Big Fish Seafood and Grill

營業中

休息中

大部份人入西貢通常都選擇食中式海鮮，我們選擇了食西式，位置位於中心地帶，價錢合理，餐牌上的食物選擇種類繁多，主要有生蠔、沙律、法式煮蜆/青口、漢堡包、海鮮意粉、牛扒、薄餅、意大利飯等等...每晚都有提供晚市套餐，價錢由$238-$338套餐有款3前菜，我們選擇了紐西蘭新鮮生蠔、主菜點了美國安達市西冷牛扒，肉汁豐富有牛香味。香煎三文魚扒、海鮮意粉和法式焗羊膝，羊膝火候十足非常林，不用刀切也可撕開享用、可能點了兩支紅酒的原因，最後忘記了包甜品和咖啡茶。整體來說環境舒服，有室外雅座選擇，食物味道不錯，下次會再次光臨！

週末歡聚，就是朋友們相約在一起聚餐的時間，走在西貢的街頭上，除了供應海鮮的餐廳外，還有大大小小的酒吧食肆，朋友一早預留了座位，秋風送爽，就坐在露天的位置，昏暗的環境，氣氛卻十足，心情是豁然開朗的…墨西哥雞肉脆餅＄128，咬一口，餅皮很香脆，夾雜著香濃的芝士及嫩滑的雞肉，沾上一點秘制牛油果醬，味道即時提升。意式臘肉黑欖薄餅＄158，薄餅新鮮即點即焗，芝士、臘肉丶黑欖仁，正是絕佳配搭，咸香惹味，這碟菜最出色。墨魚汁燴海鮮意大利飯＄188，這款意大利飯味道比較普通，只吃到基本的咸味，海鮮配料屬於正常級別。德國脆皮豬手半薯條沙律＄198，（還有，忘了拍照的兩碟菜式）名字改得好，豬手的外皮確實十分香脆，內裡的肉質鬆軟，不油膩，味道不俗。雞肉土耳其串＄198，雞肉是經過炭火烤焗而成，送上桌上，看到突出的賣相，一支粗鐵串起了一件件橙紅色的雞肉，需要自行逐一把它取下來，很有特色；雞肉是經過醃制才烹調的，帶有各種香料的味道，有著濃厚的土耳其風味。芒果冰沙＄55，淡淡的芒果味，沒有添加過分的糖，味道自然。食物味道固然滋味，能夠與幾位好朋友一起大快朵頤，好友相聚，此刻實在無價。

星期五晚入到西貢，試一間之前未試過嘅西餐廳。頭盤點咗煎帶子&金不文芝士，味道不錯。 金不文芝士配的三片多士很大片，也很香脆。最後芝士帶皮的吃掉了~但另外單點的油封鴨腿實叫人失望... 鴨腿的味道太淡，沒有一般鴨肉香味，外皮也煎得不夠脆。配菜西蘭花及紅蘿蔔也是水煮的；薯蓉都吃不出調味，是原個薯仔粗略壓成的那一種。整碟都很淡口味，可幸的是有微微的牛油香。餐廳逢星期一及二有買一送一優惠，計落價錢減半，都算抵食～

又到晚飯時間，平時唔煮飯既我，又落去西貢食晚飯。今日心血來潮食要食西餐。去左尼間big fish到食。佢平日既晚餐真係好抵食。買一送一。係平日既時間，假期黎係無尼個優惠既。即係叫一個主菜就送多個主菜。（以貴d個個計）。我就叫左個西班牙飯同平時最鍾意食既牛肉五成熟。牛肉煎得好juicy。一點也不乾巴巴。👍👍西班牙飯都好味道，對於大食既我黎講，西班牙飯就細碗左d.食完都唔夠飽。但真係抵食。如果唔係叫左野飲。每人$100都唔洗。 所以平日入黎西貢。可以選擇尼間食晚餐。有買一送一優惠。又平又好食。😋😋😋

星期三放假休息一天，梗係帶我隻柴柴出街放電，今次行到西貢市中心公園仔旁邊的big fish 平衡下，餐廳位置方便，鄰近露天停車場，平曰下午只有少量小朋友和狗狗玩樂，食客一般都係外國人和本區人，言談安靜，適合放假帶埋狗狗座 outdoor放空一下，圍住公園有好幾間餐廳選擇，之前0係西貢都有中過伏貪某間餐廳有餐叫唔駛諗食乜點知好難食，本次big fish 屬於一般西餐質素食物都係即時煮的薯條夠晒熱幾正意粉夠濃味惹味，地點環境加分，可攜寵物加分，是西貢市可多次惠顧餐廳之一

今日中午，點了個Seafood Pasta 和一個啤酒，Pasta到左食到有腥味，叫個女人換，然後話其他人有叫同樣既pasta都冇compliant（原來其他人冇投訴我有投訴就唔係佢問題係我問題，咩邏輯）仲話老細話如果要換就要照計錢，我鬧都癈事鬧，叫佢埋單，啤酒都冇飲就走，不知所謂平時冇咩興趣所以唔會寫食評，順道一提西貢既西餐廳好多都唔錯，環境同埋質素都幾好，不過第一次去呢間餐廳，實在真係太XO，如果要去記住唔好投訴

去開西貢覓食，都知道除咗海鮮外，仲有好多西餐廳選擇，今次再到籃球場嘅西餐集中地揀，友人想食生牛他他，就叫個試下，首先雖然係前菜，但份量一啲都唔少，睇得出係認真之作，每一片鮮紅色嘅生牛肉上都配上一小片巴馬臣芝士，仲有一堆沙律菜，算係試過唔同餐廳中好味之作！諗住揀個沙律食下，見其他都只係Caesar Salad, Green Salad等平時常見嘅，於是試咗個有烤吞拿魚嘅，仲要佢唔係配沙律菜，而係配烤茄子，翠肉瓜，車厘茄，洋葱等等，唔算係好新穎，但係比較少見。落單時店員仲有問吞拿魚想要有幾多成熟，算係認真之作。 呢間餐廳其中一個吸引我吔嘅地方就係呢晚所有主菜有買一送一優惠，我吔三個人就叫咗兩個主菜，佢啲份量都唔少，咁樣share真係啱啱好。其中一個係海鮮湯，配埋蒜蓉包，個湯好大煲好夠味，仲有魚肉，大蝦，青口，蜆，魷魚，什至唔食蒜蓉包都已經好夠飽。另一個主菜揀咗個牛扒，要求medium rare，竟然連呢間小店做出嚟嘅生熟程度真係啱啱好，唔會變咗medium！冇叫到以魚為主嘅菜式，但整體都已經覺得好滿足好抵食！

今日難得黎到西貢，除了四處逛逛感受西貢氣氛和了解西貢生活外，最期待當然是中午飯，因為可以試試西貢內的西餐廳！相信性價比應該頗高，可以吃到高質素食物之餘亦價錢合理，畢竟也是外國的集中地。最後，也沒有令我失望。在西貢年宵附近的一個廣場便臨立了大概6間西餐廳，每間餐廳都會將menu放在大門口前供客人參考，而 Big Fish Seafood and Grill的menu就最吸引到我和我朋友。中午時份餐廳已經放置了帳篷為坐室外客人遮擋陽光，而餐廳大門長期打開，令室內空氣流通，所以不論客人坐室內或室外，都可以舒適地享用午餐。當日就是被這個Menu吸引，set lunch 包括餐湯或沙津+主菜+餐飲。主菜一共有八款可供選擇，大致可分為漢堡、沙津、意粉、魚/豬塊和串燒。山長水遠來到的我肚餓至極，決定試試安格斯牛肉漢堡！是日餐湯為番茄湯，而餐包配橄欖油加醋。餐包為4塊並已烤過，所以麵包有小小脆身，配上醋非常開胃，麵包除了配醋外，還可配番茄湯一同進食，也是另一個開胃之選。番茄湯頗濃郁帶點酸，在番茄湯內可以找到番茄和紅蘿蔔粒的蹤影，而且沒有油份浮面，所以並沒有油膩感而且進一步增添了開胃感。 安格斯牛肉漢堡

與老婆慶祝結婚周年紀念, 但極之失望! 點了個安格斯牛扒 set dinner  ($298) , 前菜生蠔 OK, 但醬汁欠奉, 只有檸檬一件. 牛扒質素完全不是值 $298 的貨色, 又韌又嚡又有渣, 花X餐廳一百元貨色比它還要好, 咸豬手中規中矩, 冇驚喜冇失望 (Wednesday special $128, 單點).  但最氣憤就是完餐後, 我問一男侍應這兩個餐有冇跟飲品, 他說是 special menu , 所以沒有!(當時也覺奇怪, set dinner  ($298) 會沒跟 drink?? )但算了吧, 牛扒不好吃沒心情, 便結帳了, 怎料行到出門口再check 那大餐牌, 原來 set dinner 是有跟飲品 or 甜品!!  於是便折返入店叫女侍應拿回甜品來!( 感覺像乞一樣!) 而當時男侍應已離開了.  死無對証. 但作為一間Fine dining restaurant 客人用餐後, 未點飲品甜品 也應主動告訴客人吧! 況且我已問了一次有冇跟飲品, 當時得4檯客, 沒理由會弄錯吧! 不是為了省回那小小飲品甜品吧??

同外父外母拜完山後,老婆話入西貢行下,親親大自然,順便入去食埋個LUNCH差不多2點入到去,本來諗住食下海鮮,睇下洪X個MENU,二人餐都成$500-600老婆話食西餐仲好因為天氣涼快,坐左係外邊,不過隔離餐廳有人食煙,吹哂過尼海鮮忌廉湯:好Creamy,好多魚肉,想encore多碗Burger:好juicy,好有牛肉味,不過略為生左少少,薯條超大份,又脆口燒牛肉拼沙律菜:佢呢度既牛肉真係做得唔錯,唔會燒得太乾,好有肉汁同牛味,唔鞋;沙律菜好新鮮,個油醋汁做到啱啱好,唔會太酸,好開胃肉醬千層麵:無咩特別,咁多樣野食尼講,佢算係最普通,同出面無咩太大分別,好多芝士龍虾扁意粉:超驚喜,龍虾夠爽,意粉煮得剛好,唔會太淋,最好食都係個汁,好食到xyz@*K#J*都唔知講咩好食物質素中上,下次入尼會再encore

五一勞動節同一班好友行馬鞍山郊遊徑鬆下腰骨，直落西貢晚飯。行左一圈Bid Fish個menu 好似最吸引又唔駛等位，我們一行6人就決定今晚呢度開餐喇！第一味 - 藍青口 用白酒同香草蒜粒，雖然藍青口唔大隻，但勝在調味不錯同新鮮，配上脆卜卜蒜蓉包加分不少第二味 - 白酒蛤蜊義大利麵 其實調味同 第一味差不多，加上少少辣更加惹味第三味 - 牛里脊肉 由於同枱朋友不好血腥，只好要求medium well, 好在廚師控制不錯，沒有出現過老同有血水情況，以二百幾蚊呢個價位真心有不錯~~第四味 - 德國烤豬手 不過不失 反而薯條炸得好好味最後一味 - 招牌炸魚薯條 可以唔叫，留返個胃食另一味。薯條就好好，舊魚就粉漿搞到成道菜都唔好食。

年少青葱勤無憂，年邁黄鬢健無愁，心清思明胸泛舟，煩惱只因強出頭。放假半天，只為聽從靚太吩咐到西貢市中心區晚飯。這是一個大福氣、大運氣啊！當工作安排得妥當，事務進行得順利，突然取假半天，老闆並無多言多語，就是半生得來的福果；與靚太分享世間美食，健健康康走到世界各地尋找真味，便是我希望能夠走的運。午飯也不吃，就是要早啲入到西貢，感受它在假日以外的氣氛，還保留着小區氣味及郊遊風格嗎？但天有不測之風雲，微雨由海上走近，尾隨它的大卷棉襖更似利害。在看看海望望山後，決定以我最愛之殺手鐧去處理這自然界難題。快速揾家清雅食店，再入內點些小食來渡過此可攻破巨城的豪雨。《Big Fish》內只有兩名顧客享用着大大份的美食，但女職員禮貌地告知，午市套餐已經停售，更表現得有點難色。其實，這正合我和小親親之心意。“香燒蒜頭配麵包”是香港人比較少吃的小食，非常有歐洲風味。它選用大形蒜頭加以燒製，更用焗爐代替火焰，得到完美與甜美之製成品。每粒蒜頭熟透柔軟，微微用力將其壓下，外型與芝士差不多，也沒有蒜的辛辣味，不會留低特殊口氣。更有助消化系統健康活動。“希臘式魚餅”的外貌與港式魚餅差別不大，有啲過於焦黑，而餅內添加少

入西貢食晚餐，朋友推介這間(這晚有1送1優惠)，注意~某些菜式無這優惠環境不錯生蠔(選左二款)有款肉厚身d，另一款肉细粒d整體鮮甜king size 炸魚配薯條好大條魚<最鐘意西餐廳，無骨魚柳>魚肉質嫩，炸粉好薄魚好大塊魚肉熱的，不是暖薯條微暖的……失色左最愛的意大利飯南瓜意大利飯，南瓜蓉足料(汁濃)，飯比出面餐廳軟身，飯的口感(少左一粒粒飯的口感)，但汁煮得好濃，加上少少葵花籽，整體個飯好好食！豬扒(king size)豬肉好厚身，身質好嫩(有原有肉汁)切開後(好大件)意大利粉蜆肉鲜甜意大利粉麵條，有口感(不會煮得過軟)意粉有淡淡的辣味，不用再加調味，也好好味餐包，烘到脆卜卜<配牛油>這餐有2款菜式免費，每星期2天(限平日)(店選二款價格平d 免費俾顧客)這餐晚餐，已經平左一半抵食

天氣轉暖，週末到西貢閒逛，午餐不想在海旁的酒樓和遊客迫，便走到後街覓食，在數間西餐廳中選擇了big fish seafood n grill。難得天氣好，我們二人便坐戶外座位，感受一下陽光和微風。餐廳的桌布是一大張白畫紙，如有小朋友顧客，餐廳會借出蠟筆給他們在畫紙上盡情塗畫，我很喜歡這個安排，小朋友可以任意塗鴉，很適合這裡舒服放鬆的氣氛，亦比他們只玩電話/ipad好。微暖軟熟的餐包，加上橄欖油和醋，不過不失。我的Main course是老虎蝦意粉伴牛油檸檬汁($98)，點的時候想像是一隻大虎蝦開邊放在意粉上的模樣。想不到原來是七至八隻飽滿的大蝦混在意粉中。吃得出大蝦非常新鮮，肉質彈牙，果然是靠海吃海，在西貢的海鮮街附近，可以買到新鮮的食材。意粉有檸檬汁很清新，讓人一口接一口的吃不停。朋友的招牌蟹餅漢堡($98)就遜色多了。蟹餅的粉很厚，蟹肉沒有蟹味。整個漢堡最重要的主角不好吃，其他配搭再好都難以挽回分數。況且side dish薯條也只是一般，甚至有點軟掉。來西貢除了可以吃中式海鮮餐，還可以吃西式海餐，在big fish就避開不點招牌好了，意粉實在不錯，環境也很舒服的。

偷得半日閒的星期一，老公放假，又偷偷地去二人世界，今次走到入西貢，泊好車後就周圍睇下有咩好食，最後，揀左呢度，因為我地講過好多次要入西貢食lunch，但好多時因為太趕都擱置，今日終於有呢個機會啦…好，入正題，門口有幾個餐牌，有午餐，有海鮮嘅，我地決定叫午餐。講真，我係俾個虎蝦意粉個牌吸引而入去嘅，所以我就係叫左虎蝦意粉，根本唔駛唸啦～我老公就例牌~ Beef Burger佢有湯或者沙律，湯就係蘑菇忌廉湯，沙律就係green salad,我地兩個都揀左湯。配埋佢嘅麵包幾好味，個包好似係香草包，佢俾左油醋汁，得我一個點，老公唔like,不過，油太多，點極都點唔到醋，如果分開會好d,因為佢倒埋一齊。湯飲完先再上主菜，好好，唔駛搞到好似催我地食快d咁。主食都到啦，原來心唸嘅虎蝦係bb蝦，哈哈！唸多左，個味都ok嘅，蝦都入味，所以就算係bb蝦都無問題，因為好味就可以忘記大細之別。不過個burger就較遜色，個賣相係超得，但中間塊angus beef就硬到呢～，係是但食左佢就算。總結：未必會再有下次