Beard Papa's (港鐵荃灣站)

營業中

休息中

收工經過見到又有新口味，見到黑泡芙有啲興趣，決定買黎試下叫左基本款既吉士味，基本上次次都係叫吉士味，咁多年都冇變過黑泡芙食到有少少朱古力味，幾香除左新口味，仲買左個酥皮原味～無論有幾多新口味推出，始終最愛都係佢酥皮牛油味好香，同吉士醬最搭

今次可能係因為10月買，都有Halloween嘅包裝😋😋 上面寫上happy Halloween👻👻🎃🎃幾cute cute hehe今次買咗一個原味，同埋今個月限定嘅acai泡芙！！ 切開一半嚟睇，其實都滿架😝泡芙皮我哋係揀咗普通嗰隻新嗰隻味都就係莓嘅味道，酸酸甜甜咁，食落其實都OK嘅🐽🐽 但係比較來講，始終都係最愛原味🤣🤣😝 奶味重，又滑，所以每一次點都要嗌一個原味+1個新嘅口味haha

同🤴🏻經過荃灣廣場，特登上去睇吓有冇新口味，點知又真係出咗喎，即刻買一個試吓先！🙂🙂～～～蜂蜜🍯柚子忌廉泡芙～～～夏日限定款式😀😀，揀咗配搭最普通嘅酥皮泡芙，同樣cream嘅份量都係勁爆多😁😁蜂蜜🍯味幾香唔會過重，而柚子味就好弱，比例大約蜂蜜🍯同柚子係8:2，只係食到柚子微微嘅酸味，唔係唔好食只係如果柚子味再重返會更加適合😗😗或者佢可以試吓單獨淨係出蜂蜜🍯味或者柚子味都未防不可😊😊

由細食到大，食過好多次，永遠都唔會失準。今次趁佢特價，買咗六個裝，有原味同朱古力味，各有各好食，就算攞到返屋企，雪落雪櫃，隔幾個鐘再攞返出嚟食，都一樣咁好味。全家人都食得好開心，尤其小朋友！

Beard’s Papa 係泡芙界既老字號🤣，我一個月至少食番一個泡芙!!仲記得多年前以前佢剩係得吉士味，而家就出多左好多好多味，最近佢地做緊恐龍蛋造型既prmote，見佢咁得意即刻買番個番屋企做甜品！今次買左1個恐龍蛋set，就係恐龍蛋芒果味配一個原味酥皮，果然兩個都係水準好高，泡芙個酥皮一如暨往咁香😍恐龍蛋外皮有驚喜，脆脆地好似餅乾咁，好好食！芒果餡有少少化學芒果味但唔算重，餡既份量都係好足料，D cream打得好好，勁多同埋勁滑‼️！一大啖食落去真係好正！食完一啖就想食多啖，唔洗幾分鐘就食晒，就好似食一個都唔夠喉咁😍唯一缺點係如果裡面有埋芒果果肉可能會更吸引原味就一如暨往咁高質多cream好味道😋～

Beard’s Papa 算係泡芙界既老字號，由小學食到依家，佢都仲係我最愛既甜品之一，每次路過都想買番個黎食！以前佢剩係得吉士味，而家就出多左好多好多味，最近佢地做緊草莓味既prmote，作為忠粉既我當然唔會錯過啦，即刻買番個番屋企做甜品！咁多年黎佢既水準一向都係好高，泡芙個酥皮一如暨往咁香，而入面個草莓餡真係正，略帶酸味，食得覺得係比較真既，唔會係個種香精味好重架cream，而且佢D cream打得好好，一大啖食落去，酸酸甜甜咁真係好正！食完一啖就想食多啖，唔洗幾分鐘就食晒，就好似食一個都唔夠喉咁！

收工出荃灣，在地鐵站咁岩見到鬍鬚爺爺做緊一年四日88Day優惠期，以HK$32自選酥皮泡芙2個。論泡芙，最得我心是呢間鬍鬚爺爺，所以即刻買兩個。*葡萄柚子忌廉泡芙 (原價$25/個)泡芙即叫即唧餡，酥皮好香蛋，不過無以前咁鬆脆。餡料香滑，見到入面有一粒粒果蓉，聽聞是採用日本直入葡萄柚子，酸酸甜甜，很開胃。以喜愛的口味排序: 抺茶 > 原味 > 葡萄柚子 > 草莓 > 朱古力 > 巨峰提子整體評分：味道：👍👍 👍 服務：👍👍👍 價錢：👍👍 👍 回頭指數：👍👍 👍 飽肚指數: 👍 

今日做野忙到無時間食飯，經開呢間舖頭就求奇買個泡芙填飽個肚。士多啤梨餅乾櫻花味泡芙 $24見平時都有呢款士多啤梨皮既泡芙賣，不過櫻花味既就未試過。個皮甜甜地係幾脆，但唔係好食得出係士多啤梨，得個甜字。至於入面個櫻花味真係好淡，而且個味道好古怪，唔識形容。要食的話，都係食番最common 既吉士味就算。

以前有好多分店依家一間一間摺埋，有陣時想食都好難搵得返，今日一見到就即刻嗌左外賣啦買左三粒，兩舊吉士味一舊朱古力味，一如既往一咬入去，啲吉士醬就會爆出黎，證明佢幾咁真材實料，朱古力味嗰舊外殼仲有啲脆脆喺度，令到口感更加豐富

每次經過地鐵有開到Beard Papa's嘅站都覺得好邪惡，十分引人犯罪，仲記得我第一次食嘅蛋奶沙司泡芙系細個時姑媽買俾我，個種味道有記憶至呢家都系好好味，不過價錢都唔平，所以我都好少買。今天見出左新口味，又連同經典口味泡芙做緊特價，一樣買尼試試「👇🏼$40 兩款口味泡芙👇🏼」👉🏻巨峰提子味外脆泡芙🤢第一啖食落去已經勁大陣提子吹波膠糖咁嘅味/提子瑞士糖嘅再甜d嘅餡味，我個人就唔太中意，因為有d奇怪呢陣味似似地藥水提子🍇咁，如果佢餡味製作成糖會適合過做成cream再配泡芙，與泡芙味唔夾，所以非常失望💦👉🏻蛋奶沙司味酥皮泡芙🤤呢個自記憶而來冇變過，都系我至愛嘅口味，雖然系最原始嘅經典口味，不過陣甜甜又似加上雲呢嗱、吉士醬cream咁嘅味道，同泡芙味最配合，外皮又酥化，令人好想一啖再一啖咁食落去，完全停唔到口❤️😍✍🏻今次經歷令我吸收教訓，就系自己都唔信會好食嘅口味，下次都系米鬼貪promo咁買尼試😅😚😋但依然要大讚佢地原味泡芙一直而來到呢家都保持水准👍🏻🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，

依幾日泡芙做特價，回到剛開始嘅價錢，十五蚊，一開始光臨印象中確實係依個價，不過只限原味，宜家除迷你泡芙外款款都十五，變相平過以前。好多人呢！放工過到去已經無貨，要等佢唔知係邊運現貨過嚟，仲已經係最後一批，一個應該係寫字樓嘅職員係龍尾講。貨嚟到，只有酥皮泡芙，都係即場打cream，買到原味同棷子味。原味同平時一樣，滿滿的cream，同平時一樣大，仍鬆脆。棷子味明顯較少cream，可能唔夠貨，而泡芙本身都較細，見佢隨手攞應該唔關口味事，係工場大批趕貨做得唔平衡。雖然平時佢地都係舖頭現焗，不過請得人整好一盤盤生麵糰，一包包現成cream落舖，相信工場都有幾個師傅，但突然要焗多唔知幾多批，難免會參差不齊。

早幾個月推出嘅Green tea flavour puff身為Bread papa ge fans 同抹茶嘅狂粉我就買左黎食揀左指環puff抹茶cream ge 抹茶味 味甘但回甜 好好味 唔會得個甜面失去抹茶嘅苦😋😋😋

今天一家人在外盡興而回，乘港鐵回到荃灣站，路過BREAD PAPA，寶貝跟我說想吃泡芙。由於晚上只要買兩個泡芙並以八達通付款，便有八折優惠，我們買了四個回家共享。店員很有禮貌，且很有效率。享用泡芙，已是大半個小時後的事情。泡芙皮香脆，只是底部有點淋，內饀的雲呢拿忌廉冰凍香滑，而且忌廉下的很慷慨，不曉得是否跟接近關店時間有關。可惜到店時只看到原味的泡芙，如有其他選擇就好了。

放工肚餓就買左個puff，要了一個蛋奶沙司味，酥皮系列$18果puff既皮好鬆化，D餡料好fresh，唔會太甜，好似食到d雲利拿味。但如果果size可以大少少就perfect。

Beard Papa's一年一度的Happy 88 Day又到了！全部分店內不同系列和口味的泡芙都只是售$15。碰巧路過Beard Papa's分店的我怎可能會錯過這次優惠。這次我購買了一個餅乾系列的朱古力味泡芙。雖然泡芙内的醬是即時注入的，但泡芙外層不是很脆。它只是微脆。而泡芙內的朱古力醬比平時少。平時泡芙內的醬是滿滿的。可是，這次泡芙内的醬只有3/4滿。雖然這次醬的份量不及平日，但水準上絕對不比平日差。朱古力醬很軟滑，還帶有淡淡的朱古力香甜味，吃起來不會過甜。此店的泡芙真是超好吃！