Big John (已結業)

自從上年黎過一次就前幾日先再去，今次終於食到招牌炸豬扒同藍莓芝士餅我叫左個麵餐再+$6就有芝士餅喇~嘩﹗塊豬扒好大塊，好夠份量好新鮮熱辣，不過皮同肉有少少甩開，唔知係咪因為d粉唔黏呢???唔識喔我叫0既係上海麵，好似冇上次d米線咁好食，稔左少少，淥耐左卦...下次叫番米線先~今次杯鴛鴦咖啡味太濃，幾乎飲唔到奶茶味，有少少失水準個芝士餅係有個牌仔去拎0既，都幾識諗，如果一次過俾哂我，個餅就有變化喇~雖然d藍莓唔係新鮮，但一d都唔酸，甜甜0地，d芝士好soft，餅底好脆，總之我一定會再叫呢個餅食

中學時黎過，到而家再黎，令我回味既都仲係格仔餅魚蓉餃米線 一般，餃皮略為厚咖啡 唔太得，好淡，早知要糖水好過，佢日日唔同款，好似幾正格仔餅 個賣相差D，但係幾好食，冇白砂糖，所以唔會好甜，但幾煙韌見到隔離食既炸鯪魚球麵好正，下次會再黎，試下佢同blueberry cheese cake

看這裏的食評，一些又說格仔餅好吃，有些又說餃子米線，其他又寫芝士餅，看得有點奇怪。原來是這小特色，很多款式可以自由配搭，看其他人吃過的都不同，就知這裏做的每樣都有水準。點了米線，想想下再來芝士餅，不用算單價也便宜。炸豬扒有肥膏，不過底向下的一邊已經淋了，吃下去油油膩膩的，是炸漿不錯但炸功一般 (還是是日失手？) 米線不會煮得太淋，湯底也清，不錯。芝士餅就home-made ，消化餅底挺香，芝士幼滑也算濃郁，面頭的藍莓醬單吃一般，連芝士及餅底一口吃下才好。總的說食物質素相對價錢很不錯，而且比近年加價不少的快餐店要便宜，路過一定要試下。

今天又係 Body check 的大日子, 在 OR 做了點功課, 早餐沒有吃...留肚來此吃個餃子套餐, 可惜未到十一點半, 唯有吃早餐吧! 健健康康叫了個麥皮 + 格子餅, $22, 奇怪...它是屬於中式早餐的其中一項??原來是自行去買了再坐下等....侍應會親自送上, 沒有太多人, 坐得很舒服, 但繁忙時間, 相信外賣較好, 報紙雜誌隨便看, 座位是高凳式, 不太舒合矮仔 Me! 侍應奉上套餐時, 格子餅分外吸引, 熱烘烘新鮮出爐, 煉奶, 花生醬剛好, 微脆, 唔錯! 麥皮夠綿, 可惜我沒有拌勻, 吃到有些特別甜, 有些不甜, 但都中上! 其他如三文治, 飛碟, 餃子也想試, 下次有機會一定再次光臨!

十二月十九日(星期五)我等這天等到頸都長!辛苦了大半個月,除了同老公出街,出席朋友聚會外,也很少出街!因為要考試!希望不用retake!最開心的莫過於考完試可以見到老公仔!在荔景的一段山路,辛苦了老公仔幫我拎行李!他來到時,第一時間給了我一個膠袋,我拿了個多字,還以為是腸粉,因為袋內有點紫,紅色的醬!....他告訴我,原來是由尖沙咀買來的BLUEBERRY CHEESECAKE!...不過不幸地在運送途中....所以D BLUEBERRY都弄得膠袋都是吃第一口都不錯!CHEESE 味都濃!而BLUEBERRY的醬都剛好!餅底是消化餅!..很有自己整的感覺,都不錯!下次可以親自去試其他甜品!多謝老公仔!

20/11 見咁耐冇去食好懷念個藍梅芝士餅, 同埋又想介紹個朋友去試, 放工兩個人去左, 可能係平日啦, 唔駛等位, 我地叫左菜肉餃米線+花生格仔餅+凍檸茶, 老水雜錦米線+藍梅芝士餅+凍檸茶, 唔知點解啲環境衛生差左呀, 好多蚊喺到飛來飛去, 真係好怕佢飛左落啲野食到囉, 以前都唔係咁既....真係要改善下野食方面都保持到水準, 藍梅芝士餅一樣咁好味呀!!!

一個0係尖咀做野0既朋友之前經常講好鍾意黎呢間餐廳食野，今次終於一試。講真，之前都有經過樂道好多次，但可能呢間餐廳0係外面睇黎太唔起眼，所以一直冇注意到…入到去，燈光唔會好光猛，令人舒服，我叫左菜肉水餃米線+奶茶，有位阿姨叫我坐低等等，我見架上有報紙雜誌就抽起一份蘋果副刊黎睇，呢度所有位都係面壁0既，d凳都係高凳，感覺上適合單獨享受食物0既地方，過左大概十分鐘左右，我的米線有人送過黎，woo~餃子都好大隻，餡料好足，米線都爽口唔係浸到淋哂架~最開心係有菜食，好健康呀~杯奶茶雖然唔係咁夠茶味，但呢度唔係茶餐廳，呢個質素已經唔錯喇~當我食得滋味之際，聽到坐0係隔離位食完碗麵後向counter大嗌「唔該上芝士餅丫」，阿姨就拎左一件睇落都好吸引0既芝士餅過黎，如果我唔係咳得咁犀利，我一定會order一件，但我實在唔想食完甜野咳得更犀利…下次一定要試﹗坐左大約半個鐘，都見到唔少人黎叫外賣，等食物0既時候又會同d店員閒聊，總之整體0既感覺令人好舒服。

無辦法，舖頭細，但係人頭湧湧，外賣真係超多，證明都唔差得去邊~!首選推介的原因係，食物質素有保證，首推 : 招牌豬扒搭乜都得!!!! 次推係撈面，因為這裏的薑怱好食過蘭芳園!!!!而且BIG JOHN的細心叫人興奮，撈面汁係另上，你要多汁亦可!!! 零魚球係一絕，我見佢外面凍冰，心諗今次實衰，點知係外冷內熱!!!一咬即出煙，好誇張，而且味道一流，值得一試。而撈面餐可加小食，推介梗係格仔餅啦，本人對花生醬無咩好感，但個小食係你食食下先叫佢上，所以一定熱。當然你自己可以選擇一早叫定，等人捧上啦~!Blueburry chesse cake都可以一叫，但小食類仲要加$6個大洋似乎貴咗少少。

能發現這間童心滿溢的小店，真的要感謝Openrice以及一眾貢獻食評的食家們。價錢平平，卻吃得輕松開心又享受。出面其實并不起眼，門面小得很，可是行到入面就被其充滿童稚與自然氣息的裝修風格深深吸引了。狗仔算是這里的主題，除了顯眼位置有醒目又大隻的狗雕像，細微之處亦有幼犬相伴，烘托出一種人與動物之間的和諧感。咖喱豬扒飯+雜果冰，$39，有食家盛贊這里的咖喱豬扒飯，熱愛的炸豬扒的我們當然不能錯過。不過食后發現其實名不符實，雖然都算是好味，但粉比較厚，豬肉也不算特別精的部分，不能與灣仔新景園的出品同日而語呢。反倒是雜果冰叫人驚嘆，調配的十分鮮甜濃郁，但如果不能接受太甜食物的話就不要試了。藍莓芝士餅+紅豆冰，$34，藍莓芝士餅是偏日式的那種軟芝士，不過芝士味要濃郁一些，出面的藍莓醬十分甜美，略嫌分量不夠呢，藍莓味可以再突出一些，但整體來講都算有水準的藍莓芝士餅。紅豆冰亦不失水準，紅豆煮得較淋，不過比例可以再多一些。小漏漏整餐食了個半鐘都不愿離開，僅僅三十幾個大洋就買來如此愜意、令人流連忘返的一餐，食物質素又有一定水準，在香港真的是不易呢。

看openrice見到這家小店好評甚多，這天經過去試他們出名的格仔餅。因為不是點餐而是單叫半件 ($9)，所以要追問才有。料如煉奶與花生醬是下得足的，最怕那些不停落，甜得過頭。只是蛋香欠奉，而且微暖，個人而言一般。不過尖咀地方一個寧靜角落，得閒過黎坐坐也好。

呢度嘅格仔餅非常有名，但之前試過又覺得不外如是，下邨嘅炭爐貨色及北角利強記就更出色...今次太座介紹小弟食嘅炸豬扒就真的乖乖不得了--- 皮夠薄夠脆，第一口咬落去嘅時候真係喀喀有聲；難得又保留到肉汁及肉味，出色之極...記憶所及，上次食過咁嘅質素嘅豬扒，要數大角咀"四條魚"嘅古法吉列豬扒，及灣仔新景園嘅出品嘞...一場來到，就算自己唔覺有乜特別，都係要叫番個格仔餅嘅。蛋香依然欠奉，不過勝在多花生醬又夠多煉奶，食落感覺比上次好...再來個鹵水雜會撈一丁。鹵水味不濃，淡出個鳥來，連帶配料都唔掂；麵撈得唔夠乾身，不過質感彈牙，補番數..紅豆冰不錯，紅豆煲得夠淰亦起沙，仲有最重要係夠甜。唔甜嘅紅豆冰，飲嚟做乜?

lunch time有好多set, order左麵set+2個小食+熱朱古力炸豬排麵-有幾片生菜,麵有d似上海奶油麵,好有味,咸咸地,好有heart.唔似其他餐廳只係就咁烚熟比你!炸豬排係另上.成隻碟咁大,cut開左有6-7條.一咬,哇!好鬆代,好脆,肉介乎實與淋之間,恰到好處!唯一不足係比較油,但係it's acceptable in this case! 因為真係勁好味!食完之後我先知道咩叫做好味!!!格仔餅-唔係太脆,d醬就幾夠,有牛油,花生醬同媡奶.blueberry cheesecake-係雪果款.個底係消化餅底,中間係cream cheese, 上面係blue berry醬with 一粒粒bluberry果隻.ok啦.好homemade感覺!

出長洲後返回尖沙咀，差不多4:30 分，是時候吃個下午茶。記得有食友盛讚這間小餐室的食物水準不俗，於是入內一試。要了洋蔥豬扒包+ 凍檸茶，等了好一會，因為實在有太外賣單，見員工們個個手忙腳亂將一份一份餐入袋，想必生意十分好。說回洋蔥豬扒包，包是芝麻bun，我較喜歡硬豬包，洋蔥炒得幾香，不過太少了，豬扒不是炸是煎的，醃得不賴，而且肉質幾嫩，味道不俗。在等候、進食、至離開這間小餐店，發覺室內的油煙勁厲害，弄得雙眼十分不舒服，看來店方要檢查一下抽氣系統。

平日不太吃這個, 因太肥膩了.但自從友人大力推介後. 小女子便吃過一次. 果然味美, 很入味, 也不算太肥, 若只是少少皮的話. 於是, 日前路過, 又心思思再吃了一次. 豬手麵依然炆得頗淋, 入味. 讓人回味的一碗麵! 正!

星期六Lunch 唔知食咩好的時候,有同事提議食Big John,有新餐廳試,我十分樂意贊成!!去到環境真係一般,好似外國速食店的格局,坐位亦不多,好在一行三人都找到連位坐,同事推介一定要試格仔餅!!一個set..好多野食...一個有面+一樣小食+一杯飲品面...雖然普通..但好大碗!!小食..我當然係選極推介的格位餅...但一定唔好拎左先..同佢講食完先拎..甘佢會俾個牌你..到你要食個時再拎個牌去拎...真係超掂!!!仲熱時個餅極脆!!真係第一次食到甘正的!!!價錢亦不貴...一定會再去呢!!但係佢收得好早,if 當晚飯就要早d 去lu~!!!!