B.Duck & Buffy 德記茶樓 (已結業)

好多時 "睇得" 既野都唔係幾 "食得", 但 > 小黃鴨茶樓< 竟然係例外! 除左味道不俗之外, 仲份量好夠!!! (我一家四口都係大胃王, 信心保證!)員工服務態度超好, 幾個都勁友善同禮貌~若非受社會事件影響, 相信呢間野遲早都一定會大排長龍!我地去個個晚上, 直程係包場~影相一流呀!餐廳環境就唔POST啦, 留番畀大家去到現場細心欣賞啦!建議大家都可以趁宜家呢段時間TAKE D RISK ( "D" RISK 喳! 始終都係安全第一~) 去幫襯, 直入 無人之店 打卡!亦用行動撐住香港大受打擊的飲食業...唔講咁多, 去相!!!

有一次無意之間行街既時候發現到呢座新大廈，原來入面有幾間新餐廳，其中一間仲要係食點心。入到去好似去左一個樂園咁，好多好可愛既B.Duck。每張枱都有一個公仔可以用黎打卡😊，配合埋印有B.Duck圖案既茶具食野，睇到都已經好開心蝦餃同平時食既蝦餃差不多，蝦好大隻秘制和牛粒飯和牛粒好大粒，個汁甜甜地幾好食，而且好耐熱。放左個飯好耐都係熱既👍🏻芥末脆芋手撕雞雖然唔係好食到芥末味，但係可能加左少少脆芋係入面，令到個口感都幾得意。拔絲地瓜條地瓜上面一絲絲彩色既口感好似棉花糖，加埋本身唔係好甜既地瓜一起非常夾，如果中意食甜既可以一試灌湯餃湯底飲得出花左心思係入面，唔係方間用既清湯而且餃子肉質嫩滑，推介推介👍🏻主題餐廳都可以好好食，下次要再帶朋友過黎食

朋友係b duck嘅粉絲，見到旺角開咗間新嘅點心店用b duck做主題，所以即刻去試吓！平日六點幾上到去唔係好多人，不過裝修好新淨超級可愛，好多b duck嘅公仔好靚呀！茶位$8位，雖然只用上茶包，不過茶好香👍🏿點心紙設計好靚，我哋揀咗啲有公仔嘅點心，例如蝦餃燒賣叉燒包，全部都有b duck公仔，蝦餃好好食，個皮好彈牙入邊蝦肉都好爽口，絕對高質！燒賣叉燒包都好好食，全部即叫即整好新鮮！唔止得個樣，食物質數都唔錯！

其實自己從未光顧過以卡通人物做主題的餐廳，總覺得是買噱頭，會物非所值。今次朋友聚會選擇了這間B Duck做主題的餐廳，是想當年的卡通人物呢試過後亦令我對這些主題餐廳改觀。這間德記茶樓給我的第一印象是「麻雀雖小，五臟俱全」，比起傳統的茶樓，這間空間不算大，但是充滿着懷舊風情，到處都有B Duck的裝飾及公仔。無論是牆壁上，吊飾，桌上亦擺放了不同的B Duck 毛公仔，更有一個角落是放滿B Duck精品，是打卡精選角落既然一場來到，便飲個夜茶茶界每位$8，選了香片，清香解膩。老闆果然下了不少心思，連杯碟也是有B Duck圖案的。這店點心平均質素不錯，就選幾款重點推介吧！超級推薦鬼馬墨魚，上碟是一排大大粒的酥炸球，外層炸得脆口，裏面除了有墨魚餡，更有油炸鬼！又脆又彈牙，口感層次豐富，有驚喜！必試！這碟芥末脆芋手撕雞是另一個力薦菜式。芥末味道不算很重，不會吃到一行鼻涕一行眼淚。雞絲又細，方便入口。伴隨新鮮炸起的芋絲，一脆一軟，口感相當有趣。另外亦加入青瓜絲及芝麻灑面，大大減低麻油的油膩感。當然不少得以B Duck為主題的點心，包括蝦餃皇和招牌奶皇包。點心上貼有可食用的B Duck貼紙，十分可愛

🐤超可愛 DUCK 意又好味的B.DUCK 茶樓 🐤請支持即刻俾心👍🏻🐤最近在旺角新開了一間B.DUCK 茶樓，身為B.DUCK 粉絲的我，即刻要衝過去試🐤店內好多B.Duck香港特色嘅插畫，仲有鴨子鳥籠，霓虹燈等裝飾，最得意是浮在半空飛緊的大鴨，同埋每個蒸籠上都有印 Buffy 的可愛樣🐤黃金咸水角 $38咸水角的外皮食落煙韌可口，很有質感，滿滿的一隻已連好飽肚🐤蝦餃皇 $46晶瑩剔透的蝦餃加上B.Duck超可愛可愛，半透明蝦餃皮包住爽彈蝦肉，同出面正常的一樣咁好食🐤燒賣皇 $42上而的蝦新鮮爽彈，下層豬肉帶少少香菇味很香🐤火焰叉燒包 $32B.duck 的眼鏡著火了，超好笑，真的唔捨得食落肚🐤招牌牌奶皇包 $32一口鬆軟流沙口感，包子是熊貓造型好得意🐤蛋撻 $16細細 Size酥皮蛋撻上面有Buffy圖案，用了一個好靚的木架盛載，非常吸睛🐤茶芥 $8/ 位 今次三人食了$253 / 人均$84 就食到，比想像中平而且好食，平時成日認為有公仔的茶樓正常都得個樣，德記茶樓原來都好有水準，B.DUCK 粉絲一定要去喔B.Duc

旺角新開左一間去B Duck 為主題嘅茶樓雖然我對B Duck 冇咩感覺但係女朋友係B Duck控所以我點都會陪佢去嘅.成間茶樓都係圍繞住B Duck上至天花，下至餐具都印有B Duck logo好似去左B Duck遊樂園咁甚至仲有B Duck精品售賣區添！真係完完全全為B Duck迷而設.餐牌方面亦比到吾少驚喜我地雖然以點心為主，但有亦都蒸飯，甜點同飲品特別嘅係特定點心仲印有B Duck公仔印如蝦餃，奶黃包等真係由頭到尾，都可以打卡.只係一款涼拌菜，都可見師傅嘅心思手撕雞份量頗多，成座山咁高將芋頭切得極幼，目測有0.1cm炸淋上芥末醬後，再同青瓜絲，雞絲攪拌口感極豐富青瓜嘅清爽，芋絲嘅脆口，雞絲嘅嫩滑配上芥末嘅刺鼻嘅辛辣味，真係好正.就咁睇圖片一定以為係炸墨魚丸其實係油炸鬼墨魚球外層係薄如脆嘅油炸鬼內層係爽口彈牙嘅墨魚肉外脆內軟，口感令人驚喜，味道一流.看似普通，其實係印有B Duck嘅蝦餃食之前，女朋友就瘋狂影相啦蝦餃皮超薄，內裡係滿滿嘅蝦肉蝦肉彈牙又鮮香，而且冇夾雜住肥豬肉架.以竹籃去承載，夠哂吸睛春卷係即叫即炸，所以熱辣辣又脆口內餡係滿滿嘅芋頭蓉，芋頭味香濃

有冇人同我一樣都係B DUCK FANS呢如果有，以下介紹嘅茶樓，真係必必必去呀.旺角新開左間以B DUCK為主題嘅茶樓位於彌敦道575號嘅LADDER DUNDAS 1樓茶樓裡裡外外都係超級可愛嘅黃黚黚B DUCK一出𨋢門映入眼簾嘅係一幅大大B DUCK牆畫牆畫中嘅B DUCK 同BUFFY一身唐服背景係冰室，士多，藥房等等反映出七八十年代嘅老香港風彩B DUCK係圓形掛畫中化身吾同角色反映香港各區獨特嘅特色如九龍區係人力車，香港區係小販等等作為一個B DUCK FANS淨係打卡都用左吾少時間.通常以某某為主題嘅餐廳大多著重裝修，而食物質素係得過且過原本入黎嘅時候，對食物都冇抱多大嘅希望但竟然點心係出乎意料咁高質呢.即叫即蒸，加上以木筒承載住，好吸引木筒有一個手掌般大，飯量夠面頭嘅蒸雞大大一塊，仲去哂雞皮添雞肉肉質嫩滑又實肉，吾會鞋配菜有菇片，醃蘿蔔片，青瓜片同大量蟲草花蒸飯吸收哂雞塊嘅精華淋上甜豉油一齊食，健康又入味.想食既惹味又香口就揀佢啦食過好多茶樓嘅炒蘿蔔糕一係夠入味，但炒到扁塌塌咁，賣相失分一係完整一塊塊，但過鹹，味道失分而呢款，兩點都攞哂分一個個完整嘅方磚入口先係微微焦脆

從來對卡通主題的餐廳沒有太大期望，今次純粹陪朋友朝聖卻有意外收穫。位於樓上舖的精品點心，一出𨋢門已經被其裝修驚艷，無數不在的B-duck, 還有鴨妹buffy, 粉絲打卡影相一流。就連餐枱上也有bduck公仔和餐具。茶界每位8元，同一般酒樓差不多，也是公道。芥末脆芋手撕雞很大的一份，兩個人基本上吃不完，手撕雞是用鮮雞撕成，新鮮嫩滑，脆芋是一條條的芋頭絲，炸到金黃色， 香脆，加上日式芥末調味，層次感都出來了。鬼馬墨魚很值得一試，用了炸兩的概念，以墨魚滑包住一條油炸鬼，形成一個大球體，再炸，金黃色的外層，包着彈牙的墨魚，中間就是鬆軟的油炸鬼，很有特式，而且好吃。每粒蝦餃皇上面都印有buffy的樣子，有點兒捨不得吃，熱騰騰的蝦餃，皮薄餡靚，說不想驚為天人，但也值回票價。XO醬蘿蔔糕又是很大份，四面都煎得香脆，甘香可口，蘿蔔糕還會吃到蘿蔔絲，有水準。三絲炒脆麵，不是每個酒樓都擅長的菜色，在卡通主題餐廳居然做到了，脆麵真的很脆，拌上芡汁味道口感都齊全。馬拉盞炒通菜，其實是泰式菜，在中式茶樓都能吃到，佩服佩服，還要很夠鑊氣，佩服佩服。招牌奶皇包，熊貓造型，還要影有bduck頭像，又是捨不得吃系列之

可愛Bduck新式酒樓喺旺角樓上舖，地方雖然不大但座位闊落，坐得好舒服，店員服務好好，好有禮貌，價錢不貴，黎到先發覺原來喺旺角飲茶都可以咁好享受，正！點心味道都好好，有必於集團式酒樓啲粗製濫造！再加上可愛Bduck點綴，簡直係又好睇又好食！义燒包蝦餃鮑魚雞粥，呢度嘅鮑魚雞粥好特別架，鮑魚係另上架，而且超足料，差唔多有一半都係雞肉仲要好嫩滑勁好味嘅山竹牛肉，唔會好似出邊嘅酒樓咁淨係食到啲肥豬肉！ XO醬蘿蔔糕，好足料啊，蘿蔔糕入面真係有蘿蔔絲唔會剩係得啲粉而且一啲都唔會林Patpat...炒得有鑊氣好香珍珠雞

行行下街望上去見到裡面有好多b duck嘅裝飾，八卦上去望下有咩玩，原來係主題點心店，反正未食晚餐，一場黎到就試下。每一個地方都融入左b duck嘅元素，無論擺設、餐具都有b duck圖案，港女們黎到實影相影到唔走🐤鮮蝦蝦餃🍤叫得做主題餐廳一定有b duck完素啦！蝦餃好得意啊，除左睇得影得，仲要食得，皮薄蝦肉又多夠爽口。豉汁鳳爪👣雖然豉汁鳳爪係好普通嘅點心，但呢度又做得好出色，味唔會太濃，汁水好靚，同埋鳳爪唔會淋晒，好食過連鎖酒樓嘅出品！流心奶黃包🥚外形就滿分㗎啦，裡面流心效果都幾誇張，一咬開就滴到周圍係，各位食嘅時候真係要小心，真係好流心😂甜酸咕嚕肉🍍份量好多，食得出咕嚕肉係即炸，而且好有鑊氣，做到外脆內軟，食唔停口！主題點心店嘅小菜都不能輕視👍🏻鬼馬墨魚餅🍢油炸鬼釀墨魚肉，口感好豐富，香口野配泰式甜酸醬更加加分！蘋果沙律蝦多士🍞同鬼馬墨魚餅好似一套咁，兩款都係港式到不得了嘅小食，一口蝦多士配蘋果沙律一齊食感覺好清新，少左炸野嘅油膩

近住油麻地地鐵站新開嘅Ladder Dundas開始有唔同嘅食肆進駐，今日經過見到哩間B duck🐤主題嘅中式點心茶樓，透過玻璃窗望落去隱約見到有好多b duck🐤嘅裝飾，原先係抱着就算唔食得都影得嘅心態入去🤣搭lift上2樓，店舖面積比想像中細，但係每一個地方都好有心思地融入左b duck嘅元素枱面仲有一隻b duck嘅公仔，相信鍾意b duck嘅朋友一定會被呢個環境深深吸引着❣️呢度除咗點心之外，仲有唔少小炒菜式，點心種類唔算好多，不過最經典嘅蝦餃燒賣包點到甜品都有，全晚最喜歡嘅係佢嘅流沙包，鹹蛋黃味超濃郁，咸蛋黃沙沙嘅口感，一搣開個包啲流沙就爆晒出黎，包皮唔厚，所以啖啖都係好濃郁嘅流沙，讚💓蝦餃燒賣鳳爪等點心水準不錯，好少可食到咁薄嘅蝦餃皮，蝦肉彈牙爽口，好滿意！另外有啲獨家點心亦令人驚喜，哩款鬼馬墨魚餅初頭唔知咩黎，見佢成個波波炸起脹卜卜，一咬落去先知原來係油炸鬼釀墨魚肉再炸！所以最外層係有塊薄薄地嘅脆皮，中間係鬆軟嘅油炸鬼，再到最內層彈牙嘅墨魚肉，三種層次好豐富，如果想試吓有特色嘅點心，呢款必試！💯一半油炸鬼一半墨魚肉，認真鬼馬另一款自家特色點心，蘋果沙律蝦多士，面層嘅蘋果沙律

旺角最近開了一間新茶樓 是B Duck主題餐廳這間茶樓位於彌敦道附近 在對面馬路就會看到上到去發現環境不錯很涼快 很多小鴨子做裝飾去到只顧著拍照竟還未點餐 太可愛的小鴨子看一看餐牌發現原來有很多以小鴨子造型的點心等了大約15分鐘也開始陸續地送餐 不算太久的時間·醬汁蒸鳳爪 HKD$36·鮮竹牛肉球 HKD$32·叉燒布拉腸粉 HKD$38·羅漢果冬瓜龍眼茶 HKD$24·蛋撻 HKD$16·楊枝甘露 HKD$36·招牌奶黃包 HKD$32每一份食物也有小鴨子的造型或小小裝飾挺可愛用來拍照片打卡的確是不錯 我們自製一個小場景小裝飾用來給松鼠妹妹和鼠果妹妹在等巴士🤣🤣這個場面真的很可愛挺不錯 很搞笑的畫面呢~食物的素質不過不失 價錢一般 性價比不錯🤔喜歡B Duck & Puffy的朋友不可以錯過的茶樓

一行到入去，見到個裝修已經好開心，周圍都係好可愛嘅B Duck!我哋嚟食晚飯，以為淨係得點心，點知都有炒粉麵飯同埋幾款小菜，都幾多選擇啊。我哋叫咗個咕嚕肉、肉絲炒麵、 同埋幾款點心。咕嚕肉都幾大碟，炸得香脆，調味唔錯！肉絲炒麵大人細路都鍾意食，麵條炸到脆卜卜，肉絲芽菜份量都多，好足料！點心我哋要咗蝦餃、炸雲吞同埋蛋撻。蝦餃大大隻好飽滿，蛋撻加咗B Duck裝飾，好睇又好食！最後仲叫咗杯白桃烏龍奶蓋茶，好好飲，拍得住茶飲店嘅質素！呢度嘅食物同裝修都好正，下次同小朋友出街食飯可以再嚟呢度

香港有唔少主題餐廳，今次去嘅呢一間位於旺角嘅德記茶樓係以B Duck & Buffy 做主題嘅主題餐廳，茶樓、裝修擺設到餐點都用心安排過，係一間十分出色嘅主題餐廳酒樓提供好多唔同款式嘅點心，今次點左蝦餃皇、流沙奶皇包、古法馬拉糕、上海小籠包、三絲炒脆麵 及 甜酸咕嚕肉佢哋嘅中式點心做得好出色好有水準，再加埋可愛嘅鴨仔logo，淨係個賣相已經攞滿分，個人最鍾意佢哋嘅流沙包同埋馬拉糕；熱辣辣嘅流沙包一口咬入口，裡頭的餡料緩緩流出，將奶皇吸吮入嘴一滴都唔捨得放過；馬拉糕軟熟鬆軟、食落口一啲都唔黏牙去到主題餐廳點少得影相，餐廳入邊有好多唔同嘅鴨仔造型同埋背景都十分值得打卡

鐘意小黃鴨仔的朋友有福了，B.Duck & Buffy德記茶樓登陸油麻地了。一出電梯就見到充滿童真的鴨仔裝飾，好得意！大人細路都喜歡，都有好有鴨粉來棒場。鴨仔的周邊產品都幾豐富，各種造型都可以見到，說不定可以意外揾到心儀的公仔。茶樓設計偏中式，嘆茶都可以卡哇伊，每張枱上都有小黃鴨陪你飲茶。兩張點心紙，品種都幾多，現叫現蒸，玩住「Buffy找朋友」等食。XO醬炒蘿卜糕，表層金黃香脆，內里蘿卜味濃，XO醬惹味，比出面一般酒樓茶點質素高很多。蒸鮮蝦腸粉，賣相靚仔，腸粉皮爽滑，手藝不錯。蝦餃一籠三隻，新鮮滾熱辣，每隻蝦飲都印有鴨仔圖案，外觀飽滿，蝦仁新鮮彈牙。另外中式蒸飯：蟲草花蒸雞木桶飯大大桶，雞滑飯香，很滿足。