Bistro La Baie

營業中

休息中

越近聖誕就越難約人食飯，早啲約胃民撐檯腳都好將軍澳海邊呢間法國餐廳，已經好有聖誕氣氛等主菜之前，先嚟一人一件生蠔。佢地嘅精選生蠔，色水同日本蠔好唔同，鹹水味好出，加木犀草醋汁，大西洋風情洋溢口腔牛頰肉係最嫩嘅部位，加上佢係和牛，嫩上加嫩煮得好腍，紅酒汁熬得好香濃滲落芝士薯蓉，香綿十足，仲有炸蔥嘅脆脆口感更佳三黃雞有兩大塊，皮嫩肉更嫩，雞嘅鮮味相當出眾另外好特別嘅係，有啲泡沫冚住薏米飯黑松露味非常之香，飯粒口感滑捋捋，正過食risotto煩緊揀咩甜品之際，店員推介呢個俾橙酒浸住嘅signature crepes忌廉好有奶香，啖啖crepe都充滿果香聖誕將至都有應節cocktail，呢杯聖誕大都會好有果香，vodka味仍有散發出嚟魯道夫天堂最啱好似大胃咁嘅cream控，奶香同Baileys味都好有聖誕嗰種甜綿感覺

位於將軍澳南的法國餐廳Bistro La Baie 。除了美麗的海邊景色，室內裝修亦高貴優雅，浪漫的佈置非常適合慶祝特別的日子如生日或紀念日✨餐廳亦有戶外座位，有狗狗的話，也能一起享受美好的時光🐶🤍。🍽️Seared “Three Yellow” Chicken - ($198)三黃雞黑松露泡沫為菜式帶來淡淡優香。雞扒肉質香滑，不嚡口。整道菜式油香味重但不膩，配上炸脆了充滿麻油香味羽衣甘藍，令菜式加分不少。🍽️Bavette (Flank) - ($298)牛腹扒是一個脂肪相對較低的部位，餐廳控制牛扒熟度得宜，令牛扒有嚼勁之餘又不會過分堅韌。牛扒肉味濃厚，配上清新阿根廷青醬，味道一流。🍸Signature Cocktail-Boulevadier - ($88)橙酒味超強烈的Cocktail ，入口有濃郁橙香及甜味，然後有濃厚Whisky味作結尾，與油香味重的黃油雞及牛扒是一個不錯的配搭。 📍 Bistro La Baie (將軍澳)將軍澳澳南海岸唐俊街23號MONTEREY Place地下G02號營業時間：星期一至日 1130-2200#tko #frenchfood #frenchfo

Bistro La Baie位於將軍澳澳南海岸，是間法國菜餐廳🇫🇷 店內的裝潢高級優雅，佈置設計帶點浪漫的氛圍，很適合慶祝生日或特別日子呢～🥰 餐廳更設有室外座位(可以帶同狗狗一起用餐🐶💕 )，天氣較涼時，坐在室外邊欣賞海景邊用餐，感覺很寫意😌🤍Oeuf “Deviled Eggs” Mayo (3pcs) (HKD108)半切烚蛋搭配法式蛋黃醬，再配上松露、蟹籽及番茜，味道層次豐富，一口吃下去超級滿足🤤🤍Seared “Three Yellow” Chicken (HKD198)香煎三黃雞皮脆肉嫩多汁，雞味濃郁😋 薏米飯口感彈牙，清新健康☺️ 而黑松露泡沫平衡了雞肉的油膩感，更提升了整道菜的風味呢～🤩🤍Baked Halibut (HKD248)焗比目魚肉質鮮嫩，搭配牛油汁更添香滑😍 還有鮮美的蜆肉及鹹香可口的法式炸薯仔，非常豐富且美味的一道菜👍🏻🤍Classic Crème Brûlée (HKD88)蛋香及奶香味同樣濃郁，口感細膩柔滑，甜度適中💛📍Bistro La Baie - 將軍澳澳南海岸唐俊街23號MONTEREY Place地下G02號舖

最近放假好喜歡去將軍澳澳南海岸吹下海風🌬️食完晚飯散下步，真係幾寫意～法國菜餐廳 Bistro La Baie正正係澳南海岸環境氛圍好chill🥂好似去咗外國一樣餐廳優雅別緻，好適合慶祝紀念日或生日呢🍾Starters: Mini Beef Burger🍔迷你漢堡夾著兩塊厚厚嘅牛肉，好juicy 配洋蔥醬同蛋黃醬更滋味～Main: Seared “Three Yellow” Chicken用三黃雞肉質特別嫩滑多汁😌薏米飯配黑松露泡沫🫧口感清新Main: Duck Leg Confit油封鴨腿甘香多汁，啖啖肉配搭扁豆感覺健康，減少唔少油膩感令整道菜更回味無窮😋Dessert: Crepes Suzette法式橙酒可麗餅一試愛上🍊可麗餅口感軟熟帶少少煙韌，浸住清甜嘅法式橙酒，非常開胃令怪得知甜唔係另一個胃啦🤫放假不妨去澳南品嚐一下法國菜

精緻法國菜，打卡慶祝好去處！揀左呢間餐廳同朋友慶祝生日。餐廳裝修精美，充滿法國風情，環境舒適，好啱三五知己食飯傾偈。野食擺盤精美，無論主菜定係配菜都好好食。推薦紅酒燉和牛頰肉👍🏻，牛肉好淋，配上薯蓉同紅酒汁，賣相同味道都好出色。因為要收切餅費，所以我地叫左款甜品，寫字同朋友慶祝。Crepes suzette法式可麗餅必試👍🏻 橙酒醬汁唔會太甜，軟熟可麗餅配上金寶脆脆，口感好豐富。 除咗單點餐牌，餐廳仲有推出節慶餐牌，供應至農曆新年為止，啱晒book 枱慶祝節日。總括黎講，樣樣野食都好吸引好好食，同埋冇諗過份量都幾多，最後食到捧住個肚走😹 侍應服務周到，會主動幫手換碟同埋斟水。環境舒服寧靜，室外座位仲可以見到海景，值得推薦👍🏻

昨天到這偏好評的餐廳用膳， 兩個人點了個set lunch menu 中的海鮮飯， 當海鮮飯上台時已刷覺的雞排不是全熟， 和西班牙海鮮飯是非常之油的， 跟本不繫一般乾身的做法， 叫當值經理過來理論一番， 他和當天的出示堅持那些雞排是熟的和他們的海鮮飯做法是比較油的， 是安全可以食用的， 那麼我們就吃了幾口那些海鮮飯，如是者，再食幾口， 發覺太不對路， 那塊雞排有很多部位還是沒有熟透的， 飯地是一碟油油的， 再理論一番之下， 我們堅持換了別的菜式， 分別是油鴨批和羊排， 味道還是一般般， 羊排還是有點生的。廚師煮飯真係非常求其.如是者， 晚上就發生食物中毒事件， 肚子極痛並連續肚屙了好幾次， 肚屙到個人系暈左。 今天再到餐廳跟當值經理理論一番， 他非但不忍錯，還非常賴皮和無賴的不誠認昨天的食物有問題， 還堅持沒有煮熟的雞排是可以安全食用， 和說廚師認為是安全食用， 跟他理論可否跟他們的管理層跟進事情， 他只是冷漠地遞上一張餐廳的卡片，內類只有主機號碼和電郵， 跟本就係黑箱作業的安排。

今日又係入將軍澳探朋友順便食餐飯算係提早慶祝聖誕節。將軍澳呢頭宜家真係好多野食，選擇多之餘而且都幾高質。呢間法式餐廳「Bistro La Baie」近將軍澳海旁，風景非常好，所以有好多人都會選擇坐室外，中午或黃昏起黎食野飲杯野，感覺好Chill。因為臨近聖誕節，餐廳內都裝修得超有氣氛，好適合黎慶祝聚會。今次試左「BLB Steak Frites」：只肉眼牛扒好鮮嫩可口，出面好似烤過黎，感覺唔只係煎，所以保持到入面嫩得黎又有少少咬口，而且已經切好晒，大大份又唔使自己切，好享受。另配上烤蒜同大份嘅薯條，超滿足！另一份主食叫左「Lamb Ragu」：意式羊肉醬扁意粉，羊肉意粉好有新意。佢係拆左骨嘅羊肉撈埋意粉，羊肉好足量所以都好大份，味道唔錯所以兩個女仔食到捧住個肚出黎。餐廳12月份仲有個節日限定 menu，睇個餐牌啲野都好吸引，供應至農曆新年完為止，我估我會再黎試一試！🥢Bistro La Baie🌏將軍澳澳南海岸唐俊街23號MONTEREY Place地下G02號舖

晏晝想同屋企人食西餐，於是去咗將南海旁搵到依家好靚嘅法國餐廳， 佢嘅午餐好抵食，包頭盤主菜飲品，份量好大，我哋叫咗三個午餐 share食😋頭盤方面，我哋揀咗格斯牛肉他他 +$40，冬日沙律，餐湯。 牛肉他他有洋蔥粒，蛋黃，撈埋牛肉食好香好滑。沙律有紅菜頭，南瓜，南瓜籽，甘筍，火箭菜，用料新鮮亦好清新👍主菜 油封鴨腿 $178配料有扁豆同香腸，鴨腿好香脆唔會太油，配埋扁豆一齊食好飽肚🤩三黃雞 $188香煎三黃雞配芥末薏米飯，上面仲有黑松露雞湯泡泡，感覺好fusion😍三黃雞煎得好香口，就算雞胸位都好滑，泡泡好香黑松露味，配埋芥末薏米飯，口感豐富亦好健康😋牛腹扒 $268嚟得呢度緊係要試下佢嘅招牌牛腹扒，配埋薯條，烤蒜頭，牛腹扒我哋要五成熟，餐廳煮得生熟度剛好，好香牛味🐮幾時都話食甜品有另一個胃😂我哋都加咗兩個甜品，法式橙酒可麗餅 +$20，可麗餅好香，配埋好香滑嘅忌廉同金寶脆脆，點橙酒汁食好好味😍另外叫咗歌劇蛋糕 +$30，蛋糕食落口好重冧酒味，配埋朱古力醬，雜莓，雪糕，多重口感😍食完見到12月份仲有節日限定menu，餐牌會供應到農曆新年完為止，頭盤主菜連甜品人頭費都係$400蚊左右，真

帶着狗狗去將軍澳澳南海岸放電，晚飯揀咗這間餐廳食法國餐🙂餐廳裝修採用簡約歐陸風格，非常雅致，我們帶着狗狗坐室外用餐區，有多張布藝梳化，坐在這裏吹着海風用餐十分休閒寫意😊 Bavette (Flank) （$298)牛腹扒煎至六成熟左右，肉味香濃，有嚼勁但不會韌，蘸些清香的阿根廷青醬，非常滋味😋Seared Three Yellow Chicken ($198)三黃雞黑松露泡沫，一上枱已聞到很香濃的黑松露味道，雞扒表面煎得很香脆，肉質嫩滑，芥末薏米飯煙靭入味有口感，半碟菜是炸得香脆的羽衣甘藍，都很好味。French Carbonara （$178）意粉煮得軟硬適中，順滑有口感，醬汁有濃濃芝士味及蛋香，質感Creamy，超好味。12月份推出個節日限定套餐，每位只需$408，食物款式唔錯，聖誕節再嚟食過😋

行經過澳南見到法式小酒館長期滿坐，今日早放工見餐廳未full 終於入去一試裝修舒服有優雅有格調，適合特別日子聚會慶祝，而且侍應都好friendly12月份除A La carte ，另外有節日限定menu ($408/位），餐牌供應至農曆新年完為止另外都唔少promotion，星期一有主菜買一送一🦪Oysters 生蠔十分新鮮而且好肥美，加少少檸檬汁已經非常好食Seared "Three Yellow"Chicken，barley rice & black truffle foam三黄雞燒雞皮脆肉嫩，肉質嫩滑juicy，皮下脂肪近孚零，配上黑松露泡沫意米飯，入口啖啖黑松露香氣，唔止賣相一流，食落都一流Baked Halibut 焗比目魚比目魚魚皮十分香脆，油香十足，肉質超滑！配上buttermilk 同蜆肉，醬汁為魚添上鮮味，味道更上一層樓！.Menu

將軍澳南新開咗一間好靚嘅法國餐廳，好適合慶祝🥂 有室內同室外嘅座位，室內已經佈滿聖誕裝飾，室外就睇到海景，非常有情調🥰🔸🐮Beef Tartare + Sourdough $188冇諗過佢啲嘢食都幾大份，就算係一個前菜都覺得好多🤣 用黑安格斯牛整嘅他他，再加上芥末醬同埋生蛋，好惹味😋🐟Baked Halibut $248超級推薦🌟 焗比目魚肉質好柔嫩，牛油汁味道突出，配搭毛豆好好食，而且有好多蜆👍🏻🐮Wagyu Beef Cheek Bourguignon $268和牛頰肉用紅酒燉煮，好入味，肉質柔軟，而且提升牛肉嘅味道，搭配薯蓉，平衡番牛肉濃郁嘅口感🤩🍊Crepes Suzette $88可麗餅嘅餅皮薄而柔韌，口感順滑，加上橙酒嘅香甜味，同埋crumble脆脆，口感豐富，令人食唔停口🤤而家仲有有節日限定menu ，餐牌會供應至農曆新年完為止，節日嚟講算唔貴，只係$408/人，未諗到聖誕去邊度食可以考慮呢間🥹🩷 食完嘢仲可以行吓海邊行吓Donki🤣

閨蜜在此餐廳試菜之後，覺得不錯，立即相約契女為其老公慶生。餐廳有會員制度，成為會員可享八五折優惠，當然不可錯過。餐廳空間很大，裝修亦是重本之作，座位也十分舒適。脆煙肉生菜沙律即凱撒沙律，沙律的用料正常，汁醬用的是鯷魚醬汁，加上大量芝士粉，為沙律添上一點新意。田雞的腿非常粗壯，活生生的時候應該是運動健兒，田雞腿充滿香料的濃厚風味，不用蘸配餐的汁醬也味道十足。青口軟嫩，每隻都掛滿白酒及香草煮成的醬汁，跟隨的酸種多士非常香脆美味，可自成一款美食。閨蜜很喜歡吃八爪魚、魷魚此等海鮮，長長的一條八爪魚鬚烤得恰到好處，墊底的烤薯片混入了香濃的肉醬和茄子蓉，主菜與配菜同樣可口。牛扒有三個不同部位供選擇，最終選了肉眼牛扒，肉眼的牛味濃郁之餘亦十分軟腍，跟隨的阿根廷青醬配牛扒或薯條同樣合適。法式卡邦尼扁意粉以濃稠的忌廉芝士醬汁烹調，搭配厚切煙肉粒，每一口都充滿了濃厚的芝士和煙肉的鹹香味道。

Bistro La Baie 已經喺將軍澳海傍開咗一段時間啦，我每次跑步🏃🏽‍♀️都會經過，每次都覺得餐廳好有情調，每次都好想去試吓😘終於早幾日同老公去咗撐枱腳❤️⭐️環境餐廳嘅裝修好溫馨，好有法國🇫🇷小屋嘅味道！而且空間都幾大，無論一家大細定couple嚟都會坐得好舒服😌⭐️食物Oeuf "Deviled Eggs" (Free)餐廳每日都會有special嘅優惠，當日就有買2杯酒，送一份小食嘅優惠，而我哋就揀咗Oeuf "Deviled Eggs"🥚 松露配上蟹籽同埋parsley，味道好特別，作為佐酒小食好開胃！✔️Hokkaido Scallop Crudo ($168)呢個菜色好精緻，配上洋蔥🧅同柚子醋，酸酸甜甜咁，好醒神！✔️Calamari Fritti （$148）鍾意食炸魷魚嘅朋友一定要叫！佢嘅魷魚🦑非常大份，又好爽口，點埋蒜蓉蛋黃醬，真係非常惹味！✔️Seafood Ragout ($218)我無喺香港食過湯意粉，呢個意粉好似珍珠米嘅大細咁，配埋海鮮魚湯嚟食，又幾過癮喎！聖誕🎄就到啦，未諗到💡去邊度食嘅朋友，可以去呢間咁有情調嘅法國餐廳食！佢嘅festive feast menu

位於將軍澳的法國餐廳 - Bistro La Baie，餐廳內部裝潢以藍白色為主,大吊燈加長沙發，營造出溫馨而舒適的用餐氛圍 , 滿滿法式風情。餐桌之間的距離恰到好處，既不會過於擁擠，又能保留一定的私密性，是一個適合朋友聚會或情侶約會的理想場所。作為一家主打法式料理的餐廳，這裡的菜餚無論在味道還是擺盤上都展現了主廚的用心。✨牛腹扒配薯條及烤蒜牛腹扒煎得恰到好處，外層焦香，內裡多汁，肉質細膩而不失彈性，搭配香脆的薯條和濃郁的烤蒜，味道層次豐富，令人回味無窮。✨法式卡邦尼扁意粉煙肉的鹹香與忌廉芝士汁的濃郁完美融合，扁意粉的口感彈牙，每一口都充滿了濃厚的法式氣息，令人食指大動。✨香煎“三黃雞”配薏米飯及黑松露泡沫是一道兼具創意與精緻的料理。雞肉皮脆肉嫩，搭配帶有淡淡堅果香的薏米飯，以及濃郁芳香的黑松露泡沫，整道菜不僅味覺豐富，還帶來視覺上的享受。

Bistro La Baie (將軍澳)將軍澳澳南海岸唐俊街23號MONTEREY Place地下G02號舖今日天朗氣清， 今日一家人踩單車去澳南海岸， 好舒服，去到澳南海岸附近搵咗間餐廳食好嘢， 上網見到d 間餐廳既comments 唔錯， 又可以揀坐入面或者出面， 環境舒適， 坐出面仲有可以望住跨灣大橋， 夜晚著曬燈，好靚.食物質素唔錯， 價錢合理， 同埋餐廳設有kids menu , 小朋友都好岩食.Kids menu： 蕃茄忌廉扁意粉， 另配有一客雪糕， 囡囡知道有雪糕，好快食晒，個餐都係$78， 幾抵食.生𧐢（2 隻） ： 大隻， 好鮮甜👍👍白酒煮青口： 份量都多，起碼超過10 隻， 隻隻都大大隻， 啖啖肉， 酸麪包配埋個source -齊食， 好惹味和牛芝士漢堡： 和牛厚切， juicy 多汁, 正😋，配有薯條， 香脆可口， 小朋友至愛🥲