bistro bistro Cafe & Lounge (已結業)

其實這裏已來了幾次, 全因餐廳外的天台花園, 可以一邊讓小樂庭放電, 一邊吃飯~!正!這次是第三次來吃晚餐了~主要是半自助式, 叫一個主菜, 可以任食沙律甜品..首先是主菜: 基本有PASTA,BURGER及扒餐選~ 每樣都有心做的~(我覺得~)每次來都會叫BURGER的~好味~最愛隻蛋~塊肉都不錯!我這次試了西冷, 對我來說~!我叫了七成熟!可惜有點熟~!肉質有點不嫩~!下次不一定點~讓我會再來的!~!是這裏的沙律, 可惜忘了拍照!真心推介!!!好味! 每次都有三款, 最愛薯仔旦沙律! 其次煙三文魚沙律都好好味~雖然沙律甜品吧款式不多, 相對其他餐廳可以說少! 但每樣不錯! 最重要小朋友可以在天台花園玩一下！　(當然是要好天氣啦~)

今日我仔仔三歲生日啦~我早兩日就訂左呢間餐廳,一直都想試下呢間係天台既餐廳!環境方面:-有室內室外座位,我地坐入面,因為驚熱.坐位唔多!!             -店內以黃燈為主,但太陽落山之後,就覺得好暗.             -我地一枱7日(2大5細),比左張貼牆既長枱比我地,但就覺得窄左D啦,放得個主菜,基本上其他由沙               律吧扲既野食都冇位放.但我見店內有2種台,我見到黑色枱面既台面積就較大,所以大學識住當然                 想坐得大D啦             -音樂真係好正!!!全部都係我同老公鐘意聽既歌!服務方面:侍應仔(似暑期工)都好快幫手收左係完沙律既空碟,等我地有多D位出去再扲野食.             女經理動作都好快手!GOOD食物方面:A. 香草蘑菇彩椒法豆意大利粉個樣好健康,有好多菜,味道都唔錯!D. 大牛肉煎旦芝士煙肉漢堡第一次見用太陽蛋夾漢堡,有人話鹹左D有人話唔夠鹹,甘可能係鹽唔平均啦,但個樣就睇落唔錯H.雜扖好抵係,又豐富,有豬,牛,雞,腸,煙肉,薯菜/飯/意粉,味道都唔錯嫁.I.西冷+大蝦估唔到塊牛

風和日麗的日子, 相約好姐妹們探望姐妹的初生BABY~ 姐妹住油塘, 推薦我們到BistroBistro. 果然, 位置闊落, 戶外的坐位也很舒適. 看到價錢牌, 笑逐顏開, 很便宜~!以下的精選下午茶已經是最貴的一個SET~ Bistro Bistro 精選下午茶 $58迷利Burger, 麵包沒有烘過, 漢堡扒是暖暖的不是熱辣辣, 沒有什麼特別炸雞翼, 挺香的, 也入味, 不錯煙肉腸仔卷, 會不好吃的嗎? 煙肉腸仔都不會太乾, 就這樣. Cheesecake, 沒有什麼Cheese的味道, 但是一個不錯的飯後甜品. Salad, 菜倒是挺新鮮的!整體沒有驚喜, 但也是不過不失啦~ 朋友們點的烏冬倒是不錯!下次到油塘, 還是有機會再去的. 

低消費浪漫談情好去處，油塘大本型天台花園「bistro bistro Cafe & Lounge」。半自助餐，有是日餐湯、沙律吧、佐口小食、甜品吧、雪糕任飲任食。款式很多，而且質素都在水準之上。特別推介濃郁香草磨菇忌廉湯，好濃味又好滑，男友更一飲再飲！至於main course，我就點了三文魚扒，香草汁配上香煎三文魚扒，很夾也很好吃！肉質嫩嫩的！而男友就點了煎蛋芝士煙肉漢堡包，吃得出漢堡是自家製，漢堡就略為過“鞋口”，談不上juicy。但是，值得一讚的是粗薯條！作為薯條怪的我，當然愈粗愈開心！到了必提的價錢，整頓飯都不用三百元，加上門口有優惠券可以再減$25，真的是好康推介！又有情調又低消費！煎蛋芝士煙肉漢堡包。香草汁香煎三文魚扒。店名：bistro bistro Cafe & Lounge地址：油塘高超道38號大本型商場天台花園R01號舖

返新工前跟B女四處遊玩一下。今天去大本型商場頂層的空中花園裏面的西餐廳叫"Bistro bistro cafe"。餐廳在openrice 的評語中只屬一般, 但是餐廳環境開揚, 有室外又有室內位置。最重要是外面有遊樂場可以俾我B女耍樂。一入內, 有個水吧區。下午茶時段, 只有2枱客。氣氛寜靜。下午茶選擇多, 價錢有部分只需二、三十元 , 而且免加一, 非常實惠。雪糕窩夫配朱古力汁($38) 這甜品賣相豐富, 有2件呈三角形的窩夫, 旁邊的忌廉面上擺放了士多啤梨及藍紅, 窩夫及忌廉面上同樣淋上朱古力醬, 加上正在溶化的雪糕, 小朋友見到這甜品一定喜歡。雪糕有3款味道選擇, 揀了朱古力口味, 賣相比較淺色應該用上本地的雀巢雪糕。朱古力味道不太濃厚, 本地雪糕真的難以跟外國品牌比較。窩夫只屬微暖, 比較厚身。裡面太多麵粉, 好實心, 因此口感不夠鬆化。味道非常一般。凍檸茶反而有些驚喜, 好香好清新的茶味, 而且有些水果的香, 入口順滑又清新。

假日賣旗後，我們一行十一人（六大五小），選擇這間餐廳的原因，是有露天茶座，給人有休閒舒適的感覺；對面還有一個遊樂塲，小朋友一樂也！環境非常好，服務態度非常差，未點東西就先放幾碗凍的餐湯，要我們一定要選套餐，另外落單又亂來的食物方面真的很一般，牛扒叫七成熟，但上碟就全熟，非常韌芝士蛋糕又酸，仲話好新鮮

我們一行三人去慶祝好朋友生日, 壽星女提議到油塘大本營 - BISTRO BISTRO慶祝我未曾到個油塘大本營這個地方燈光有點浪漫, 可惜氣氛...半自助晚餐 - 自助前菜及甜品及自選主菜壽星女餐湯與麵包粟米忌廉湯香濃忌廉; 麵包條好硬友人的沙律薯皮: 凍了!沙律有四五款可選擇, 味道尚可!磨菇汁香煎肉眼扒併帶子串伴薯條 $198肉眼扒夠腍又有肉汁, 帶子煮過韌了洋蔥汁大蝦西冷牛扒伴薯條 $178大蝦無味, 西冷牛扒味淡香煎厚切豬扒併豬肉腸芥末汁伴意粉 $168豬扒軟腍三碟主菜合併後, 開餐了!甜品賣相一般, 所以我沒有興趣!凍檸檬茶 (忘記影相)看見壽星女食得很開心又滿足, 我已經很滿意了BISTRO BISTRO 總結: 還可一試!

同好友晚飯，佢屋企附近商場頂有一間有情調嘅餐廳，食物仲話唔錯！上到去頂樓天台，環境好開揚，有兒童遊樂場，人工水簾，附近嘅樓唔近，唔會壓迫，閒日唔使等位，餐廳有戶外同室內位置，我哋揀咗最外圍室外位，朋友有先見之明，事先去商場客戶服務處取了張優惠劵，可以取得折扣！先在happy hour完結前，叫了三杯hoegaarden 大啤，買二送一，圍起四十蚊一杯，啤酒夠凍，好大一杯，味道唔苦易入口！呢度係食半自助餐，可以落單後，去吧枱去取沙律甜品，款式都唔少，沙律尤其出色，四五款都好味，食啲蔬菜打底，又有咖哩角、炸魚餅送啤酒！甜品款式少啲，芝麻榚好濃好滑、椰汁榚好滑，紅豆大粒！芝士蛋糕一般！紅酒汁香煎肉眼牛扒拼烤蘑菇：我哋兩個都叫呢款，賣相幾好，肉眼扒切落好淋，做到我要嘅5成熟，肉厚多汁，蘑菇厚肉軟身，索晒紅酒汁，好滑好濃菇味，紅酒蘑菇汁，唔會搶走肉味，幾配合，薯條粗身唔脆，軟身但有薯味，點茄汁好味，蔬菜係灼熟嘅西蘭花及紅蘿蔔仔，爽脆好味！整體配合好好！美式牛扒：朋友食，話好味！餐飲：火熱檸茶，好淡好淡，完全無茶味，檸檬唔澀！我唔落糖都飲到！可以想像幾淡！服務唔算勤快，可能我們坐外圍，每次都要舉手

平日以其午餐價錢($60-70), 還可以接受. 但以每位$200 吃以下食物, 有些不值1) 煙三文魚沙律三數條煙三文魚絲, 三數條紅椒絲三數條蘿蔔絲及三數片生菜, 味道絶不可口2) 忌廉湯+蒜蓉包忌廉還未完全煮開, 還是一舊舊的, 蒜蓉包只有一碟是正常的, 其餘全是燶的, 還敢端上餐枱3) 主菜(分別是牛扒, 豬扒 及三文魚扒)豬扒及三文魚扒竟然全部像是白烚的, 三文魚扒上桌時是微温的, 不夠熱.薄牛扒約0.5cm 厚(是牛肉紙還是牛扒?) 竟然像用鬆肉粉"拿"過一樣, 有怪味, 醬汁又怪.豬扒.........鞋........像煲湯豬肉.4) 甜品藍莓芝士餅無芝士味, 仲要餅底係海綿蛋糕朱古力moose 蛋糕竟然是煙靭的.5) 飲品凍飲竟然上桌時冰塊已溶掉了, 像是暖飲.本來想在一個環境尚可的地方與同事吃餐好的,結果..... 

星期六下晝 呢間都有幾多吉台，就係呢間開飯啦Lunch set既磨菇湯，飲落味道就唔算濃，不過聞起有陣酸酸地既菇味，整體感覺麻麻地 個西芹蟹肉撻都唔係幾食到蟹肉黑椒肉眼扒就唔錯，5成熟，夠juicy，冇用鬆用粉所以肉味都夠，份量都算ok食物就普通dd啦，不過環境係唔錯既，空氣清新又靜靜地咁

Came here for a gathering, a nice place but noisy.I only tried the chips because the rest of the items were Chinese style Western items such as pastas and steaks.The chips were good because you can't go wrong with them if they are fried just right.In this case, I loved their chips, golden yellow, crispy on the outside and soft inside.The chips came with ketchup but salt and vinegar with chips is just as good.

露天茶座設計，地點在石屎森林中，眺望鯉魚門海港，恰好是城市中的綠洲。到訪了兩次都是下午茶，不太肯定廚房的質素。但沒有太大驚喜。食物賣相好，周未下午茶餐內的三文治包乾且硬，其他小食ok，整體是不俗。火腿多士餐，多士烘得太燶，但薯條炸得挺好吃。熱香餅賣相好，但本人較喜愛m記的hot cake。西多一定是茶記較優勝。整體上環境的性价比食物好。餐牌有改善的空間。Recommendation: Terrace cafe could sell more tea/coffee. Why not consider to let your customer gets an upgrade from set coffee to latte / cappuccino by adding a few dollars? The menu in Kowloon Bay is v gd! Bring it to Yau Tong Branch!

位於大本型頂層公園旁的Bistro Bistro，可以說是眾餐廳中位置最差的一間，適逢下層的大食代的正式開幕，人多得只好走到頂層的Bistro Bistro用膳，還以為這裡應該沒太多人，原來很多朋友都會在這兒家庭樂，小孩子在公園玩，大人則可以在旁吃一個下午茶，非常幸福的感覺，而且走出一點餐廳有一個大海景，其實環境算是非常不錯。 這一間Bistro Bistro是分店，主店位於九龍灣，主打歐陸風格的食品，還有紅酒白酒提供，但說真的相信西裝友應該不會來這邊喝酒吧。今回來到這裡本來想試一試Egg Benedict，但不幸地已過三時了（不是All Day Breakfast) ，還好這兒有其他下午茶提供。 合共點了三個下午茶餐，熱香餅配香蕉，扒火腿芝士番茄三文治及牛肉漢堡配沙律菜薯條。 熱香餅配香蕉，賣相不俗，但奇怪餐廳沒有提供糖醬，令熱香餅吃起來很單調，而且熱香餅煎得十分乾身，香蕉亦有點過生，所以帶一點酸味。 扒火腿芝士番茄三文治，三文治經過烤烘，質感脆而不算油膩，配上火腿半溶芝士和番茄，其實真的蠻好吃，番茄令三文治看似油膩中帶點清新，而且份量並不算少，整體不錯。 最後牛肉漢堡配沙律菜薯條，