Bistro (已結業)

城大學生Canteen 一向多野食, 而且入面仲有3個, 想要質素的可揀AC3 個bistro,價錢比又一城的平一半, 質素卻又唔係差好遠,仲可以用信用卡比錢tim! 想儲分真係話咁易。今日叫左個蛋沙律窩夫, 連湯都只係29蚊, 如果想叫多杯野飲加多5蚊就可以了。窩夫即叫即整, 熱辣辣, 厚身得黎又唔死實,蛋沙律滿滿的一球, 又有生菜絲蕃茄同芝士,餐湯係龍蝦湯, 當然係罐頭湯啦, 但我嫌咸左D。以29蚊黎計, 無得輸囉

雖然是學生飯堂，但店內的pizza 真是又正又抵食。每次來都會食。Pizza和兩杯汽水共六十元...好食過Pizza Hut..............................

之前去CityU 搵朋友食Lunch😀 就建議去CityU AC3❤ 因為依個Canteen嘅食物係最高質, 而且又平價, 大部分食物都係平過$50, 例如: Waffle 窩夫, Pizza 🍕, 意粉和焗飯都係平過$30就有交易😍 真係平靚正, 抵食又好味😍 辣肉腸 Pizza🍕$48Pepperoni 賣相呃like一流🤓真係好吸引😍 而且材料好豐富, 有辣肉腸, 黑橄欖, 蕃茄仔, 芝麻葉🌿, 蕃茄醬🍅, Pizza🍕雖然平, 但好足料😍2個人share, 每人4塊pizza, 食完好飽❤❤pizza邊都好脆❤真係好好味☺️ 得閒約CityU嘅朋友去食平價又美味嘅Lunch😀 真係好抵食架😍 --

經過九龍塘，當然要黎學生飯堂食番個晏就，今次揀左間街外人無咁多既AC3 bistro。平時大家樂既焗豬扒飯食得多，今次都係到揀焗豬扒飯，黎個大比拼，價錢都係32蚊，價錢已經勝過大家樂8蚊左右，有見及此，再加杯新出既特色飲品----鮮橙梳打！學生飯堂既食物係用self-serve既形式，拎完野食就搵位，雖然係食飯時間，但因為冇咩外人既關係，都好易搵到位。焗豬扒飯嘅芝士粉可以隨個人喜歡加落去，由頭到尾都很有free style的感覺。塊豬扒好大，基本上覆蓋晒成個飯，骨佔既比數都好少，絕對係貨真價實！塊扒亦唔會話太薄。味道方面，茄汁配上豬扒在撈飯食，食落去會好滿足，配搭得宜好好味！杯嘢飲都冇令到我失望，鮮橙梳打飲落去好fresh，橙配梳打其實好難出到味，但係佢都做得到，而且只係用咗一塊橙，十分難得，回頭率很高啊！👍👍加強咗我試新菜式同食物既信心！下次會再黎食過！

畢業時AC3仲未開，但平時行又一城都會過嚟食吓嘢AC1讀書時食得太多，佢真係好平，但見佢都有加價了。所以我覺得喺AC3食，個CP值高d😂😂😂俾多少少但好食好多😋😋😋(AC2就食過1-2次，但，高不成低不就，唔會記得佢🙈)由於係information day...所以星期六都好多人😵😵😵搵到窗邊位，個景好正😂出去睇吓餐牌，突然有陣好香ge蛋香味原來有窩夫食，仲要$30唔駛可惜今次係食lunch🤦🏻‍♀️出咗嚟做野，真係未見過食午餐可以$2X😍😍😍最後叫咗我哋2個食肉獸，1個意粉，1個薯蓉意粉彈牙，薯蓉入味雞脾肉嫩有汁漢堡扒味道較淡，唔似外面食開ge味精扒最緊要，平。靚 。正後記偷影人哋d pizza真係好香好大個好抵食下次要試🤤🤤🤤

去城大試咗一間位於AC3 , 7樓嘅food Court 食lunch。叫咗個pizza， 焗豬扒飯。大件夾抵食！ 味道真係ok bor. 個Pizza吸引我就係佢整到好大份。 佢哋個Pizza材料好簡單， 不過個 pizza 擺出嚟好靚。 Pizza有三款可以選擇。 六件只買＄48。 仲有個豬扒飯用咗紅米飯感覺比較健康。 加小小價可以有香橙蘇打。 真係好抵. 好過喺茶記到逼住食。 雖然啲service 麻麻哋， 不過都會再去， 因為喺嗰度食嘢比較舒服。

身為城大畢業生，對AC 3餐廳仍然記憶猶新，晚餐後要到又一城看電影，為了抗通脹，所以特意來AC 3看看，食物質素有沒有改變。後來發現，原來餐點上沒有太大改變，常餐依然存在，味道如一，連裝潢也是一模一樣呢！真是讓人懷念呀！

城市大學嘅餐廳都試左三間，今次呢間係第一次嘗試，同事話去嘅Pizza唔錯，所以今日就係為咗Pizza特登去試一次。我地夜晚去做嘅時候都冇乜人，我地點左一個Pizza一個意粉同埋一個燒雞仲有杯嘢飲，埋單都係＄130左右真係好抵食。夏威夷pizza個Pizza成12寸， 成個餐盤咁大，上面嘅餡料係粟米菠蘿撈沙律醬再加一塊火腿，上面嘅餡料係凍嘅，有啲似沙律放左係一件熱嘅Pizza上面，真係第一次試，個人就覺得還好，都係鍾意成件熱嘅Pizza ,個餅底算唔錯，批邊有少少脆。野菌蝦意粉呢個意粉真係幾失望，同廣告板上圖片嘅差別好大，醬汁味道好普通，個蝦有驚喜， 幾大隻，總共有四隻。燒雞配薯蓉薯蓉幾香滑，大食到最後真係好飽所以差唔多放棄左半個薯蓉。烤雞都失望，好鞋口,需要沾上醬汁，味道先夠。餐廳外面可以望到全景，夜晚去食個氣氛唔錯。

今次嚟咗城市大學嘅其中一個canteen----Bistro度食第一次嚟，環境好好又有背景音樂由於今次係食下午茶，所以只係點咗個車打芝士煙肉焗薯同雪糕睇住佢整焗薯俾我，真心好好食～上面d芝士就好似d mousse咁薯仔好軟，而且唔癡皮😋冇燶到！價錢就係$21💵，唔係話好平但係好值得😄個雪糕系雙球，就$33💵有d貴😢係焦糖味同特濃咖啡味😍😍😍真的很好吃～周圍都十分亁淨服務員態度好好，當我係lee度d學生咁今次我俾9.5分！！！

CityU入面AC3嘅canteen好多選擇，主要係食西式食品，有Pizza、意粉、焗薯同咖啡等等。特別隆重推介係個Pizza，因為40幾蚊就有一個大pizza，完全好難相信。首先個Pizza除左好大之外，上面嘅配料都好多，特別係呢個吞拿魚Pizza，鋪喺Pizza上面嘅吞拿魚數量係極度之多，我哋三個人叫咗一個pizza加兩個焗薯，埋單都係arround＄100，果然係學校食係最抵，係現今香港食嘢黎講真係一個好選擇！

呢個餐廳我已經光顧過幾次，主題黎講，呢度確是不錯，半開放式西式餐廳，亦有舒適嘅自然光透過落地窗射入餐廳。我印象中，我黎過幾次都依然覺得食物係可以接受嘅，而且服務態度亦不差。今次我叫左南瓜汁魚柳意粉同焗米蘭式豬排糙米飯，南瓜汁有好重南瓜香，但唔會話太鹹太濃。意粉就嫌唔夠入味。至於焗飯汁就嫌鹹左少少，而糙米就太硬。但好嘅係，豬排夠鮮，而且肉嘅比例夠高。但可能係西餐份量比中餐少，所以男仔食可能會覺得唔夠飽總括黎講，其實以平民價嘅餐廳黎講，算係無咩有得挑

通常係大學生活 大家為咗更善用時間就緊係將時間表編到密密麻麻 往往好少有時間坐低慢慢食返餐好🙁但頽飯食得多 就緊係要轉下口味🤔 趁住有時間 就食返餐好😋四個女仔 食量唔算大 我地就嗌咗1個大pizza 1個意粉 同1個海鮮咖哩飯share一齊食😁由於係午市 所以大部分既餐都係唔包野飲🍸想飲就加5蚊左右😙 首先就緊係睇下餐牌有乜好食📄原煲咖哩海鮮飯🔥🔥（$42）辣就唔算好辣 好濃咖哩味 整得幾有水準👍🏻價錢同平日食既快餐店差唔多但質素就好d賣相就有少少差 但原煲夠哂賣點⭐️🌟份量絕對夠食👍🏻 咖哩入面有齊幾款海鮮 魚🐟蝦 小墨魚 仲有食咖哩唔可以少得既薯仔 可惜今次既薯仔就熟得唔夠熟 岩岩熟既感覺🙈硬到我地要浸落去咖哩汁先食😂😂夏威夷薄餅 🍕🍕($48)賣相一流 呃like必備🤓🤓 材料好豐富 有齊蕃茄 菠蘿 粟米 火腿 加埋幾脆身既薄餅🌟真係幾好味☺️ 四個人一人食到兩大塊 絕對夠飽 加埋其他野食就攬住個肚走🚶🏻粟米用咗超甜粟 菠蘿加埋醬汁 成個薄餅好吸引❤️❤️南瓜汁嫩雞意大利粉 ($31)比較失望既一個意粉 完全食唔出有南瓜味 雖然賣相幾靚 但就比咗太大期望🙈 意粉份量係夠但係雞身就太乾太

上完堂啊sir帶路去食野聽講係啊sir飯堂，我地幾個同學就好似鴨仔團咁跟住啊Sir去朝聖啦 我地幾個人每人叫一個set**香辣烤雞伴牛油飯**呢個多同學食，賣相好吸引啊！但無想象中甘好食，整體味道唔錯，個飯特別香，不過烤雞D皮唔脆 ，有小小失望，好在食落唔算辣。**茄汁紅洋葱香腸意粉**我同兩個同學叫左呢個意粉 個汁好好食 意粉彈牙 香腸唔會太鹹，煎得好香口。**咖喱吉列豬扒煎蛋飯**哇！賣相好吸引，唔怕肥gei同學叫左話好正 ，食落又香又脆， 隻蛋煎得特別靚。 呢度lunch款式都唔少野食整體都ok~幾好坐

去左city食平lunch，如果以city canteen 黎講，食物質素最好都係AC3。可以食即整熱辣辣的窩夫配雪糕同湯。不過因為今日成日都未食過正餐，所以都係叫左個烤雞脾拼漢堡雞柳。意粉係用蕃茄醬炒過，睇落好吸引不過食落無咩味，要靠個肉的汁先有d味。雞脾整得好淋又入味，但係漢堡扒本身唔好食。個餐本身無野飲，唔記得要加6蚊定8蚊先有野飲。

九龍塘一向冇野好食，冇錢更加冇得揀，根本等於餓死。好彩有城大canteen.呢間係AC3, 食常餐同PIZZA都好味。今次揀左雞脾漢堡扒配班蘭長通粉（HKD 38)配凍飲加八蚊。雞脾燒汁唔好味，整件肉件好鬆散，好似解體左咁。 漢堡扒份量大而厚，食落唔知係嘜肉，味道尚可，底面又不會煎太焦黑。通粉個名好奇怪，其實都係番茄味長通粉。沒有煮得太軟及爛，可口。食完都飽，最好係canteen唔會趕人走，其他餐廳真係衰。總之抵食。