Bistronomique

營業中

休息中

西環出名好多好嘢食有每次都會去海旁嗰間Cafe 今次嚟到Cafe隔離嘅西餐廳食嘢 主要係食法國菜 夜晚嚟到都唔係話好多人但係風景好靚環境好浪漫叫咗一個六個course嘅set 牛油果虎蝦沙律好開胃然後就係四款小菜 仲有餐湯好香蘑菇味西冷牛扒五成熟啱啱好好香牛味法國烤乳豬 同中式乳豬唔同點嘅醬都唔一樣 感覺係類似德國豬手嘅食法都係有啲酸菜伴碟 一齊食唔錯 乳豬皮好脆最後仲有個甜品雪糕同埋檸檬撻 成餐食到好飽 仲叫埋杯白酒 絕對適合情侶共進晚餐

呢晚兩個人叫左個 6 courses set 🤤最先黎到既法包配牛油，一般正常硬身法包然後就好快就上左沙律，沙律我簡左牛油果虎蝦沙律牛油果有3片，加上2隻虎蝦同沙律菜，賣相十分好，分量都細份 唔會係菜前就有飽肚感。虎蝦燒得岩岩好 肉嫩多汁 同牛油果既配搭令人滿意。小食就上左雞肝豬肉批同法式煎田雞雞肝豬肉批雖然賣相普通，但食落口令人意外，雞肝味同豬肉味融為一體，香味濃郁👏🏻而法式煎田雞就更為出色，田雞煎得好香口，加上配搭薯蓉 簡直一流👍🏻不得不讚薯蓉煮得好滑好香 唔會好似出面有種好粉好油膩既感覺接住黎就上左蘑菇湯，不得了！真係好足料！啖啖都係好足料既蘑菇蓉🤤🤤如果計水同蘑菇個比例個話應該有8成既蘑菇2成水份🤩可想而知係幾咁誇張跟住就係上主菜，我叫左5成熟既煎西冷牛扒，令人意外既係西冷牛扒既煮法，冇用到好多醬汁之類既調味料，只係好普通既黑胡椒同鹽，而食落口都好嫩 好多汁😋😋廚師應該係想用保留牛既原味 的確好食👏🏻亦證明餐廳係簡靚靚牛西冷 最後上左個雪糕配cake做甜品，雪糕係好食既但老實講個cake偏甜🤏🏻Bistronomique (西環)西環堅尼地城爹核士街1號裕福大廈地下1號舖

最近因為疫情嘅關係，同朋友見面都只可以係weekend食lunch🤧今次朋友就帶左我去呢間位於堅尼地城海旁嘅法國餐廳。餐廳分左上下兩層，下層有少許戶外座位；而我地今次訂枱嘅時候就講明想坐上層嘅海景位，結果真係安排到❤️望住蔚藍嘅海岸食飯心情特別好。餐廳weekend都有做set lunch, 分別有Starter 同Main course, 價錢合理。我地今次就揀左：✨ 香煎魷魚仔配西班牙肉腸呢道前菜我同朋友都好鍾意❤️岩岩煎好嘅魷魚仔油香十足，口感鮮嫩😋✨ 安格斯牛肉他他（＋$38）牛肉他他味道正常發揮，塗上麵包食都幾開胃。✨煙肉卡邦尼扁意粉（$198）呢度嘅卡邦尼並唔係最傳統果種，食得出忌廉嘅味道，但同樣好食😋美中不足嘅係意粉略為淰左少少。✨炭燒美國頂級肉眼牛扒（$258）牛扒我地就揀左medium rare, 都預左香港嘅餐廳多數都係會將牛扒煮得偏熟，結果出到黎目測係7成熟左右😂不過好彩味道都口感都唔錯😋雖然比想像中熟但都保持到嫩滑嘅口感，非常juicy. 整體而言餐廳都有令我喜出望外嘅感覺，Lunch Set呢個價錢黎講食到咁嘅水準嘅海景餐廳性價比超高❤️美中不足嘅係餐廳枱與枱嘅距離

西環海邊一向多人打卡影相，今日一於去打卡再食個dinner! 見到呢間西餐都幾多人食，好有特式咁。6 courses dinner set $628 per person Salad + 2 starters + soup + main+ daily dessert 。餐廳燈光暗暗，個feel幾好。鍾意佢麵包同湯熱辣辣。前菜焗田螺香草味，田螺幾林，好食😋蝦沙律仲配有牛油果，加埋沙律菜食真係好健康。雞肝豬肉肶估唔到咁好食，雞肝香味濃郁。主菜揀咗西冷同埋烤乳豬。兩個主菜都整得幾靚，而且味道都好好。我好鍾意食烤乳豬整到乳豬肉質林，最緊要係個皮卜卜脆。最後檸檬撻好酸好開胃，味道幾好！

呢間西環海邊嘅餐廳，原來樓高兩層。下邊較多人飲酒飲嘢。上面多為用餐。上層有窗口位可以望到西環海邊，景色唔錯！餐廳情調唔錯，播放住休閒嘅音樂，都幾浪漫💕揀咗6 COURSES SET $628/head每人一個沙律、兩個starters、一個湯、一個主菜及是日甜品🍮先有新鮮香脆麵包，之後就到沙律▶️牛油果虎蝦沙律🦐🥗蝦幾爽口，沙律醬汁酸酸地夠開胃。▶️前菜：雞肝豬肉批/法式煎田雞腿/香煎魷魚仔配西班牙肉腸/法式香草焗田螺雞肝豬肉批好特別，雞肝味突出幾香，我仲用咗嚟夾麵包食！田雞腿肉質都幾幼嫩，底下有啲薯蓉。魷魚仔夠林我幾鍾意食！另有少少西班牙肉腸鹹鹹地。田螺幾有風味，香草牛油味。▶️是日餐湯蘑菇湯，忌廉及蘑菇味夠香，creamy! ▶️主菜：法式烤乳豬/炭燒美國特級西冷扒烤乳豬個皮好香脆、乳豬肉又夠林相當好食😋西冷揀咗5成，有炭燒香味。夠大塊多汁！▶️甜品係梨撻🍐梨酸酸甜甜又爽口，撻底有牛油味，另外仲有雲呢拿雪糕🍦想靜靜地食個晚餐，呢度環境唔錯！

假日想搵一個有海景嘅地方食個悠閒嘅lunch，朋友推介左呢度。這是一間位處西環海邊的西餐廳，Set lunch選擇唔多，但正正有我最愛的牛扒。跟餐的麵包是頗大的一件法包，牛油加上烘烤過的法包，唔錯。前菜我選了牛油果虎蝦沙律，虎蝦放在切片的牛油果上，邊吃邊吹水，同時慢慢享受海邊的風景。炭燒美國頂級肉眼牛扒，大大件的牛扒，切開後是滿滿的肉汁，重牛味，那個香料的調味適中。連旁邊件菜薯仔也有烘烤過的味道。吃過午餐後，在店家休市前，飲住野，吹住水，繼續享受我的海景🤣🤣

朋友話好少嚟西環，叫我帶佢食下好野，「一盡地主之誼」！法國菜嚟講，價錢真係好貼地，五百幾蚊一人六道菜！樓上燈光昏暗，好有情調，貫徹法國人嘅浪漫！沙律揀咗牛油果虎蝦沙律，熟成程度剛好嘅牛油果，爽口彈牙嘅虎蝦，清新！雞肝豬肉批好特別嘅小食，甘香入口柔軟滑嘅雞肝，加上豬肉碎，口感又多番啲層次，唔會覺得好膩，上面有三條醃小青瓜，爽口酸酸地！香煎魷魚仔配西班牙肉腸用橄欖油煎過嘅魷魚仔帶點焦脆，加上鹹香嘅西班牙肉腸片，好惹味！是日餐湯係薯仔整嘅湯，打成細滑嘅薯蓉，加上黑松露，好香！法國鵪鶉想試d特別嘅main，呢個法國鵪鶉比到我好大驚喜！本身以為份量會好細，但完全唔會，呢度有一隻半份量，仲有大量配菜！鵪鶉半煎炸，依然保留肉汁，皮好脆，非常出色！有點像乳鴿！仲有好多菜同新薯！是日甜品係香梨批，好特別，梨好清甜，每啖都咬到梨，加上吉士粉同忌廉，不會過甜，好食！

趁著下班的空閒時間，便與女朋友約會並享用晚餐，我特別挑選了西環這間法國菜，皆因其環境氣氛是甚為浪漫，非常合適情侶拍拖，而菜式方面當日我們便選擇了 6 Course Set 以互相分享品嚐。 餐廳分開一、二樓兩層，一樓是設有大廳和户外位置的，而其整體裝潢設計上是使用了木系、畫報、溫馨黃燈等作配襯，窗外更可觀賞西環碼頭海景，令整個用餐過程既溫馨又放鬆。 餐前麵包餐前麵包是法國包，其口感是外層金黃酥脆，內裡鬆軟鮮香，配搭上牛油食用是更添滋味。 Monte del Few Bardoltino Chris retro Rosé DOC Italy 2013此款酒色的色澤是偏向粉紅的，光是外觀已甚是吸引。飲用味道則酸中帶甜，並擁有較出眾的玫瑰花香氣，是款酒精度相對濃烈且開胃的酒款。 凱撒沙律凱撒沙律用上羅馬生菜、溏心蛋、鯷魚、煙肉製作而成，並再特意灑上芝士粉調味，咀嚼口感鹹香爽脆，嫩滑鮮味。 牛油果虎蝦沙律此道沙律同樣用上羅馬生菜，並再配搭虎蝦、牛油果而成，食用時蔬菜爽脆清甜，蝦肉濃郁彈牙，牛油果則獨特即化，是一款口感豐富的開胃前菜。 雞肝豬肉批廚師特意將豬肉混合於雞肝之中，目的令其不會容易鬆散

工作了一整星期，是時候Chill一下享受一下了。這天來了西環一帶逛逛，在海邊發現了這間兩層高的西餐館，格調優雅舒適迷人便入內試試。午餐的價錢也算合理，食物味道頗有水準。先來自家製麵包，外皮香脆有咬口，內裡軟綿綿的，塗上牛油再入口，美味😋香煎魷魚仔配西班牙肉腸，沒想過前菜也這麼大份，魷魚仔煮得入味，濃濃的醬汁完全被吸收，煙煙韌韌香氣十足，內有多片西班牙肉腸，薄薄的非常惹味，是一道開胃的前菜。主菜選了是日精選鮮魚，大大件魚皮烤得金黃脆身，魚肉嫩滑還保留了大量魚汁👍🏻蕃茄醬汁酸度適中，更有片片西班牙肉腸混合其中，薯蓉配菜也超級綿滑，質感如雪糕般易入口，最後以咖啡作結，望著大海享受午餐，完美的一天啊！

中學兼住西環的好友自從嫁了之後就少了見面，最近她生日，她說想返西環見面，我就請她去海傍的法國餐廳吃晚飯！餐廳有上下兩層，下層可以感受海風，閣樓就不得了，可以望到維港夜景！坐下之後來了法包籃，外脆麥味香，牛油也不會遮掩其香味。今晚點了set dinner，有6道菜，好豐富！Caesar Salad配料跟平時的有點不一樣，除了沙律菜、芝士粉、煙肉粒和麵包粒還有條小魚仔，一試原來是西洋咸魚anchovy！還有半熟蛋，為清淡的沙律帶來了味覺小衝擊！前菜可選2款！法式煎田雞腿田雞最好吃當然是腿部，啖啖肉，又滑又香！田雞腿先泡過油的，帶點焦脆，好juicy！配有牛油薯蓉，香滑無比！法式香草焗田螺同樣以牛油薯蓉墊底，田螺肉好大粒，滿滿牛油香草味，田螺肉味濃，正宗法式味道！這晚的湯是薯仔蓉湯，質地濃厚不膩，打得非常滑！炭燒美國特級肉眼扒主菜我選了牛扒，因為肉本身高質素，炭燒更有風味，肉汁鎖住，牛味濃郁，肉質腍，加上燒汁好夾！朱古力幕絲蛋糕女生很期待這天的甜點是什麼，超濃的，中間還有朱古力脆皮！

So I found this restaurant via openrice.  Rating and foods were looking good so I reserved for our anniversary.  I requested window seat and they were able to arrange which is nice.  The only complain I have is the space, I also saw someone mentioned.  I get it space is precious in HK but there were so many empty table, I don't know if this place always packed or we were just lucky.  I thought the restaurant can arrange a bigger table for us.  I feel like eating French food at a fancy cha chaan

堅尼地城不嬲都有好多環境又好，食物質素又高嘅餐廳。今日嘅食呢間係海旁嘅法國菜，望住個海景食晚餐。餐廳提供一個六道菜嘅dinner set，我個朋友一人叫咗一個，可以試吓唔同嘅沙律同前菜。首先嚟嘅餐前麵包，我好欣賞餐廳整到非常熱，一搽牛油已經即溶。凱撒沙律同牛油果虎蝦沙律，雖然係普通嘅凱撒沙律，但係加咗鯷魚、煙肉、流心蛋，令到沙律比預計更加豐富。牛油果虎蝦沙律就加咗少少芝士醬，虎蝦亦都輕輕烤過，製作認真。第一道上嘅前菜係雞肝豬肉批，上面擺咗酸瓜平衡口感，再用粗鹽吊味，味道新奇值得一試。香煎魷魚仔配西班牙肉腸，鮮甜嘅魷魚同辣肉腸味道非常配合，開胃之選。法式煎田雞腿，如果你克服到心理障礙嘅話，田雞腿其實比雞髀更加啖啖肉，肉質更加鮮嫩，餐廳亦都煎到好香。前菜當然唔少得典型嘅法式香草焗田螺配薯蓉啦，田螺好彈牙有咬口，薯蓉亦都煮到好creamy。是日餐湯係南瓜忌廉湯，餐廳用嘅餐具都會寫上不同嘅法文字句。主菜我哋就叫咗法式烤乳豬同埋炭燒美國特級肉眼扒，兩個主菜都非常有份量，絕對會食得飽。肉眼扒雖然大塊，但係燒得均勻，有少少炭燒焦香味，同時保留到Juicy 嘅肉質同濃烈嘅牛肉味。坦白講我本身以為法式烤

星期六返半日，放工都差唔多兩點，決定去堅尼地城海旁Hea下，食下好嘢。揀咗Bistronomique，食佢嘅 Set Lunch。有前菜，主菜，有嘢飲都係二百零蚊。最緊要係有個無敵海景。我哋兩個人，叫咗唔同嘅主菜同頭盤去share：揀咗牛油果虎蝦沙律同安格斯牛肉他他。虎蝦雖然唔係好大隻，但燒到外邊有炭香，入邊又唔算全熟，配牛油果同少少甜酸汁，好Fresh好開胃。生牛肉他他，上邊放生鵪鶉蛋，撈埋食更加滑溜。牛肉味又濃，裏邊有生洋蔥粒，配少少酸芥茉，好好食。主菜就叫咗是日廚師精選，係醬烤BB豬肋骨及燒原隻法國春雞。醬烤BB骨係用BBQ醬烤焗，BB骨比一般嘅大豬肋骨再嫩一啲，醬汁都好入味，幾乎唔使咬就可以吞🤪法國春雞烤到個皮好脆，由於係春雞，皮下幾乎冇脂肪，連皮食都冇負擔。雞胸肉亦都鮮嫩多汁，而髀就啱啱熟，配上用雞腔裏面嘅肉汁煮成嘅汁同薯仔一齊食，滋味無窮😋最後配返個凍檸茶，加埋個海景，坐到唔捨得走。

今個週末難得天氣咁好，朋友揸車就去咗西環海邊呢間餐廳食午餐，餐廳有兩層，下層樓底高些，景觀開陽D。前菜叫咗個安格斯牛肉他他，牛肉處理得好好，有少少洋蔥粒，中間有隻生鵪鶉蛋，入口非常之滑溜，有少少檸檬汁中和下，食落去非常之清爽。另外叫咗個燒虎蝦沙律，隻蝦出奇地係新鮮製作，非常之香脆，仲有少少炭香味，配埋底嘅牛油果生菜同埋橙色嘅汁，味道都好清新。食西餐都會有餐包，呢度嘅餐包外皮非常香脆，中間又軟熟，上枱嘅時候仲係熱辣辣。主菜叫咗是日精選豬肋條，豬肋骨調味類似BBQ醬汁，所以好香濃，最緊要豬肉處理得非常好，一刀切落去，基本上已經骨肉分離，豬肉軟身，帶少少根位，旁邊嘅椰菜絲有少少柚子醋汁處理過，所以味道好清新，另外兩個焗薯連皮細細粒，出奇地有薯味。朋友主菜叫咗個原隻燒法國春雞，燒春雞上枱份量都幾大份，外皮烤得香脆，咬開肉依然好多汁，食嘅時候點埋碟底嘅肉汁，味道啱啱好，少少鹹味，但係又唔會太濃。之後你仲可以叫茶及咖啡，我叫咗杯凍檸茶，食飽坐喺度望住出面嘅藍天白雲，心情非常之舒服。其實夏天咁熱，見啲人喺出面揸住杯咖啡睇到都覺得熱啊！不如坐低嘆住冷氣飲嘢好過啦！呢度絕對係是中午brunch 首選。

如果想遠離煩囂，感受法國氣色，望住海景食法國菜，堅離地城呢間海邊餐廳會係一個唔錯嘅選擇。今晚我哋叫咗六道菜嘅晚餐，好好享受久違嘅歐洲風味。由香口嘅牛油果虎蝦沙律同清新嘅凱撒沙律展開今晚嘅序幕。前菜選擇多又特別，有雞肝豬肉批，法式煎田雞腿，而我特別鍾意嘅係香煎魷魚仔配西班牙肉腸，因為夠入味夠彈牙。同埋法式香草焗田螺，造型精緻，香草加田螺帶出法國傳統味道。主菜我哋就揀咗法式烤乳豬，真係成隻豬BB腳咁上，炸得非常香脆，以柚子醬吊味，配以酸菜作伴菜。另一道主菜係炭燒美國特級肉眼扒，肥瘦均勻，脂肪喺口腔入面一邊融化，一邊帶出肉眼扒嘅滋味討好味蕾。最後係我好重視嘅甜品。法國南部嘅Cenelé 同清新嘅Lemon Tart。廚師好似知我心諗咩咁，每款蛋糕以雪糕球伴碟，食到幸福嘅味道。