Aurora Fusion Restaurant (已結業)

黃到金的Explorer Fusion Restaurant繼在水貨城上水開熟食小檔後，來到尖沙咀繼續老本行 - 日西Fusion菜。話明日西fusion，怎少得日本菜必有的吧枱位？不喜歡坐吧枱位置，還有四四正正的4人枱。招牌斧頭扒和西班牙乳豬全體有生日優惠，但要提早預訂。Fusion卷物有8款可選，今次先試2款吧。餐廳還有酒精供應，想有happy hour優惠就要坐BAR枱了。竹炭天婦羅蝦卷配明太子醬 $108炸天婦羅蝦卷看似普通，但很出色。炸蝦非常香脆，連外圍包著的紫菜也炸過，很可口。壽司飯已經撈好豉油，點些明太子醬超惹味。Aurora彩虹海膽魚生卷 $228彩虹海膽魚生卷內有三文魚、柱貝、三文魚子，海膽，也很新鮮。但款式比較普通，個人較喜歡炸蝦那款，較有驚喜。西班牙乳豬 1/4隻 $238乳豬不是烤得太燶，輕輕以鹽調味就夠。乳豬皮很薄脆、不黏牙。肉質非常嫩滑，伴碟的沙律用上菠蘿粒，可以平衡乳豬的油膩，非常細心。價錢略高，但勝在有質素。同路的良心小店，值得推薦。

與友人在尖沙咀找一間舒適的食店，不限制時間，可以傾下計。找到這間，環境舒適，價錢又合理 原來是西日 Fusion 菜，有好多食品都很有特式。我們點了「田園沙律」、「西班牙乳豬」及「韓國 KimBap 卷」。嘩！第一碟菜是田園沙律，初以為普通一碟蔬菜生果沙律，誰知店員在我們面前倒出沙律！店員一邊講解，一邊倒出沙律，樽口會見到有煙出，原來是煙燻！D蔬菜生果非常新鮮，很清新，醒胃 這個真的不錯，非一般的沙律！西班牙乳豬，乳豬皮脆肉嫩，店員提醒可加那個酸酸甜甜的醬汁，這樣就不覺太油膩。加了醬汁又有不同的口感，好味！ 這個是驚喜！擺得好靚！韓國 KimBap 卷，初以為有泡菜會太辣，怎知味道配搭得好好，好有層次，很好味 

著名沙田石門黃店Explorer Fusion Restaurant殺入市區，最近於尖沙咀新開分店 - Aurora Fusion Restaurant，店名就是為了尋求希望及曙光，甚有意思。餐廳面積寬敞，內裡裝修得頗有格調，配合昏黃柔和的燈光，氣氛悠閒。餐廳將西、日菜式打造新派fusion菜，款式繁多，沙律、各式小食、主菜等等包羅萬有。竹炭天婦羅蝦卷配明太子沙律醬 $108卷物緊緊包裹著天婦羅炸蝦，飯粒握得緊密，軟硬適中，夾起來不易散開。天婦羅炸漿亦不厚，蝦肉入口爽彈，配上粉橘色澤的明太子醬，微辣又惹味。串燒拼盤 $158串燒雖然看似是簡單直接的烹調技巧，但其實難在如何控制以高溫烤熟食物又不傷食材，這碟串燒拼盤一上枱已是香氣撲鼻。豬、雞、羊、牛各有兩串，份量十足，每串都是啖啖肉，表面帶焦香，燒雞串滑嫩不鞋口，以各種香料交織出的串燒羊肉，辟去羊肉本身的羶味。油浸黃雞配普羅旺斯燴菜 $148主廚貼心地去掉皮下脂肪，使雞皮薄如蟬翼，燒得份外香脆，乾爽而又沒有油膩感，真真正正做到皮脆肉嫩。燒雞夠厚肉，燒烤期間把油份迫出，變得肉汁豐富，肉質嫩滑，沒有絲毫雪味。這晚還每枱免費贈送一杯鱈魚白子，十

朋友之前帶我去黃店吃飯，這次到我帶她去黃店用餐，我選擇了Aurora Fusion Restaurant，因為數年前我去過石門的Explorer Fusion Restaurant吃過飯滿不錯的，不過位置對於朋友來說較遠，尖沙咀分店相對鄰近朋友家，所以就此決定去Aurora Fusion Restaurant。朋友熱情地說來到黃店，所有食物都要點帶點黃，哈哈。明太子吉列炸生蠔黃到不行，為何我這樣說? 大顆的生蠔炸得色澤漂亮不在話下，沒想到除有明太子的點綴外，還有閃閃發光的金鉑，用料不惜成本。生蠔炸粉薄脆，蠔肉肥嫩多汁，明太子夠香辣，與生蠔鮮美相互交融。竹炭天婦羅蝦卷配明太子沙律醬一吃就讓人停不下來，壽司醋飯加入竹碳變成討喜的焦糖色，飯粒粒粒分明，味帶酸香。天婦羅蝦外層金黃不油膩，吃起來酥脆彈牙，明太子醬使竹炭天婦羅蝦卷更香濃，將這份口感和滋味留在口中。油浸黃雞配普羅旺斯燴菜視覺的美味與實際品嚐的好吃度成正比，油浸黃雞皮薄香脆，雞汁鎖進雞肉裡頭達百份之九十，雞肉軟嫩無比，用刀稍稍切開輕易骨肉分離。油浸黃雞底下的普羅旺斯燴菜新鮮高質，並吸收油浸黃雞的精華，香氣撲鼻。黑松露溫泉蛋忌廉汁意粉配

返工時間長，放左工緊係要食返D好野放鬆下。揀餐廳就緊係要揀有良知既，咁先食得安心又放心架嘛。黎到尖咀亞士厘道呢條食肆林立既小街，見到呢間開張冇耐既餐廳，門口貼住呢份報紙，諗都唔使諗就入去。由於餐廳新，D佈置同環境都好新淨，又有新派現代既風格。餐廳主打fusion，西日泰合壁。呢度都有新鮮既刺身壽司，不過我地選擇熱食，所以冇影到。睇睇部分餐牌先：野食黎得相當快，唔錯。串燒拼盤＄１５８。豬牛雞羊各兩串，我最欣賞佢既雞串，燒到外脆內軟，女友就最愛羊串，羶味唔濃，但又保留到羊既味道，值得一提既係既個沙嗲醬，好濃郁既花生味，配肉食真係一流。油浸黃雞配普羅旺斯燴菜＄１４８。雞用左原隻雞脾，睇落好似係燒雞咁，但食落去，皮固然脆，但肉既口感極似雲吞雞果種嫩，好特別；呢個就係個燴菜，其實用左蕃茄醬撈出黎，酸酸地好開胃。黑松露溫泉忌廉汁意粉配深海魚子片＄１９８。呢道菜都幾fusion，店員仲即場幫你磨芝士，磨到你叫停為止。黑松露既味道岩岩好，唔會濃到滯，調味上值得加分。食食下睇到呢間餐廳就客滿，香港人既信念未曾減弱，每個真香港人都唔會輕易放棄，繼續撐落去。

近排新開既鋪頭~Lunch menu一係西餐/海鮮丼飯~種類選擇唔係話多，但係款款既配搭好吸引。+$15 仲可以配埋甜品同飲品~🥰🥰 原來佢仲有送餐湯，丼飯係配麵豉湯，而西餐就配甘旬泥湯~少少鹹mix 纖維 好似食糊仔禁。大部分係店既客人都係食西餐 聲稱唔落味精 叫左個藍青口意粉~佢既忌廉汁意粉好creamy~藍青口大細適中，可惜佢唔係隻隻都開哂口，同無鮮味~意粉好加分，而且份量都幾大碟，夠飽。下次會想試佢海鮮丼飯。

#hkfoodmap尖沙咀.𝐹𝑜𝑙𝑙𝑜𝑤 ℎ𝑘.𝑓𝑜𝑜𝑑𝑚𝑎𝑝 𝑓𝑜𝑟 𝑚𝑜𝑟𝑒 𝑓𝑜𝑜𝑑 🍽.去𝚋𝚊𝚛唔飲野食正餐一樣可以🥰🥰🥰 𝚏𝚞𝚜𝚒𝚘𝚗餐廳🍽無意中發現左呢間高質店！連平時唔食羊嘅我都忍唔倒口🤪慢煮紐西蘭羊架配薯蓉 $𝟸𝟾𝟾羊架除左皮嘅部份少羶 肉嘅部份羶味唔太強～我平時唔食羊肉都入倒口 而且我同同行朋友都覺得好食！羊嘅肥瘦分佈好平均 慢煮嘅肉嫩滑得黎仲好𝚓𝚞𝚒𝚌𝚢🤤個汁都好香！薯蓉粉得黎好香好綿 超重牛油味 大家都食到停唔倒🤪香蒜大蜆扁意粉 $𝟷𝟾𝟾意粉嘅軟硬度剛好！有咬口而不會過硬～大蜆係驚喜位 入口超𝚓𝚞𝚒𝚌𝚢 幾新鮮！不過調味就略為少咸🍽三重芝士辣肉腸焗薯條 $108薯條夠脆 芝士唔算話好多 但食落已經好香！加埋辣肉腸口感超讚！特選刺身6款 竹 $498估唔到bar and restaurant 都有刺身！雖然價錢唔平 但食落去剌身都真係新鮮！鮮甜無雪味！帶子刺身尤其出色～～干邑龍蝦湯 $128超重龍蝦香味 小稠身～不過龍蝦湯入面個decoration唔係龍蝦有啲gag🤣整體好飲嘅 但唔習慣重味嘅朋友可能會覺得咸喔❤️btw呢度嘅店員都好有禮貌好細心食嘅中途仲幫我地換碟☺️

黃到金嘅 fusion菜， 一入門口開始就見到雙向字體嘅消毒洗手液機開始。。。黃到金美食體驗🎊 正式開始 🎉🎉先呢一個特選手握🍣壽司拼盤八 配蔥吞拿魚小卷😋 有 拖羅食一啖口裹散發濃郁魚油芳香 鮮味甘甜嘅肉質 口感柔軟入口即口感有著滿滿幸福感北海道帶子肉厚味甜，極富彈性味道濃郁鮮甜海膽 食上去口感奶滑濃郁而且入口即溶味道相當鮮甜油甘魚肉質結實爽口，以柚子酸汁作點綴 口感清新,十分開胃三文魚腩 🐟仲有Big Big牡丹蝦🦐油浸黃雞🐥配普羅旺斯燴菜， 烤焗皮脆肉嫩香氣四溢 配甜甜酸酸燴菜🍅🥒西班牙乳豬 🐽乳豬皮脆肉嫩好juicy, 店員提醒我哋食後乳豬口感比較油膩可以食番啖佢哋自家製生果整成嘅sauce 🍍🍅

餐廳：Aurora Fusion Restaurant (尖沙咀)地址：尖沙咀亞士厘道35號地舖香港愈黎愈少黃到金嘅餐廳🎗，今次去到尖沙咀亞士厘道呢間Aurora fusion Restaurant🍴，佢地主打西餐同日本菜式，而取名Aurora希望比客人係城市中尋找到一點美食嘅曙光✨未入到餐廳已經比佢嘅文宣吸引咗😍，門口仲有餐廳嘅LED logo，好搶眼。酒吧吧枱🍻、西式餐桌、日式壽司吧枱🇯🇵，估唔到同一間餐廳可以見到咁多元化嘅特色👍🏼成日聽人講黃店都需要有好嘅服務態度同食物質素，相信你係呢度點都唔會失望😎，除咗店員簡單介紹餐牌特色之外，食飯中途仲會不時幫我地換新碟🍽，而今餐叫嘅嘢食都係店員介紹嘅西班牙乳豬(1/4隻) $238呢隻乳豬得尖沙咀分店先有，1/4隻唔好以為好少！其實肉量同飽腹度都幾高😋。薄脆嘅乳豬皮，痴住脂香味濃嘅脂肪，仲有超軟腍幼嫩嘅乳豬肉，層次分明好惹味！怕會太膩？唔洗驚🤪，因為伴碟有加咗黑醋汁、好開胃嘅沙律🥗，同埋墨西哥菜成日見嘅菠蘿莎莎醬🇲🇽，微酸甜嘅菠蘿🍍，加埋辛香嘅紅辣椒🌶️，可以完美咁中和返乳豬嘅油膩感，真係食多兩舊都仲得😆香蒜大蜆 $188店員推介我地食蜆，

慶祝周年紀念都不忘要懲罰一下黃店，朋友推介呢間位於亞士厘道新開的黃到金餐廳，食fushion菜，即係想食乜都有，岩哂我呢d乜都想試既人，餐廳設有戶外及室內座位，裝修走型格風格。特選刺身 6款 (竹) 刺身有中吞拿魚腩、活北海道帶子、時令海膽、油金魚腩、三文魚腩和牡丹蝦，中吞拿魚腩的油脂不會太多之餘亦可以吃到吞拿魚的鮮甜，活北海道帶子帶有清新的海水味，肉質相當厚實，入口超有彈性，海膽質感很creamy，而且味道甘甜，海膽味亦非常香濃。西班牙乳豬1/4 可選1隻、半隻或1/4隻，兩個人食1/4隻剛剛好，燒到外皮酥脆，咬落去脆卜卜，內裡肉汁被鎖住，一咬落去肉汁填滿哂成個口，只用了鹽來調味，可以食到乳豬的原汁原味。黑松露溫泉蛋忌廉汁意粉配深海魚子片 這裡的芝士粉是用芝士即刨出來，又新鮮又香濃的芝士味，配埋黑松露味，非常夾，意粉煮到剛剛好，食落有彈牙。燒油金魚鰭燒到剛剛好，魚肉依然很滑，很juicy，外皮燒到香脆，魚油好香

極光體驗@Aurora Fusion Restaurant尖沙咀亞士厘道35號地舖AURORA英文一字是指極光, 心中一個人生中必定要去的旅行體驗, 便是去一次極圈看極光。一般跟團也要4-5萬元起跳, 且看不看到也是要配合運氣天氣, 天時地理人和。財政及假期問題仍未實行到的旅行大計, 大豬今日同我來到AURARO Fusion Restaurant,初步實踐一下夢想, 去AURARO食晚餐。話是FUSION菜 ,我倒是覺得似多國菜更貼切, 西式日式菜系都有,$78 田園SALAD ,jar 內有blueberry , strawberry,melon,pineapple ,walnut 如彩虹的層次$238 1/4 隻SUCKING PIG 燒乳豬乃SIGNATURE DISH, 怎能不試呢?1/4隻嚐嚐看, 皮薄一極塊拿下來香脆無比, 而肉的部份就是會有薄薄的脂肪層, 嫩滑多汁$148 油封雞脾, 通常食油封鴨脾,SIDE 是意式架普羅頓斯燉菜見到Ratatouille, 可以話是有點變種的法國菜, 因用了雞。油封醃完的雞, 油脂多能令到表皮很香很脆, 而雞脾肉也是含多脂肪位置, 滑

Auroru Fusion Restaurant💛💛💛 🍽💫 ..尖沙咀亞士厘道，一段時間沒到訪，發現街道變遷很大，從前的食街餐廳林立，轉眼間變成一條酒吧街的模樣，晚上把酒🥃🍻🥂🍸🍾聊天的人真不少。而我呢❓還沒吃晚餐的我，當然要找間好吃的吧👻。.走到近街尾，你就會發現有一間西餐廳，挺有格調，環境摩登時尚，還設有酒吧區，菜式多元化，有西式、日式，都是我喜歡的。食物有水準，Presentation 亦很吸引呢。.還有一點。。超級黃店💛💛💛 Auroru：曙光，希望大家都能在這個城市中找到曙光。.l刺身盛]l $328🇯🇵 好新鮮的日本刺身✈️ 空運魚，魚肉晶瑩剔透，很鮮味。師傅👨🏻‍🍳 刀功細緻，魚刺身活像藝術品，起肉後的原隻魚骨🐟 做擺盤，栩栩如生 很吸引呢。.(Main Course) 慢煮紐西蘭羊架配薯蓉 $288Sous Vida New Zealand Lamb Rack with Mashed Potatoes and Gavy🍽 羊架亦同樣具水準，肉嫩而帶粉💕，肉質不錯，吃出微微天然羊應有羶味。底下Mashed Potato 亦綿滑吸盡羊汁。.ll $168Carbonara

聽朋友講尖沙咀新開左間西日fusion 所以特登相約去食 順便聚一聚😄book左位可以直接入座 位置寬躺 可以坐得舒服咁傾計生蠔🦪擺盤好靚 而且夠新鮮肥美 食落好creamy 帶海水咸味 不錯特選手握壽司拼盤 配 蔥吞拿魚小卷🍣嘩嘩嘩😍擺盤又係好吸引 勁打卡able!!!吞拿魚腩 (中)油脂比例高 充滿魚香 入口甘香 おいしい！活北海道帶子上面更有金箔點綴 更昇華至高級享受 帶子本身好新鮮同厚身 好滿足❤️海膽夠肥厚而且味道濃郁甘甜 一顆絕對不夠啊🤤好想再食另外油甘魚腩同三文魚腩壽司都係油脂比例高 一入口已經充滿魚香 令人回味😌牡丹蝦size好大隻 肉質彈牙 味道超甜仲忍唔住損左個大大個蝦頭👅好味道美國牛柳 10oz配左牛油 薯仔🥔同一d蔬菜 個醬汁係燒汁揀左medium rare 食落好嫩滑而且juicy 肉汁都鎖喺裡面牛肉香配埋牛油🧈香到不得了！總括而言 呢餐同朋友都食得相當滿足而且侍應幾細心service不錯都幾值得再黎啊🥰

黃到金日西fusion餐廳，想不到在尖沙咀的阿士厘道開業了！門口掛著黃到金等口號，店內的選擇除了壽司刺身之外，還有西式扒類跟意大利粉，非常多元化主打酒吧風，店員也滿有禮的，不過由於新開，暫時客人不多食物：上級壽司八貫$208八件件頭不大，但賣相一流。常温的刺身味道質感趒突出，用赤醋米煮飯節日就比較好竹杜洛克豬鞍架$238口感非常軟稔，肥的部分當中不會太肥膩，還非我好咬，加些黑胡椒就可以吃完結帳：服務質素 裝潢都很不錯，偶爾光顧黃店喝兩杯吧！

唔知大家有冇試過喺海防道經寶豐大廈入口可以行入去一條食街叫亞士厘道呢條係堀頭路唻所以即刻靜返啲 都幾適合同朋友飲嘢餐廳outdoor適合三五知己飲嘢Indoor就適合聚餐由門口到餐檯上嘅setting都非常雅緻好有西餐嘅浪漫情調不過呢啲都唔係重點餐廳電視唔止係唔播tvb咁簡單直情係loop住播鏗鏘集尤其係721我frd一睇到就著咗掣咁拎起menu係咁嗌嘢食由snack到main course選擇都好多我開始明點解西餐fusion要搭壽司因為西餐醬汁調味等都較濃日式料理就係個好嘅中和Snack嗌咗個tacos呢樣係好適合由頭食到落尾嘅嘢唻由飲住嘢等上菜 食飽回一回氣 到一路傾偈一路𡁻牛油果salsa 大量cheese 炸到脆身嘅bacon 係好好嘅appetiser之後嘅西班牙乳豬就真係需要一上就趁熱食咁你先會試到三層口感皮脆脂肪薄但油香四溢肉嫩而juicy 帶咸香之後嗌咗個蒜香蜆肉意粉同平時嘅蜆意粉比佢大大約兩三倍而且係有汁有肉地嘅蜆唻意粉收汁收得幾好 乾身但唔會一餅嘢四支骨嘅羊架老實講羊架好多餐廳都做得好當然呢間都唔差夠嫩夠鮮 但唔會好肥好騷但令我最impressive係個薯蓉極幼極