Beerliner German Bar & Restaurant (已結業)

食德國菜 我會諗起King Lugwig, Beerliner 前者食過 做埋會員及常客後者易食過數次但感受唔多好King Ludwig 完勝Beerliner 平日主菜買一送一 星期一 食客唔算多經理態度好 環保衛生裝修略嫌不夠特德國風穿紅格仔衫較年長女侍應近距離叫兩次兩次見到都掉頭走傳菜態度亦差招牌菜脆皮豬手前後叫咗兩隻 坐低第一隻好細隻尾聲第二隻又特別大隻落差都幾大叫脆皮豬手 不但豬皮唔脆而且又硬又韌唔爆皮非常失望 前後兩隻水準一致差唯一係豬手唔太鹹 味道適中什錦德國腸一大碟呢樣對版 皮脆美味香口小食 下酒一流麵包籃新鮮熱辣例牌幾款德國啤酒Lager清爽 黑啤味濃店內有wi-fi供應可惜不提供password問侍應 又話無wi-fi但訊號爆燈 扣咗唔少分５大５小 每人兩杯兩豬手 兩什腸 兩麵包籃炸雞鎚 兩炸魷魚圈Free １豬手 １什腸埋單$17xx 價錢平但所謂招牌“脆皮”豬手有好大改進空間

叫左個豬手同腸仔併盤，腸仔係係德國食到味道，但調味鹹左啲，要不停飲酒。豬手煮得過火左少少，不過個皮都仲好脆最近做緊優惠，多左好多人食，應該太忙，落左野食都等得有啲耐先上，都係以前唔太多人，氣氛比較好

之前同男友食過dinner,唔錯，而且環境舒服，坐位闊落，知道餐廳做緊買一送一lunch time ，又有沙律，餐湯，雪糕任食，所以吸引左我帶家人去~當日目的同細佬慶祝🎂🎂，訂座已request 卡位，得到安排，唔錯~👌前菜只有一款沙律，煙鴨胸沙律菜，尚算新鮮，連一款沙律醬，👌南瓜湯好稀，但味道唔錯主菜選擇左兩個牛扒，一個鹹豬手，一份燒雞配蝦，整體全都難食，全都過火，超鞋，一定無下次~全餐最好算係外來貨，🍦，有3種醬同棉花糖等topping~喇間餐廳，無下次~

老公請食生日飯，本來想叫pork knuckle, 但見到有set dinner, 睇落好抵咁，所以就冇叫pork knuckle喇。叫咗2個set dinner,一個肉丸意粉， 一個日式照燒豬。每個set都有湯同埋沙律，沙律仲有2塊火腿，唔錯。呢個係日式照燒豬，等咗好耐，食落似义燒又似pork knuckle,其實咪又係豬。味道都唔錯。薯蓉同蘆筍一般。肉丸意粉，味道一般，不過不失，亦係比較平嘅set。最後有甜品，都係包埋嘅，綠茶蛋糕加雲呢嗱雪糕，份量較少，但味道ok。埋單唔駛$300,抵食！

與朋友選了在奧海城Beerliner聚舊，喜歡它的座位闊落，椅上放著戰利品也毫不覺得擠迫。本來打算叫二人餐再加小食，後來侍應說主餐牌有買一送一折扣優惠，所以叫了pizza，海鮮飯和一客小食，再加兩杯凍飲。pizza做得不錯，大家都感到滿意。沒想到海鮮飯裏的海鮮幾乎比飯還要多，而且大大粒，很足料！上菜時被那支小旗吸引着，急不及待地嘗一口，蛋和肉也不錯，可是最底下的薯餅鹹得要命，大大扣分。兩杯凍飲各有特色，前面的較甜，後面的有檸檬，感覺比較清新。

Beerliner做緊午市買一送一優惠，仲可以任食沙律餐湯同Haagendazs雪糕，真係好抵啊任食既沙律係煙三文魚沙律菜同薯仔沙律，兩個沙律都幾好食，餐湯係南瓜湯，冇驚喜不過味道尚可，南瓜味頗濃，但不夠creamy主菜我地叫左兩個價錢相近既德國豬手$198黎到果下真係哇左聲，比想像中大隻好多！不過佢冇幫我地切開，真係超級難切，切左15分鐘先勉強切開，仲要切到手勁酸以前去朗豪坊分店食都會幫我地切上。味道方面都同朗豪坊差好多！皮不夠脆，好un咬唔開。好彩肉質嫩滑而不會過鹹補番d分。呢個牛扒$188都好薄下，本身肉質同牛味都普通，配上類似茶餐廳味道既牛扒汁之後真係唔掂..甜品可以任食Haagendazs雪糕，有朱古力，雲尼拿同士多啤梨三個味揀，都算叫令食到唔好食既主菜既我地開心番d我唔知係因為唔同分店，定係因為依家做緊優惠所以質素下降，總之同我以前食開既其他分店質素差幾班，好失望！

看到有買一送一的優惠就約友人們係度呢食飯，但其實係奧海城呢個地點對我們都不算太順路就腳，大家都係由旺角站行過黎奧海城，15分鐘左右就到。黎的時間係星期一晚上7半左右，眼見都有空位而冇人排隊。坐低就見到餐牌呢個幾吸引就叫咗，腸拼盤上枱的確係鬼香，好好食。係餐牌叫咗一個set...呢個係湯同前菜，果湯味濃都唔錯，幾好飲。海鮮飯青口就一般喇，食到三粒都有沙係入面，而雞就比較乾身，啲肉都有點硬，但還是可以吃下吧。黑啤豬，呢個幾似乳豬咁樣口感，啲豬肉好軟同多汁，係幾正！

返工附近的奧海城有好多好野食，今日來左Beerliner食午餐，set lunch 重有買一送一！Set lunch包自助沙律吧同Haagen-Dazs雪糕吧，都幾抵食。但個自助沙律吧只有2款沙律（薯仔沙律同雜菜沙律）同一款湯（南瓜湯）….所以唔好expect太多Main Course 揀左Medium rare 的Sirloin Steak, 買一送一同朋友夾都只是$ 112連service charge（包一杯飲品），呢個價錢食牛排都算便宜。但塊牛扒好重胡椒味，完全唔知自己食緊牛排……..朋友食左豬手，可惜無拍照豬手好大舊，但D皮好硬，仲唔脆，要好大力先切得開><肉好硬好咸，但一點豬味都沒有配菜有上薯條，但薯條都係凍曬同沒味，有點失望L如果要大約100蚊食豬手同牛扒係好平，但我會用$50去譚仔食過橋米綫重好食

過奧海城分店見到有早鳥優惠點了一個德國豬手，一個午餐，吃剩半個豬手為免浪費於是要求打包，竟收回原價！😡如果不許打包請提早通知及註明，純粹不想浪費食物，極不人性化的措施及優惠

見餐廳做緊午餐買一送一優惠，仲要任食沙律、餐湯、雪糕，雖然地點有d唔方便，不過一試無妨，唔駛等餐廳營業時間，喺openrice訂定枱，超方便！訂左星期六中午12:00，我預早左11:45已到餐廳門口，門外一個人都無，雖然未到營業時間，未有得入座，但聽聞呢間餐廳入座比較混亂，所以我都唔敢周圍走，乖乖排隊。12:00正才准許客人入座，無論有沒有訂枱都係排同一條隊，所以有些排在後面、訂左枱的客人鼓躁，訂左枱的人要等職員處理完前面無訂枱或未人齊的排一邊，果條人龍足足等到12:30先分流好😓，成個場先坐滿。入座時，職員表示用餐時間只有1個半小時，13:30要還枱，😲我豈有此理丫！😡😡😡明明訂枱時沒有註明時限，宣傳單張上的條款都無寫，仲唸住等到星期六同老公悠悠閒閒食個午餐，還是算啦，唯有食快d囉。職員講解完買一送一優惠，點完餐便可以去攞沙律、餐湯，沙律有兩款，沙律菜和薯仔沙律，值得一讚個沙律菜真係有隔乾水份，而且比例唔錯，我個人鍾意甘甘地、苦苦地嘅火箭菜👍🏻，唔似一般沙律菜，羅馬生菜佔大半，太甜。但餐湯單調左少少，係青豆蓉湯，而且打得唔夠幼，仲好粉👎🏻。見主食未到，攞個Haagen-Dazs雪糕食

因為朋友住大角咀～ 佢哋又食煙咁～咁好想搵一個可以食煙嘅地方～ 所以係openrice到特登搵 ～有戶外座位嘅餐廳 ～～最重要都有啤酒飲 ～～咁啱又有我最愛Erdinger黑啤 所以最後選擇咗呢一間～ 但我打電話去 book枱 ……佢同我講full咗…… 最後我哋都去到餐廳～～睇下有冇walk in ～ 佢哋都話冇位～～我哋都主動問佢有冇戶外嘅位 ～佢先至話唔介意你可以坐 佢哋嘅happy hour大杯裝黑啤係96蚊 ～～其實細杯裝係48蚊杯 ～價錢係一樣嘅 ～女仔叫細杯好啲～～大杯真係太重太大杯～仲有我哋叫咗個二百幾蚊嘅腸拼盆～ 我哋就覺得有啲漏……仲有個炸品拼盤 同埋龍蝦湯 真心覺得好一般…… 其實食品我就唔覺得真係咁好味………… 但係睇啲評論話態度好差 ，咁我又唔覺得 ～都可以呀～～

世界盃決賽，貪奧海城氣氛好，所以都係去奧海城睇波，11點開波，為左搵位，6點半已經黎到。眼見好多間餐廳都滿哂，搵左一陣之後，決定食呢間。好耐之前食過，餐牌睇落都ok。同友人點左2個set黎Share一個係肉腸拼盤加薯蓉，一個係肉眼排。首先上餐湯同沙津，我開始發現南瓜湯都唔係太難飲姐。等左一陣，就上肉腸拼盤，有3款腸，肉批，薯蓉同酸菜，仲有隻煎蛋。味道還可以但偏咸。一個人食一份會比較漏。之後上肉眼扒，味道同份量都可以。餐飲可以點檸茶檸水同埋汽水。仲有一個是日甜品，綠茶慕絲蛋糕。一個餐包咁多野，份量又唔細，捧住個肚走。食物都唔錯，唯獨冷氣唔太夠，因為佢係半開放式嘅餐廳。

原來當天有buy-1-get-1 lunch set. 但個waiter給我們餐牌時， 冇告訴我們。當我們落單（a-la-carte) 後，（前後大概三分鐘），想改buy-1-get-1 lunch set, 個waiter 啲態度好差，完全冇心想幫我地，只説「唔改得」，面帶好惡的樣子。我一定不會再幫襯Beerliner 😡

午餐買一送一，哈根大師雪糕球任食，店方規定每人必須要叫一個餐。人多嚟食，鹹豬手係不二選，勝在大隻、皮脆、肉唔乾，非常惹味；香腸拼盤集齊四式風味，搭一件超厚「午餐肉」。密集式食咁多肉，好快滯，全靠拼盤的酸椰菜恢復胃口，可惜薯蓉欠薯味兼較乾，鍾意食 creamy 版多d。煙雞及櫻桃番茄脆薄餅，拎一塊上手，見證芝士絲係咁樣拉成。咬一啖，又脆又薄，餡料豐富，芝士味唔太濃，醬汁係 BBQ sauce，汁的份量剛好，鮮番茄放多 d 就好喇。早喺落咗單後，已急急腳去冰櫃揾哈根大師，有士多啤梨、雲尼拿同朱古力三隻味，留意返唔係供應雪糕杯，係要自己用雪糕勺潷雪糕。食過兩球，行去沙律枱攞菜，清埋主菜，再追加四球雪球。揾日試吓由十二點食到兩點半，可以食到幾多球呢？以前餐飲係咖啡或茶，而家改為肥仔水或果汁，菠蘿冰唔死甜，夠大杯。沙律由派餐變成自助形式，減少浪費，希望做埋凍飲走飲筒就更好。最抵讚係增加咗雪糕勺的數目，唔使大家排長龍呆等。

今日中午一行11人食買一送一餐。話明買一送一，當然唔會expect非常好食物質素。不過食品都不錯。最離普係個男waiter服務態度。人多一次過送餐，枱面當然唔夠位放，這些情況大家都會盡量幫忙清開枱面。但個waiter好似好唔耐煩，就咁呯一聲放係枱面就走咗去。好似我哋係佢殺父仇人咁一定冇下次。去King Ludwig 好過!