Beerliner German Bar & Restaurant (已結業)

曾經來過這間吃午餐，卻沒有試過這裏的招牌德國豬手和德式芥醬，今晚順道便過來試吃這裏的晚餐。 不知是否 friday night 的緣故，今晚這間店超級嘈吵，幸好我們坐在靠邊最近商場的座位，但仍聽到整間店非常嘈吵的顧客談笑聲，想跟同桌的人傾談也聽不到對方的說話。set dinner只有三款都不合我們的口味，便點了廚師精選拼盤，那是二人餐，再加一個十安士燒美國肉眼扒，三人共食都很足夠。廚師精選拼盤有秘製鹹豬手、香腸和薯條， 咸豬手的皮十分香脆，肉味道濃郁，不過肉汁不多，整體來說也很好吃。 肉眼扒點了五成熟，可惜牛扒整體很乾，幾乎沒有肉汁，調味也不足。這一餐吃很多肉，會有點膩滯的感覺，但跟餐有兩杯飲品，我們點了 hula hoop 和 honeymoon 都是有點微酸，正好消滯。

有朋友約食生日飯 話想飲下酒 所以就揀左呢間餐廳😛坐底後睇完menu覺得set dinner啲野食唔太吸引，所以照叫左單點食物☺️分別叫左個燒豬手配薯蓉同酸椰菜，仲有蕃茄青口，另外叫左兩杯德國啤。豬手黎到賣相都好吸引😍已經流晒口水🤣店員上完菜都好好問我地洗唔洗切埋，佢切既時候仲係卡卡聲 聽得出個豬皮真係脆卜卜😍食既時候，豬手個咪唔會太咸，岩岩好！個皮真係好脆好好食😭薯蓉都好滑，酸椰菜都唔會過酸，食完幾舊豬手食返啖酸椰菜可以減一減啲肥膩感😛消下滯。我平時出去食青口都係食開白酒/忌廉比較多，但呢個青口配蕃茄粒都好好食！一樣係食落有啲清新感唔會太膩。不過青口肉就有啲大粒有啲細粒，size不一。最後叫埋賣飛佛甜品！！！tiramisu😍賣相都好靚，不過面頭啲生果就頗酸，食左一粒就pat晒落碟度😂同埋佢個底都唔係浸左咖啡既餅底，只係海綿蛋糕底。側邊兩條甜既脆餅都幾好食。另外我同朋友叫左兩杯德國啤，因為我自己其實唔係咁中意飲啤酒因為我唔中意麥味，但見到menu寫住其中一支係有濃郁既焦糖味，少麥味。就試下叫啦，點知一飲 一啲焦糖味都無，都係有麥味😩感覺被騙😂飲左半杯就無飲嚕。整體黎講，都會因為個豬手而

Ask a big fan of beer, I always want a huge tub of beer on a Friday night! And what goes best with beer? Definitely the German food! So tonight I felt like having German food and I got here. And it totally let me down. Not to mention the very bad service At the reception. I Waited for more than 45 minutes, seeing all the empty tables and seats inside without taken care of. Finally by the time I got in, I realize so many people were actually waiting for the food for apparently quite a long time.

星期六晚睇戲前同朋友ss揾間餐廳食吓野吹吓水，可能時間尚早，所以唔洗等位。食德國野緊係要食德國豬手同腸啦，一上菜waiter就會幫手將隻豬手切開幾舊。豬手啲皮唔係太脆，肉唔算juice，腸都有四款，但無乜邊款好突岀，酸菜個人覺得唔夠酸唔夠解膩，反而個薯蓉幾creamy。特色拼盤炸魷魚圈都係唔太脆既，個芝士三文魚卷都好食，炸雞都juice，個磨菇酥盒都幾重磨菇味，但個豬手肉絲卷就有啲dry 龍蝦汁海鮮意式燴飯個飯口感幾好，但唔知點解成個飯好重蒜味，所以個人不太喜歡。嗌咗兩杯飲品hula hoop比較甜麻麻地，ginger lime就幾好味。

好少食德國野🇩🇪 吹下啤酒🍻吹下水-秘製德國鹹豬手 $228大大隻🐷手，幾好服務，店員會幫手切開先方便我地食外皮好脆🤔但唔夠鬆化薯蓉好滑仲有豬手既咸香味😋-龍蝦汁海鮮意式燴飯 $175個飯一上枱夠哂香，仲有好多青口同蝦👍🏻😍個意大利飯軟硬適中😋 唔會太林

有到左星期六啦，今日要出沙田市中心做D野，所以又搵下沙田有咩早午餐食!今次係沙田新城市廣場一樓搵下有咩好野食，見呢間餐廳未試過，於是入去試一試!這間餐廳都有提供週末午餐的!我們二人點了兩個餐!廚師精選沙律及餐湯，今天的餐湯是粟米湯，唔知係咪佢岩岩開門，所以D湯飲到有未溶既粉，味道就普普通通。沙律方面有三片瓜同埋少許沙律菜，配有少少黑醋，不過不失!海鮮烤肉拼盤，跟我想像有少許分別，我以為係可能係連殼的大蝦，不過黎到是幾粒蝦球。不過都彈牙的。烤肉是半隻燒雞，雞肉連皮食會較好食，有少許香草的味道!個薯仔個皮燒得好脆，但較油!拼盤還有很多豆，感覺很清新!不過整體成碟都較油，可能係因為隻燒雞?烤肉拼盤，有牛扒、小羊架、迷你德國腸、燒薯、豆及啡菇。牛扒冇得揀幾成熟，不過上碟應該7成熟吧，切落去沒有血水出，肉不是全熟，肉質都算鬆軟。小羊架有點羶味，不是太熱!迷你腸有兩款，不過比較咸!豆有很多，感覺好似冇咁油膩。精選甜品，是藍莓芝士蛋糕，酸酸甜甜，甜度適中，小小一件，不會很滯。餐飲揀選了凍檸茶。總括黎講，餐廳座位都算很多，但不會太迫。食物偏油，連蔬菜都頗油，要留意一下!如果可以揀的話，這間餐廳不會是首

匈牙利牛肉湯，$58超濃又多料,加意粉食都幾好喎!配上果仁牛油餐包好正,兩個人可以share呢個湯暖一暖肚先食d煎炸野!黑松露芝士薯條，用煲仔上檯,份量好多,我地三個食唔哂,薯條佈滿芝士同黑松露,最緊要呢個煲仔非常保溫!!香煎腸配香滑薯蓉及酸椰菜，$138,6條腸仔,味道普通,酸菜同薯蓉好好味鄉村肉批，$79鋪上煎蛋的肉批似午餐肉,墊底的煎薯餅好香脆煙三文魚薯餅，$79同肉批一樣有煎脆脆薯餅,雖然細細碟但一樣有擺盤,有d沙律菜食下,煙三文魚唔錯!!

見到新開將所以就決定係生日嘅時候去試吓啦！一直都幾鍾意食德國野，所以期望都幾高！😂😂今次就揀咗德國豬手啦德國腸啦同青口仲叫多咗個Risotto！當然唔少得啤酒同甜品，有 tiramisu 同Blueberries cheese cake 🍰!而啤酒就嗌左麥味較重嘅黑啤🍻🍻！整體來講味道都唔錯，但我自己就覺得鹹咗少少呢！鍾意食得鹹啲嘅朋友可以試試！🤤🤤至於環境尚算唔錯唔會太迫，但燈光就有點太啱囉！🔦🔦

Beerliner有好多分店， 好耐之前去過大角咀奥海店， 整體比沙田呢間店好，包括食物、環境、服務。沙田店只有signature豬手同各項德國腸保持水準外，其他差大多一無可取。蕃茄味搶晒成碟飯嘅味道，淨低無引同失望Beer好拍檔，咸味略不足唔洗試青口飯，你只會唔開心架咋平平地，性價比可以一試，可能係因為我鍾意食薯餅Germany Beer 一定無得輸，乜味道都有，梗有一款啱你口味。Beet我必選，所以我會喜歡啲食物味濃啲，對我嚟講呢餐啲食物淡口咗

今日day off, 可以優哉悠哉去食好西, so good! 放假所以早D出去, 無謂同寫字樓D人掙飯食Beerliner 好多分店我都食過, 唯獨沙田呢間. 今餐晏就揀佢啦!佢地個lunch set都OK抵食 (相比平時佢地嘅晚餐同happy hour).$88起有湯, 沙律, 主菜, 甜品 + drink我揀左 $128 德式香腸拼盤配酸椰菜及燒薯今日個湯係菜花忌廉湯, ok,吾太特別煙三文魚沙律, 吾錯, D菜好新鮮, 三文魚夠大塊.主菜D腸好得.紅色長嘅腸係牛肉辣肉腸, 咬落去有白色忌廉汁流出嚟, 但吾會太漏, 有好creamy嘅感覺.紅色短嘅腸有少少辣, 好香口.白色長嘅腸係豬肉農家腸, 爽脆.白色短嘅腸叫紐倫堡腸, 都係豬肉. 味道好正, 我最like 呢款餐飲 --- Cranberry juice甜品 --- Tiramisu難得係 Beerliner 食飯都可以咁清靜, 同平日 happy hour 嘅氣氛真係好吾同, 感覺好舒服 (同埋好奢侈, 哈哈) 同埋lunch 真係好抵食, 正!

豬手真係百吃不厭，今日試沙田呢間新開既德國菜，叫咗佢個招牌生果沙律，除咗有沙律菜主要以生果為主，有無花果，啤梨，青蘋果，藍芝士，橙，提子，堅果等，都好豐富，食落去好開胃又清新👍🏻主菜叫咗德國豬手，侍應幫手切開，皮脆，但唔夠鬆化，咬落去死實實咁好un皮咁，同埋佢隻豬手整得太乾身，有好多外露既肉都好硬好鞋，完全唔想食個d位置，薯泥整得好香好滑身，配上酸菜不錯，但主菜比較失望，最後叫咗杯果味冇酒精飲品，解解渴。

滂沱大雨, 有點納悶, 食個好lunch打打氣。一個set有齊沙律, 餐湯, 主菜, 甜品和飲品, 百多元算合理, 但總有例外。是日很想吃肉, 要了8安士澳洲肉眼扒配薯蓉扒鮮菜 $148。水牛芝士蕃茄配香草汁, 味道清爽, 是一餐的好開始。餐湯為蕃茄忌廉湯, 湯有蕃茄的微酸, 甚為開胃。肉眼扒要了七成熟, 肉質稍韌, 打了折扣。茄子烤得剛好, 沒有過軟。薯蓉本身應該沒有調味, 淡淡的, 配上黑醋和燒汁同吃, 感覺不錯。抹茶蛋糕小小一件, 很快便給K.O.掉。檸檬茶味道中規中矩, 檸檬有4片之多, 感覺不錯。食完整個Set, 竟然沒有飽肚感覺, 出事了。

奶奶生日，因為係閒日唔想去太遠，所以喺附近揀間新新地嘅試下。用新城市app拎飛，拎左5號飛，已經即落樓，去到已經叫到7號，我地見佢寫住過左「超過兩個籌號」需要重新拎飛，就問下門口個侍應，點知佢話咁已經算超過兩個號碼，死都唔肯補，要重新再攞過飛，結果等多成個鐘先有得入。入到去叫野食，人手有d唔夠，不過都算有禮貌嘅。叫左個龍蝦牛羊拼般，個女侍應上菜時整跌左隻龍蝦落地下！成隻跌左落地下！我地未黎得切反應，佢一手執起，話換過隻俾我地，過左冇兩三分鐘佢就用個細碟裝住隻龍蝦出黎，好難唔令人聯想到係就咁放返上個蝶就拎返黎，but anyway，都冇得考究啦，咁除左心理陰影之外，食落係OK嘅。但係塊肉眼就完全唔得，睇落粉嫩，食落勁un! 真係食唔到，同個侍應講，佢想問下話得事嗰d又冇人得閒應佢，唯有直接問個看似話得事嘅，咁佢都換過一塊俾我哋，之後又解釋返批貨可能比較接近T骨嘅位置所以比較實，換過嗰塊好少少不過都唔可以話好食囉，反而d椒同菇好正，juicy香甜。另外個risotto都ok，只係稍為淋左少少。飲品值得一試！

預祝朋友生日🎂🍻一齊試新野《沙田新店》德國餐廳，冇得book枱，要排隊，食好野真係要等吓。等左大約半個鐘就有位店內環境感覺好relex，舒適。店員過來落單，我地七咀八舌，問長問短，終於點好菜。上菜啦…豬手就食得多，燒豬脾真係第一次，外皮超脆，切開仲會冒煙架😋確實有驚喜。小食併盤，各有特式，左試試右試上，味蕾小享受全部食物上枱都保持一定温度，香氣撲鼻，提升食物質感，要襯熱食呀一定會再來，試下其他菜式

沙田食黎食去都果幾間，見新開咪即管試下. 首先限時個半鐘已經好趕，重要叫親waiter 都要叫幾次至有人應，但好在食物都算快上到唔洗點等.沙律菜都算幾新鮮，味道一般炸雞幾滑芝士煙三文魚卷-芝士軟滑，濃淡適中加埋煙三文魚既質地，入口軟滑得黎又有咬口，超得其他就普普通通喇.從來未食過咁難食既豬手.話說隻豬手一上枱，waiter 就好急不及待想切開，跟住叫我地趁熱食.點知塊皮係韌到完全咬唔開，以為未rest夠所以唔脆，但隔左陣第二塊都係咁啤酒同其他德國餐廳既選擇差不多