Aurora Fusion Restaurant (已結業)

尖沙咀lunch搵食一係就貴到喊一係就逼到嘔今日行過見到亞士厘道新開左間黃店睇見個logo覺得好好笑似係食泰國菜但睇完餐牌其實係西日fusion之類點都好 要試佢一下我哋安排坐喺梳化位有空間感雖然話唔趕但係午餐時分上餐速度係好重要依方面Aurora真係抵讚嘢食方面都唔錯雞有雞味 牛有牛味加$10仲有甜品揀睇得出啲細位都照顧埋有sea salt同埋我最鍾意嘅好味牌茄汁Heinz整體都好好 睇嚟lunch有多一個選擇我會再次幫襯

開心星期五 打工仔緊係要食好啲啦午市供應 海鮮丼 意粉 燒春雞 豬牛扒環境寬敞光猛 滿座但係都好快有位.🐄 澳洲肉眼牛扒8oz $98(+10%)肉眼扒煎到兩面微焦 肉身保持軟嫩不過個火力唔太夠 入口唔算外酥內軟嗌咗七成熟 啲肥肉位真係好正🥰不過第二次食 塊扒就熟過頭變到好乾建議嗌返五成 又聽講豬腰扒更加好吃主食有齊晒黑醋沙律 雜菇意粉 炸薯角而西餐本身會附送是日靚湯 都幾大碗.午市套餐(+$15)有凍熱飲同是日甜品試過焦糖燉蛋同埋藍莓奶凍 都唔錯🤘燉蛋好軟滑 好重忌廉但冇乜香味蛋味.後記：✍️九成客人都係叫西餐 但丼飯賣相唔差

Happy Friday要食好D!今晚黎到尖沙咀亞士厘道，一早BOOK左Aurora Fusion Restaurant，主打高質西餐同日本菜，好友極力推薦!餐牌選擇種類繁多，包括沙律、小食、主菜、刺身、和牛等。巴馬火腿比爾芝士蘆筍卷充滿鹹香巴馬火腿配鮮甜爽嫩蘆筍，再夾雜口感香濃柔滑比爾芝士，一鹹一淡搭配得剛好，咬落清爽怡人，味道突出有層次，夠哂開胃。串燒拼盤有齊豬肉、雞肉、羊伕、牛肉各兩串，肉質細膩柔嫩，咬落彈牙多汁，啖啖肉夠哂滋味，香口又惹味伴碟附新鮮沙律菜，中和串燒膩口感。三重芝士、辣肉腸焗薯條味道鹹香辣肉腸配濃郁半溶芝士，口感層次豐富，薯條即叫即炸熱辣辣，金黃色澤，焗得香脆可口，超正!特選刺身(竹)件件新鮮，口感極佳。吞拿魚腩肥美，口感腴滑綿密，活北海道帶子鮮甜爽滑，口感豐腴，時令海膽清甜無比，口感柔軟奶滑，油金魚腩紮實爽口，油脂夠肥美，三文魚腩肉質細緻口感肥嫩，牡丹蝦晶瑩透亮，鮮甜彈牙。店員面帶笑容且態度殷勤熱情，加水、收碟動作迅速，食材新鮮又用心製作，值得推薦!

尖沙咀又有新餐廳開幕，今次黎到位於亞士厘道嘅西日fusion餐廳，門口嘅霓虹燈牌就好似漆黑中嘅極光，亦姐係店名Aurora嘅意思👀餐廳大玩fusion菜，大部份食材用料矜貴，例如龍蝦、海膽等；餐廳環境亦好闊落，背景播住輕快嘅DJ remix歐美音樂，收工同同事黎happy hour會係個唔錯嘅選擇👍🏻《刺身 油甘魚腩》油甘魚嘅刺身就食得多，有腩位提供嘅餐廳就真係少見，三片刺身好厚切，估唔到腩位嘅肉質會係實在同爽口，口感好得意😝另外擺盤亦好講究，好喜歡刺身碟嘅花紋🌼《燒油甘魚鰭》燒得金黃，連魚皮都燒到卜卜脆好香口，魚肉就一啲都唔乾身，好滑之餘仲啖啖魚油香，驚喜在伴碟有好多沙律菜😝《西班牙乳豬 1/4》✨✨✨係好驚艷嘅乳豬😍1/4份量都好多，夠晒兩個人share！甘香而閃閃發亮嘅乳豬皮，簡直係邪惡😍豬肉充滿油脂香，好嫩嘅肉，連埋爽脆嘅皮食，層次好豐富！如果食膩咗，仲可以食埋旁邊嘅菠蘿莎莎，酸酸咪咪好醒胃😋👍🏻係整晚最喜愛嘅菜式❗️《慢煮紐西蘭羊架配薯蓉》慢煮嘅羊肉特別鮮嫩，最中間嘅位置仲係淡淡嘅粉紅色，剛好嘅熟度👍🏻因為食材新鮮，簡單淋上燒汁已經係足夠嘅調味，特別欣賞佢嘅薯蓉，好滑好香牛油

整體環境舒適，待客至上，點了些炸物，壽司，西班牙式乳豬，服務員有禮真誠！食物制作亦見用心有質素！BEER 新鮮！總括令人留下非常好的印象，值得再三光顧支持的好店！