BBQ Chicken Premium Chicken (已結業)

我地叫左柚子炸雞，芝士炸雞，田園沙律，江南粉絲年糕，好難食。個柚子炸雞凍的，芝士炸雞根本就係純碎芝士粉倒落d雞到，同埋d雞份量好少，又細隻。 個沙律d菜爛，同埋d菜無咩味。年糕硬左d，粉絲又係完全無味。埋單2 個人 243，貴但唔值。

#惹味芝士泡菜煙肉炒飯🧀 (HKD68)✔️👅：6/10✏️心形呈上芝士炒飯❤️ 面頭加上芝士拌勻後十分拉芝 炒飯比較濕潤所以全部痴埋一齊 唔算辣喔輕鬆食～#香辣芝士BB骨🌶 (HKD115)✔️👅：5/10✏️ 芝士和骨份量足 唯味道一般 因肉質較鞋 要趁熱食唔係芝士變膠🙄#紅餅🔴(HKD48)✔️👅：8/10✏️ 滋味甜品必選！兩大塊韓式鯛魚形狀酥餅香脆之餘蜜糖味同內裡爆餡紅豆超合拍！正到😍❤️ 好食過係🇰🇷食既😂😂😂 每次黎必食～#泡菜餅😏(HKD49)✔️👅：4.5/10✏️ 咩事 韓國野點解好似日式燒餅😂 紫菜絲同沙律醬格格不入啊🌚😂 一d泡菜味都冇 唔辣～ #醬牛花卷🐮(HKD55)✔️👅：4.5/10✏️ Schxxl Fxxd都有🤔 呢度有成16件😂😂😂 但麻油味不足之餘太多芝麻蓋曬d味🌚 醬牛似烤牛多較乾 麻麻啦⭐️ 夜晚都多人排隊架 不過好快都有位🐒 仲有紫薯冰😂😂

i am korean and since bbq is a well known franchise, i had a decent expectation. i ordered sweet n sour chicken. it taste like a chef from tsui wah made it... batter was chewy n not crisp....i think korean chicken should be crisp batter. the sauce tasted like something out of cheap supermarket sweet and sour package. i definitely will not come here again....

韓式BBQ炸雞潮流湧入亜洲，雖然價位高過KFC同McDonald，但質素甚高，好食過快餐店，價錢絕對抵過好多西餐廳！呢間餐廳標榜用橄欖油炸雞，炸雞口味好多，而且雞腿肥美鮮嫩！正！佢仲有BBQ express同BBQ chicken，我個人鍾意起碼有個位坐下。銅鑼灣呢間環境無紅磡咁闊，不過想試下我鍾意食芝士，之前都有去紅磡同樂富嗰間分店食過袖子同蒜味，不過都係覺得芝士味最好味。部隊鍋就一般啦，過得去，無咩特別。

記得呢間BBQ Chicken Premium Chicken剛剛開業的時候，排隊食炸雞的人，企滿店外的街道，依家熱潮總算有點退卻，終於可以一試佢的實力💪🏻。光顧的時間係下午茶時段，下午茶餐有兩款，我揀左麵嗰個餐，可以自由配搭，玩法有啲似車仔麵，先點麵款，再揀配料，最後係湯底。我試左韓式香蔥魚片拉麵辣湯🌶，另外加配兩件香蒜炸雞🍗（黎到炸雞店，點都要試下佢的招牌菜）。食物質素不過不失，尚算合格，炸雞唔會太乾，有juicy的感覺，而且炸漿唔會太厚，香蒜味道也很惹味。但我唯一有疑問的係餐牌上的價錢，雖然有寫明係＄35起，但成個餐牌都無寫到實際價錢係＄50，而加配的炸雞，亦由餐牌的＄15，變到＄20，最終埋單要＄77（加埋10%服務費），定係星期六、日公眾假期有附加費🤔？可能我自己都有責任，落單前要問清楚價錢啦。但我作為食客，係覺得有取巧之嫌，希望餐廳可以改善，標明價錢，以免給客人留下負面印象。總括來說，一餐要＄77的下午茶車仔麵，值唔值得真係見人見智喇！

十二月八號放工係老銅拍拖，諗住搵下野食。由於時間尚早，見呢間鋪無乜人排隊就是但入左去！由於得兩條友，加上唔想食得咁熱氣，而我地兩個都肚餓，所以決定嗌有雞既飯。我嗌左個芝士焗雞飯，男友嗌左個有炸機既，不過兩碟個份量都好細！食完都唔飽。我發現今時今日好多食店都用減少個量來compensate 。even佢啲價無變，但啲份量就真係食唔飽人。呢啲其實係趕客既行為同策略，變相暗中加價囉。我亦唔會再來幫襯。講真寧願你貴啲，但俾多啲飯我食都好呀。

話明食炸雞，如果你食其它嘢就賴嘢啦。花卷拼盤（$88），色香味全無，非常失望。孖寶對對碰（$78），麵底竟然是公仔麵，基本是港式快餐。炸豬扒非常之乾。可能，如果不吃炸雞，就不應該進入此店。

一年前，新開張第二日就晨早去排隊，當時仲帶佐外國朋友去，但今時今日lunch hour冇人，仲有好多位淨，得四枱人，好快坐低，Menu唔同佐，正常既都隔佐成年，叫佐二款炸雞，部隊鍋先黎柚子醬炸雞，由於太餓就食佐先，但食完第一件，凍既，再試第二件都係凍咖，之後就部隊鍋，嘩，好hea，好求其，冇乜料，個味仲要味精湯咁，份量好少，仲衰過Cafe de ，完全唔好食原味炸雞 ，係熱既，脆既，但已經冇以前既多風味，雞肉同面頭既脆皮分開，最過份係有一份，全件係炸粉。感覺就係好差，全餐飯都好唔開心，問經理點解啲雞咁，佢話D醬係凍既，令到雞都撈到凍，我諗佢唔係放D醬入freezer 掛，就算係撈幾下唔會凍到肉中間係凍啫，全件係炸粉，佢話入面有少少肉最後話會多留意同全單9折佢既解釋，我完全唔接受，以後都唔會去。

睇過韓劇的朋友都知炸雞與啤酒的典故，一講起身就流晒口水。呢日係銅鑼灣，同friend本身想頹食茶餐解決，點知經過平日要大排長龍的炸雞店，又無咩人。食得好不如食得巧，一於改變主意入去試下。入座後有小菜食，泡菜同酸蘿蔔。酸蘿蔔好食，又醒胃。炸雞口味都ok多款，睇圖就樣樣都想食，雙拼是最好的選擇。左挑右揀，最後要咗秘制炸雞同韓式蒜香炸雞。原來兩樣都係醬汁雞，都好，不會太熱氣，趁熱食也不怕。秘制醬比較甜，而淋咗醬的炸雞皮無咁脆，不過雞肉都幾嫩滑。味道唔係差，但又無期待中咁好食。韓式蒜香炸雞不是普通蒜香粉炸炸就算，面頭有撒有蒜蓉，別有一番蒜味。一啖凍可樂一啖炸雞，體重？脂肪？減肥？統統都是浮雲！特色炸豬扒焗飯其實都唔錯，豬扒份最唔少，炸得幾香。78蚊唔係平，但跟餐有一大杯凍檸樂，都算係咁。其實兩個女仔好難食完，如果三個人就啱好。始終覺得係餐廳食無果種感覺，都係癱在梳化度邊睇電視邊食先最過癮。

在半年一度的Sogo感謝週血拼過後，便到了BBQ Chicken Premium Chicken 吃炸雞。記得第一次吃這家店是在紅磡店新開張時，當時的蜜糖炸雞令我讚好不絕，叫我非常回味。今日再次來到，餐牌轉了，變得更豐富美麗，食物亦多了很多選擇，但蜜糖炸雞已經不再餐牌上了。 自選孖寶醬汁炸雞—香脆芝粉雞韓式香蒜炸雞（$148） 選了雙重口味的炸雞，芝粉雞鋪滿了濃郁的芝士粉，啖啖芝士香，香脆嫩滑，非常好吃！ 香蒜炸雞同樣是店內招牌，炸雞外層塗上酸甜醬，再配上粒粒蒜蓉，香甜又惹味。 江南粉絲炒年糕（$68） 新出品的江南粉絲炒年糕，份量大大的，賣相吸睛。 粉絲質感煙韌彈牙，配上的醬汁味道甜甜辣辣，非常特別！焗海鮮炒飯（$78） 海鮮炒飯上蓋上一層厚厚的芝士，還有拉絲效果呢！ 炒飯是用蕃茄醬炒成的，配上不同的海鮮如青口、大蝦、蝦仁、蜆肉和魷魚等，還用了心型模焗製呢！意大利泡沫咖啡（$38）

First time trying out Korean style fried chicken. Ordered fried chicken and rice noodle! Fried chick was very average but the rice noodle was bad.

下午與友人共餐，剛好下午茶時段，但店內無人，叫完野食後，好快就上枱，我叫左碗烏冬，朋友叫左拉面。枱上只有叉，於是我叫店員俾對筷子，點知個店員搵左幾分鍾先搵到1對出黎，於是我拎左黎用（朋友話用叉可以了）。進食其間，店員又搵到1對筷子黎，好快咁放響我碗上（唔係應該係碗內）洗筷子!!真係見唔到我手上拎著筷子食緊咩?筷子丶叉放響枱面是常識吧！放響人碗度做乜呢？發夢、發夢、發夢⋯不能接受的趕客服務。

呢間炸雞店食物質素真係麻麻個日同家姐行完街 (又係CWB行 LOL)見到呢間又大間又係地舖 心諗應該唔差掛點知真係期望太大 食物真係麻麻其實一入到去 形式有D似快餐形式要自己行去買之後就會有人拎過去你張台到我地叫一個辣味炸雞同一個雪花冰係等既過程中 我見到個電視係咁播住炸雞既過程仲發現到原來韓國有炸雞大學專研究炸雞最重點係 佢地係而檻欖油黎整炸雞所以會比一般既炸雞健康好多到食啦炸雞都幾香 幾脆既不過D雞肉有D鞋 唔嫩口同埋炸雞既款式好少都係辣同唔辣呢D CHOOSE另外 個排佢推出左「紫薯雪花冰」心諗呢個實無死啦點知 下面真係全部都係冰黎上面只係灑上左少許既紫薯粉同一球雲尼拿雪糕所以真係麻麻

晚上，同友人一齊係cwb放工，行下見到BBQ Chicken Premium Chicken，突然見到有炸雞食，咁就擔粗粗入去試一試佢啦。我地就各叫左一碟試下係咪好似傳聞中咁好食啦首先，我就要左BBQ Premium Chicken既招牌菜~~~蜂蜜脆片炸雞~~~甜甜既醬汁好夾炸雞唔會太甜，又有粟米脆片，口感更加脆身，好特別 雞肉熱辣辣，肉身好嫩，不過肉份量就比較少同行友人就要左秘醬炸雞，紅色醬汁配上白芝麻，個樣已經勝左食落口，醬既味道酸中帶甜，少辣，有啲似韓式炒年糕

有親戚黎香港，話網上介紹呢間餐廳好食。我事先睇睇餐廳評分，知道麻麻地，不過既然親戚要求，就試試，不過冇下次餐廳地理位置絕佳，其實如果做得好，都唔難吸引顧客。芝士撈拉麵  （$85）！好！鹹！呀爸平時食飯都會落餐桌鹽，但連佢都覺得鹹，可想而知。拉麵質感還可以，但份量好少，表面有少少洋蔥及炸煙肉，不過d煙肉都好鹹。85蚊，其實幾貴。脆蝦花卷（$68）蝦肉不彈牙，而且有d鯹味。炸皮亦唔夠脆，賣相有點馬虎。三寶炸雞（$195）一個原味、一個秘製，一個秘製辣醬。雞肉炸皮炸得不錯，雞肉嫩滑。但個辣醬，係辣到食左一件，就食唔落第二件。我地都算食得辣，但都係覺得辣過頭。韓式炸雞配墨西哥粟米片，有d格格不入。秘製係少辣，而秘製辣醬係 超 級 辣，要唸清楚先好叫。因為太辣的關係，最後食唔哂。覺得餐廳食物質素同價錢完全唔成正比，每人食左差不多$175，其實可以有更好的選擇。