BBQ 7080yo (已結業)

話說朋友快結婚做姊妹的當然陪她四處奔走今日就去了太子奔波太子一帶林林總總的酒吧還有主題餐廳但都不合心水最後我們選擇了韓燒🤤聽說吃肉是不會肥的🙈Menu有套餐可供選擇但感覺份量太多了所以決定散叫一牛🐮一豬🐷一冷麵🍜點餐後有阿豬媽放下配菜跟前菜🐷(阿豬媽流利的廣東話嚇我一跳😂)配菜是無限添食前菜是豆腐(沒有特別)相反洋蔥醬油感覺很清新👍🏻阿豬媽不停提我們多吃洋蔥身體好🤣🤣🤣超可愛♥️烤五花肉份量有點少呢👎🏻味道方面在阿豬媽會幫手燒之下燒到脆卜卜👍🏻而且肉味很香也很juicy👍🏻👍🏻(阿豬媽教學:生菜包肉加蒜加辣點麻油吃)真的不錯喔♥️♥️烤調味雪花牛肉份量相對多一點👍🏻味道更令我意外😱😱😱竟然入口即溶而且比五花肉更juicy🤤👍🏻冷麵賣相跟我在韓國吃的不同這家有蘋果跟青瓜在韓國只有青瓜雖然我不知道哪一家才是正宗不過說實話這家的冷麵比我在韓國吃的要好吃一點👍🏻小小總結一下餐廳價錢有點貴但食物質素是值得的👍🏻特別是烤調味雪花牛肉！令我有encore的衝動了🤤

呢排成日食日本野, 今晚諗住食番餐韓燒HAPPY下, 見到太子有間好似幾就腳, 一於今次試下呢間~今晚唔算多人, 門口已經有人招呼, 有禮貌的安排我地入坐, 入坐後係一位韓國媽媽招呼我地~未開始點菜, 佢地就送上前菜俾我地食, 豆腐都幾嫩滑架, 仲有其它醬油配菜我地點左五花腩同雪花牛, 外表好似平平無奇雪花牛望落都幾靚仲點左一個韓式冷麵, 韓國媽媽教我地落醋去撈黎食, 好好味呀! 仲好味過去韓國食, 推介! 分量仲非常多!五花腩黎左之後, 呢位韓國媽媽居然落手落腳同我地燒肉, 仲教我地點燒, 當然有時佢去左招呼其它人, 我地都會自己處理番, 但係佢有時又會好擔心我地燒得唔好, 又走番黎幫我地燒~ 非常有心!燒好五花腩, 都會叫我地食, 未食既會放埋一邊, 就幫我地燒雪花牛我地食過雪花牛發覺非常JUICY! 原來係美國黎既雪花牛, 非常好味!!服務非常好, 食物品質都非常好既一間餐廳, 去開太子既你可以去試下!

今日要去太子做野,點知閏蜜都出左太子,佢話每次等巴士番天水圍都聞到呢間韓燒好鬼香好想試,好啦好啦,就陪你熱屎辣辣都食韓燒啦入面裝修好有韓國風,而且座位寬敞,而且D櫈仲可以放袋係入面唔使驚成袋韓燒味~肉類有非常多選擇,而我呢D有選擇困難症既人當然係叫左2-3人餐就咩都唔使我揀啦~~叫完餐店員已經拎左好多前菜俾我地,仲有個店員係咁介紹我地記得要用生洋蔥加生菜包住D肉食,話生洋蔥好有益而且咁既食法可以解油膩~好貼心哦!!套餐包有個韓式炒粉絲同海鮮煎餅炒粉絲好夠味,蒜香味好重,而且粉絲好彈牙,店員仲不斷叫我地快D趁熱食^^再黎就係肉喇,其實套餐咩肉都有哂,豬(五花腩),牛(牛肋肉同薄牛肉片),仲有雞肉D肉全部都新鮮乾淨,而且醃得好入味,牛肉煎耐少少都唔會過硬,店員仲教我地可以放洋蔥係肉上面燒,等洋蔥既甜味可以入到落肉入面,而且燒完五此腩店員已經馬上幫我地換一個燒盤,服務超好套餐仲有個蔬菜拼盤,有娃娃菜,薯仔,西蘭花等等,只係放左少少粗鹽係入面,蔬菜清甜,正好解一解食完咁多肉既油膩2-3人套餐只需498,咁既價錢食佢地D服務都抵啦,何況食物質素都非常高,下次叫埋我地既男友出黎拆餐勁架先!

畢竟我係一個崇韓ge偽韓妹，人地就鐘意韓星，我就係因為鐘意韓國美食，每次去親韓國都會穿過大街小巷嘗試地道美食，一直係香港都未搵到熟悉ge韓國味道，不過今次黎食Le 間，帶比我驚喜。。。黎到韓國餐廳一定要食泡菜夠辣，白菜夠新鮮同入味而又不失爽口。。。我本人覺得食韓國燒物係唔需要腌製食物，只需要肉夠新鮮就得，我今次點左個黑毛豬五花腩le個黑毛豬五花腩好香，煎個陣香味撲鼻，咬落去好香，腩部份ge油份令到成件肉口感昇華。。。。。。第二個點左牛大腸我其實真係唔太好腸類食物，但曾經去過韓國食牛大腸，完全被佢吸引左見到menu 寫話le個牛大腸韓國直送，就決定回味一下le種味道外脆內香，煎ge時候個陣香濃ge香味已經振奮左我ge食慾，油而不膩。。。。。。韓國燒物一定要有一種食法我係超鐘意，生菜一定要夠新鮮，一定要加蒜頭個蒜頭如果新鮮就會夠辣，怕辣可以輕輕燒一燒佢再包黎食，點少少韓國甜醬，一啖放入口，肉香加蒜頭同生鮮脆口ge生菜，令到油膩感相對冇咁重，而又不失肉ge香味，食燒物成日都會有種罪惡感，唔知點解次次咁樣食就覺得好似健康d。。。重點左個泡菜湯同炒粉絲我好鐘意韓國人用白飯加入湯變做泡飯ge食法，

今日同朋友去食韓國野，吾係去尖沙咀韓國街，而係簡左太子7080yo。我地6點30 去食，無乜人，所以好快有位。前菜（辣泡菜、薯仔）：泡菜岩晒我呢啲食辣既人，薯仔又大舊，又可以免費任添2个人份量：叫左烤五花腩（$118）燒完之後又吾會韌，又吾會有雪藏味。用生菜包住夾埋辣泡菜、點辣醬好好食，就咁點辣醬都吾差。辣泡菜湯（$68）：辣度超正，如果食得辣既朋友仔，一定要試，泡埋飯，好好食，豆腐同金菇吸晒啲湯汁，👍🏿👍🏿👍🏿烤雜菇拼盤（$78）：用鍚紙包住去燒，吾會咁易燒焦。入面落左麻油，好好味。就咁清清地食，都好有味😋2個人食，份量岩岩好。

係旺角花墟行完街後就去搵地方食飯，沿住彌敦道行見到呢間韓式燒烤，於是入去試下。一去到，店員都好nice..一黎就叫左五花腩，有3塊，店員走過黎幫我地燒，好好service , 燒完之後點辣醬、油、用手生菜包住，夾埋青椒、蒜頭，真係好好味。啲肉又吾會粗糙。烤到金黃色仲點左个韓式炒粉絲：份量都幾多下，好中意佢辣得黎又帶啲麻油香味😋😋店員一送上呢碟粉絲，仲同我地講趁熱食👍🏿so nice ! 加上上面灑左啲芝麻，口感一流。辣泡菜湯：夠晒辣，加上佢泡埋飯，啲飯吸晒啲湯，辣到好過癮。食得辣既人最中意。值得一試。

住喺太子嘅我來呢一間韓式燒烤餐廳，幾鍾意入面嘅裝修，不停播着韓國歌曲，幾好feel。老闆原來韓國人嚟嘅，點菜嘅亞姨用唔咸唔淡嘅中文再加英文來點餐，態度主動好並有善！烤梅頭肉去骨後所得的肩胛肉，肉質細膩，有間隙脂肪。性平，味甘鹹，肥美的梅頭肉用菜包起來吃，別有一番滋味，濃濃的肉香味立刻四溢開來簡簡單單既泡菜餅，外邊煎到香脆可口，但係入面好軟身。雖然簡單，煎得好香口，啖啖泡菜好好味，點埋個配汁更加惹味，叫咗兩支啤酒阿姨仲同我暢飲

話說今日同女朋友去登到太子金都商場睇結婚用品，睇完肚餓仔等着食夜晚黑咁，今晚女朋友話想學韓妹講下韓文咪陪佢去搵韓燒食囉！搵吓搵吓就搵咗間7080 Yo食韓燒。呢間7080yo喺街鋪黎嘅！見佢哋舖面地方是四四正正乾乾淨淨，咪去食下囉！點知原來有驚喜！裏面嘅裝修有傳統韓式風味不在話下連侍應都有阿豬媽喺度！餐牌嘢食多元化，有海鮮牛豬肉羊肉你諗到嘅都有！咁我哋真係乜都叫啲黎食啦⋯⋯原本想嘅，但係因為得兩丁友，係食得嘅嘢唔多，所以最後都係叫左啲牛肉粒同五花籃肉慢慢嘆！呢度最正嘅就係一開波俾咗好多前菜你！最緊要嘅係有一碟涼拌豆腐！個涼拌豆腐加埋佢嘅秘製醬汁簡直是一字棒！從呢度個餐牌我哋睇到佢郁嘅種類好多價錢都係＄120左右豐儉由人！鍾意食牛有牛既唔同位置、鍾意食豬又有唔同既豬位俾你揀！總之你想食嘅部位都有！最最正嘅係呢度嘅海鮮都非常新鮮！不過女朋友唔食得，所以唯有今日罷食海鮮！呢度嘅燒豬皮係厚切大大塊大概15至20 cm乘15至10 cm！燒得唔好唔緊要，職員會幫你燒埋！仲燒得好好食添！

今次係第二次黎，上一次食嘅時候仲係放題形式，得番前菜係任添。雖然叫套餐感覺上好似冇任食咁抵食，但最後賣單個價好似同任食差唔多。冇咗任食之後，我覺得食物質素好咗好多。啲肉好新鮮，好好食，而且衛生都幾好。另外好值得讚嘅係服務員質素好高。佢地會成日走黎幫你睇下啲肉燒成點，仲會教你點燒。好有禮貌，好細心，佢地嘅服務會令你想再番黎食。不過有樣嘢唔好嘅係嘢飲真係貴咗少少，一罐可樂要18蚊，一支燒酒要50蚊起跳

今夜吹著“熱”帶“韓風”，酷熱天氣加上韓風，所以晚餐就選擇了與朋友來到太子的BBQ7080yo。甫坐下來，店員立刻遞上韓式小菜與餐具。放好餐具與小菜以後，店員立刻爲我們倒茶，服務非常貼心。小食：小食不過不失-有酸酸甜甜的豆腐、不能缺少的泡菜、微醃製過的生菜和洋葱、和類似韓式Fish Cake的拌菜，可以直接吃，或是把小食夾在生菜裏一起吃，也挺特別。冷麵（$78)：湯面鋪滿碎冰，冰鎮著冷麵。配料有驚喜，居然放了蘋果和青瓜。麵條入口相當煙韌彈牙。冷麵附帶黃芥末醬和醋，喜歡麵味道更酸和豐富的話，可以把芥末醬和醋也放進湯裏攪匀，酸酸甜甜還帶一點芥末微嗆，非常特別。連湯帶料拌著吃，冰涼爽口而且酸溜開胃。 煎海鮮蔥餅（$88)：可以吃到粒粒魷魚，口味微辣，蔥餅的粉略嫌過厚。韓燒把煎好的豬肉包在白菜裏面，加一點辣醬、芽菜或泡菜增添味道；生菜青脆爽涼而且減去肥膩感，即使是夏天，吃起來也不會覺得太熱氣。濟州島黑毛豬五花腩($156):五花腩的肉與脂肪分佈均勻，醃得入味。烤LA牛排骨($158): 牛排骨醃得很入味，肉身也相對嫩。吃完以後，店員奉上糖果和牙籤，非常貼心。整體來說，非常推薦彈牙爽口的冷麵，著

一坐下店員便送上前菜泡菜不是太辣，對於不能吃辣的我相對比較容易入口，不太酸也不太咸，味道不錯。凍豆腐口感清涼，夏天吃感覺一流。制過的生洋蔥一點也不辣，味道清甜。唯獨蓮藕質感太軟太散，還以為是爽脆的。海鮮煎餅要襯熱食，周邊煎得香脆可口，裹面軟軟的，但海鮮不太多。五花腩肉，沒有很多的肥肉，非常適合愛吃又不想肥的人，因沒有調味，所以燒完要配上醬汁食用。108蚊有6隻生蠔，用來燒的。不是特別的肥美和新鮮，所以不太抵食。店員都很熱情，會最後會送上糖水和薄荷糖。有位韓國的大嬸店員很可愛，會不斷跟客人聊天？

終於考完試，係時間約好耐無見既舊同事斜斜舊。佢提議黎呢間餐廳BBQ，話夠近港鐵站，食評又唔錯咁。呢間餐廳果然好近港鐵站，太子站E出口行唔洗兩分鐘就到，連我呢d路痴都識去。我地叫左石頭鍋飯同兩碟肉燒，加埋佢地送既韓式前菜，邊燒邊食邊傾，好滿足。雪花牛肉，肥瘦適中，好新鮮，肉味濃。我個舊同事燒得好靚，6成熟岩岩好，唔un，點少少醬汁，好fresh，唔膩。燒五花腩都好好食，雖然係薄切，但份量都唔少，抵食。

今日難得放AL，一於約埋好幾個月無見既舊同事兼舊同學食午飯。由於我地想坐耐d，又唔想成日都飲茶，於是揀左黎呢度BBQ。呢度地方唔細，枱與枱之間距離夠，坐得幾舒服，岩哂傾計🍻。先黎既韓國前菜，有芽菜、木耳、凍豆腐同同必有既泡菜。呢度既泡菜我同fd都勁鐘意食，又可以無限refill，最後我地清左兩左兩碟。我地叫左d肉，有雪花牛肉、豬皮同烤豬腸。d肉全部都好新鮮，份量充足。呢碟烤豬腸，熟左後，咬落好爽脆。烤豬皮真係第一次燒，估唔到又唔係太膩，好香又爽脆，可惜掛住食，無影到相。呢度幾好招呼好nice，waitors主動戡茶遞水，洗手間乾淨企理。我地坐左好耐都無趕人走，岩哂我地呢d食得兼吹得既人。

很久沒有食韓菜了，在太子參加完活動，便跟朋友到BBQ7080yo 韓國料理享受韓式癲拿。同一般傳統嘅韓式食店一樣，雖然我哋得兩個人，但係前菜一樣多，我最鍾意嘅當然係甜甜酸酸的醃蘿蔔，泡菜仲可以添加烤什錦豬肉：梅頭肉，五花腩，豬肉骨，特級豬頸肉梅頭肉都是大塊厚身，吃起來的肉質也感嚼勁，色澤好靚，口感十足，而且富有濃郁的肉香，燒烤時也散發肉香味，完全冇渣，留下不少的油脂真是非常香惹。五花腩肉不會太薄，最美味最嫩且最多汁，其肉肥瘦相間，肉質較嫩，燒了一會後，可用剪刀剪開一小件一小件的吃，咬起來令人滿足，油花豐富，都滲進了豬肉的肉質中，不會有乾硬的感覺。豬肉骨肥瘦交雜後吃到有嫩肉及油脂，在烤爐上烤至表層帶焦脆後，香氣四溢已經非常誘人，豬肉骨入味非常。美味爽口嚼勁的豬頸肉，肥肉較多，脂肪含量最多，加上其肌肉與脂肪均勻分布，肉質嫩腍，一路烤一路出有油花，肉質扎實而彈牙，再埋清甜的生菜更爽脆美味，最好食最推介。食完真係肥幾磅。

今日和朋友去了旺角行街，行到夜晚肚餓想搵野食，見好耐未食過韓燒，又未試過新式韓燒中間有個煙通可以吸油煙，就去左呢間餐廳試下餐廳既牆全是壁畫，幾有特色，都有唔少人幫襯前菜有泡菜，洋蔥，豆腐👍叫了牛肉，味道不錯，很入味還有烤豬肉，味道ok不過肉有點薄擔心友人不夠飽，所以還叫了炒粉絲，不過有點失望，因為有點太油和粉絲太碎食燒肉當然唔少得生菜，很新鮮高估了朋友和自己既食量，太多肉食肉食得太飽，食淨了一大半粉絲值得一讚係侍應服務不錯，一開頭唔小心整跌成桶餐具，侍應好客氣仲幫我執返，之後又不斷幫我地換鐵板，睇我地有咩需要，笑容親切，服務殷勤