Beerliner German Bar & Restaurant (已結業)

跟LG睇完電影剛好是tea time，知道家附近beerliner新推出一個德式tea set 決定試一下，tea set配的飲品是MOCKTAIL如果想轉其他飲品就需要加錢，tea set有鹹點和甜點味道都不錯，分量也剛剛好，來一set聊聊天是不錯的選擇。

今天我和一家人一起到這間餐廳用膳，我們在初頭不知道該去哪裡吃飯，我們剛好經過這個商場，便發現了這間餐廳，這間餐廳有充足的冷氣，非常適合香港炎熱的夏天！這次光顧讓我和一家都滿意，那裡食物精緻、美味、優惠、環境清潔、服務態度好，一定會再次光臨。

世界杯總決賽, 滿懷歡喜去搵個地方一齊睇波, 高興下,搵左呢間西式餐廳酒吧. 雖然有最低消費, 正常.去到見到無咩人, 餐廳又開得一半,  心諗大鑊, 一定無氣氛, 不過呢 d 位置都可以既, 唔可以要求咁高.1) 最估唔到既係餐廳內其中一部電視十分矇, 克羅地亞球員, 格仔衫, 矇到好似打左馬賽克. 反而投射電視就十分清楚. 應該係電視機問題.成場波睇到好攰 .. 眼都花埋 ...2) 球賽完場後, 啤酒幾杯未飲完, 就被要求離開. 其實我地唔介意盡快離開, 但球賽完場, 餐廳都應該俾多少少時間,等顧客食完野先走掛? 戲院散場趕客走咩? 其實由一開始既想轉位, 到最後想坐多陣, 著住類似經理服裝既人,都無理過, 關門果陣仲要唔見左, 得返 d Waiter, 我都明白 Waiter 未必話到事, 咁既服務 ... 真係食飯都唔好去!最後公道少少, 食物係可以的.

一間餐廳要留住顧客除了食物美味, 環境舒適外, 店員的服務態度也有很大影響。而這餐廳的店員態度完全令人失望及憤怒。這餐廳中的一個女店員收拾桌面時沒來由的說話語氣及態度甚差, 欠缺基本的應對禮貌, 真不知得罪了她甚麼! 即使個人有情緒, 也不應隨意發泄在他人身上! 本想開開心心的吃個飯, 卻因此壞了心情。本人已決定以後也不光顧這店了! 畢竟在黃埔, 食物更美味, 環境更舒適, 店員態度更好的餐廳多的是! 我也希望這餐廳多留意店員待客的基本態度!! (怪不得假日午餐時段也有很多空位了)

下午茶時間，人較少；方便傾談！所以非常非常推薦大家去享用，又有happy hours。非常抵食、抵飲、抵玩。豬手、啤酒必試啦。哈哈，下次試埋晚飯，牛排好似重正呀。

呢篇唔係食評因爲根本個經理唔想做我生意！😡😡事源我一家4口同另外一家4口，講明4大3小一手抱入呢間餐廳後先發現佢冇BB high chair。由於有3個2歲魔怪如果冇High chair 實在係好困難，於是想起疊起兩張櫈墊高啲坐，喺其他餐廳都試過。後來經理經過見到，話我哋唔可以咁樣做，會搞到佢哋唔夠櫈（其實係用多咗佢3張櫈），我哋話咁有冇high chair?我哋有小朋友真係唔方便，佢好敷衍咁話「我睇吓先」，跟住佢冇郁棟喺度，大家dead air咗，然後佢繼續話「你哋讓返啲櫈出嚟先！」我哋唔係好願意，因為已經坐好哂，而且其實佢間餐廳一啲都唔爆，對侍咗一陣，我哋話，咁算啦走囉，佢竟然話「係囉！」其實呢間餐廳，其他分店都食過，食物唔差但唔特別標青。但經過今次，下不為例，反正佢唔希罕做我哋呢啲有小朋友嘅家庭生意！

好朋友去了黃埔行街就call 了我去join她請我食生日飯，我們就隨意入了這間德國餐廳，坐下來點菜時，服務生就話main course 買—送— （好似好優惠），我們點了多款食物1.德式鮮果沙津- 😋估唔都內有新鮮無花果，菜+生果新鮮，沙津汁調得好好味2. 特式拼盤有-內有燒豬手肉絲卷（特別和好味）+蘑菇酥盒都皮薄餡靚+三文魚卷+炸魷魚和雞鎚 - 整個拼盤有3或4 一定要試下 加杯 Beer 更佳（我order 了一杯半麥beer 好好飲）3. 德國腸4. 海鮮意粉5. 扒烤蘑釀德式小麵糰及藍芝士整體我們所點的食物平均都好味道，有機會我都會帶其他朋友一起去飲下食下

在香港，要找一間德國菜並不容易，而這間連鎖店就看準了這一點，售賣不同類型的德國腸和豬手。這次是我第二次光顧，環境好舒適之外，德國腸方面，無論雞肉腸還是豬肉腸，都引人入勝！再配上啤酒，猶如置身於徳國之中！

阿女星期六嘅活動完咗過嚟黄埔搵食同shopping，行經 這間德國餐廳，七點半前埋單，主餐牌有65折，店員解釋得好清楚如果加個本身嘅set都要跟七點半前埋單嘅規則，大家都好肚餓，二話不說坐低即刻點餐，好快有得食。今晚我哋晚餐包括兩個set dinner，頭盤係蒜蓉包，餐湯同沙律，每款都係高質素嘅食材製作，蒜蓉包唔會太硬，餐湯今晚係薯仔蓉忌廉湯，入口感覺良好。餐牌上面另外點咗個巴馬火腿薄餅，師傅用心製作，大量火箭菜，巴馬火腿煙韌度剛剛好，個pizza餅底唔會太厚，薄度啱啱好，邊脆，芝士溶咗，蘑菇黐住好好吃。set dinner 叫咗一個德國腸s配酸菜蒜蓉，辣肉腸，雞肉腸，德國腸， 脆皮腸...夾埋有五、六款腸，仲有一件火腿扒，好香煎得啱啱好時間，果然係鎮店之寶。另外一個係肉丸意粉， 肉丸嘅質素都非常高， keep到個肉汁，意粉唔會太淋，係我想食嘅意粉硬度，加埋少少菜喺面，中和番肉丸嘅濃肉味。Set dinner有甜品包括提拉米蘇蛋糕同埋一球雪糕加cream，上面有藍莓及花生。set dinner包嘢飲，好大杯，啲腸咁香口，其實真係好ok。

臨近一年的未端, 想對自己好D, 但又唔想食貴一貴的聖誕大餐,上openrice 搵coupon, 竟然仲比我搵到買一送一的午餐,於是就搵埋我最愛的mandy 小姐, 一齊去berliner 享受我地的聖誕肉食午餐。每個午餐set 都包括凱撒沙律同餐湯,主菜我地分別叫了「燒肉眼扒配炒鮮菜及紅酒牛仔汁」同埋「德式燒豬手配薯蓉及酸椰菜」黎得中高檔餐廳, 我一定會叫牛, 叫牛可以用黎測試佢有無make the food well。而berliner 都無讓我失望, 牛扒我地叫左五成熟, 炭爐燒的味, 配上juicy 的肉, 肉也沒有燒得過老. 剛剛好。至於德式燒豬手, 佢同中式燒腩仔的分別係豬手的皮會比較''un''. 不及中式的脆, 雖然在切皮分肉時會比較難, 但切開看到中間的肉還是粉紅色, 一咬下去又不會過「鞋」,感覺真不錯呀。總括來說, 買一送一的午餐性價比十分十分高。無得彈。

一直對德國野情有獨鍾，於是黎左呢間試～環境舒適，食物款式多！必叫德國豬手，香脆可口，前排有lunch買一送一的優惠，仲有Haagen dazz 雪糕bar任食，性價比極高！

和朋友往黃埔花園的 BEERLINER 午餐, 之前曾路經見午餐是買一送一優惠及靚雪糕任食, 所以全場滿座及多人在門外等位今天星期六12:30 到達祗有小貓三四枱客好冷清, 原來已取消午餐買一送一及雪糕任食的優惠. 但見午餐 set lunch 餐牌有多款選擇及價錢不貴和朋友選了德國脆皮豬手 $88 , 和西冷件扒 $88 , 另待應告知當天餐湯是椰菜花忌廉湯, 加餐湯 +$8, 加飲品 +8所謂 $88 的 set lunch 祗有主菜, 其它甚麼也沒有, 需另外加錢. 在 open rice 內看到這德國餐廳多間店都有很多笑面, 心中還盤算好不好再來客德國腸.....好彩沒叫 ! 椰菜花忌廉湯連一片薄的蒜容包先上 - 人生中所飲過的餐湯這個也自可說是數一數二難喝了, 淡而無味又水稀稀, 我和朋友需加大量的鹽和黑椒來幫這湯加味祗可以說這餐湯是一碗淡白色淡味水. 連我個唔係對食好有要求的朋友也說很難喝就真的很差了期待的主菜西冷扒先出場, 有點薄的西冷除了做到我們的要求5成熟外, 其他的都乏善足陳, 入口過腍冇肉味, 應該經過鬆肉粉泡一泡吧 ! 德國脆皮豬手 - 菜牌明明寫住製作需時,

豬朋狗友聚會，今次去黃埔食好西，Beerliner，深深被佢隻巨型豬手吸引住，waiter 好好咁幫忙切開幾份，每人分啲，豬手仍然好大件，而且塊皮好脆，啲肉又吾會太咸，好好味！一個人食大半隻都冇問題，這個最抵食！其他也是standard釀肉類，火腿，腸仔，啤酒等，上碟有鋪排過，有心思。飲品方面，分別叫了幾款cocktail，都好好飲，配合各款肉類一流侍應非常耐心講解優惠，來來回回幫忙計算邊樣最抵，又有禮貌，值得稱讚。

能夠三五朋友共聚，又可以共享特色午餐，都不錯。這裏德國餐，買一送一午餐，的確很抵食，且有任食雪糕。德國豬手味道不錯，只是有點乾。德國腸普通一點，只有两款，可能是套餐吧。

久沒踏進黃埔區,剛好這天因工作關係路經此處,就在此吃個午餐好了搜查了一下,看到這家餐廳午餐時段在做買一送一之推廣,加上有任食Haagen Dazs,我們很快便決定一試餐廳環境不錯,地方也寬闊午餐有七款選擇,都是肉類為主,另跟餐湯及沙津,咖啡、茶或汽水,當然也少不了Haagen Dazs雪糕了我們一行五人點了6個餐: 燒肉眼扒配炒鮮菜及紅酒牛仔汁x4、德式香腸拼盤配酸椰菜及燒薯和煙三文魚意粉配露筍及香蒜橄欖油。餐湯及沙津餐湯是甘筍湯,味道淡得很沙津偏重橄欖油味主菜燒肉眼扒配炒鮮菜及紅酒牛仔汁小妹點了medium,其他3份medium rare, 不過大家也同時認為牛味不出,肉質略韌,而且筋比較多。德式香腸拼盤配酸椰菜及燒薯這道菜我們五人共同分享吃的肉質實在又燒得夠香,芝士腸的芝士更是一切便流心,芝味十足煙三文魚意粉配露筍及香蒜橄欖油三文魚切得薄身,意粉軟硬度剛好任食Haagen Dazs這其實也是我們的主要目的,口味有4款:草莓,曲奇,雲呢拿和朱古力,比想像中少總的來說,食物質素還不錯,但若沒有買一送一的優惠,以原來的價錢,在同區應該會有更好的選擇吧