Beerliner German Bar & Restaurant (已結業)

豬手香脆, 肉腸好味, Pizza 只得两款太少, 因為今晚只三個人來吃, 叫不了多些菜式來試, 整體是合格有餘(我比78分), 會再來試試其他食品。 價錢合理, 如在指定時間結帳離開還有折扣, 這便更化算了。

周日雖然不時下著雨，都打不消我地行街遊，黃埔地鐵開通後，冇哂地盤影響下，再去行街街，去到自然找個舒舒服服食個下午茶先再shopping，雖然佢冇下午茶餐，都想飲下啤酒和德國腸，叫左兩個午餐，已好滿足，有湯或頭盤，主菜，飲料，仲有甜品，簡直滿意。今次想左依啤酒，好清新和麥味唔係太重。

今晚同男朋友睇完戲, 原來book左一家食鐵板燒的餐廳, 但最後因為某d原因而放棄冇食到.... 最後黎到黃埔呢度食西餐黎到大概8:50到, 職員都好有心咁叫我地不如等多一陣, 因為9:00後入座會有全單7折平咁多, 當然等下喇! 星期6, 不過因為9:00都算係宵交時段, 呢個時間人唔算好多一站入9:00就已經可以入座了場內燈光比一般餐廳暗, 裝修都好西式餐廳既左手邊仲有個大吧枱, 果度有個外國人既調酒師, 好有外國酒吧既感覺!芝士波波球~ 似係以豬肉做成球狀再炸熟味道唔錯的! 而且入面仲有d半溶既芝士流出, 芝士味道唔會太過濃而奪去肉既味道, 呢個小食做得唔錯啊!!!!豬手係男朋友推薦的, 所以點都要叫一隻黎食!新鮮熱辣既豬手, 味道鹹香但唔會過咸的, 味道岩岩好, 豬手脂肪都比較重, 不過以先熟再烤而迫出大部分油脂所以一般豬手都唔會太肥膩, 呢個都一樣的, 食落啖啖似但唔會有油膩感的.不過個人就覺得豬手個皮做得唔夠鬆脆, 有脆既感覺但未做到有卜卜脆既口感一呢一點令我有少少失望的><最後叫左一份牛扒其實食到呢度已經有d飽, 不竟所有都係肉...本身叫左3成熟, 不過

自從上個星期食完豬手之後心思思好掛住，剛好約左友人去黃埔於是見到Beerliner二話不說入口啦。一直都係食開旺角朗豪坊果間，諗住連鎖式經營信心應該有保證。由於此行只得2人，於是叫左前菜同主角：德國豬手!好快前菜到，薯蓉好薄好薄一層⋯肉批好厚好硬好鞋，仲有d咸⋯ 好似食梗厚切午餐肉咁 蛋可惜是凍的⋯ 依個一定唔會推介比大家到主角德國主手，待應上檯會幫手切一刀，之後就自己嚟啦～ 仍舊香脆可口，不過都係咸左d下次都係去返朗豪坊分店。水準有保證d

晚餐突然想食德國豬手，醒起一直想嘗試黃埔的一間德國餐廳，決定立即出發，順便可以去嘉禾睇戲。餐廳面積寬敞，裝潢時尚，整體環境不錯。一坐低，侍應服務態度親切，立即推薦招牌菜，更介紹happy hour 優惠。happy hour 優惠 晚上8時完結，依家主菜更加有買一送一優，抵食。點左沙律+德國豬手+香腸拼盤+2杯無酒精飲品。食物調味非常咸，食完需要不停飲水，但都無幫助價錢已經忘記，唔過$350。優點 ： 環境唔錯，侍應服務不錯優惠適合一家大細或一大班朋友聚餐食物份量頗多，絕對食得飽飲品不錯，上菜速度快缺點 ： 食物太咸總結 ： 大群朋友聚會 或喜歡重口味的人 可以一試，買一送一優惠實屬抵食。但著重健康的人要仔細考慮想試埋佢地嘅燒雞和意粉（假如諗唔到食咩，先會再去嘗試）

Went to Whampoa for dinner with friend on Saturday night, it’s quite convenient to go to Whampoa nowadaysby MTR, will come more often. German sausage platterThe presentation is good when it arrived, sausages taste ok but just similar as those I bought fromCitysuper, should have ordered another dish instead.Presentation: Eye-catchingTaste: GoodSpeed of service: FriendlyEnvironment: Enjoyable

由於有AE 白金卡優惠的原固, 我們特意選了這間德國餐廳。這間餐廳除了黃埔以外還有幾間分店, 不過這間比較少人, 容易訂位, 用餐時間也比較自由, 加上有新開的黃埔站, 所以便選了這間分店。這間店地方寬敞, 餐桌及座位也很大很舒服。我們看了餐牌之後, 便點了幾個傳統的德國菜。首先是這道秘制德國豬手, 跟住再來一個自家制肉腸。然而最令我地驚訝的是上菜的速度, 由點菜到上菜前後不足五分鐘。秘制德國豬手外皮烤至非常香脆, 味道不錯。而自家制肉腸也不例外。之後再來一碟德式炸薯蓉, 裡面夾著少少芝士, 味道也不錯。由於有信用卡優惠的緣固, 雖然已經很飽, 但最後也多點一個甜品, 德式煎餅配香草雪糕, 這亦我是最喜歡的菜式。這個暖暖地既煎餅味道岩岩好, 配上香草雪糕感覺很 fresh。而這個雪糕雪得比較硬身, 在暖的煎餅上面也沒有很快溶化。使用信用卡優惠後, 每人只是用了$150 多, 非常抵食, !

黎到beerliner 試下個母親節family combo, 4人餐承惠$788, 食物如下:首先上個湯先, 本身以為有德國香腸做頭盤, 原來係撈埋係個湯到, 個人覺得麻麻地。頭盤一盤過, 有2款沙律, 炸蝦同3文魚包, 最好食係個薯仔沙律.....再上主菜, 都係一盤過, 有幾件豬手, 牛排, 釀墨魚筒同芝士丸, 個豬手好脆, 但有d失望因為本身以為原隻上, 牛排好un, 咬唔開咁滯, 個釀墨魚筒入面既filling 好似小麥米, 但無味, 個芝士丸外皮炸得太硬, 個risotto 就普通個set包埋牛奶布甸同4杯飲品, 係成個餐最好味既野! 總括黎講, 個人覺得呢個套餐d食物唔夠特式,味道真係非常普通,  另外叫左盤香腸拼盤, 味道就不錯, 所以都係散叫會好d

是日提早慶祝母親節，我們一行14人，有大有細 訂咗晚餐黎慶祝，餐廳環境唔錯，好有酒吧嘅氣氛。店員好好安排咗一張大正方形枱畀我哋14個人喺角落頭， 咁等我哋可以好好傾計，慢慢咁嚟食。餐牌我哋叫咗呢個推介，睇落佢都幾抵食， 438蚊有成36安士嘅連骨肉眼扒，就叫依個，一上枱賣相好靚， 真係巨大~ 我哋叫咗medium well，因為有小朋友，所以希望熟啲，佢煮出嚟又真係啱啱好，咁大塊中心都熟到而且唔會過熟，牛味好重，尤其骨位，推介！燒豬脾 - 呢個反而麻麻地，唔太脆又偏鹹，可以適當地調返冇咁喊會更加好。另外的配菜幾特別，有德國椰絲菜沙律，甜椒，同一個看似是薯仔嘅澱粉質物體。味道都唔錯~恆生咭主餐牌有八折，優惠折後價錢都算可以，如果唔係價錢就覺得偏貴，不過環境係好舒適嘅，同朋友gathering 一流~

Happy Friday Night 當然要搵好野食，冇到黃埔一排，多左好多好野食，今晚就食德國菜。Beerliner German Bar & Restaurant 都算近地鐵站，餐廳坐位舒適，但背景音樂有D大聲，唔太適合想靜D傾計的人。Beerliner Salad - 沙律用料豐富新鮮，除左有橙，提子等等，仲有無花果，每樣都好鮮甜，貴得合理。Ham & Mushroom Pizza- Pizza 夠脆，而且每塊都有充足的Ham & Mushroom，啖啖都咁滋味。Hoilday Combo - 套餐有豬手同德國腸，豬手皮唔夠脆，味道普通，反而德國腸有不少款式，而且唔算太咸，味道唔錯。套餐包飲品，仲可以加錢轉啤酒，我地加左每杯$30 要左 Hacker Weissbier & Hacker Kellerbier，都幾易入口，為晚餐加分。整體而言，食物材料新鮮，加上環境各方面都算唔錯，如果同朋友來輕鬆食飯就啱晒啦~

餐廳坐位寬敞，選了一個角落的位置，感覺整體環境舒適寧靜！2人點了豬手套餐及ham pizza。~豬手套餐🌟🌟🌟🌟，價錢$388，雖然偏貴，但份量亦都十足，2人都應該夠吃。待應下菜前會詢問需否幫忙切豬手，但我地想影相，慢慢享受，決定自己來。豬手皮脆厚肉，味道不錯；套餐還配有德國腸，薯條及2杯啤酒🍻。~Ham Pizza🌟🌟🌟，很足料，但薄餅底林哂，有點失色。而整體服務亦很好，會是一間值得考慮再光顧的餐廳🖒。

係黃埔睇完戲後決定試下呢間德國餐廳。餐廳比較寛敞，座位不擠迫見週圍客人都食豬手，應該是招牌菜吧。而且黃埔只有這個chef special 套餐，其他都要散叫。最終我地唔想諗食什麼，決定叫呢個套餐：德國咸豬手伴薯蓉+德國肉腸配薯條 $388豬手香脆可口食落卜卜脆，而且份量十足。 四條肉腸味道不錯，但不太食得出分別。加上厚切薯條，整個套餐實在有點熱氣。餐飲可以選無酒精mocktail 呢杯honeymoon 用蜜糖橙汁萍果汁加soda water 而成，味道酸酸甜甜，幾清新開胃。

黃埔花園新開的分店！店舖前紙板公仔，供客人拍照留念，可惜當晚我們沒有拍照！整間店舖位置都算闊落，環境似燭光晚餐！今次晚餐點了澳洲牛扒（好味)，德國沙律（內涵生洋蔥，不適合小朋友），火腿薄餅（有大量的火箭生菜，味道不合小朋友），肉醬意粉（必食），意大利飯(不過不失），德國豬（好味）今次沒有order 德國腸仔，因為某人唔想食，唯有下次有機會再試！員工服務態度良好！綜合餐飯的口味，適合大人的多些並不太適合小朋友！埋單約$800.- （AE card 優惠）

今晚兩人晚飯，好在七點唔使排隊服務都好好先飲牛肉湯($68)，湯料很足，兩個女仔一齊分比較好，以免太飽~德國腸豬肉捲腸，配薯仔連酸菜($159)要讚啲係成碟都口味正宗，酸菜是德奧菜嘅靈魂!再嚟德奧甜品apple strudel($68)，如果就咁叫蘋果卷就太睇少佢喇，由整蘋果蓉加乾果料，到整酥皮，配合呍哩拿雪糕同睇嚟工序都唔少,係暫時全港最貼近正宗嘅( ´▽` )ﾉ 唯一意見係伴碟仲有士多啤梨同果醬應該係多餘嘅有啤酒癮嘅，不妨試佢地特色啤酒，十幾款揀……嗰日指定款有買1送1冇機會試其他嘢，因為太飽了我意見係怕ludwig貴或唔就腳嘅，呢間集團式都可以去呀～ 建議起碼三人以上先去，分享多啲食物先開心

有一日，波波突然好想食洋腸，於是就去咗呢間德國餐廳度食德國腸喇！呢個併盤有四條洋腸，一隻鹹豬手，仲有啲薯條添！腸仔方面呢，一嚟夠大夠粗，二嚟喺味道方面呢都做得好出色，啖啖肉汁之餘，仲有條腸直情會有芝士汁射出嚟添，真係爽呀！再講下隻豬手，啲皮係就係幾脆身，但佢皮下嘅脂肪好痴身，令到成個口感都冇咗種脆卜卜嘅感覺，反而好似難咬咗！呢間餐廳仲有樣嘢就係收唔到訊號，可以好專心食野喇！