Big John (已結業)

我睇完呢度食評特登去試, 仲叫過外賣, 不過我覺得味道只係一般, 只不過佢地提供ge 食品有比較特別, 附近冇得食咁解.不過, 我想講一講衛生問題. 我食過兩次, 食品度一次發現有腳, 一次有細烏蠅, 雖然出食都預冇自己整咁乾淨, 都預會有咁ge加料, 但係冇諗過會100% 命中囉, 我附近食咁多間都冇咁厲害, 其他通常都係幾十次有一次中, 而呢間野就100% 命中, 我都唔知係我唔好彩定係咩完因囉.最後我想講服務問題, 佢地ge運作同一般快餐店唔同, 要出去落單, 我同我個friend 第一次去唔知到, 去到又冇指示, 又冇人話比我地聽, 過好耐都冇人理我地, 我個friend 去counter 問, 佢地先講. 之後等好耐見野食未, 心諗會唔會要出去自己拎? 出到去佢地先話你聽會有人食品比我地. 好, 有得食, 咦? 件格仔餅未, 慢慢等啦. 等阿等, 等阿等, 野食晒都未, 去問佢地, 佢地先話想食時要同佢地講. 大佬, 你估係人都係你熟客咩, 咩都唔講, 問先講, 攪到我地食餐飯要成粒鐘, 唔係嘛, 酒樓飲茶咩.之後, 又曾經叫過外賣, 聽電話個女人(相信係老闆娘)不可不

其實我都可以話係常客,每隔幾個禮拜都會去食一食,因為對佢既格仔餅同藍苺芝士餅留下好深刻既印象,食極都唔厭既。我每次去都係食卥水什錦米線+芝士餅,送算係多,一隻蛋,一舊豆腐,雞翼,腎,除左雞翼外全部都係切片上,雖然只係講好似好少得四樣野,但食落唔係少家,因為要留番個肚食格仔餅或芝士餅,因為呢兩樣野都好飽肚。卥水什錦米線+芝士餅+凍檸茶

我喺一個幫襯咗Big John 有7年的Fans,基本上每逢星期六都会同男友去食lunch。唔講咁多廢話啦！乘係想講吓我覺得Big John 有セ好食。Blueberry cheese cake, 格仔餅,紅豆冰,咸0七都好正之外！ 除咗係人去到都話要試嘅魚蓉麵之外,重有不得了嘅"素餃麵"同"南乳猪手麵"。"素餃麵"好清,老板重会問你要唔要素湯底，好體貼！"南乳猪手麵"好夠味,但猪手有時好多毛,要improve 吓啦！重有Big John 嘅咖哩数都好正架！有個Tip話你知,如果麵数+咖哩汁不得了！重唔加錢添！！

另一間過譽嘅食店...同女友特登走去食個tea。叫咗招牌格仔餅及魚蓉餃麵，再加杯紅荳冰...格仔餅size比平常街邊檔賣嘅大，餅底本身認真麻麻，既不香亦不夠脆，食落仲有D凍凍哋，唔多夠熱；花生醬及煉奶亦落得唔夠，亦欠缺砂糖，唔合格，但竟然要成二十蚊一件，確實離譜。忽然好掛住北角雞蛋仔小店嘅出品，大大塊香噴噴都係賣十蚊...魚蓉餃細細粒，入面主要有鯪魚蓉及豬肉再加少少紅蘿蔔粒，味道唔錯，有好重胡椒粉味；麵就只係普通上海幼麵...紅荳冰亦只係一般水準...若單純係因為格仔餅而幫襯的話，我諗大家會失望la..

男朋友耍補完習才來，還有個多小時不知如何打發，便想起這裡的格仔餅評價不錯，且有雜誌可以消磨時間．鋪位很小，人又多，燈火通明的位置都坐滿了，別無他選之下便坐在較陰暗的隱閉位．雖然不太餓，但想試馳名的格仔餅和魚蓉餃米線，便叫了麵餐．魚蓉餃米線好大碗，魚蓉餃皮薄餡靚，湯底側較淡，米線吃了一半已很飽，要留肚吃格仔餅．格仔餅烘得香脆鬆化，粗粒花生醬很有嚼勁，如果多些煉奶會更美味．紅豆冰的紅豆腍甜有水準．雖然有雜誌提供，但高腳椅不太舒適，而且人多擠迫，結果等不到男朋友來便走了，到pageone打書釘更自在．下次會來試cheesecake.

早幾日放工到這裡吃了件cheesecake,仲係好好,keep到水準,佢呢到d cheesecake好有自家製feel,因為個餅底係用好普通ga消化餅做,而且無咩裝飾品係個蛋糕上面,但係ok ga, 因為我就鐘意佢地夠平凡咯!但平凡之餘,都好多人光顧呢!

說來有點誇張, 用奇葩來形容, 但係一間小小的店舖, 仲要坐高椅, 應該不怎吸引客人. 但這裡的情況正好相反. 午膳時間, 全部坐得滿滿的, 例必要等位. 還見幾位亞姐不斷的送外賣, 來來往往, 生意之好, 可想而知. 說回正題, 這裡的麵餐不錯, 有多種款式選擇, 其中白灼鯪魚蓉麵和雞扒麵都係我常吃的, 鯪魚蓉中有點臘腸, 我第一次吃時覺得有點怪怪的, 但又幾好味喎. 雞扒煎得幾香, 幾嫩, 好有住家feel. 但有幾種醬汁可揀.另外, 可跟湯/飲品/糖水, 仲有一款小食. 湯/糖水都十分不錯, 湯更有幾分在家飲湯的感覺. 小食方面, 最多人叫的是格仔餅, 但頗實, 奶也不夠多和甜, 不算十分好吃, 但在一個午餐中, 可偶而吃吓, 也是相當不俗的選擇!另外有兩送飯可以吃, 但不是那種即叫即"筆", 而是即叫即煮那種, 我怎樣知道, 你看上菜的速度便知啦! 但看上去, 真係幾健康, 通常是一個菜, 一個魚/肉...老闆服務很好, 以為我一個人來, 我去點食物時, 怕我原先等到的位被人坐了, 便用雜誌幫我霸位.

放工後到了這裡吃blueberry cheesecake 和餃子,好好食!大家可試試這裡的甜品,真的不錯

咁這裡的格仔餅當然不是什麼巴閉野，純是貪得意來吃﹝哈！講起原來都有其他食友因同一原因來吃過﹞。約了朋友去吃燒豬手，但又未夠鐘，做完gym都未有野下過肚，找點東西吃都可以。路經這裡，想起成日提起又未吃過的格仔餅，就幫襯了。這裡外表看來似是一間西式咖啡店，坐低才知，是一間西式裝修的茶餐廳。是日坐低吃的，清一色是附近工作的女OL，加上是禁煙的地方，環境不錯。很多食物都有得吃，我望一望餐牌，叫了個「美味格仔餅」的茶餐。等了不久就有得吃，格仔餅有四件，花生醬、練奶及牛油塗在上面，吃落，不太均勻又太少練奶，不夠甜又不好吃的。加上格仔餅實實的，口感不夠鬆軟，又不夠脆，唔係太得，離「美味」還有一段距離。杯熱咖啡就不錯，算是交足功課。但見隔離妹妹的煎餃子及炸豬扒賣相都只是一般，都不太用再試其他食物。勝在報紙雜誌都幾多，坐在這裡消磨一點時間，也是可以的。埋單20蚊，不用來下次，去隔離茶餐廳飲杯鴛鴦食件出爐蛋撻雞批更好。

最近一晚放工到左這裡食飯,叫了個鮮果沙律配炸餃子,和豆漿,全部都好好食,只係張椅坐得唔舒服啫!一邊食一邊看雜誌,聽到職員的對話,這是很普通的對話,感覺好像是媽媽在廚房說話呢!她們全部都很友善呢!我鐘意呢種感覺!下次都會再去!

29/3(三) 7pm返學前入黎Big John食d野,要左菜肉餃麵餐,$32跟湯及腸粉.由於人多關係,都等左15分鐘先有得食.先呷啖湯,無味精,飲到蘋果,豬展,淮山.相當甜!腸粉份量不太多,但都算新鮮滑溜,醬料則一般!而碗菜肉餃麵就吾多合格!4餃全都煎過火,過腍,餃皮煮到近乎爛!菜肉餡亦欠缺鮮味.麵其實系金邊粉,口感亦欠奉.希望佢地可以保持食物水準既穩定!

食物方面, 老實講冇乜特別, 人人推介既魚容米,格餅都係普普通通, 不過食物選擇多, 價錢ok, 地方就腳, 又有雜誌睇, 算ok啦, 不過真係太細間, 全部係對牆bar檯...同朋友黎真係有少少宅洗, 自己一條"冷"黎"hae"下都ok既, 不過唔會坐得耐, 因為坐得唔太舒服

見咁多笑臉，一個喊臉都無，無可能唔去試試啦~　此店唔算太起眼，要細心留意路牌先搵到~ 店內係高椅快餐格局，食物係即叫即製；餐廳會供應大量雜誌，所以等都唔會悶~ 難得佢小店經營，食物選揀都唔少，是夜我同男友叫左一個薄牛扒飯、水餃麵、格仔餅同紅豆冰。其實見Blueberry Cheesecake賣相好掂，都幾想試，不過o岩o岩俾人last order左~　睇左兩本雜誌，食物就到。薄牛扒飯簡單卻好食，不覺不覺就食左好多；水餃麵就過清，一般；格仔餅好多花生醬，好此者會欣賞；最後紅豆冰夠稔夠棉又香甜，屬超水準出品! 　整體而言，此店唔係sell有特色食物，不過味道唔錯而價錢又抵，行開街可以試試/返炒~

17/2(五) 11am今日返晏,去完QE check-up後行過黎呢間小店食lunch.由於要空肚抽血,完事後已極之肚餓.11點左右去到此店,店子有8成滿,相當大多是OL,亦有老外.環境裝潢有點out-town cafe味道.我要左個麵+小食餐:灼魚蓉米+凍檸茶+格仔餅$32+2(凍飲)=$34.灼魚蓉米---魚肉果真不俗!相當爽口!食到有臘腸粒系裏面,米粉頗滑!湯底只系普通貨色.檸茶質素亦吾差!茶味濃而不澀,甜度適中!格仔餅夠脆身,唯煉奶屬半透明狀,有點影響胃口!普通女仔理應食吾晒成個餐,唯有放棄米粉,進攻格仔餅!由於屬自助形式,服務一般啦!但店員尚算親切!recommended!!

今次係想寫番上個月去big john食飯既事. 我同老公黎過呢度2次, 一次食lunch, 一次食dinner. 不過要提醒大家, big john 晚上7:30pm 刪門, 所以我地上次6:30pm去食就差不多. 我地兩次都有叫到沙律, 真係好好味, 同埋好飽! (我最鍾意吞拿魚加火雞!!) 兩次都有叫麵食, 雖然d魚蓉餃幾好食, 但略嫌d麵淡同湯左d, 老公就話個紅豆冰多豆過頭, 少番d就好喇! 果度有好多狗仔擺設同埋有報紙睇, 幾得意架, 不過lunch時間小心多人, 因為果度位並不多.