Beerliner German Bar & Restaurant (已結業)

主菜買一送一，好抵食！豬手好味過King Luwing飲品Honeymoon太甜！侍應生服務和態度和藹友善！唯有想加芥辣時，發現調味料器皿生晒銹！！即刻唔敢用!!

星期日晚上7時半一行6大1小到此店用餐，報上人數時有要求嬰兒櫈，在我們等待期間我們發現門口有卡位也能容納我們，故提出我們坐門口卡位亦可。那位門囗職員當時立即面黑，話那處不能放嬰兒櫈，我們説冇問題，便被帶引入座。坐下後我們因為有恆生咭，有85折優惠，故在點餐時曾找侍應理解過細節，在點餐前也大概看了十分鐘餐牌才點下列食品：1. 三文魚薯餅2. 肉醬薯餅3. 炸蝦小食4. 脆豬手5. 腸拼盤6. Tap 3 Alkoholfrei7. Hula Hoop 2 杯8. Honey Moon9. German Mule在柯打飲品時，朋友用手指指著Drink Menu 上的German Mule, 並口述要柯打German Mule; menu 上下一行是另外一款叫Strawberry Heaven 的飲品，那位門口當值載眼鏡的男職員（以衣著及年紀估計是主管經理級），這位職員重覆drink order 時，將German Mule 落了Strawberry Heaven, 我們即時糾正說「應該是German Mule」； 職員即時以責備語氣説我們指錯，而事實上我們也只是糾正他，也非常肯定我們是口述

如果有看過我寫的其他 review，都知道我特別喜歡選擇在外吃午餐。雖然已經在香港住了七年，還是不明白為何同一個分量的食物，晚餐會貴過午餐。今天特地從深水埗行路去 Olympic Station吃午餐。每次經過 Beerliner 總是爆滿，心想到底有什麼特別?今天品嚐他們的食物，才知道真的好吃又便宜。一份 set lunch 包括湯或沙律、主菜和飲料。最最最.........，重要的是雪糕任食。我點了$158的 mix sausages，然後又點了同等價錢的 pan fried fish，埋單才$190。雖然食客很多，但不會有擠的感覺。服務人員非常有禮貌，這是我選擇是否會再光顧的重要條件之一，因為我在香港一直受到不禮貌對待。Beerliner的 sausages 雖然跟我在德國吃到的 size 小，但味道是一樣的好吃。尤其是酸菜，讓我仿佛回到了德國。餐廳最貴的 set lunch 是$188的德國豬手，但因為是買一送一，所以十分抵食。Manager 説他們的餐牌基本上會每個星期換一次，所以雖然我有附上 set lunch 餐牌的照片，但那是會變的。不知道這個買一送一促銷會維持幾耐，所

🎊午餐買一送一，仼食哈根達斯雪糕🎉終於黎試到頭盤是日餐湯（蕃茄湯）幾香濃蕃茄味或凱薩沙拉配豬柳或德式薯仔沙拉配脆煙肉揀左薯仔沙拉，好食！份量唔少，薯仔好清新。洋蔥野菌配扁意大利麵配黑松露忌廉汁。$118好多野菌、洋蔥，黑松露味頗香濃意粉煮得剛剛好表面的芝士撈埋一齊食，好好味。海鮮意大利飯配甜波椒及蕃茄汁。$128有青口、蝦、魷魚，酸酸甜甜，幾開胃，米飯不會過軟，芝士碎撈飯，好香！甜波椒真係好香甜爽口任食哈根達斯自選配搭雪糕有咖啡、朱古力、草莓、香草4款餐飲可配 咖啡 或 茶

又來到HAPPY WEEKEND！！到奧海城搵食，但好幾間在「二期」的餐廳包括BENE PIZZA & SPAGETTIS, SPAGETTI HOUSE, etc 都已關門大吉，於是行「三期」逛逛⋯⋯⋯竟然發現BEERLINER GERMEN BAR & RESTAURANT 的LUNCH SET 做緊「買一送一」，仲要有「Haagen-Dazs 雪糕任食」看到又不用等位，一於入去試下。佢地的Lunch Set 包 頭盤、主菜、飲品及雪糕放題雖然價錢全部百幾元，但買一送一下，每人都唔使一舊水！！原本想點這兒最出名的豬手，但waiter 話買晒，唯有點第二出名的「德式腸拼盤」同試下佢地個「Burger 」先來STARTER我們都點了沙律 (因為覺得西湯都是用粉開的)但平平無奇的沙律，反而有小許驚喜，又幾好食喎！！主菜來了，「德國香腸拼盤」，真係非常邪惡，好耐無食個咁多咁多肉！！味道就不過不失啦！！還有「香煎牛肉漢堡飽」，味道都唔錯，但塊漢堡扒就乾佐少少，反而薯條好脆好味！！最後不能錯過的「Haagen-Dazs 雪糕放題」，雖然款式不多，今日只有咖啡、朱古力同士多啤梨味，但可以自己「畢

上次去咗黃埔花園分店，感覺非常良好，又有朋友聚會，可以在encore ,推薦食多一次佢嘅High Tea ,不過因為地點問題，今次要就朋友喺葵芳食。幸好葵芳個商場入面有一間分店。由於閒日關係，不用等位，正！服務員態度非常有禮，主動幫我BB安排BB櫈。又主動問我要唔要熱水。食物方面，跟我期望的一樣，同上次黃埔花園嘅水準一樣， 十分滿意。門口見到佢而家同AE卡做緊 Promotion 。星期一至四惠顧晚餐，兩位可獲半價。（詳情請留意店內宣傳單張）好抵👍👍👍

嗜肉既朋友今日想帶我去一間抵食夾大件既餐廳喎，講到咁誇張，咁就即管睇下是咪咁巴閉先🤔六點鐘黎到，店員話得返高腳枱。我地又無咩所謂既，照坐可也。同時店員話七點半前埋單有半價😗朋友話兩個人食唔使叫咁多，咁就叫兩份main加一人一杯啤酒啦Pork Knuckle 最早黎到。店員仲幫我地切埋，食既時候就方便得多👍🏿見佢紅卜卜以為唔熟啦，原來唔係喎！啖啖軟淋淋既肉熱辣辣，外皮非常脆，有啲似中式燒腩仔🤤但兩個人都未必食得哂，加埋薯蓉更加滯🙈標榜自家製既腸仔，食落唔係好油，而且絕對唔係平時食開既廚師腸既口感，係好軟身同有一陣肉香👍🏿呢款啤酒蜜糖味比香蕉味重，但都無蓋過佢本身既小麥味，係好新鮮既體驗食完埋單都係七點鬆啲，趕得切個半價優惠，呢餐真係又抵又好食啊😆

好少食德國菜，同事話呢間德國餐廳做緊主菜買一送一，所以黎試下餐廳環境好舒服，枱夠大，燈光柔和，平日又冇話限時，地方夠大，唔洗點搵位豬手外脆內嫩，加埋個薯蓉，好好食，不過酸菜就太酸，我麻麻德國腸，紅色最好食，一口芝士流出黎，其他果d咸左少少薯餅：呢個幾特別，同想像中既薯餅唔同，佢係搵薯仔絲焗出黎，脆脆地，口感豐富，塊肉有d似厚切火腿沙律夠開胃，落左芝士粒同牛油吊味，好快清哂鬼佬炸蝦，外面少少似油炸鬼，幾得意，幾好味

朋友約食飯 見到餐廳有買一送一（星期一至四）幾抵就去食5個人（2個女仔 3個男仔）就打算叫4碟野先 唔夠食再叫 一共叫左 豬手 牛扒 什腸 烤雞 另外叫左2杯黑啤 2杯cocktail 豬手 牛扒 同 什腸好快就到左豬手 塊皮望落好似好硬 但都幾脆 肉質正正常常 薯泥少左dd 都唔錯啦牛扒 叫左5成熟 但黎到好似已經7成 冇肉汁 仲有d硬 好麻麻什腸係最好食既 特別個芝士腸 好好食 仲有個蒜蓉腸 幾好食同埋份量都幾多最後等左一輪先黎既烤雞 雞身既肉幾滑 雞比肉反而唔滑 都正常既特別一贊既係 其中一位男服務生 好好service 因為今日病病地 唔想飲酒 只係飲水 多次叫佢針水都即到 抵贊！Overall 加買一送一既優惠 係幾抵 每人150 都唔洗 非常好

７月中同朋友慶祝生日，一行８人（５大３小）初試德國菜。適逄此店正在進行一個early dinner ５：００－７：３０可享半價優惠，因此選擇了這間餐廳。本身餐廳有幾間分店，今次我們就選擇了奧海城分店。可能因為太早食晚飯的關係，５點到餐廳只有兩三枱客。餐廳環境都頗大，到６點多餐廳會調暗燈光，為每桌點上小蠟燭（LED燈），氣氛即時提升～加分位!!!上菜速度尚算快，點餐後約１０－１５分鐘就已經陸陸續續上枱了。德國咸豬手 - 整隻咸豬手都很大，侍應上菜後會幫忙分好。整體肉質不太乾身，內裡的肉嫩滑，不太咸，足夠我地多人共享德式香腸拼盤 - 大約6-8條德國香腸，紅白各一半的，本人較喜歡白腸，紅腸覺得略咸. 拼盤中有一球薯蓉及酸菜，如果覺得香腸太咸，可以連同薯蓉一同食，會較容易入口小食拼盤- 有煙三文魚伴德國黑麥包，薯蓉撻，肉丸球(有D有chesse)及蝦餅. 最好熱食，如果未能即時食，隔了一會兒表皮會變得比較硬身虎蝦意大利粉 - 蝦身大隻又爽口，意粉份量都較多蘑菇意大利焗飯 - 飯身多汁，配料亦多，但芝士/奶油味略濃，食太多可能會快感到飽整體來說，半價食到一餐豐富的德國餐.  新嘗試 有驚喜!!

今日一行四人去食個lunch 其實一向都覺得呢間野有啲貴同埋唔抵食嘅 不過見佢最近午餐有買一送一仲有哈根大師又任食 咁就約埋幾個朋友一齊去試吓啦咁首先講吓佢覺德式薄餅 其實呢個係一個素食嚟嘅 餅底都鬆脆嘅 幫我呢就千祈唔好當佢Pizza咁樣諗囉 不過真心覺得都好食嘅 咁跟住就到德國腸仔拼盤 咁佢嗰度total有四款腸仔同埋一片豬柳仲有隻蛋 咁呢個都好食嘅 值得推介 不過重有兩樣 見嗰個牛扒同埋意大利飯呢就真係可以唔使叫啦 兩樣都比較一般尤其是個牛扒真係唔洗係度食 咁雪糕呢都有四個味嘅有士多啤梨味朱古力味咖啡味同埋呢個雲呢拿味由於食到lunch hr 都完 雪糕啦都俾人整得幾樣衰下 最嚴重嘅問題係其實啲服務真係好差 唉

我地六個人，食左夏日海鮮拼盤同埋三兩個 mainX 2(買一送一)，雖然等待時間有 D 長，不過都系好味！啤酒好正～晚餐主菜買一送一好正！推薦多人朋友聚會～不過買一送一就唔可以打包～要食曬佢地！

琴晚一行4人，叫左沙拉，豬手，意粉，什腸，什飽加杯啤酒，個場雖然好旺但係招呼都還可以，豬手一如既往都係覺得麻麻，什腸ok，沙律好正，意粉有啲點貴，面飽無得彈，買單904 但係原來 刷卡有折 四個人食到飽一飽用咗788蚊 好低食

Thought it was a restaurant good to try but now I understand why this restaurant always have to do so many promotions on daily basis because it really has bad service!!!Price during lunch promotion is fair but there are plenty of other restaurants doing promotions during lunch hours.The reason I comment here is because the manager's bad attitude: zero service and treating customers with kids like crap. "I don't care even if you leave" from his mouth. This company needs training!!!

呢間德國餐廳已經食咗好多次，因為一直保持水準，所以都成日會黎幫襯！當一諗唔到食乜就會嚟食！最近聽聞有主菜買一送一的優惠，所以今次嘅舊同學聚會邊揀選左佢。Book咗枱六點半，我同另一位朋友準時到達，侍應非常有禮貌解釋左今日嘅買一送一優惠，幫我地叫咗happy hour 啤酒同飲品。等到另一位朋友到咗，我哋便叫了兩個主菜。一個係雜錦德國腸拼盤，上枱分量十足。大約有成四五款德國腸，其中我覺得最好食係芝士腸，切可以有芝士汁流出，令人垂涎欲滴！令一款主菜係德國鹹豬手，我哋揀咗脆皮嗰款，皮脆肉嫩，口感一流，配菜嘅酸菜剛好中和左豬手嘅油膩！食完薯蓉已經飽左大半！第四位朋友終於係九點鐘到達，佢已經食完晚餐，所以只叫咗甜品。 我們點了一份蘋果批及雜莓批，兩個都跟雪糕球，甜品都唔算太甜，味道剛剛好！由於是日主菜買一送一，買單都只係500多元。只除三個人，每人唔使＄180，認真抵食！