但唔會過硬，香草大蝦蘆筍配搭唔錯，大家一致認為主菜之中最好味。🍴招牌卡邦尼意粉配風乾豬面頰肉⭐️⭐️⭐️醬汁比較濃杰，凍咗會變漿糊，意粉煙韌口感啱好，脆口嘅面頰肉帶點咸香，好似食緊乳豬皮咁，好好味，不諱為招牌。🍴意大利四重芝士長通粉⭐️⭐️⭐️⭐️鍾意食芝士嘅人就不能錯過，雖然係無配料齋通粉，但芝味香濃，通粉管埋藏咗好多醬汁，咬落爆晒汁，就算凍咗醬汁都唔會變杰。🍴芝士蛋糕⭐️⭐️⭐️芝士質感creamy富奶香，餅底肉桂味非常重，家姐話唔錯，愛肉桂人仕必食。三人共消費：$489
繼續閱讀
朋友約食補慶祝我生日飯套餐內嘅唔算太岩食，所以散叫想食burrata cheese,菜式上鋪滿咗太多醬料影響整體沙律嘅味覺👅另外叫咗個蟹肉以扁意粉估唔到全碟蟹肉份量都頗多，而且味道鹹淡適中，蟹肉同意粉都幾入味，好不錯👍叫咗個蝦意大利飯軟硬嘅口感不錯，蝦肉新鮮，但唔算好大隻另外再叫咗燒五花豬肉，燒豬肉底部配咗部份薯蓉，但係燒豬肉有部份燒得過熟令到整體好硬，有部份都可以入口，燒得不太均勻🥴生日慶祝，所以幸得員工同朋友們一齊唱生日歌，有Tiramisu蛋糕，甜度唔算好甜，所以都幾好食😋唔記得影蛋糕相🥴蛋糕上有寫上Happy birthday，而且食店嘅員工都會一齊唱生日歌整體氣氛good good ，而且服務都好好
繼續閱讀
Bread basket點餐後店員會奉上2款麵包，分別係果仁提子乾包同蕃茄包，烤過後麵包香脆又熱辣辣，再蘸點黑松露醬更加惹味Starter - 精選意大利凍肉及芝士拼盤Cold cut入口鮮嫩帶鹹香，2款芝士濃郁滑溜，配上新鮮沙律菜，紅椒絲、洋蔥同橄欖，清新解膩，擺盤用長形木板，凍肉同芝士整齊排開，賣相精緻Starter - 白酒炒蜆 配香辣檸檬白酒高湯及香脆意大利香草包蜆肉鮮嫩juicy，湯汁帶白酒香同微辣檸檬味，意大利香草包烘得酥脆，蘸點湯汁更惹味Mains - 大蝦蘆筍意大利燉飯．龍蝦忌廉湯醬 (+$28)Risotto 米粒煙韌，吸滿龍蝦忌廉湯，濃郁滑口，大蝦亦彈牙鮮甜，加入少許蘆筍同小蕃茄，咬落有層次感，唔會太膩，絕對係一道出色嘅risotto Mains - 意式烤乳豬 配薯蓉及磨菇汁 (+$58)乳豬烤得外皮香脆，肉質實淨有肉香，咬落有嚼勁又唔油膩，配菜嘅薯蓉軟腍滑溜，磨菇汁味道濃郁，幾滿足Desserts - 招牌提拉米蘇Tiramisu 入口綿密滑溜，咖啡香濃郁混埋酒香，入口即化，又有微苦回甘，頂層撒可可粉，樣子精緻Desserts - 芝士蛋糕配士多啤梨醬芝士蛋糕味道香濃，士多啤梨醬酸甜清新，餅底脆爽同芝士混搭，唔會太甜，有少許肉桂香味點綴，食落唔會太膩📌Ask For Alonzo (灣仔)地址：灣仔星街8號地下B號舖
繼續閱讀
您可能會有興趣的...