Baron cafe & restaurant

營業中

休息中

Score 數分: 65-70首先多謝大家睇我的食評，也相信睇得我今編食評嘅人，一定係靚仔或靚女，更或者相信大家都比較注重健康或外型。而這間餐廳應該就幾適合大家。點解咁講!? 因為佢份餐份量對於大食嘅你一D都唔夠，但對於普通女士講或者就剛剛好。而且，佢地D餐有不少女士鐘意的 "少碳水"組合，咁當然啦，如果想食碳水，一樣有(自己選擇)。而且，最估唔到就係佢地竟然，真係竟然有鮮果特飲，真係最適合愛健康嘅你。所以，依個真係加分位!!! 佢地D特飲好Fresh，值得一試~好啦，又到講重點嘅時候啦 - 味道: 麻麻!! 完! ..........咩話!? 冇啦!? 講真，唔難食嘅，但又唔會比到個種 "嘩! 好美味呀呀呀!!!" 嘅感覺你羅~ 講堅，幾十蚊，想點喎~ 而價錢才面，對比起傳統茶記就的確較貴，但佢又唔係茶記喎，想食個乾牛河，就直行轉右再轉左直行去其他茶記啦，唔該~ 佢地D菜叫有D日式又有D泰式，總之我就唔識咩 菜式啦~ 多國菜!? 鬼識咩，最緊要值!!! 所以，在附近返工嘅你，想試下新野，不防試試總結: 鐘意我寫食評嘅人就 "關注" 我啦~ Bye~

荔枝角有好多工廈餐廳質素都好唔錯，呢日試咗呢間多國菜餐廳，每日有唔同嘅精選午餐，仲有常餐、特餐，西、日、泰式菜式都有，總有一款啱口味！肉類大大份，啱晒食肉獸！仲有沙律、果汁、鮮果乳酪選擇，減緊肥想食得健康啲都有嘢啱食，very good👍🏻🍽️日式粟米忌廉汁吉列厚切豬扒 配螺絲粉 $67見到隔離枱份吉到豬扒好大塊，即刻叫一份試下先😂 塊豬扒差唔多有面咁大，而且係厚切，唔係好薄嗰種。炸得好香脆，唔乾唔硬，配埋粟米汁一齊食都幾好食！配螺絲粉相對無咁滯～🍽️德國黑椒蜜糖豬手 $69 配薯菜+$6豬手已經切開幾塊好方便食，豬手啖啖肉，豬皮充滿膠質😋 黑椒汁分開上，按喜好沾嚟食。薯菜係無薯條架😂 而係大量蔬菜菇菇，好健康！🥗和風燒牛肉玉子野菜沙律 $50呢排想食多啲菜，叫多個沙律。沙律菜好新鮮爽脆，有4塊燒牛肉、一隻蛋，唔會有好多醬，減緊肥都好啱食！🥑牛油果香蕉乳酪🍌好鍾意呢度有鮮果乳酪揀😍 牛油果同香蕉好夾，加埋乳酪blend，creamy得嚟好fresh，好好飲呀！又健康！🍈哈蜜瓜乳酪呢款再清新啲！好fresh，熱辣辣飲返杯鮮果乳酪好解渴😉

好難得個舊同事今日返晏，就約埋一齊係佢公司附近食返個早餐聚舊，佢話平時lunch 就係呢度食開，咁就去試試啦早餐時段選擇都算幾多嘢揀，我覺得佢比一般茶記嘅飲品選擇多，連一些健康飲品都有，例如：新鮮果汁、新鮮果汁再配牛奶/益力多/乳酪、又或者預設好嘅三青汁同香蕉胚芽芝麻奶等，對佢嘅飲品都幾有興趣B14麵餐，主角揀咗叉燒，再配午餐肉、煎蛋同奶油脆豬，碗麵係有好多塊叉燒，有驚喜，脆豬係真係脆，外脆內軟，配埋杯凍奶茶，勁豐富B19 Baron全餐，入面有炒蛋、煙肉、火腿、磨菇同大牛角酥，配返杯三青汁，三青汁入面係青瓜+西芹+蘋果，飲落西芹味較出，都有少許蘋果甜味，都幾健康

早幾日返工食lunch, 經過呢間餐廳，竟然喺荔枝角打滾咁耐都無發現到😂原來都幾多人食，#荔枝角飯堂！餐廳除左有常餐，每日嘅餐單都有吾同嘅是日精選，都幾多選擇，每款都幾吸引😋最近想食少D澱粉質keep fit 下😂嗌左份西冷配薯菜，其實有均衡飲食，咁就可以飽住黎瘦✨飲品方面都幾多選擇，除左檸茶咖啡果D, 仲有鮮榨果汁😍好新鮮！促進下腸道😂所以嗌左杯木瓜益力多🥤完全無渣，入口好順滑，推薦推薦👍🏻

荔枝角出名多抵食工業大廈餐廳，今日俾我搵到呢間！感覺似茶餐廳，同時又似Cafe佢個餐牌選擇真係多到誇張，嚴重選擇困難症🤯每日都有特別菜單，仲要全部有唔同配搭，飲品又好多花款▶️ 香草蕃茄軟包餐 ($59)餡料五選一：芝士吞拿魚沙律、芝士火腿、蘑菇芝士、蘑菇烤雞、牛油果凱撒包係橙色嘅，入面加咗少少風乾蕃茄同香草，味道上唔太食到蕃茄味但係就好香香草味🌱烘烤過所以外皮少脆，質感唔係煙韌有嚼口type而係比較似漢堡包🍔揀咗兒時最愛嘅芝士火腿組合🥰芝士係一片片正方形嗰隻🧀而火腿就應該係金妹牌嗰隻，果然係絕配，兩個加埋唔會太鹹又好夾另外仲有青瓜同蕃茄🍅令個包更有層次口感同清爽味道，幾好係蕃茄唔會整濕麵包可以改善嘅位係可以烘烤得耐啲♨️咁麵包食落會暖啲香脆啲，芝士又會溶啲跟餐沙律三選一：雜果沙律、凱撒沙律、田園沙律🥗田園沙律係生菜加粟米粒，另外仲有脆口麵包糠同沙律醬▶️ 椒鹽豬扒脆軟殼蟹炒飯 ($69)星期六特別款式！上面大大隻軟殼蟹同椒鹽豬扒，幾靚仔喎～兩個都炸得香脆乾身，軟殼蟹食落似打冷食嘅椒鹽鮮魷🦀椒鹽味夠惹味飯底係雞蛋炒飯，米飯粒粒分明炒得乾身唔油膩唔過鹹，非常香蛋味，夠晒鑊氣👍🏻面頭仲加咗唔少三

朋友住係附近，我今日去咗搵佢食lunch，佢推薦呢間Baron Cafe。 朋友叫左煙三文魚意粉，睇落都幾靚，佢都話幾好食。我叫咗雜扒螺絲粉。一上台我同朋友都哇左聲，好大份同埋睇得出有認真擺盤☺️☺️☺️雜扒有牛扒，豬扒，雞扒同腸仔。重點係佢地有驚喜地好食！牛扒味濃而且軟嫩，亦都無鬆肉粉醃，係濃濃嘅牛肉味。其他肉都係新鮮，誠意十足😊😊佢配菜可以揀意粉，薯菜，飯我揀左螺絲粉。佢係配黑椒汁，上菜時好細心咁已經另外上。個汁好濃郁，配埋雜扒無得輸 飲品我叫左木瓜牛奶，好有誠意，係有木瓜蓉係底，加上牛奶一齊打勻，飲落甜而不膩。整體而言，Baron Cafe嘅食物味道超水準，份量多，價錢亦都好實惠。除咗食物之外，佢哋嘅環境同服務都非常舒適，好適合同朋友黎食。

難食到。。。焗豬扒飯啲豬扒係恰都算睇得出無焗仲要啲飯淋到胡仔咁海南雞飯又係完全無味係全部野都無味價錢又唔係平係工廠區中嘅垃圾未試過肚餓到飛起都食唔落係間野坐落去叫舒服小小

同朋友嚟荔枝角逛街，午飯唔想幫襯連鎖快餐店，但商場入面嘅餐廳又唔平，提議去工廈搵食。上網見有人推介呢間工廈西餐廳「Baron Cafe & Restaurant」，午餐選擇非常豐富，而且價錢十分大眾化，合晒我倆心水，一於試下。入到餐廳，環境完全冇令人失望，入面地方好大，而且裝修得好企理，間隔闊落，座位寬敞又舒服。我哋每人點咗一個餐，另外再加咗一客鮮雜果薯仔沙律 ($50)。冇諗過個沙律咁大份，好有驚喜，而且用料十足，蘋果爽脆有咬口、薯仔粉綿腍甜，沙律醬酸甜適中，真係淨食沙律都飽。香煎美式公司雜扒配黑椒汁 ($81) 及薯菜(+$6)，雜扒餐份量好足，有牛扒、豬扒、雞扒同司華力腸。牛扒醃得好入味，口感嫩滑無渣；豬扒厚度適中，軟腍不死實。雞扒大大塊，肉質不嚡口且無油脂；司華力腸腸衣煙韌有咬口，點埋個黑椒汁，香辣惹味。薯菜有椰菜花、西蘭花、翠玉瓜、薯仔、紅蘿蔔同雜菌，非常豐富！原條日本蒲燒鰻魚黃金炒飯 ($81)  鰻魚肥美厚身，咬落非常 Juicy，連埋甜甜嘅醬汁食，真係好滿足。炒飯粒粒分明，內有粟米和鰻魚粒，食落有米香之餘亦好煙韌。跟餐飲品點咗兩杯鮮榨果汁，奇異果汁 (+$12)  飲落

今日就去左荔枝角工商區附近既Baron Cafe食我地既第1餐～睇完Memu，我地就叫左以下野食：－ 燒美國12安士T骨牛扒🥩配洋蔥汁 (配飯)－ 自選飛碟餐 (栗米🌽+火腿🐷)－ Baron拼盤首先黎既係燒美國12安士T骨牛扒🥩黎到既時候香噴噴🥰而且都幾大塊，切出黎見到燒得岩岩好～食落去好好食，都幾鬆軟，老人家都會食到😋之後係自選飛碟，唔係間間餐廳都有飛碟可以叫，所以見到第1時間叫左，🥪麵包脹卜卜，非常脆口～入面既材料亦都非常足，我都食到跌曬啲栗米🌽出黎，飛碟非常出色👍最後黎既就係Baron拼盤，有好多唔同野食，有蝦角、雞翼、薯條同魚餅，當中最鍾意既係蝦角，食落去好脆，而且非常足料，真係好好食😋總結： 食物款式多，而且份量大，岩曬打工仔食lunch黎食，地方亦非常大，成間公司黎食飯都重得，如果係附近返工既朋友仔，可以黎試下呀👍

係附近返工見到呢間餐廳日日lunch都好多人已經想試，今日終於同朋友去咗試，雖然多人但座嘅闊落唔會太逼～Lunch Set D: 德國黑椒蜜糖豬手配薯條 $69Lunch set食到咁大舊豬手先$69真係性價比極高！豬手加咗蜜糖但唔會太甜，中和返黑椒味剛好，肉質嫩滑唔會好乾，最好味係塊皮雖然極邪惡🤣Lunch Set G: 四式芝士鮮茄菠蘿焗厚切豬扒飯 $63本身想叫常餐，但比隔離枱呢個焗豬扒飯吸引咗即刻轉呔😂芝士同豬扒用料完全冇手軟，每一啖都食到多汁又有肉，同朋友2個人share都食唔哂，lunch呢個價錢真係極抵食！🧃鮮榨木瓜牛奶 (跟餐+$14)值得一提飲品方便比較特別有不同的新鮮水果飲品選擇，連三青汁都有，岩哂唔飲咖啡奶茶的朋友木瓜牛奶飲得出係即榨果汁，好鮮甜亦都打得好smooth💰💰午餐人均消費 $75

荔枝角好多早餐選擇 ,但呢間係集性價比高，好食同健康於一身🥢餐廳座位好多，都有唔少卡位。選擇勁多，有成19個餐 ，梗有一個啱食🥐美式早餐 $39我揀左雞扒+炒蛋+煙肉+多士（轉牛角酥（+$5））+薯餅（+$6）成個cafe 嘅all day breakfast 咁都唔駛$50，雞扒嘅雞皮剪得香脆，炒蛋嫩滑，煙肉唔會煎得太乾，薯餅炸得唔油膩又，牛角酥微🍜麵餐 $38叉燒+腸仔+蘑菇+多士（轉奶油脆豬（+$5））揀左螺絲粉，湯底可以免轉蕃茄湯呢個真係好開心🍅蕃茄湯底好似羅宋湯，好足料，夾螺絲粉一流。腸仔同蘑菇係分開上，腸仔唔會過鹹，蘑菇牛油味好香❣️❣️❣️！超推薦奶油脆豬！平時快餐店d脆豬個包勁乾個皮好硬，呢列係真係脆！加埋滿滿煉奶 ，好肥但好好食！❣️❣️Baron特式係有好多飲品選擇，早餐都有特色咖啡同果汁🥤薄荷朱古力咖啡 +$11薄荷朱古力味夠，如果再重d咖啡味就好🍎蘋果+哈密瓜果汁 +$12鮮榨果汁勁大杯好足料，外食早餐都可以好健康

前排經過荔枝角，撞正午飯時間，見到呢間餐廳——🌟Baron cafe & restaurant🌟好有西式餐廳嘅感覺，所以入去試下佢哋嘅lunch🤩餐廳午餐都好爆多人，坐無虛席，但佢餐枱都算多，好彩唔洗等位😌餐牌選擇勁豐富，飯、意粉、扒都有齊，想健康啲仲可以選擇沙律食🥗._./ Lunch Set /🐖｜黃金牛油脆豬扒配洋蔥汁（配薯條）｜🐖聽講呢到嘅脆豬扒好多人讚，見到緊係要試吓啦，一上枱超邪惡但有好吸引🤩無論豬扒定薯條都炸到好香脆，豬扒仲係用咗鹹蛋黃黎炸，香得黎又唔會太膩，豬扒砌好咗一舊舊咗炸，方便食👍🏻配埋香濃嘅洋蔥汁，正💕·🐂｜燒美式西冷牛扒配黑椒汁（配薯菜 +$6)｜🐂黑椒汁好香濃，結身得黎又唔膩，牛扒肉質腍身，係久違了我最愛嘅菜餐廳其中一個味道💕·/ 沙律 /🥗｜煙鴨凱撒沙律｜🥗沙律份量都算多，配埋煙鴨胸，增加多一種鹹香味🌟·/ 飲品 /💚｜三青汁（青瓜/西芹/蘋果）｜💚健康得黎好好飲，唔會太甜，味道清清地，稠糊度啱啱好，勁fresh💚·🍊｜鹹柑桔｜🍊夠味，解渴又消膩._.

週末係荔枝角搵食唔係好易，因為大多數餐廳都只做上班人士生意。今日嚟到呢間門口，見到裝修幾有心思，入去試吓！聽店員講，今日附近學校有家長會，所以氣氛特別熱鬧！要等一等位先入得。就連星期六都有午市套餐同常餐選擇，包埋嘢飲。我哋試咗：- 龍蝦汁煙三文魚帆立見蟹籽意粉 $71龍蝦汁調味掌控剛剛好，唔會太鹹或者太濃稠，配上鹹鮮味嘅煙三文魚，好夾！店家亦好勁多粒帆立貝，數埋真係差唔多有10粒！加埋粒粒蟹籽，口感100分。- 日本櫻花蝦粟米蘑菇蕃茄濃湯螺絲粉配香茅豬扒奶油脆豬 $60性價比高！一個常餐包咁多。勁讚脆豬，好脆好香。點落蕃茄濃湯，正！而香茅豬扒都煎兩面都脆，好入味。蕃茄湯螺絲粉都好大碗，湯底濃。見食物咁高質，加錢飲埋抹茶latte! 好滿足！性價比高，推薦！

上個星期五happy friday，去左附近一間西式餐廳慶祝下 li間餐廳空間好大 好多位 一行五人 好快就搵到位👍🏻👍🏻👍🏻 lunch time一間唔使等位既餐廳真係好重要叫左杯三青汁，用左青瓜，西芹，蘋果三種蔬果嚟整，有蘋果既甜味，又有西芹，青瓜既草青味，問左侍應，無落糖，感覺好清新同埋好健康🙈🙈🙈叫左個燒美國12安士T骨牛扒配洋蔥汁，個牛扒夠大份，煎得好好，好入味，配埋個洋蔥汁，送飯一流👍🏻👍🏻👍🏻

荔枝角雖然係工廠區但係以前喺度做過嘢就知道入面有好多高質素嘅餐廳今次要推介呢一間係西式快餐價錢相宜但係份量同質素都令人滿意德國黑椒蜜糖豬手意粉呢個係lunch set唔好睇佢蜜糖豬手得嗰幾塊但係每塊嘅份量都好大份要再用刀切開幾舊欣賞佢嘅豬手外皮燒得焦香蜜糖味令到口感更加好日式粟米忌廉吉列厚切豬扒聽落去係一般頹飯不過豬扒確實係炸得好靚吉列炸粉唔太厚肉質好軟熟 食落好香口粟米汁嘅甜度剛剛好和風燒牛肉玉子野菜沙律想要健康午餐嘅人可以一試薄身嘅燒牛肉大大塊沙律嘅份量好飽肚女仔食啱啱好又唔會有罪惡感奇異果汁益力多哈蜜瓜汁乳酪呢間餐廳好多健康嘅主打其中鮮榨果汁可以配唔同嘅飲品果汁嘅選擇勁多睇到眼花撩亂頗為推薦奇異果汁益力多酸酸地喺夏天飲都幾開胃喺附近返工值得一試