Bamboo Thai (朗豪坊)

營業中

休息中

星期日到旺角行街，約在朗豪坊食個飯先，去到呢間Bamboo Thai。簡單叫左個泰式大蝦炒金邊粉，牛油雞翼，椰子雪葩。泰式大蝦炒金邊粉：味道唔錯，足料，蝦的數量唔少，而且大隻，肉質彈牙，可惜份量較少，普通女士份量，如果男人又或者大食少少就唔太夠食啦。牛油雞翼：望住金邊粉的份量，估唔到牛油雞翼1碟會有5隻（食左啲先記得影相），味道中上，雞翼炸得香脆椰子雪葩：椰香味濃，冰感重，其實唔差，只係我之前過再好味的，所以覺得如果佢可以做得creamy啲就好啦總結：味道唔錯，OL份量，少貴，偶爾食下都OK

上星期五放工同朋友去happy friday，揀咗係旺角朗豪坊嘅呢間泰國菜。本來我地想嗌佢地嘅招牌菜「火山排骨」，但因為怕份量太大就冇叫到。泰式生蝦刺身 評分 4/5總共八隻生蝦，蝦身爽口。大蝦米紙卷 評分 3/5普通，蝦細隻。泰式肉碎生菜包 評分 4/5呢度嘅生菜好特別，包加咗炸豬皮，口感更加香脆。芒果糯米飯 評分 5/5芒果好香甜，椰子雪糕球好濃味。我地埋單嘅時候用咗openrice九折現金券同openrice pay優惠碼，都幾抵。總括黎講，食物味道唔錯，但份量偏少。

我同我男朋友一齊去醫肚，提早吃飯，哈哈！好記得這間之前好似泰國餐廳，裝修改越南/泰國餐廳，不過我們之前一次都未去試食，拖到多年未入過試食，而家是越南/泰國餐廳，都要入去嘗試食，戲院旁邊近餐廳，環境很大又好闊，周圍看出面的人行去～不過不想坐台看人人都不舒服，🤣入面坐下好d～我們來點餐 #BambooThai #泰國菜 #越南菜 #美食推薦 #餐廳推薦 #美味 #香港好去處 #吃貨 #hkfood #yummy #香港の吃喝玩樂 #泰式Impossible植物肉碎茄子 #招牌冬蔭公雞翼 #泰式燒豬頸肉

上次quick lunch後，飯友決定eccore，一致認為這家店的Signature Dish 不負眾望，呢餐嘅排名如下：火山排骨 > 紅咖喱豬頸肉 > 青咖喱植物肉丸 > 馬拉盞通菜 > 大蝦米紙卷。如今food quality & services大都讓利給租金的情況下，好難方方面面做得好，大家唯有張就下，感恩還有餐廳有heart用heart去煮好嘢俾大家食，夫復何求！Kop Kun Ka🙏BTW - 唔明點解要寫200字先可以比🌟🌟，誠心寫review只係想幫下餐廳去改進、食客去選擇，使唔使咁rigid呀！星唔星who cares？

平時到朗豪坊quick lunch都響四樓兜兜轉轉，今日更上幾層樓到八樓搵食，試了這家泰越菜的set lunch，發現素食居然有幾款impossible meat的選擇，當下有點受寵若驚。我們仨分別點了青咖喱impossible肉丸，青咖喱雞及越式生牛河粉。大家都話青咖喱已經冇進步嘅空間，因為實在太好味，連白飯都熱辣辣，今時今日set lunch有熱飯比你食都好難得，加配的morning glory味道不錯，不過青木瓜沙拉唔夠酸辣，沙嗲雞係凍嘅，生牛粉好味但湯唔夠熱，扣左小小分。下次一定再黎試佢地嘅a la carte 跟 dinner menu。

第一次食，經過見唔錯就入左去試試！整體來講食物不過不失，係甜品同飲品較出色。芒果糯米飯推介！糯米飯係暖的，好欣賞依點，配上椰奶加椰子味雪糕，更香濃！ 芒果份量算多，亦好甜👍🏻沙冰可以自選配搭，非常特別，有成5-6款選擇，我就揀左士多啤梨配椰奶，本身以為會好甜，但竟然冇，似用真水果，偏酸酸地，如果椰奶濃d會更好飲👍🏻 椰青份量十足，好鮮甜！

今日因要喺朗豪坊睇戲，見呢間食評吾錯就試下。2個人叫左豬頸肉（味道一般，但個醬同平時嘅吾同，吾好味），油酥餅，蒜蓉包（蒜蓉得薄薄一層），細火山排骨（個汁得個酸字吾辣，好怪，完全吾match）及青檸荔枝沙冰。正體食物質素一般，職員好無禮貌， 吾會再幫襯。

半年前同二位朋友去試咗呢個火山排骨，叫咗一份小的。份量都好足夠，每人有二條骨食到，酸酸辣辣，食到有啲香料，幾野味，辣道可以接受。肉質都可以，唔會太老，肉同骨好易分離。如果上盆時，係擺到菜單上啲骨棟起咁有氣勢就加分啦！其實仲叫咗其他餸，蝦餅，通菜，咖喱加包，不過冇影相，食物都係到水準，同平時九龍城食的泰國菜館水準差唔多呢～蝦餅大大份，有6大塊，夠彈牙，呢個值得推介職員都有禮貌，上菜速度快，地方都乾淨。期待再去食多次火山排骨。

1.成間餐廳啲人做嘢勁慢執位慢,執完位又唔係第一時間帶人入座2.樓面態度差帶位個阿姐超冇禮貌,到我入座個時,佢拎完餐牌我以為佢帶我入座,點知佢望住我我又有望住佢,我問佢做咩佢唔出聲,跟住對望左10秒鐘原來佢要我將健康申報表放入個紙箱裏面😓你啞架咩

之前睇過好多吃貨介紹<<火山排骨>>終於到我食喇🤗原來有分兩個size!細嘅$118, 大嘅$188~細嘅都夠四個人happy share呀!有成五大嚿!!! 而且啖啖肉! 打卡又一流! 正啊🤩帶住手套比較容易食😊微辣帶酸微微嘅香料令排骨更惹味!食落更加滋味又過癮又開胃😋我仲有兩樣想介紹俾大家嘅就係<<芒果糯米飯>>($68)同埋<<紅豆珍多冰>>($42)呀💁🏻‍♀️先講個芒果糯米飯🥭呢個甜品本身唔使多介紹!肯定係大部分食泰國菜嘅朋友都鍾意叫嘅甜品~冇佢…好似爭咁啲!但呢間俾到驚喜你嘅係有兩粒好濃椰子味嘅雪糕球😳搶晒主角鏡添呀佢😏而珍豆冰🧊有好多煮得好綿嘅紅豆粒! 而且綠色嗰啲粉條都好多!飲得我好開心!好似獨呑一個甜品咁🤪另外我同朋友們都有叫到<<精選拼盤>>($168)大大碟小食拼盤有春卷、蝦米紙卷、炸魷魚、沙嗲雞串燒同炸魚餅!我唔鍾意食炸魚餅嘅~所以冇食到! Comment唔到😂反正唔夠四人分~ 我唔食😊👌🏻不過我就覺得炸魷魚好好咬!得四嚿…四個人就啱啱好

很久沒吃東南亞菜🍃✨這家的菜式有不少選擇，點了幾款的味道也不錯呢!😃//第一次吃牛肉撈檬🐮平時都是吃豬扒的😛雖然加了撈檬必備的甜酸汁，但味道都被牛肉本身的醬汁蓋過了😂吃下去很像乾炒牛河，但是好吃的～//近年的泰菜餐廳都多了這道火山排骨，也是第一次吃到🙊選了細的size來吃，但也有超多舊，而且肉很多!! 肉質不會太鞋，又很入味，必點呀🤩🙌🏼//另外點了大蝦米紙卷🦐這個很普通，蝦也很小；還有青咖喱雞配油酥餅🐔咖喱不會辣，奶香味較濃，雞肉也挺多，記住要配油酥餅吃呀😝😝//甜點揀了泰菜必備的芒果糯米飯，芒果不太甜，椰汁味也不濃，整體普通～反而椰子雪芭很有驚喜!!😍🥥超重椰味，而且有椰子脆脆，這個推🙌🏼🙌🏼

餐廳環境佈置精緻 ，氣氛優雅，坐得舒服餐牌選擇非常多火山排骨~$118(小)主角係醬汁 ,酸酸辣辣 ,香檸,魚露, 青辣椒碎完全係泰國味道 豬肉非常稔香，肉骨分離泰式炸蝦餅~$75蝦肉質彈牙，但感覺係雪藏蝦，蝦味不濃泰式生菜肉碎包~$78冇得去泰國，唯有食這款菜式解一解鄉愁細心位係附送泰國炸魚皮，泰式香葉蒜香炒泰國椰菜苗~$68只有泰國菜餐廳先食到嘅泰國椰菜苗 ，口感比較粗硬，有質感。軟殼蟹紙米卷~$88賣相吸引， 軟殼蟹配 上紅蘿蔔絲 ，青瓜絲 ，西式生菜， 好味又健康

見朗豪坊app 呢間餐廳做緊9折優惠，又見巨型火山排骨咁吸引就約fd 仔去食啦兩個人晚飯時間去，7點後都有人龍，建議openrice book 定位就唔使等我地叫左1）巨型火山排骨（細）唔錯，少甜，酸酸辣辣，好開胃，勁岩夏天食，一份有4舊，兩個女仔食到好飽，建議3個人share 就完美，可以試其他野食2）軟殼蟹纸米卷不過不失，一份有4舊，軟殼蟹好食，但分得好唔平均，一舊有好多蟹，一舊又冇咩。3）2X 棷青正，冇可挑剔

有驚喜的泰國菜~惹味火山排骨喺旺角朗豪坊睇完戲，搵嘢食，一出戲院就見到呢間 Bamboo Thai ，我哋都幾鍾意食泰國嘢，一於試吓先。清新柚子蝦沙律 $72佢哋嘅柚子蝦沙律味道好特別，通常其他餐廳食都係甜甜酸酸，佢竟然係有鹹味，應該落咗啲醬油佢調味，有啲鹹有啲甜有啲酸，味道又幾特別有幾夾喎。黃金蝦餅 $75一碟四件，啱啱炸起嘅蝦餅特別香口，不過我估佢個名寫黃金，係指隻顏色，我哋誤會咗係鹹蛋黃🥰因為個蝦餅一啲鹹蛋黃味都冇😝泰式飛天通菜 $68每次食泰國菜都一定會叫，啱啱炒起嘅通菜特別好食，鹹香十足，好好味🥰椰子雞湯 $62前幾日喺第二間泰國菜食過椰子雞湯，覺得好好味，所以今次呢間又試吓，椰子雞湯幾清幾甜帶少少酸辣，味道特別開胃，不過雞肉就唔算好嫩滑。整體不過不失。火山排骨 $118我哋俾個餐牌嘅賣相吸引，就叫咗你試吓，估唔到咁大份，又係食唔晒要帶返屋企🥰第二日再慢慢嘆。火山排骨肉質好嫩，個汁係有少少酸辣，好惹味醒胃。不過係估唔到呢個火山排骨係要用手食，不過餐廳有準備手套俾我哋用，夠晒貼心。🥰Bamboo Thai (朗豪坊) (旺角)旺角亞皆老街8號朗豪坊8樓02-03號舖

香港人最愛吃泰菜，我也不例外。今天走到朗豪坊，突然記起這裡有一間不錯的泰菜餐廳「Bamboo Thai」，她有道活像「盆景」的招牌菜「火山排骨」，酸酸咪咪肉質又夠腍，必吃！喜歡吃海鮮的朋友，更一定要點「泰式蛋咖喱炒原隻肉蟹」，蟹肉鮮甜不在話下，那些蛋咖喱才是重點，馥郁芳香，塗在油酥餅、蒜蓉包上，簡直是人間極品！餐廳位於商場八樓，沒有傳統泰國餐廳的滿天神佛，取而代之是型格的裝修。青木瓜沙律 $68先來一些前菜，我想吃酸咪咪的，故特別要了這「青木瓜沙律」，木瓜爽口，想不到裡面還有鮮蝦，味道鮮甜，絕不是雪藏貨，很是驚喜！招牌冬蔭雞翼 $68牛油雞翼吃得多，這個冬蔭雞翼是個變奏版，有點像牛油雞翼，不過卻增添了冬蔭公的酸辣味道，更加惹味。外層香脆，內裡雞肉嫰滑，十分完美，我個人霸了兩隻來吃。泰式肉碎生菜包 $78生菜包是大路菜式，這裡特別加入了炸豬皮，更添香脆口感。精選拼盤 $168炸魚餅炸魷魚沙嗲雞串燒春卷蝦米紙卷我們共四個人，不如點個拼盤開心Share。我沒有試齊全部，朋友說春卷很好吃，魷魚圈有點硬，我個人最喜歡是雞串燒，蘸一下沙嗲醬，美味。火山排骨 $118 (小)一大盆的排骨，疊得高高