Beerliner German Bar & Restaurant (已結業)

一行十人睇波食飯，呢間質分店人流唔太多，我地食早場，貪佢唔限時！一心諗住睇波，可惜佢個電視太細 ，我地都得幾遠，唔係咁睇到，不過唔緊要，一班朋友食下吹下水都好開心！佢晚巿有set dinner,都好抵食，百零蚊大大份，而且加錢可轉啤酒，叫左幾個set,當然要叫豬手同德國腸la!必食！豬手比較失望，皮唔係好脆，有d硬，肉質都有d乾，似係一早整好再返熱又過左火咁。德國腸拼盤大大份，味道好好令人好滿足！別的小食同主食味道都唔錯，我地都好滿意，係豬手失望左d...

家人為我提早慶生，原本選了曾經去過沙田區的一間德國式餐廳，但發現同一品牌的黃埔分店六時半入座餐牌上單點菜色有七折優惠，當然不介意走遠少少。準時到達，客人未算多，餐廳的裝潢保持全線一致。我們點了一份香煎青衣魚柳配薯蓉，長青豆及黑蒜忌廉汁套餐，附椰菜花忌廉湯、精選甜品要了黑森林蛋糕及飲品要了紅莓汁，另外單點的有水煮德國豬手配酸椰菜及薯蓉，與及蕃茄黑松露醬大蝦意粉。套餐的紅莓汁以一個有手柄的玻璃jar上，這個就給了女兒。椰菜花忌廉湯內有磨菇片，椰菜花味濃，湯底不稀不稠。在這裡叫德國豬手，會較為喜歡要水煮或是燉的，水煮德國豬手配酸椰菜及薯蓉感覺上是沒有太多油，外皮膠原豐富，內裡豬手肉嫩滑，豬手不太鹹，蘸些特備醬汁最合拍，配上酸椰菜是慣常會用的，更可以消滯解膩，薯蓉亦很軟滑。蕃茄黑松露醬大蝦意粉，除了有大蝦外，還有些蘆筍片在其中。意粉上還有些芝士片，扁意粉也很爽口有彈性。套餐的香煎青衣魚柳配薯蓉，長青豆及黑蒜忌廉汁，魚柳煎得香脆，肉質嫩滑，蘸上醬汁來食，能為本來較為清淡的魚柳添些味道。套餐的甜品選了黑森林蛋糕，帶些酒味，中間一層是芝士餅，不太甜，整體味道還不錯。驚喜的是，原來女兒訂位時已經另外安

黃埔區一向有超多餐廳，而且配套完善，交通又方便，是不少人的「搵食目的地」！有天，我與友人在何文田打球後，在網上發現到黃埔有間「抵食」德國菜，其午餐的價格定位讓人無法抗拒。我點了份澳洲肉眼扒配黑松露薯條及鵝肝汁。這款Set Lunch很「抵食」，雖然沙律、餐湯和飲品也要另外加錢，但最後也是百多元（連加一）。這個價錢能夠吃到澳洲肉眼扒真是相當不錯，尢其是扒都挺大塊。當然大家就不可奢望百多元能得到一頓帝王級盛宴。不過總括來說，扒的肉質還好，而且肉味也重，亦夠Juicy。（我點了七成熟，並不「鞋口」) 另一方面，鵝肝汁夠濃郁，味道與肉眼扒十分配合。黑松露薯條有心思，薯條炸得外脆內鬆軟，薯味十足，加上少許黑松露，味道更加提升不少。南瓜湯夠濃味足料，而且夠稠身，入口亦有絲絲的南瓜肉，非常美味！沙律中規中矩，和平常的沙律一樣，不過煙三文魚片幾好味，煙燻味挺重。

星期日要同個朋友傾野，其實我地次次都會去BERLINER 架，尤其係黃埔呢間。首先，中午真係好少人，係任坐幾耐，吹幾耐水都唔驚，唔驚嘈親隔離或俾人嘈。仲有，以佢的水準同個餐廳品牌黎講，佢的中午真係好抵食﹗我就用左百幾蚊食到個肉眼扒﹗我逐樣講啦﹗首先，佢有個沙律，呢個好似係以前無的，唔知點解禽日食又有喎，入面有鴨胸肉，平時我係唔食架﹗但係佢又煮到沒有蘇味，啱哂我胃口，之後個肉眼扒，我要7成熟，因為我怕生，佢味不錯架，有時有啲地方煮到咁熟會好難齒開，不過我食呢件又OK喎。真係好難得，我愛牛肉味，但有時我要好熟又變到好難食，BERLINER呢度就照顧到我呢個麻煩人。仲有啲配菜，啲南瓜真係好好味，感覺有好多維他命同營養，真係好有HEART﹗最後仲有個甜品，件CAKE又要讚呀﹗佢甜酸得易，真係好可口﹗我同個FRIEND係次次由12點幾坐到3點，係勁舒服囉﹗同埋啲WAITER又好好服務架，斟水呀，講解食物點上碟呀(因為佢話個牛扒碟唔係鐵版，我怕血就要叫熟啲)都好清楚細心﹗

一嚟到，先叫2杯德國啤，因為8點前happy hour價! 都好大杯，食一餐飯都夠飲。今次先叫了招牌鮮果沙律，秘製咸豬手同肉眼扒。可能廚師同侍應們都知道食物一次過嚟的話，將枱係放唔晒，所以牛扒同豬手先上，沙律後上。清晒都未夠飽，於是再加麵包籃同冠軍肉腸。食物:沙律好正，生果同菜都好新鮮。雖說豬手唔夠咸，但皮夠脆，肉夠多，薯蓉夠滑，酸椰菜酸味恰到口胃，跟豬手一齊食，即刻冇咁滯!牛扒比豬手還要出色，我哋要5成熟，雖然嚟到時明顯熟多了，但依然鮮嫩，再加上炒香了的洋蔥，好食又好夾。而伴菜嘅瓜菜亦烤得唔錯，水份仍存。麵包都做到德國口味，尤其結麵包，外脆內軟!冠軍肉腸聞說真係攞過獎，只有我們覺得一般。

#fridayla_whampoa⠀⠀⠀⠀⠀⠀⠀⠀⠀⠀⠀⠀⠀無論系聖誕同徐夕🎄唔少人都會選擇系屋企開Party⠀⠀⠀⠀⠀⠀⠀⠀⠀⠀⠀⠀⠀而如果唔想自己花心思準備野食又可以同Fd暢飲不醉無歸😝⠀⠀⠀⠀⠀⠀⠀⠀⠀⠀⠀⠀⠀甘去餐廳食大餐😎就系最好既選擇！⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀1⃣派對狂熱巨型拼盤💲350 per each (至少8-10人)💭分上下半場，先食前菜Platter💭最中意煙三文魚，鹹而不膩😍💭魷魚圈同炸雞鎚記得都要沾醬💭德式麵包圈記得都要夾鹹火腿食💭如果唔系會太鹹🤣🤣💭燒豬肉手絲卷就較淡，無咩特別😢💭煙三文魚同薯仔幾夾😳💭然後就食主菜拼盤😝💭最愛番茄黑松露意粉，調味好出色💭意粉口感亦好，大蝦新鮮彈牙💭原只燒春雞都幾惹味，不過個醬汁一般😢💭德國腸種類繁多，超Juicy😍💭呢個餐一定要約夠8人先好挑戰!💭如果唔系一定飽到癡線！⠀⠀⠀⠀⠀⠀⠀⠀⠀⠀⠀⠀⠀🔘另外再包2小時任飲生啤同汽水⠀⠀⠀⠀⠀◤ Beerliner German Bar & Restaurant ◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺∶紅磡黃埔天地享膳坊(第4期)地下G10號舖🍟Food

今年的冬至聚餐打破傳統，不去飲茶改為去食西餐，起初以為午餐也如以往一樣有德國咸豬手食，但原來沒有了，有少許失望！但餐廳的佈置充滿聖誕氣氛，而且坐位舒適是日餐湯配沙律🥗也不錯，味道適中，不太濃！燒春雞配薯條🍟：一上桌，同事們先吃🍟然後才🔪件，方便大家食，雞胸肉仍是最不受歡迎！煙肉龍脷卷配長青豆及黑松露薯蓉：覺得最吸引是黑松露薯蓉，龍脷反成配角般！肉眼扒配薯角：太薄片，有點失望！德式香腸拼盤：我們切開成一少件，大家分享，喜歡吃辣的同事最愛紅色的腸！蕃茄蜆肉燴扁意粉：蜆肉不太平均，只放在底部！蕃茄水牛芝士黑醋意式燴飯：有點失色我們最愛是甜品

一入到去間餐廳已經感覺到好有聖誕氣氛，好似去咗外國嘅感覺。我哋去到餐廳嘅時候已經係午餐，由於唔係太想食咁多肉，所以嗌咗all day breakfast。午餐時段真係好抵，又有飲品，又有沙律同湯，主菜食完仲有甜品，仲要樣樣都好好味，好高質素！All day breakfast 真係一個唔錯嘅選擇，又可以試吓佢哋啲香腸，又唔會太跩👍🏽 非常推介。特別好想讚下佢哋啲服務，真係簡直一流。 我哋嗰日去係慶祝一個朋友嘅生日，嗰度嘅服務員好識做，令成個surprise 都搞得天衣無縫。我哋嗰日仲要好煩，成日舉手要果樣嗌嗰樣，但係啲服務員都勁有禮貌，滿足晒我哋所有要求！講真個句，呢家係香港食嘢，無論間餐廳有幾貴有幾平都好，都唔敢要求服務會有幾好。啲服務員唔鬧我地已經算偷笑😂 

我冇account 都要開番個可想而知我有幾嬲。今晚同家人黎晩餐，咁啱叫左個經理落單(唔肯定但係佢著衫特別唔同)一個唔想做嘅樣，落單望都唔望我地，叫套餐問我地要咩啤酒揀完先話冇得揀只可以要一種。三款tap beer 問佢其中一款係咪lager beer 佢直接讀番個名俾我聽，真係唔該曬。同佢講我地想另加1L (Jar) 啤酒佢好似聽唔到淨係問我地係咪要3L(一桶)，全程黑面，冇禮貌冇表情唔講我以為佢係客，你唔想落單咪叫你D Staff 黎囉。埋單個陣多口問個staff 有冇咭有折扣，同屋企人攞左張黃埔卡，再一次遠距離見到呀經理哥哥黑面，點解？因為勞煩到佢又要打多張單囉，真係sorry。野食質素唔駛討論淨係呢位哥哥嘅態度已經扣哂分，其他staff幾有禮貎都冇用🤷🏻‍♂️

今晚突然好想食肉，仲好想食pork knuckle 於是就去呢間食。佢地有set dinner 但係冇pork knuckle 所以冇點到。都係單點算啦。👉🏼最想食嘅pork knuckle 都幾大件，皮有啲硬，似係toast 得太耐，啲肉都可以，有少少筋，都算淋，味道一般。有配薯泥，味道一般，我覺得king luxxx 嘅pork knuckle 好食啲。👉🏼腸仔有6餘腸，其實冇乜特別，腸有腸味😂只係因為想食肉所以點埋單四百幾，覺得有啲貴，唔係好值，整體感覺一般。

澳洲肉眼扒配黑松露薯條及鵝肝汁🥩($98) (3/5)@beerlinerhk 相信好多人都食過🥂 要介紹係因為發現佢既set lunch好抵食😱 逢星期一至日$68-$98😏 肉眼扒份量算係咁🥩 雖然未至於好高質🤔 但都唔韌😋-德式香腸拼盤配酸椰菜及燒薯🍻($88) (3.5/5)香腸拼盤同夜晚份量差不多😱 超抵食😳 德國腸夠哂juicy🤤 最鍾意有芝士那款🧀📍紅磡黃埔新天地享膳坊地下G10號舖🚇黃埔站C1出口

星期五team lunch，特登想揀間好D嘅，點知又中黃埔魔咒。真係好奇怪架，無論邊間連鎖分店喺港九新界幾咁好食，一入黃埔新天地就變成垃圾，呢個魔咒實在解唔到... 😖我原本嗌煙肉龍脷卷，點知廚房話無，咁咪跟同事嗌肉眼扒，無論喺medium rare 定well done，碟碟都無牛味，仲韌到橡皮，𡁻到個個牙軟叫救命，仲放棄唔食。薯角份量少，不過無所謂，因為又腍又謝完全唔好食。坺酸菜... 酸菜？！ 毫無精萃，應該係沙拉醬醃菜。另外叫左燒春雞同豬手嘅同事亦唔見得好幾多。隻燒春雞又乾又硬，無塊嫩肉。真係春雞？ 迷你老雞就真啦。豬手望落好有氣勢，點知用刀好難鋸得開，真係想借把電鋸鋸開佢。齋切未食已經好勞累，仲要放入口係咁𡁻簡直係一場苦差，真係辛苦晒果位同事 😅沙律菜加blue cheese okay 👌🏻 湯一般。我地唔會再嚟，on our black list~ 完。

今日收工屋企人唔想煮飯，就黎左呢到試下啦黃埔分店宜家星期一至星期三都會有主菜買一送一，幾抵食架😋😋一黎到就叫左個招牌豬手同香腸拼盤先再睇餐牌個豬手好脆，好好食，我地4個人都可以食到好多個香腸拼盤好似有4-5款腸，隻隻味道都唔同，都好好食，我最鐘意係有隻紅色辣辣地既，好juicy 好正🤤🤤跟住我地再揀左個沙律同三文魚薯餅，食左主菜再食前菜同沙律係香港先會咁做🤣🤣🤣，食埋就岩岩好飽啦🤓🤓🤓黃埔分店人唔多，可以唔洗等位又可以靜靜地傾計，幾好架

星期三有買一送一優又再黎食多次，太約下午五點黎到係幾乎全場都冇乜客人。肉眼牛扒，食完都覺得其實碼碼地，下次黎或者未必食牛了。呢個豬手呢，上枱前想影一張，點知果職員放低就即刻切了，上次係旺角朗豪訪食水煮豬手都冇咁主動同快手切。職員會係豬手兩邊切兩刀，分開咗兩舊嘢如上圖咁樣。不過呢個份量大細比起上一次食細隻咗，有點失望。Berry licious $44, HH price (3pm to 8pm)有青檸，都有多過一粒左右份量。有簿荷葉味道好清新而且係幾開胃。Hula Hoop $44 HH price (3pm to 8pm)呢個好香果汁味但就會比較濟肚，個人認為如配上多肉餐食

餐廳的食物具特色，午市套餐包括:餐湯、沙律、飲品及甜品。 首先介紹餐湯及沙律,餐湯的款式每天都不同味道也很好喝， 而沙律並不是一般餐廳的雜菜沙律而是需要一些時間處理的薯仔沙律並配上兩片三文魚十分好吃。 至於餐茶及甜品,餐茶沒什麼特別都是一般餐廳有的咖啡或茶但亦不失水準，甜品則誠意十足，不是普通一般的啫喱、布甸或雪糕糯米糍，而是一件蛋糕 其賣相亦很好看。最後要介紹當然是主菜，午餐有多款主菜讓客人選擇 ，先當然不少得是一些德國菜，有德國腸，鹹豬手，亦有德國式的全日早餐除此以外也有一些普通餐廳也能吃到的牛扒、意大利飯、意大利粉等等。 德國咸豬手很好吃亦能展示出德國餐廳應有的特色，分量很大女士們通常一人吃不完。德國腸餐中的芝士腸及辣肉腸特別好吃亦有很多客人點。意大利飯色香味俱全分量亦頗大。本人覺得最具特色是德國全日早餐包括一些腸、蛋、番茄及肉批十分可口美味。以上一份午餐68元起， 價錢十分相宜值得一試。