Bistro (已結業)

經過九龍塘，當然要黎學生飯堂食番個晏就，今次揀左間街外人無咁多既AC3 bistro。平時大家樂既焗豬扒飯食得多，今次都係到揀焗豬扒飯，黎個大比拼，價錢都係32蚊，價錢已經勝過大家樂8蚊左右，有見及此，再加杯新出既特色飲品----鮮橙梳打！學生飯堂既食物係用self-serve既形式，拎完野食就搵位，雖然係食飯時間，但因為冇咩外人既關係，都好易搵到位。焗豬扒飯嘅芝士粉可以隨個人喜歡加落去，由頭到尾都很有free style的感覺。塊豬扒好大，基本上覆蓋晒成個飯，骨佔既比數都好少，絕對係貨真價實！塊扒亦唔會話太薄。味道方面，茄汁配上豬扒在撈飯食，食落去會好滿足，配搭得宜好好味！杯嘢飲都冇令到我失望，鮮橙梳打飲落去好fresh，橙配梳打其實好難出到味，但係佢都做得到，而且只係用咗一塊橙，十分難得，回頭率很高啊！👍👍加強咗我試新菜式同食物既信心！下次會再黎食過！